Manat

Ehtiyatımızı hansı valyutada saxlayaq - Mərkəzi Bank deyir ki...

729
Banklara verilən son təlimat ekspertlər tərəfindən birmənalı qarşılanmır

Xalid Məmmədov, Sputnik Azərbaycan

BAKI, 28 avqust — Sputnik. Avqustun 15-dən etibarən Azərbaycanda banklar məcburi ehtiyatlarını yeni tələbə əsasən saxlamalıdır. Belə ki, pul təklifinin effektiv tənzimlənməsi və bununla da qiymət sabitliyinin dəstəklənməsi məqsədilə Azərbaycan Respublikası Mərkəzi Bankının İdarə Heyətinin 2017-ci il 30 may tarixli qərarı ilə manatla və qiymətli metallarla olan öhdəliklər üzrə məcburi ehtiyatların manatla, xarici valyuta ilə öhdəliklər üzrə məcburi ehtiyatların xarici valyutada müxbir hesablarda saxlanılması məqsədəuyğun sayılıb.

İqtisadçı-ekspert Rəşad Həsənov
İqtisadçı-ekspert Rəşad Həsənov

Qeyd edək ki, "Məcburi ehtiyatların norması, hesablanması və saxlanması Qaydası"nda edilmiş dəyişiklik 2017-ci il 1 avqust tarixindən qüvvəyə minib və banklar 15 avqustdan etibarən məcburi ehtiyatlarını qaydadakı qeyd olunan dəyişikliyə uyğun saxlamalıdırlar.

Xatırladaq ki, buna qədər banklar məcburi ehtiyatları hesablama bazasına daxil olan depozitlərin valyutasından asılı olmayaraq Mərkəzi Bankdakı istənilən bir və ya bir neçə müxbir hesabda saxlaya bilərdi.

İqtisadçı-ekspert Rəşad Həsənov Sputnik Azərbaycan-a açıqlamasında bildirib ki, burada söhbət, əsasən bankların öhdəliyindən, öhdəlik üçün yaradılmış ehtiyatlardan gedir: "Bu məsələ daha çox bank sektorunda fəaliyyət göstərən subyektlərin öhdəlikləri üzrə prosedurların daha da optimallaşdırılması ilə bağlıdır. Çünki əvvəllər qayda belə idi ki, bank, öhdəlikləri üzrə ehtiyat yığımlarını istədiyi valyutada saxlaya bilirdi".

"Məsələn, Beynəlxalq Bankın təxminən 4-5 milyard həcmində xarici valyutada öhdəliyi var idisə, bu ehtiyat həcmini manatla saxlayırdı. Və növbəti dövrlərdə öhdəliyin yerinə yetirilməsi üçün hər hansı bir risk yarandıqda manatla olan vəsaitin, yığımın özünün də valyutaya çevrilməsi problemi ortaya çıxırdı" — Həsənov qeyd edib.

İqtisadçının qənaətincə, Mərkəzi Bank tərəfindən qəbul edilən qərar düzgündür, amma gecikmiş qərardır: "Xüsusilə volatiliyin yüksək olduğu dövrlərdə banklar kifayət qədər manipulyasiya edərək həm məzənnəyə öz təsirini göstərirdi, həm də haqsız gəlir əldə edirdi. Əgər bu, vaxtında tətbiq edilsəydi, bu kimi halların qarşısı alınmış olardı. Həmçinin, bağlanan və yaxud da bundan sonra fəaliyyəti risk altında olan bankların öhdəliklərinin yerinə yetirilməsi məsələsi yaranan zaman valyuta riski minimuma enmiş olardı".

Natiq Cəfərli, iqtisadçı-ekspert
© Photo : N.Cəfərlinin şəxsi arxivi
Natiq Cəfərli, iqtisadçı-ekspert

Mütəxəssis fikrini belə əsaslandırır: "Məsələn, "Bank Standard" presedentində biz bunu müşahidə etdik. Bank öhdəliklərini yerinə yetirmək üçün, yəni, xarici valyutada olan depozitlərin, əmanətlərin ödənişini bəzi hallarda milli valyutada yerinə yetirirdi. Bu da haqlı olaraq müştərilərin narazılığına gətirib çıxarırdı. Həmin vaxt faktiki olaraq bankın özünün valyuta çatışmazlığı var idi. Həmçinin də, hökumət banka valyuta dəstəyi verə bilmirdi. Bu kimi halların qarşısının alınması üçün də müsbət qərar kimi qiymətləndirilməlidir".

İqtisadçı-ekspert Natiq Cəfərli isə Sputnik Azərbaycan-a açıqlamasında bu qərarın əhaliyə təsirinin olmayacağını deyib: "Amma bu, biznes strukturlarının, o cümlədən onsuz da ağır olan bank sektorunun işini daha da çətinləşdirəcək. Yenə inzibati qaydada kommersiya banklarının qaydalarına müəyyən müdaxilələr olur. Bu, doğru yanaşma deyil".

"İnzibati qaydada verilmiş qərarlar, əsasən kommersiya banklarının maraqlarına deyil, Mərkəzi Bankın apardığı siyasətə uyğun gəlir. Mərkəzi Bank isə banklarla bu qərarları razılaşdırmır. Halbuki, beynəlxalq təcrübədə də qaydalar var ki, kommersiya banklarının fəaliyyətinə müdaxilələr və ya inzibati qaydada tənzimləmələr varsa, mütləq Mərkəzi Banklar həmin kommersiya bankları ilə uzun müddət danışıqlar və müzakirələr aparırlar. Və hər iki tərəfi qane edəcək ortaq məxrəcə gəlirlər" — Cəfərli vurğulayıb.

