Azərbaycan manatı

"Mövcud siyasətimiz haqlı olaraq manatın bahalaşmamasını tələb edir"

321
(Yenilənib 13:53 26.01.2018)
"Biz artıq idxalı əvəzləyən və ixracyönümlü siyasət həyata keçiririk və manat nə qədər ucuz olarsa, bizim bu siyasəti dəstəkləyən yanaşma ola bilər"

Xalid Məmmədov, Sputnik Azərbaycan

BAKI, 26 yanvar — Sputnik. "Azərbaycan yenidən valyuta məzənnəsini aktiv şəkildə idarə etməyə başlayıb". "Report" xəbər verir ki, bu məlumatı "Fitch" beynəlxalq reytinq agentliyi qrupuna daxil olan "BMI Research" araşdırma şirkəti yayıb.

"BMI Research"in Avropa ölkələri üzrə risk Departamentinin rəhbəri Lukas duş Santuş bildirib ki, bu addım iqtisadiyyatda zəruri olan struktur dəyişiklikləri gecikdirir və valyuta ehtiyatlarının axıb getməsinə səbəb olur.

Valyuta alış satışı
© Sputnik / Vitaly Timkiv

"Dalğalı məzənnə rejimindən geri addım atılması neft və qaz qiymətlərinin artmasından sonra ölkənin yenidən köhnə üsullara qayıtmaq istədiyini göstərir. Bununla yanaşı, Beynəlxalq Valyuta Fondu (IMF) da Azərbaycan üçün çevik məzənnə siyasətinin vacib olduğunu bildirib. Fond bildirib ki, Azərbaycan 2016-cı ilin sonunda "McKinsey&Co." konsaltinq şirkəti tərəfindən hazırlanan iqtisadi islahatlarla bağlı yol xəritəsində nəzərdə tutulduğu kimi, manatın məzənnəsinin sərbəst üzməsinə imkan verilməlidir" — deyə sənəddə qeyd olunub.

Məsələ ilə bağlı Azərbaycan Dövlət İqtisad Universitetinin (UNEC) dosenti Elşən Bağırzadə Sputnik Azərbaycan-a danışıb. O deyib ki, bu yaxınlarda Mərkəzi Bankın 2018-ci ildə monetar siyasətlə bağlı bir bəyanatı olub: "Bu bəyanatda Mərkəzi Bank çevik məzənnə siyasəti yürüdəcəyini və bu siyasətin davam edəcəyini bildirib. Amma burada bir məqamı qeyd edim ki, 2018-ci ildə neftin qiymətlərinin əvvəlki səviyyələrə gəlməsi gözlənilmir. Bu, birmənalı belədir. Proqnozlaşdırılan siyasi-iqtisadi proseslər də bunu deməyə əsas verir. Ona görə də Azərbaycanın əvvəlki məzənnəyə doğru getməsini və ya əvvəlki məzənnə siyasəti aparmasını düşünmürəm".

Onun sözlərinə görə, digər tərəfdən artıq Azərbaycan iqtisadiyyatının inkişaf baxımından istiqaməti də dəyişib: "Biz artıq idxalı əvəzləyən və ixracyönümlü siyasət həyata keçiririk. Manat nə qədər ucuz olarsa, bizim bu siyasəti dəstəkləyən yanaşma ola bilər. Ona görə də manatın sabit saxlanılması və ya qiymətinin artırılması hazırda həyata keçirdiyimiz siyasətə zidd olardı. Baxmayaraq ki, manatın müəyyən qədər yenidən dəyərə minməsi ilə bağlı müəyyən təzyiqlər ola bilər, yəni neft gəlirləri ilə bağlı".

"Amma düşünürəm ki, Mərkəzi Bank buna getməyəcək. Çünki dövlətin də siyasəti ixracı artırmaq, ixracyönümlü siyasət həyata keçirmək istiqamətindədir. Kənd təsərrüfatına, turizmə investisiyalar qoyulur. O baxımdan manata yenidən ciddi şəkildə dəyər qazandırmaq yanlış olar. Bunu ən azından hökumətin siyasətini təhlil edərək deyə bilərəm" — E.Bağırzadə bildirib.

