Azərbaycan Respublikası Vergilər Naziliyi

Vergilər Nazirliyinə geniş səlahiyyət verilməsi təklif olunur - Üçü birində

1246
(Yenilənib 16:33 25.01.2018)
Ekspertlər Dövlət Gömrük Komitəsi ilə Vergilər Nazirliyinin birləşmə ehtimalını şərh ediblər

Xalid Məmmədov, Sputnik Azərbaycan

BAKI, 25 yanvar — Sputnik. "Dünya ölkələrinin, təqribən 98 faizində gömrük komitəsi adında mərkəzi icra hakimiyyəti orqanı yoxdur. Yəni ayrıca bir qurum yoxdur. Gömrük xidməti mövcuddur və bu, müxtəlif qurumların tərkibindədir, əksər ölkələrdə Maliyyə Nazirliyinin bir departamenti kimi fəaliyyət göstərir. Bəzi ölkələrdə isə gömrük xidməti Vergilər Nazirliyinin tərkibindədir".

Nazim Məmmədov - iqtisadçı-ekspert
Nazim Məmmədov - iqtisadçı-ekspert

Bunu keçmiş deputat, iqtisadçı-ekspert Nazim Bəydəmirli Sputnik Azərbaycan-a açıqlamasında deyib. Gömrük Komitəsi ilə Vergilər Nazirliyinin birləşəcəyi ilə bağlı dolaşan xəbərləri şərh edən ekspert bildirib ki, Azərbaycanda gömrüyün büdcə ödəmələrinin əksəriyyəti əlavə dəyər vergisinin payına düşür.

"Çünki idxaldan əlavə dəyər vergisini, aksiz vergiləri Dövlət Gömrük Komitəsi toplayır. Bunlar, adından da göründüyü kimi, vergi növüdür. Vergi yığımını da ölkədə bir qurum – Vergilər Nazirliyi həyata keçirməlidir. Düşünürəm ki, Dövlət Gömrük Komitəsi ləğv olunmalı, yəni onun vergi yığma funksiyası Vergilər Nazirliyinə birləşdirilməlidir. Prosedur olaraq onun bəyannamə və digər xidmətləri də "ASAN Xidmət" səviyyəsinə çatdırılmalıdır" — N.Bəydəmirli bildirib.

Müsahibimiz onu da qeyd edib ki, təkcə Dövlət Gömrük Komitəsi deyil, Dövlət Sosial Müdafiə Fondu da vergi yığma funksiyası daşıyır: "Sosial sığorta haqqı bir vergi növünə dönüb. Sual olunur ki, özü-özünü maliyyələşdirə bilməyən bir qurumun saxlanılmasına nə ehtiyac var? Gürcüstan modelinə keçib, sosial sığorta haqqını gəlir vergisi ilə birləşdirmək və onun dərəcəsini aşağı salmaq lazımdır. Sosial vergi yığımını Vergilər Nazirliyi həyata keçirməlidir".

İqtisadçı-ekspert Qalib Toğrul da Sputnik Azərbaycan-a açıqlamasında deyib ki, sözügedən qurumların birləşdirilməsini effektli hesab edir: "Təşkilati baxımdan müxtəlif formalar var və prinsipcə, bu, gömrük orqanlarının fəaliyyətinə təsir etmir. Ancaq Dövlət Gömrük Komitəsinin Vergilər Nazirliyi ilə birləşməsini idarəetmə baxımından islahat hesab etmək olar. Bu zaman vəsaitə qənaət etmək mümkündür. Yəni idarəetmə ilə bağlı dövlətin xərclərini azaltmaq olar".

İqtisadi araşdırmalar mərkəzinin rəhbəri Qalib Toğrul
© Photo : Qalib Togrul
İqtisadi araşdırmalar mərkəzinin rəhbəri Qalib Toğrul

Q.Toğrul da bu məsələdə Gürcüstan modelindən istifadə etməyi tövsiyə edir: "Hesab edirəm ki, bu qurumlar bir yerdə olsalar, yaxşıdır. Məsələn, Gürcüstanda gömrük və vergi bir yerdədir və bu, Gəlirlər Xidməti adlanır. Biz də Gürcüstandakı təcrübəni tətbiq etsək, dövlət büdcəsindən idarəetmə xərclərinə ayrılmış vəsaitlərə qənaət etmiş olarıq. Burada məqsəd dövlət büdcəsinin gəlirlər hissəsinin təmin olunmasıdır".

Ekspertin fikrincə, bir mərkəzdən idarə olunma həmin qurumlar arasında ziddiyyətlərin də ortaya çıxması ehtimalını azaldar: "Məsələn, əksər məhsullar ölkəyə idxal olunanda əlavə dəyər vergisinə cəlb edilir. Bu məhsullar ölkəyə daxil olanda əlavə dəyər vergisini gömrük orqanları alır. Daha sonra onun əvəzləşdirilməsi prosesi artıq vergi orqanlarının xətti ilə həyata keçirilir. Bu məhsullar topdansatış müəssisələrindən pərakəndə satış müəssisələrinə satılarkən əlavə dəyər vergisinin əvəzləşdirilməsi gedir. Bu da iki qurum arasında müəyyən ziddiyyətlərin ortaya çıxmasına səbəb olurdu".

