Post-terminal

İndi bu hoqqa çıxıb: Pulumuz var, xərcləmək olmur

1635
(Yenilənib 14:43 15.05.2018)
"Post-terminaldan istifadə etməməyə görə cərimənin müəyyənləşdirilməsi ilə bağlı təkliflərimizi hökumətə təqdim etmişik"

Xalid Məmmədov, Sputnik Azərbaycan

BAKI, 14 may — Sputnik. Mağazalarda post-terminalların olmaması, yaxud işlək vəziyyətdə olmaması ilə bağlı mütəmadi şikayətlər meydana çıxır. Hətta ötən ay vergilər nazirinin müavini Sahib Ələkbərov da jurnalistlərə açıqlamasında bu problemi dilə gətirmişdi.

"Böyük hotellərin, ticarət mərkəzlərinin əksəriyyətində də post-terminallar mövcuddur. Kiçik hotellər və mağazalarda bu və ya digər bəhanələr əsas gətirilərək bildirilir ki, pos-terminal yoxdur. Amma axtaranda piştaxtanın arxasında pos-terminal görürük. Bu pos-terminallar işləməlidir" — deyən nazir bildirmişdi ki, pos-terminaldan imtina olunmasına görə qanunvericilikdə müəyyən tələblər qoyulmalıdır.

Vüqar Bayramov
Vüqar Bayramov

Məsələ ilə bağlı iqtisadçı-ekspert Vüqar Bayramov Sputnik Azərbaycan-a açıqlamasında deyib ki, Vergi Məcəlləsində post-terminalların quraşdırılmamasına görə hər hansı bir cərimə və cəza nəzərdə tutulmayıb: "Nəticədə, məsələn, vətəndaş plastik kartla ödəniş etmək istəyir, amma, ona plastik kartla ödəniş imkanı yaradılmır və istehlakçının hüququ pozulur".

İqtisadçı əlavə edib ki, bu, istehlakçınını hüququnun pozulmasına gətirib çıxaran bir səbəbdir: "Xeyli sayda istehlakçı bizə müraciət edir ki, bəzi hallarda nəinki kiçik restoranlarda, Bakının tanınmış restoranlarında belə, plastik kartla ödəniş qəbul edilmir. Nəticədə yaxınlıqdakı bankomatlardan nağd pul çıxarmağa məcburdurlar. Bəzi hallarda isə həmin kartın məxsus olduğu bank olmur və bu da istehlakçıların əlavə ödəniş etməsinə gətirib çıxarır".

Ekspertin fikrincə, qaydaların ağırlaşdırılmasına və post-terminalların bütün satış, xidmət və ticarət obyektlərini əhatə etməsinə nail olunmasına ehtiyac var: "Bir müddət öncə post-terminallardan istifadə etməməyə görə cərimələrin müəyyənləşdirilməsi ilə bağlı təkliflərimizi hökumətə, o cümlədən Vergilər Nazirliyinə təqdim etmişik".

V.Bayramov vurğulayıb ki, bir sıra biznes subyektləri post-terminalların quraşdırılmasından imtina edir: "Çünki post-terminaldan istifadə biznes üçün gəlirlərin qeydiyyata alınması deməkdir. Bəzi hallarda sahibkarlar nağd pula üstünlük verirlər ki, vergidən yayınsınlar. Post-terminallar nəticə etibarı ilə sahibkarların fəaliyyətinin şəffaflaşmasına və onların vergiyə cəlb edilməsinə zəmin yaradır. Amma çox təəssüf ki, bir sıra sahibkarlar, xüsusən vergi ödəməkdə maraqlı olmayan sahibkarlar post-terminalların quraşdırılmasında maraqlı deyillər".

İqtisadçının sözlərinə görə, böyük-kiçikliyindən asılı olmayaraq, bütün hotel, xidmət və satış obyektlərində post-terminalların quraşdırılması imkan verəcək ki, həmin qurumların dövriyyəsinə nəzarəti gücləndirmək, vergidən yayınmasının qarşısını almaq mümkün olsun. Və nəticə etibarı ilə dövlət büdcəsinə daha çox vəsaitin cəlb edilməsi reallaşsın.

