Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

“Azəriqaz” “limit”lə bağlı açıqlama verdi

© Sputnik / Anar MustafayevГазовый счетчик и smart-карта, фото из архива
Газовый счетчик и smart-карта, фото из архива - Sputnik Azərbaycan
Abunə olmaq
Tarif Şurasının qərarına heç bir əlavə və dəyişiklik edilməyib

BAKI, 4 dekabr — Sputnik. SOCAR-ın “Azəriqaz” İstehsalat Birliyi son günlər bəzi istehlakçılar tərəfindən təbii qaza görə tətbiq edilən limitlə əlaqədar daxil olan müraciətlərə cavab verib. Sputnik Azərbaycan APA-ya istinadən bildirir ki, “Azəriqaz” İstehsalat Birliyi Tarif (qiymət) Şurasının qərarına heç bir əlavə və dəyişiklik edilmədiyini açıqlayıb.

Məlumatda deyilir ki, Tarif Şurasının 22 dekabr 2016-cı il tarixli, 19 nömrəli qərarına uyğun olaraq 2017-ci ilin yanvar ayının 1-dən etibarən əhali qrupu üzrə istehlak olunan təbii qazın illik həcminin 1700 kubmetr olan hissəsinin dəyəri 10 qəpiklə, 1700 kubmetrdən artıq istifadə olunan hər kubmetr qazın dəyəri isə 20 qəpiklə hesablanır: “Nəzərinizə çatdırırıq ki, 2017-ci il üçün təyin olunmuş limit dekabr ayının sonunda sıfırlanacaq. 2017-ci ildə olduğu kimi, 2018-ci ilin yanvar ayının 1-dən etibarən əhali istehlakçılarının illik istehlak həcmi 1700 kubmetr (170 manat) 10 qəpik tarifi ilə, illik istehlak həcminin 1700 kubmetrdən (170 manat) artıq olan hissəsinin hər kubmetri isə 20 qəpik tarifi ilə hesablanacaq. Həmçinin Smart İTRON məişət qaz sayğaclarından istifadə edən əhali istehlakçıları üzrə 1700 kubmetr limit 01.01.2018-ci il tarixdən başlayaraq smart karta aparılan ilk odəniş əməliyyatından etibarən hesablanacaq”.

O da vurğulanıb ki, Tarif Şurasının qərarı ilə  differensial (şaxələndirilmiş) tarif mexanizminin tətbiq edilməsi və bunun nəticəsində məhz əhali üçün daha münasib tarifin tətbiq edilməsini, aztəminatlı ailələr, eləcə də əhalinin əksəriyyəti üçün əvvəlki tarifin dəyişməzliyini təmin edir: “Bununla da, ödənişlərində artım olmayan əhali abonentlərinin sayı təbii qaz üzrə 75% təşkil edir”.

Xəbər lenti
0