729
Teqlər:
müxbir hesab, məcburi ehtiyatlar, qayda, Rəşad Həsənov, tələb, Sputnik Azərbaycan, İqtisadçı-ekspert, Natiq Cəfərli, Mərkəzi Bank, bank, manat, dollar
Əlaqədar
Banklar problemli kreditləri silmək məcburiyyəti ilə üz-üzə
Banklar dollarla bağlı qərarlarını açıqlayıb
Mərkəzi Bank yeni məzənnəni açıqlayıb
Dollar Mərkəzi Bankda qalxdı, banklarda nə baş verir?
Bankların verdiyi kreditlərin həcmi niyə azalıb?
Bağlamalarla dolu torbalar, axiv şəkli

Azərbaycandan ən çox mal Rusiyaya ixrac edilib

6
(Yenilənib 23:30 02.12.2020)
2020-ci ilin oktyabr ayında qeyri-neft sektoru üzrə ixracda xurma (19.7 milyon) birinci, qabığı təmizlənmiş meşə fındığı (17 milyon ABŞ dolları) ikinci, sair təzə meyvələr – (13,6 milyon ABŞ dolları) üçüncü yerdə qərarlaşıb.

BAKI, 2 dekabr — Sputnik. 2020-ci ilin oktyabr ayında Azərbaycanın qeyri-neft sektoru üzrə ixracı 162,8 milyon ABŞ dolları təşkil edib. Sputnik Azərbaycan-ın məlumatına görə, bu barədə İqtisadi İslahatların Təhlili və Kommunikasiya Mərkəzinin “İxrac İcmalı”nın 2020-ci ilin noyabr sayında deyilir.

2020-ci ilin oktyabr ayında qeyri-neft sektorunda yeyinti məhsullarının payı 48,8 faiz, qeyri-yeyinti sektoru üzrə isə 51,2 faiz təşkil edib.

Bu ilin oktyabr ayında qeyri-neft-qaz məhsulları üzrə ən çox mal Rusiyaya (64,7 milyon ABŞ dolları), Türkiyəyə (33,5 milyon ABŞ dolları), İsveçrəyə (10,7 milyon ABŞ dolları), Gürcüstana (9,5 milyon ABŞ dolları) və ABŞ-a (5,4 milyon ABŞ dolları) ixrac edilib.

2020-ci ilin oktyabr ayında qeyri-neft sektoru üzrə ixracda xurma ( 19.7 milyon) birinci, qabığı təmizlənmiş meşə fındığı ( 17 milyon ABŞ dolları) ikinci, sair təzə meyvələr – (13,6 milyon ABŞ dolları ) üçüncü yerdə qərarlaşıb.

6
Biznesmen, arxiv şəkli

Özəl sektor üçün yeni investisiya imkanları yaranıb

12
(Yenilənib 00:08 03.12.2020)
Avtoyuma məntəqəsi və avtomobillərin texniki cəhətdən saz vəziyyətdə saxlanılması üçün digər sexlər və duracaq sahələri olan Avtonəqliyyat təsərrüfatının təşkil edilməsi nəzərdə tutulub.

BAKI, 2 dekabr — Sputnik. İşğaldan azad edilən şəhər və rayonlarımızda yük daşınması, avtobusla sərnişin daşınması və taksi minik avtomobilləri ilə sərnişindaşıma xidmətlərinin göstərilməsi məqsədilə avtomobillərə xidmət etmək üçün təmir sexləri inşa olunacaq. Həmçinin texniki qulluqların aparılması sahələri, yanacaqdoldurma məntəqəsi, avtoyuma məntəqəsi və avtomobillərin texniki cəhətdən saz vəziyyətdə saxlanılması üçün digər sexlər və duracaq sahələri olan Avtonəqliyyat təsərrüfatının təşkil edilməsi nəzərdə tutulub.

Sputnik Azərbaycan-ın məlumatına görə, bunu Nəqliyyat, Rabitə və Yüksək Texnologiyalar Nazirliyi yanında Dövlət Avtomobil Nəqliyyatı Xidmətinin (DANX) İctimaiyyətlə əlaqələr sektorunun müdiri Nuridə Allahyarova bildirib: "Nəzərdə tutulan işlər dövlət-özəl sektor tərəfdaşlığı layihələrinin tərkib hissəsi kimi reallaşdırılacaq. Bu, həmçinin özəl sektor üçün yeni investisiya imkanlarının yaranması və böyük layihələrin idarə edilməsi ilə bağlı təcrübələrin formalaşmasına geniş təkan vermiş olacaq.

Bu məqsədlə Dövlət Avtomobil Nəqliyyatı Xidməti tərəfindən təklif olunan avtomobil nəqliyyatına dair infrastruktur obyektlərinin nümunəvi tikinti-layihə sənədləri hazırlanır. Azərbaycan Respublikasında işğaldan azad olunan ərazilərin iqlimi, torpaq fondu, burada həm aqrar, həm sənaye, həm də turizm üçün böyük perspektivlər açır".

12
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT