Meyvə tərəvəz bazarı

Millət vəkilinin təklifi etirazlara səbəb oldu: "Bu, bahalaşmaya çağırışdır"

1451
(Yenilənib 01:34 19.02.2018)
"Kənd təsərrüfatının vergiyə cəlb edilməsi qəti şəkildə məqsədəuyğun deyil"

Xalid Məmmədov, Sputnik Azərbaycan

BAKI, 16 fevral — Sputnik. "Son 15 ildə büdcə proqnozlarının yerinə yetirilməməsi faktı yoxdur. Vergi yükünü yox, vergi ödəyicilərinin sayını artırmaq lazımdır. Azərbaycanda əhalinin 35-36%-i kənd təsərrüfatı sahəsində çalışır. Biz də bu sahəni vergidən azad etmişik. Onların vergiyə cəlb edilməsi sahəsində müəyyən addımlar atmalıyıq".

Акадекмик Зияд Самедзаде
© Sputnik / Murad Orujov
Акадекмик Зияд Самедзаде

Bunu fevralın 13-də Bakıda "Vergilər. Şəffaflıq. İnkişaf" mövzusunda keçirilən konfransda Milli Məclisin İqtisadi siyasət, sahibkarlıq və sənaye komitəsinin sədri Ziyad Səmədzadə deyib.

Məsələ ilə bağlı Sputnik Azərbaycan-a danışan iqtisadçı-ekspert Vüqar Bayramov deyib ki, Azərbaycanda aqrar sektorun vergidən azad edilməsi ilə bağlı xeyli müddətdir güzəştlər tətbiq olunur. Aqrar sektor Azərbaycanda vergi güzəştlərindən istifadə edən sahələrdən biridir.

"Nəzərə alaq ki, bu sahə Azərbaycan üçün məşğulluğun təminatı baxımından vacibdir. Azərbaycan məşğul əhalisinin təxminən 37 faizi kənd təsərrüfatında çalışır. Bu nöqteyi-nəzərdən kənd təsərrüfatına tətbiq edilən vergi güzəştləri bu sektorun inkişafının stimullaşdırılması baxımından vacib idi. Düşünürəm ki, bu vaciblik hələ də qalmaqdadır", — ekspert bildirib.

Vüqar Bayramov
Vüqar Bayramov

İqtisadçı kənd təsərrüfatının vergiyə cəlb edilməsinin tərəfdarı olmadığını qeyd edib: "Fermerlər torpaq vergisi istisna olmaqla digər vergilərdən azaddır. Dövlət büdcəsindən aqrar sektorda fəaliyyət göstərən fermerlərə subsidiyalar verilir. Strateji məhsul istehsal edən fermerlər dövlət büdcəsindən 2 dəfə çox subsidiya almaq imkanlarına malikdirlər. Bu da birbaşa güzəştdir, maliyyə yardımıdır".

"Bütün bunların kontekstində və xüsusən də qeyri-neft sektorunun inkişafının prioritet olduğunu, ölkəmizin qeyri-neft ixracatında aqrar sektorun üstünlük təşkil etdiyini nəzərə aldıqda kənd təsərrüfatının vergiyə cəlb edilməsi arzuolunan deyil", — V.Bayramov vurğulayıb.

Onun fikrincə, əgər kənd təsərrüfatı vergiyə cəlb olunarsa və vergi güzəştləri ləğv edilərsə, bu, bir tərəfdən daxili bazarda kənd təsərrüfatı məhsullarının qiymətinin bahalaşması ilə nəticələnə bilər: "Çünki bu halda fermerlərin xərci artacaq. Onların xərcləri artıdığı üçün də yerli istehsal edilən məhsulların daha xərcli olmasına və yerli məhsulların qiymətinin bahalaşmasına gətirib çıxaracaq. Bu kontekstdə vergi güzəştlərin ləğv edilməsi qiymət artımlarına səbəb olacaq".

Ekspertin sözlərinə görə, bu, digər tərəfdən qeyri-neft ixracatına da mənfi təsir göstərəcək: "Çünki bu halda Azərbaycanın qeyri-neft ixracatı bahalaşacaq və bahalaşdığı üçün rəqabət aparmaq imkanları məhdudlaşacaq. Nəticədə Azərbaycanın dünyada rəqabət imkanları xeyli zəifləyəcək. Bu kontekstdən də aqrar sektorun vergiyə cəlb edilməsi arzuolunan deyil".