İqtisadçının fikrincə, əgər manatın məzənnəsi qalxarsa, Azərbaycana axın edən turistlərin sayında da azalma müşahidə olunacaq: "Ona görə də bizim bu siyasətimiz doğru siyasətdir. Çalışmaq lazımdır ki, manat sərbəst məzənnədə davam etsin və manatın çox da dəyərə minməsinə imkan vermək lazım deyil. Mərkəzi Bankın son bəyanatı da bunu göstərir. Manat dəyərləndiyi zaman müəyyən intervensiya siyasəti həyata keçirib bazara müdaxilə etmək olar. Çünki bizim real sektor ilə bağlı siyasətimiz bunu tələb edir".

Elşən Bağırzadə, UNEC-in dosenti, iqtisadçı ekspert
© Photo : Из личного архива Э. Багирзаде

İqtisadi Resursların Öyrənilməsi Mərkəzinin sədri Ruslan Atakişiyev isə Sputnik Azərbaycan-a açıqlamasında deyib ki, birbaşa üzən məzənnəyə keçilməsi manatın həqiqi dəyərinin üzə çıxmasına köməklik göstərər. Onun sözlərinə görə, manata daxili və xarici təsirlər gücləndiyi zaman milli valyutanın məzənnəsinin sabit saxlanılması üçün müdaxilələr edilir.

Qeyd edək ki, Mərkəzi Bankın 2018-ci il və ortamüddətli dövr üçün pul siyasətinin əsas istiqamətləri barədə bəyanatında deyilib ki, fiskal siyasətdəki nisbi yumşalmanı nəzərə almaqla Mərkəzi Bank 2018-ci ildə konservativ pul siyasətini davam etdirəcək. Bunun üçün Mərkəzi Bank adekvat monetar şəraitin formalaşmasını təmin edəcək.

Bəyanatda deyilib ki, faiz dəhlizinin parametrləri iqtisadi tsikl göstəriciləri, inflyasiya riskləri balansının təhlili və maliyyə bazarlarının müxtəlif seqmentlərində gedən proseslər nəzərə alınmaqla müəyyənləşdiriləcək. Mərkəzi Bank inflyasiyanın dinamikasını və inflyasiya gözləntilərini nəzərə alaraq uçot dərəcəsinin real səviyyəsinin pozitiv zonada qalmasına üstünlük verəcək.

Vurğulanıb ki, xarici şokları effektiv absorbasiya etmək qabiliyyətini nəzərə alaraq Mərkəzi Bank çevik məzənnə rejimini saxlayacaq. Mərkəzi Bank milli valyutanın fundamental makroiqtisadi amillərdən irəli gəlməyən qısamüddətli dəyişkənliyinin qarşısının alınması məqsədilə məhdud sayda və həcmdə valyuta bazarına müdaxilə edə bilər.

321
Teqlər:
çevik məzənnə siyasəti, Sputnik Azərbaycan, Elşən Bağırzadə, məzənnə, ekspert, valyuta, Azərbaycan, siyasət, manat
Bakı karantinin yumşaldılmasından sonra

Kafe-restoran həsrətliləri üçün son tarix

8
Ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilsə də müəyyən yumşalmalar var

BAKI, 16 yanvar — Sputnik. Nazirlər Kabineti yanında Operativ Qərərgah kafe və restoranların yerində xidmət göstərəcəyi tarixi açıqlayıb. Sputnik Azərbaycan-ın məlumatına görə, 2021-ci il 1 fevral saat 00:00-dan etibarən ölkə ərazisində ictimai iaşə obyektləri, eləcə də restoran, kafe və çay evləri və bu kimi digər məkanlarda müştərilərə saat 06:00-dan 00:00-dək yerində xidmətlər bərpa olunur.