"Ona görə də doğru variant bunların birləşdirilərək vahid bir qurumun yaradılmasıdır. Bu, həm idarəetmə xərclərini azaldar, həm də müəyyən ziddiyyətlərin aradan qalxmasına səbəb olar. Yəni idarəetmənin təkmilləşdirilməsinə, səmərəli həyata keçirilməsinə səbəb olar" — həmsöhbətimiz vurğulayıb.

Qeyd edək ki, Dövlət Gömrük Komitəsinin (DGK) sədri Aydın Əliyev 2017-ci ilin yekunlarına həsr edilmiş mətbuat konfransında, rəhbərlik etdiyi qurumla Vergilər Nazirliyinin birləşməsi ilə bağlı suala belə cavab verib: "Gömrük orqanlarının fəaliyyəti ilə bağlı qərarı ölkə rəhbərliyi qəbul etməlidir. Əgər ölkə rəhbərliyi müvafiq qərar qəbul etsə, o qərar icra olunacaq".

DGK sədri qeyd edib ki, dünyada gömrük orqanlarının fəaliyyəti ilə bağlı müxtəlif təcrübələr var: "Azərbaycanda bu orqan müstəqil fəaliyyət göstərir, ABŞ-da isə sərhəd xidmətinin tərkibindədir. Bəzi ölkələrdə gömrük orqanları ilə vergi orqanları birləşib, Avropada isə maliyyə nazirlikləri yanında fəaliyyət göstərir. Hətta elə ölkələr var ki — əvvəl Rusiyada belə idi, indi Afrika ölkələri bu təcrübəni tətbiq edir — orada gömrük orqanları iqtisadiyyat nazirliyinə tabedir. İstənilən halda bu məsələni səmərəliliyi nəzərə alaraq hökumət həll etməlidir".

1246
Teqlər:
Nazim Bəydəmirli, təcrübə, DGK, ölkə, Sputnik Azərbaycan, dünya, Qalib Toğrul, gömrük, Dövlət Gömrük Komitəsi, idxal, Vergilər Nazirliyi, Gürcüstan, ekspert, iqtisadçı, vergi, sosial, Azərbaycan, xidmət
Əlaqədar
Vergilər Nazirliyi ötən il büdcə öhdəliyini yerinə yetirə bilməyib
"Elektron ticarət vergidən azad edilməlidir"
Atakişiyev: “Büdcəyə vergi daxilolmaların artırılması prioritet təşkil edir”
"Bu qədər gömrük rüsumuna ehtiyac yoxdur"
Gömrüklə bağlı tələb sərtləşdirildi, güzəşt ləğv edildi
Gömrük Komitəsi 14 ayın videosuna münasibət bildirdi - VİDEO
Müslüm İbrahimov

Professor: "Bu ölkə neft bazarında defisit yaratmağa çalışır"

28
(Yenilənib 00:10 17.01.2021)
Almaniyanın Zigen Universitetinin qonaq professoru Müslüm İbrahimov deyir ki, neft bazarındakı vəziyyətə 3 vacib faktor təsir edir
Müslüm İbrahimov: “Neft ilə bağlı OPEC proqnozları çətinləşir”

ABŞ-ın Enerji İnformasiya Administrasiyası (EIA) OPEC-in gündəlik neft hasilatına dair proqnozunu açıqlayıb. Cari ildə OPEC-in neft hasilatının sutkada orta hesabla 27,2 milyon barrel olacağı gözlənilir. 2020-ci ildə bu göstərici 25,6 milyon barrel olub.

OPEC proqnozlarını Sputnik Azərbaycan-a şərh edən Almaniyanın Zigen Universitetinin qonaq professoru Müslüm İbrahimov deyir ki, neft ilə bağlı OPEC proqnozları çətinləşir:

“Bunun bir neçə səbəbi var. ABŞ-da yeni administrasiyanın fəaliyyətə başlaması dövlət xərclərinin artması ilə nəticələnəcək. Bu proseslə paralel olaraq digər ölkələrdə də iqtisadi canlanma qeydə alınacaq. Hazırda ölkələr ucuz neftin alınmasında maraqlıdır. Digər faktor Səudiyyə Ərəbistanının makro-iqtisadi vəziyyəti ilə bağlıdır. Bu ölkə hasilatı azaltmaqla bazarda defisit yaratmağa çalışır. Ən mühüm təsiredici amillərdən biri də dünya miqyasında vaksinasiya prosesinin intensivləşməsidir”.

Müslüm İbrahimovun geniş şərhinə audiofaylda qulaq asa bilərsiniz

28
Teqlər:
OPEC, ABŞ, Səudiyyə Ərəbistanı, defisit, bazar, neft
Mövzu:
Neft qiymətləri ətrafındakı ajiotaj
Bankada dollarlar, arxiv şəkli

Financial Times: "Dolları taxtdan salacaqlar"

21
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

21
Teqlər:
"The Financial Times", Avropa Komissiyası, Avropa Şurası, dollar

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0