"O baxımdan, yerli istehsalın genişləndirilməsini, idxaldan asılılığın aradan qaldırılmasının prioritet olduğunu, qeyri-neft sektoru ixracatının artırılması yolu ilə neftdən asılılığın aradan qaldırılmasının əsas hədəf olduğunu nəzərə aldıqda kənd təsərrüfatında vergi güzəştlərinin saxlanmasına ehtiyac var. İndiki halda aqrar sahədə tətbiq edilən güzəştlərin ləğvi arzuolunan deyil", — ekspert əlavə edib.

Azərbaycan Dövlət İqtisad Universitetinin professoru Elşad Məmmədov
© Photo : ŞƏXSİ ARXİV
Azərbaycan Dövlət İqtisad Universitetinin professoru Elşad Məmmədov

Azərbaycan Dövlət İqtisad Universitetinin (UNEC) professoru Elşad Məmmədov da Sputnik Azərbaycan-a açıqlamasında deyib ki, hazırkı şəraitdə və ümumiyyətlə, yaxın və orta müddətli perspektivdə Azərbaycanda kənd təsərrüfatı sektorunun vəziyyəti bu sahənin vergilərə cəlb olunmasını mümkünsüz edir.

E.Məmmədov bildirib ki, bugünkü şəraitdə və perspektivdə hökumət kənd təsərrüfatını milli iqtisadiyyatın şaxələndirilməsi istiqamətində ən prioritet sahələrdən biri kimi götürür: "Bununla yanaşı, kredit və investisiyalarla təminatı baxımından kənd təsərrüfatı sahəsinin vəziyyəti o dərəcədə yaxşı deyil ki, hələ buraya fiskal yük də əlavə edilsin".

Professor hesab edir ki, vergi yığımının artırılması üçün daha mütərəqqi metodlar mövcuddur: "Bu, ilk növbədə vergi sistemində proqressiv əsaslara keçidin təmin olunmasından keçir. Yəni yüksək mənfəətlə işləyən təşkilatların, fiziki və hüquqi şəxslərin vergi prosesinə daha yüksək faizlərlə cəlb olunması kimi məsələlər gündəliyə çıxarılmalıdır, nəinki ölkə iqtisadiyyatı üçün strateji sahə olan kənd təsərrüfatının vergi sisteminə cəlb olunması".

"O baxımdan hesab edirəm ki, vergi siyasəti ölkədə təkmilləşdirilməlidir. Fiskal siyasətdə ciddi struktur dəyişikliklərinə nail olunmalıdır. Lakin kənd təsərrüfatının vergiyə cəlb olunması məqsədəuyğun deyil", — E.Məmmədov deyib.

Onun sözlərinə görə, hazırda həm daxili bazarın təminatı, həm də ixrac potensialı baxımdan kənd təsərrüfatı qeyri-neft sektorunun prioritet istiqamətlərindən biridir: "Nəzərə almaq lazımdır ki, kənd təsərrüfatı həm də idxalın əvəzolunması kimi prioritet bir siyasətin mərkəzində dayanır".

UNEC professorunun qənaətincə, kənd təsərrüfatının inkişafının stimullaşdırılmasına doğru addımlar atılmalıdır: "Bu istiqamətdə dövlətin dəstəyi, kredit resursları ilə təminatın artırılması, investisiya axınlarının bu sahəyə yönləndirilməsi, pul, faiz siyasətinin yumşaldılması lazımdır. Ona görə də kənd təsərrüfatının vergiyə cəlb edilməsi qəti şəkildə məqsədəuyğun deyil".

1451
Teqlər:
milli iqtisadiyyat, vergi ödəyiciləri, büdcə proqnozları, Sputnik Azərbaycan, Elşad Məmmədov, Ziyad Səmədzadə, güzəşt, kənd təsərrüfatı, UNEC, professor, ekspert, iqtisadçı, Vüqar Bayramov, vergi, Azərbaycan
Əlaqədar
Kənd təsərrüfatına dair qanunda dəyişiklik edildi
Azərbaycanda kənd təsərrüfatının inkişafı üçün daha bir addım atıldı
Bu ölkənin kənd təsərrüfatı kooperativlərdən asılıdır
Kənd təsərrüfatının inkişafı ilə bağlı əlavə tədbirlər görüləcək
Kənd təsərrüfatı nazirindən ətin qiymətilə bağlı qəribə açıqlama
Azərbaycan və Macarıstan kənd təsərrüfatı sahəsində əməkdaşlıq edəcəklər
Azərbaycan manatı, arxiv şəkli

Qonşularımız pullarını "öldürürlər", biz - vergini. Malı kimə satmalı?

