Kredit

Banklar problemli kreditləri silmək məcburiyyəti ilə üz-üzə

6522
Ekspertlər bankların xalis gəlirinin azalmasını mənfi tendensiya kimi qiymətləndirirlər

Xalid Məmmədov, Sputnik Azərbaycan

BAKI, 25 avqust — Sputnik. 2017-ci il iyulun 1-nə bank sektorunun xalis mənfəəti 84,9 mln. manat təşkil edib. Maliyyə Bazarlarına Nəzarət Palatasının açıqladığı hesabata əsasən, may ayı ilə müqayisədə iyunda bank sektorunun mənfəəti 93,3 mln. manat və ya 52,4% azalıb. Bu ilin altı ayında bankların faiz gəlirləri 1 mlrd. 7,3 mln. manat, faiz xərcləri isə 482,7 mln. manat olub.

Bank eksperti Əkrəm Həsənov
© Photo : REPORT
Əkrəm Həsənov

Qeyd edək ki, hesabat dövrü ərzində banklar tərəfindən aktivlər üzrə mümkün zərərlərin ödənilməsi üçün xüsusi ehtiyatın yaradılmasına 408,9 mln. manat vəsait ayrılıb.

Məsələ ilə bağlı bank və maliyyə məsələləri üzrə ekspert Əkrəm Həsənov Sputnik Azərbaycan-a açıqlamasında deyib ki, ümumən hazırda bankların əksəriyyətinin zərərlə işləməsinin səbəbi aydındır: "Yəni, onlar verdikləri kreditləri toplaya bilmirlər, problemli kreditləri çoxdur. Digər tərəfdən, əmanətçilər əmanətləri çıxardıblar, yəni, pul kütləsi banklarda azalıb. Və banklar verdikləri kreditlərin də əksəriyyətini yığa bilmir və onlar ümidsizdir. Buna görə də onlar o kreditləri silməyə məcbur olurlar. Banklar çoxlu ehtiyat yaratmağa məcburdur".

Onun sözlərinə görə, əslində bankların gəlirləri daha da az olmalı idi: "Bilirik ki, Mərkəzi Bank depozit hərracları keçirir və bankların sərbəst vəsaitini depozit kimi qəbul edir, onlara faiz ödəyir. Yəni, bankların hələ bir qisim gəlirləri Mərkəzi Bankın hesabınadır. Çünki bankların gəlir əldə etməsi üçün onlar kredit verməlidir. Bu gün banklar kredit verə bilmir, çünki onların şərtlərinə uyğun borcalan tapa bilmirlər. Hazırda sahibkarlıqda durğunluq, problemlər var, risklər artıb".

Ekspertin fikrincə, bundan başqa, Mərkəzi Bank, vəsaiti yetərli olmayan banklara kredit vermir: "Yəni, hazırda əmanətçilər banklardan pulları çıxardırlar, bankların pulu azalır və onlara pul lazımdır. Mərkəzi Bank da banklara kredit vermir ki, onlar verilən krediti kiməsə versinlər. Müxtəlif banklarda müxtəlif problemlər var".

İqtisadçı-ekspert Rəşad Həsənov
İqtisadçı-ekspert Rəşad Həsənov

"Təəssüf ki, hələlik real vəziyyətin ən azı yaxın aylarda, yəni, bu ilin sonuna dəyişəcəyini gözləmirəm. Böyük ehtimalla, get-gedə bankların ümumi gəliri daha da azalacaq" – deyə Ə. Həsənov bildirib.

İqtisadçı-ekspert Rəşad Həsənov isə Sputnik Azərbaycan-a açıqlamasında deyib ki, ümumiyyətlə, manatın sabitləşməsi fonunda son dövrlərdə Mərkəzi Bankın keçirdiyi depozit hərraclarında artıq faiz dərəcəsi aşağı düşməyə başlayıb: "Bir neçə ay bundan əvvəl hətta gəlirlilik imkanları 15 faizə qədər yüksəlmişdi. Amma sonradan müəyyən qədər tələbin artması nəticəsində Mərkəzi Bankın keçirdiyi depozit hərraclarında bu faiz norması 12 faizə qədər azalıb".

"Bu azalma son illərdə, xüsusilə, 2016-cı ilin 2-ci yarısından sonra bank sektorunun əsas gəlir mənbəyi sayılan Mərkəzi Bankda depozit yerləşmə istiqamətindən daxil olan gəlirlərinə mənfi təsir göstərir" — iqtisadçı əlavə edib.

R. Həsənovun fikrincə, digər tərəfdən, müəyyən xərclər olur ki, bu xərclər dövri olaraq ötən aya təsadüf edib: "Bu xərclərin ödənişi son nəticədə bankların həmin ay üçün xalis mənfəətinə öz mənfi təsirini göstərə bilər. Amma ümumiyyətlə, bankların bu gün müəyyən qədər xalis mənfəət əldə etməsi müsbət hal kimi qiymətləndirilməlidir".

6522
Teqlər:
xalis gəlir, bank sektoru, Rəşad Həsənov, Sputnik Azərbaycan, İqtisadçı-ekspert, Əkrəm Həsənov, faiz, əhali, ekspert, kredit, manat
Əlaqədar
Banklar dollarla bağlı qərarlarını açıqlayıb
Mərkəzi Bank yeni məzənnəni açıqlayıb
Banklar krediti 8-10 dəfə yüksək faizlə əhaliyə sırıyır
Azərbaycanlı bankir beynəlxalq axtarışa verildi
DTX bankı qarət edən cinayətkar qrupu zərərsizləşdirib
Pul kisəsi, arxiv şəkli

Bir manat da xərclənməyib - Şahmar Mövsümov bloklanmış kartlar barədə

10
"Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq"

BAKI, 8 avqust — Sputnik. “190 manatla, xüsusi olaraq, bloklanmış kartlarla bağlı məsələyə cəmiyyət kimi baxmalıyıq”.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov  deyib.