Qeyd edək ki, Azərbaycan ərazisində yeni növ koronavirus (COVID-19) xəstəliyi ilə bağlı mövcud sanitar-epidemioloji vəziyyət təhlil edilmiş, virusun yayılmasının və onun törədə biləcəyi fəsadların qarşısının alınması məqsədi ilə ölkə ərazisində xüsusi karantin rejiminin müddətinin 2021-ci il 1 aprel saat 06:00-dək uzadılmasına qərar verilib. Azərbaycanda xəstəliyin yayılma dinamikasında müəyyən stabillik müşahidə olunduğundan sərtləşdirilmiş xüsusi karantin rejimi çərçivəsindəki məhdudiyyətlərin bir qisminin 2021-ci il 18 yanvar saat 00:00-dan yumşaldılması qərara alınıb.

8
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar

İqtisadi Şuranın 2021-ci ildə ilk iclası keçirilib

6
İclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

BAKI, 15 yanvar - Sputnik. Bu gün Azərbaycan Respublikasının Baş naziri, İqtisadi Şuranın sədri Əli Əsədovun sədrliyi ilə Şuranın növbəti iclası keçirilib.

Nazirlər Kabinetinin mətbuat xidmətindən Sputnik Azərbaycan-a verilən məlumata əsasən, iclasda sosial-iqtisadi inkişafla bağlı uzunmüddətli strateji hədəflər və cari məsələlərə dair müzakirələr aparılıb.

6
Protezlər, arxiv şəkli

Qazilərin təminatı dərəcədədir - Agentlik hesabat verdi

0
(Yenilənib 13:37 16.01.2021)
Dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub.

 

BAKI, 16 yanvar — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekpsertiza və Reabilitasiya Agentliyinin (DTSERA) sədri Cavid Əbdül-Qədirov Agentliyin Reabilitasiya Mərkəzində sosial-psixoloji reabilitasiya xidmətləri göstərilən Vətən müharibəsi qaziləri ilə görüşüb.

Nazirlikdən Sputnik Azərbaycan-a verilən məlumata görə, görüşdə C.Əbdül-Qədirov dövlət başçısının tapşırığı ilə Nazirlik tərəfindən postmüharibə dövründə şəhidlərin ailələri, qazilərimizlə bağlı sosial dəstək tədbirləri həyata keçirildiyini deyib.

Qeyd edilib ki, bu dəstək tədbirləri artıq 8500 şəxsi əhatə edib və onlardan 3200-ə yaxın şəxs sosial-psixoloji dəstəklə təmin olunub. O cümlədən, DTSERA-nın reabilitasiya müəssisələrində postmüharibə dövründə 260 qaziyə, şəhidlərin, yaralı hərbçilərin 20 uşağına sosial-psixoloji reabilitasiya xidmətləri göstərilib. Bakı Sağlamlıq Mərkəzində və Sərhəd Qoşunları Hospitalında müalicə alan hərbçilərdən 28 hərbçini də Agentlik sosial-psixoloji reabilitasiyaya cəlb edib. Eləcə də 5 qazi yüksək texnologiyalı müasir protezlə, 7 qazi əlil arabası, əlavə olaraq 130-a yaxın qazi 530-dan çox reabilitasiya vasitəsi ilə təmin olunub.

Nazirlər Kabinetinin 13 yanvar 2021-ci il tarixli Qərarı ilə əmək və əhalinin sosial müdafiəsi nazirinin sədrliyi ilə yaradılan komissiya tərəfindən isə hərbçilərin tibbi-sosial ekspertizasının əyani müayinə keçirməklə, operativ, vaxtında, keyfiyyətlə və mərkəzləşmiş şəkildə aparılması üçün müvafiq işlər görülür.

Görüş zamanı mərkəzdə sosial-psixoloji reabilitasiya kursu başa çatmaqda olan qazimiz - döyüşlərdə qəlpə yarası almış Cəfərov Samir İlham oğlunun doğum günü olduğu bildirilib və onun ad günü qeyd edilib. Agentlik sədri, mərkəzin kollektivi, qazi yoldaşları ona xoş arzularını ifadə ediblər.

Görüşdən sonra Agentliyin sədri göstərilən sosial-psixoloji reabilitasiya xidmətlərini nəzərdən keçirib.

0