290
(Yenilənib 22:02 27.11.2020)
Ekspert: "Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə"

Xalid Məmmədov, Sputnik Azərbaycan

BAKI, 27 noyabr — Sputnik. Nazirlər Kabineti "Malların ixrac qeydi ilə satışı Qaydası"nı təsdiq edib. Sputnik Azərbaycan xəbər verir ki, bu Qayda Azərbaycanda istehsal olunmuş və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.

İstehsalçı ixrac üçün nəzərdə tutulan məhsulu ixracatçıya təqdim edərkən ƏDV-yə sıfır dərəcə ilə cəlb olunur.

Bəs bu addım Azərbaycanda ixracın və yerli istehsalın artmasına, sahibkarlara dəstək verəcəkmi?

İqtisadçı, "Respublikaçı Alternativ" Partiyasının icra katibi Natiq Cəfərli Sputnik Azərbaycan-a deyib ki, bu addım ixracın stimullaşdırılması üçün atılıb: "Amma bununla yanaşı, bir sıra paralel addımlar da atılmalıdır ki, ixracın stimullaşdırılması üçün qarşıya qoyulan hədəflərə çatmaq mümkün olsun. Burada bir neçə problem mövcuddur.

Problemlərdən biri odur ki, son bir il ərzində qonşu ölkələrin milli valyutalarında kifayət qədər ciddi ucuzlaşma prosesi baş verib. Əsasən də bizim əsas ticarət tərəfdaşımız olan Türkiyə ilə Rusiyada lirə və rubl kifayət qədər ciddi şəkildə dəyərdən düşüb. Gürcüstanda da lari il ərzində 15-18 faiz ucuzlaşıb. Bu da idxalı stimullaşdırır, yerli istehsal və ixracat ilə bağlı müəyyən əngəllər yaradır".

"Dünyada gedən valyuta müharibələrini də nəzərə alsaq, görürük ki, bütün ölkələr, əsasən də ixracatçı ölkələr, milli valyutalarını bir qədər ucuzlaşdırmağa çalışır. Yəni bunun hesabına ixracatı artıra bilsinlər deyə. Digər bir institusional problem odur ki, bizim qeyri-neft ixracımız hələlik çoxşaxəli modelə keçməyib. Son dövrlərdə qeyri-neft məhsulları ixrac etdiyimiz ölkələrin sırasında Rusiya öndədir. Burada çoxşaxəli modelə keçməliyik, yəni yeni bazarlara çıxış imkanları kifayət qədər məhduddur", - deyə ekspert qeyd edib.

O bildirib ki, həmişə ixracda hədəf kimi biz qonşu ölkələri götürmüşük: "Amma yeni bazarlara çıxış əldə etsək, Azərbaycanın əsasən də aqrar sektorda olan məhsullarını daha baha qiymətə sata bilərik. Bununla bağlı da işlər görülməlidir. Düzdür, müəyyən işlər aparılıb, Azərbaycanın xaricdə ticarət nümayəndəlikləri açılıb, amma yetərli deyil. Nazirlər Kabinetinin bu addımı təqdirəlayiqdir, stimullaşdırıcı addımdır. Lakin paralel olaraq bir çox problemlər də aradan qaldırılmalıdır ki, ixracın stimullaşdırılması ilə bağlı addımlar effekt verə bilsin".

"Bəzi ixracatçılar var idi ki, daxili bazardan topladıqları məhsulları xarici bazara çıxardırdı və daxili bazar amilinə görə şəxs ƏDV ödəməyə məhkum idi. İndi daxili sənədləşmədə 18 faizlik ƏDV ödənilməyəndə bunun ixracat ilə bağlı müəyyən stimullaşdırıcı təsiri olacaq", - deyə ekspert əlavə edib.