O bildirib ki, pandemiya dövründə ən ehtiyaclı insanlara yardım etmək nəzərdə tutulub: “Müəyyən seçimlərdən sonra 600 min nəfərə bu ödənişin verilməsi qərara alındı. Biz ehtimal edirdik ki, bu insanlara 190 manat o qədər vacibdir ki, onlar həmin dəqiqə o pulu çıxarıb istifadə edəcəklər. Ancaq bloklanmış kartlardan heç bir manat da xərclənməyib. Söhbət ondan getmir ki, biz mütləq hamıya pul paylamalıyıq. Biz ehtiyacı olanlara vəsait vermək istəyirik. Bu pul kartda bloklanıbsa, bu, artıq başqa istiqamətlərə istifadə olunacaq. Həkimlərin maaşına, daha çox tibbi texnikanın alınmasına və s.”

10
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Prezident 190 manatla bağlı göstəriş verdi
On üç bölgə üzrə 190 manatın verilməsi barədə qərar verildi
Dəqiq rəqəmi heç kim deyə bilmir! Pandemiya on minlərlə insanı işsiz qoyub
Nazirlik 190 manatlıq yardımı qarpız partlatmağa xərcləyənlərə münasibət bildirdi – VİDEO
Açıq havada kafelər

Əvvəl açıq havadakı restoranlar, sonra rayonlara gediş-gəliş açılacaq

312
"Bu qaydalara əməl etməsək, nəzərdə tutulan açılışları daha sonraya saxlamalı olacağıq, ya da ümumiyyətlə buna getməyəcəyik"

BAKI, 8 avqust — Sputnik. Növbəti həftələrdə, avqustun 17-dən açıq havada kafe və restoranların açılması nəzərdə tutulur.

Sputnik Azərbaycan bildirir ki, bunu Nazirlər Kabineti yanında Operativ qərargahın brifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

O bildirib ki, ondan sonrakı həftə rayonlararası gediş-gəlişin açılması müzakirə edilir: “Bunun üçün bircə əsas şərt var. Bu da sanitar-epidemioloji qaydalara əməl etməkdən asılıdır. Bu qaydalara əməl etməsək, nəzərdə tutulan açılışları daha sonraya saxlamalı olacağıq, ya da ümumiyyətlə buna getməyəcəyik”.

312
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Hökumət karantin rejiminin daha da yumşaldılması barədə qərar qəbul edib
İcazə sisteminin ləğvindən sonra rayonlara getmək üçün kağız tələb olunacaq
“Bakı bu axşam” pis bitdi, polis otağında başa çatdı
"Alovlanma başlasa, yenidən bağlanmalara məcbur olacağıq" - Şahmar Mövsümov
Hamam kömək etmədi: uşaq bağçasına görə valideynlər də cəzalandılar
Avtobus

Üç yüz manat xeyir götürəcəkdi, 15 günlük həbsə düşdü - FOTO

0
(Yenilənib 16:10 08.08.2020)
İcazəsi olmayan 30 sərnişinin hər birindən 10 manat almaqla onları Bakı şəhərinə aparacağına söz verən kişinin heç sürücülük hüququ olmadığı ortaya çıxıb

Rahim Məmmədov, Sputnik Azərbaycan

BAKI, 8 avqust — Sputnik. Mingəçevir Şəhər Polis Şöbəsinin əməkdaşları tərəfindən keçirilən tədbirlərlə karantin qaydalarını pozaraq, Bakıya sərnişin daşımağa cəhd edən sürücü saxlanılıb.

Daxili İşlər Nazirliyinin Mətbuat Xidmətinin Şəki regional qrupundan Sputnik Azərabaycan-a verilən məlumata görə, qanunsuz fəaliyyətlə məşğul olan Mingəçevir şəhər sakini Vasif Osmanov idarə etdiyi “Mercedes” markalı avtobusla sərnişinləri Bakıya aparmaq istəyən zaman şəhər ərazisində polis əməkdaşları tərəfindən saxlanılıb. Yoxlanış zamanı V.Osmanovun sürücülük hüququ olmadan sükan arxasına əyləşdiyi də məlum olub. O, icazəsi olmayan 30 sərnişinin hər birindən 10 manat almaqla onları Bakı şəhərinə aparacağına dair söz verdiyini bildirib.

© AR Ministry of Internal Affairs
Saxlanılan şəxs

Sürücü Vasif Osmanov barəsində Mingəçevir Şəhər Polis Şöbəsində toplanmış materiallar hüquqi qiymət verilməsi üçün məhkəməyə göndərilib və  o, məhkəmənin qərarı ilə 15 gün müddətinə inzibati həbs edilib. Sərnişinlər barəsində isə protokol tərtib edilərək, cərimə olunublar.

0
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Balakəndə istirahət edənləri polis sıraya düzdü
Əvvəl açıq havadakı restoranlar, sonra rayonlara gediş-gəliş açılacaq
Hökumət karantin rejiminin daha da yumşaldılması barədə qərar qəbul edib
Hamam kömək etmədi: uşaq bağçasına görə valideynlər də cəzalandılar
DYP Bakını tərk etmək istəyən sürücülərə xəbərdarlıq edib