Vergilər naziri Mikayıl Cabbarov

Vergilər nazirindən sərt xəbərdarlıq: "İki şeyə çarə yoxdur"

2175
(Yenilənib 14:02 13.02.2018)
Mikayıl Cabbarov: "Nə qədər gec deyil, bu əməllərinizi dayandırın, yoxsa Vergilər Nazirliyi bu əməlləri dayandırmaq üçün fəaliyyətə başlayacaq"

BAKI, 13 fevral — Sputnik. Vergilər naziri Mikayıl Cabbarov Vergilər Nazirliyinin təşkilatçılığı ilə keçirilən "Vergilər. Şəffaflıq. İnkişaf" konfransında vergidən yayınan şirkətlərə xəbərdarlıq edib. Sputnik Azərbaycan-ın məlumatına görə, Cabbarov tədbirdəki çıxışında Vergilər Nazirliyinin öz inkişafında böyük yol keçdiyini, bunun müsbət və mənfi tərəflərinin olduğunu deyib.

Eyni zamanda bildirib ki, bundan sonra vicdanlı vergi ödəyicisinə fərq qoyulacaq, onun səhv etmək haqqı olacaq: "Biz vergi uçotunun bərpası ilə məşğul olacağıq. Vergi ödəyicilərini tərbiyə edəcəyik. Bir çox dünya ölkələrində olduğu kimi bizdə də qanunvericilikdəki boşluqdan istifadə edərək vergidən yayınırlar. Bəzi şirkətlər hətta vergidən yayınmanı yaxşı bilən mütəxəssisləri işə götürürlər. Bizim bu barədə məlumatımız var. Nə qədər şirkət tanıyırıq ki, əmək haqqını düzgün göstərməyib. Bir gün vergi mütəxəssisi qapınızı döyəcək".

O, əhaliyə müraciətində vergilərin toplanması üçün mağazadan qəbz tələb etməyin önəmindən danışıb: "Marketkərdə kassa qəbzinin tələb edilməsi ayıb hesab edilməməlidir. Yəqin ki, evinizin altında olan dükanın satıcısı qonşunuzdur və ondan aldığınız çörəyə görə qəzb istəsəniz, onun xətrinə dəyə bilərsiz. Amma verginin nəyə xərcləndiyinə diqqət etsəniz, onda qəbzi tələb eməkdən çəkinməyəcəksiz. Vergi torpaqlarımızın qorunmasına, məktəblərin tikilməsinə, valideynlərini itirən gənclərin təhsilinə xərclənir".

"Vergidən yayınan sahibkarın dükanında qiymətlər digər dükanlara nisbətən aşağı olur. Bu isə qeyri-sağlam rəqabətə şərait yaradır", — deyə nazir əlavə edib.

Cabbarov ilk olaraq vergi orqanlarındakı problemlərin həllinə, şəffaf vergi sisteminin təkmilləşdirilməsinə davam edəcəklərini bildirib. O, peşəkar mühasiblərlərdən danışarkən deyib ki, bulanıq su qanunsuz yolla pul qazanmaq istəyən şəxslərə lazımdır.

"Vergi hesabatı verən mühasib səhv edə bilər, amma bilərəkdən hansısa məlumatların saxtalaşdırılması cinayətdir. Saxta məlumat daxil edən mühasib bilməlidir ki, illər keçsə də, o işlərə görə məsul şəxs məhz odur. Nə qədər gec deyil, bu əməllərinizi dayandırın. Yoxsa Vergilər Nazirliyi bu əməlləri dayandırmaq üçün fəaliyyətə başlayacaq".

Nazir, həmçinin bildirib ki, əsaslandırılmamış sanksiyalara yol verməmək üçün yoxlamalar vergi ödəyicisinin iştirakı ilə aparılacaq. Cabbarov Vergi Məcəlləsinə dəyişikliklərlə bağlı təkliflər yığdıqlarını da deyib və vergi ödəyicilərinə martın 31-nə qədər təkliflərini onlara göndərməyi rica edib.

Nazir ölkədə vətəndaşların vergiyə cəlb olunmasındakı yanlışlıqlara da diqqət çəkib: "Azərbaycanda bəzi vergi ödəyiciləri vergiyə gəlirlərinə və xərclərinə görə deyil, dövriyyələrinə uyğun cəlb edilib. Bu isə mənfi amildir. Mən vergitutma bazasının genişləndirilməsinin tərəfdarıyam. Vicdanlı vergi ödəyicisi ilə qeyri-vicdanlı vergi ödəyicisi arasında fərq qoyulmalıdır".

"Vicdanlı vergi ödəyicisi səhv edə bilər və biz ona bir də bu səhvi təkrar etməməsi üçün dəstək olmalıyıq. Mən bir daha əmin oldum ki, dünyada iki şeyə çarə yoxdur: bir ölümə, bir də vergiyə" — Cabbarov vurğulayıb.

Sözügedən konfransda çıxış edən Milli Məclisin İqtisadi siyasət, sahibkarlıq və sənaye komitəsinin sədri Ziyad Səmədzadə isə son 15 ildə büdcə proqnozlarının yerinə yetirilməməsi faktının olmadığını deyib. O qeyd edib ki, vergi yükünü yox, vergi ödəyicilərinin sayını artırmaq lazımdır.

Komitə sədri kənd təsərrüfatında çalışan insanların da vergiyə cəlb olunmasının zəruriliyini qeyd edib: "Azərbaycanda əhalinin 35-36%-i kənd təsərrüfatı sahəsində çalışır. Biz də bu sahəni vergidən azad etmişik. Onların vergiyə cəlb edilməsi sahəsində müəyyən addımlar atmalıyıq".

2175
Teqlər:
vergilər naziri Mikayıl Cabbarov, mühasib, yoxlama, Vergilər Nazirliyi, vergi, şirkət
Əlaqədar
Bəydəmirli: “Vergi yığımını ölkədə bir qurum həyata keçirməlidir”
Toğrul: “Gömrük və vergi sisteminin birləşdirilməsi doğru addım olardı”
Bələdiyyə vergiləri dəyişir: Xüsusi qanun hazırlanır
Benzinin aksiz vergisi 200 dəfə artdı
Dünya şöhrətli müğənni vergidən yayınmaqda şübhəli bilinir
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

10
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

10
Манаты и рубли разных номиналов, фото из архива

Rusiya rublu manat qarşısında geriləyib

10
Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

BAKI, 30 noyabr - Sputnik. Azərbaycan Mərkəzi Bankı (AMB) bu günə olan rəsmi valyuta məzənnələrini açıqlayıb.

Sputnik Azərbaycan-ın məlumatına görə, 2020-ci ilin noyabrın 30-na ABŞ dollarının məzənnəsi dəyişməyərək 1,7000 manat təşkil edib, 1 avronun məzənnəsi 2,0344 manata yüksəlib, 1 Rusiya rublunun məzənnəsi 0,0224 manata enib, 1 türk lirəsi isə 0,2164 manata yüksəlib.

Xatırladaq ki, 2020-ci ilin noyabrın 27-də ABŞ dollarının məzənnəsi 1,7000 manat təşkil edib, 1 avronun məzənnəsi 2,0271 manat, 1 Rusiya rublunun məzənnəsi 0,0225 manat, 1 türk lirəsi isə 0,2156 manat olub. 

10
Teqlər:
Azərbaycan Mərkəzi Bankı, dollar, avro, valyuta, Rəsmi məzənnə, manat, rubl

Azərbaycanda minaların partlaması nəticəsində 535 mülki şəxs ölüb

0
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

0