Bayramovun qənaətincə, bu, digər tərəfdən istehlakçılara ödəniş imkanı verəcək: "Ölkəyə gələn turistlərin sayı artıb. Heç də bütün turistlər bahalı hotellərdə qalmır. Kiçik hotellərdə qalan turistlərin ödənişlə bağlı problemləri var. Onların bir qismi plastik kartla ölkəyə gəlir və bununla ödəniş həyata keçirə bilmirlər. O baxımdan, post-terminalların hər yerdə olmaması həm də ölkəyə gələn turistlərin sayına təsir göstərir. Bu, turizmin inkişafını əngəlləyən faktorlardan biridir".

"O baxımdan büdcəyə daxil olmaların artırılması, turistlərin ölkəyə gəlməsinin təşviq edilməsi, vergidən yayınmanın qarşısının alınması, biznesdə şəffaflığın təmin edilməsi, istehlakçının hüquqlarının qorunması baxımından post-terminalların daha çox və əksər obyektləri əhatə etməsi məqsədəuyğundur", — deyə ekspert bildirib.

Bu sahədə cərimələrin tətbiq edilməsinə gəlincə, ekspert bildirib ki, post-terminaldan istifadə etməməyə görə cərimələr, kassa aparatından istifadə etməməyə görə müəyyənləşdirilmiş cərimələrlə eyniləşdirilə bilər.

Qeyd edək ki, vergilər nazirinin müavini Sahib Ələkbərov bunları da qeyd edib: "Azərbaycanda turizm inkişaf edir. Turist özü ilə pul torbası gəzdirməlidir? Əlbəttə, kartlardan hər yerdə istifadə olunur, Azərbaycanda da istifadə olunmalıdır. Son 1-2 ildə ölkədə pos-terminalların sayı bir qədər azaldı. Azalma bank sistemində olan dəyişikliklərlə bağlıdır. Bağlanan banklar oldu".

Pullu ərəb
Karikatura
Pullu ərəb

"Nağdsız hesablaşmalara keçidin müəyyən alternativi yoxdur. Kimsə düşünür ki, geri dönüş olacaq, bu, mümkün deyil. Dünya bir istiqamətə gedir, biz bu istiqamətin əksinə getməyəcəyik. Bu, qanunun tələbidir, dövlət başçısının qarşımıza qoyduğu tələbdir. Biz çalışmalıyıq ki, istehlakçıların hüquqları qorunsun", — deyə nazir müavini vurğulayıb.

1635
Teqlər:
vergilər nazirinin müavini Sahib Ələkbərov, post-terminal, nağdsız, alış-veriş, hotel, mağaza, ödəniş, Vergi Məcəlləsi, Vergilər Nazirliyi, pul, ekspert, iqtisadçı, Vüqar Bayramov, turist
Əlaqədar
Daha bir nəqliyyat növü elektron gediş kartlarına keçir
Bank kartlarından pul çıxarılması dayandırıldı
Azərbaycanda nağd alış-verişə son qoyula bilər
Pensiyaların da nağd qaydada ödənişi qadağan olunur
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

10
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

10
Teqlər:
Nəsimi rayonu, Bakı şəhəri, sahibkarlıq subyektləri
Neft buruğu, arxiv şəkli

Azərbaycan neftinin qiyməti son aylar ərzində rekord həddə çatıb

26
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 4 dekabr — Sputnik. Azərbaycan neftinin qiyməti bahalaşır. Sputnik Azərbaycan xəbər verir ki, "Azeri Light" markalı neftin bir barelinin qiyməti 0,60 dollar artaraq 49,48 dollar təşkil edib.

“Brent” markalı neftin bir barelinin qiyməti 1,02 dollar artaraq 49,73 dollar, “Light” markalı neftin bir barelinin qiyməti isə 0,83 dollar bahalaşaraq 46,47 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

26
Teqlər:
dollar, 50 dollar, barel, neft
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0