Dövlət Vergi Xidmətinin şöbə rəisi Elnur Yusifov bu qərar ilə bağlı şərhində deyib ki, "Malların ixrac qeydi ilə satışı Qaydası"nda ixrac qeydi ilə satış həyata keçirən şəxsə (istehsalçıya) və ixrac qeydi ilə alınan malların ixracını həyata keçirən şəxsə (ixracatçıya) dair tələblər, malların ixrac qeydi ilə satışına aid edilməyən şəxslər və əməliyyatlara nəzarət, ixrac qeydi ilə malların ixracının həyata keçirilməsi prosesinə nəzarət tədbirləri öz əksini tapır:

"Bu imkandan yararlanmaq üçün istehsalçı və ixrac qeydi ilə alınan malların ixracını həyata keçirən şəxs (ixracatçı) Qaydada onlar üçün müəyyən edilmiş tələblərə cavab verməlidirlər. Qaydanın 3-cü hissəsində müəyyən edilmiş şəxslər və əməliyyatlar istisna olmaqla, Qayda ölkə ərazisində qeyri-neft məhsulları istehsal edən bütün istehsalçılara və ixracatçılara şamil olunur. İstehsalçı ixrac üçün nəzərdə tutulan məhsulu ixracatçıya təqdim edərkən Vergi Məcəlləsinin 165.1.9-cu maddəsinə müvafiq olaraq ƏDV-yə 0 dərəcə ilə cəlb olunur".

Şöbə rəisi qeyd edib ki, bu mexanizm ixracatçının ixrac edəcəyi malların alışına görə ödəməli olduğu ƏDV-nin məbləği qədər dövriyyə vəsaitinə qənaət etməsinə şərait yaradır və inzibatçılıq yükünü azaldır.

Qeyd edək ki, bu Qayda Nazirlər Kabinetinin 2020-ci il 14 noyabr tarixli qərarı ilə təsdiq edilib. İxrac qeydi ilə satılan mallara Azərbaycan ərazisində istehsal olunan qeyri-neft məhsulları aid edilir.

"Malların ixrac qeydi ilə satış qaiməsi"ndə satışı həyata keçirilən malların kodu, adı, ölçü vahidi və miqdarı əks olunur. "Malların ixrac qeydi ilə satış qaiməsi"ndə istehsalçı tərəfindən satılmış malların 3 ay müddətində ixrac edilməsi şərti qeyd edilir.

Bu Qaydanın tələblərinə əməl olunmasına nəzarət Dövlət Vergi Xidməti tərəfindən həyata keçirilir.

290
Teqlər:
ekspertlər, Elnur Yusifov, Natiq Cəfərli, stimul, sıfır dərəcə, ƏDV, ixracatçı, ixracat, ixrac
Edvgerial saytın istifadəçisi

ƏDV-nin geri alınmasında çətinliklə üzləşənlər etməli?

18
(Yenilənib 21:08 27.11.2020)
Vətəndaşlar digər yaradılmış müxtəlif tətbiqlərdən istifadədə diqqətli olmalı, həmin tətbiqləri telefonlara yükləyərkən onların yaradılma məqsəd və şərtləri ilə tanış olmalıdırlar.

BAKI, 27 noyabr — Sputnik. Son günlər vətəndaşlar tərəfindən "ƏDV geri al" layihəsi ilə bağlı müxtəlif tətbiqlər və həmin tətbiqlərdən istifadə edilən zaman ƏDV-nin geri alınmasında çətinliklərlə üzləşmələri barədə müraciətlər daxil olur.

İqtisadiyyat Nazirliyi yanında Dövlət Vergi Xidmətindən Sputnik Azərbaycan-a bildiriblər ki, vətəndaşlar ticarət və ictimai iaşə obyektlərində ödəmələr zamanı hesablanmış ƏDV məbləğinin qaytarılması üçün www.edvgerial.az saytı və "BirBank" tətbiqindən istifadə edə bilərlər. Rəsmi elan edilmiş bu sayt və "Birbank" tətbiqi ilə bağlı hər hansı çətinliklər mövcud deyildir və ödənilmiş ƏDV-nin geri alınması üçün qeyd edilən sayt və tətbiqdən istifadə edilməsi tövsiyə edilir.

Vətəndaşlar digər yaradılmış müxtəlif tətbiqlərdən istifadədə diqqətli olmalı, həmin tətbiqləri telefonlara yükləyərkən onların yaradılma məqsəd və şərtləri ilə tanış olmalıdırlar.

18
Teqlər:
Dövlət Vergi Xidməti, İqtisadiyyat Nazirliyi, problemlər, tətbiq, ƏDV geri al, ƏDV
Uşaqlar, arxiv şəkli

Müharibədən əziyyət çəkmiş uşaqlara göstərilən sosial-psixoloji dəstək gücləndiriləcək

0
(Yenilənib 23:15 27.11.2020)
Sənəddə Ermənistan–Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.

0
Teqlər:
psixoloji yardım, sosial, reabilitasiya, əziyyət, müharibə, uşaqlar