ABŞ dollarları, arxiv şəkli

"Azərbaycan üçün 400 milyon dollar kiçik vəsaitdir"

522
"Dünya Bankının kreditlərindən uzaqlaşmaq lazımdır, amma..."

BAKI, 15 iyul — Sputnik. Dünya Bankı 2017-ci ilin maliyyə ili ərzində (2016-cı il iyulun 1-dən 2017-ci il 30 iyunadək) Azərbaycana ayrılan 400,25 milyon dollar həcmində kredit və qrantı təsdiqləyib. "APA-Economics" xəbər verir ki, bu barədə "İnterfax" agentliyinə bankdan məlumat verilib.

"2016-cı ilin maliyyə dövrü ərzində Azərbaycana ayrılan kredit və qrantların həcmi 207 milyon dollar olubsa, bu il üçün bu göstərici 400,25 milyon dollar təşkil edəcək" — deyə məlumatda vurğulanıb.

Qeyd edək ki, ayrılan kreditin 400 mln. dolları "Cənub Qaz Dəhlizi" layihəsinə, 0,25 mln. dollarlıq qrant isə 2017-2022-ci illər ərzində insan resursları və İKT sahəsində potensialın artırılması ilə bağlı məsələlərin həllinə yönəldiləcək.

Samir Əliyev, iqtisadçı-ekspert
© Sputnik / Murad Orujov
Samir Əliyev, iqtisadçı-ekspert

Xatırladaq ki, ümumilikdə 2013-2017-ci illər ərzində Dünya Bankı tərəfindən Azərbaycana 1 mlrd. 238,25 mln. dollar kredit ayrılıb.

Məsələ ilə əlaqədar iqtisadçı-ekspert Samir Əliyev Sputnik Azərbaycan-a açıqlamasında, ümumən götürəndə beynəlxalq maliyyə institutlarından kreditin alınmasına normal baxdığını deyib: "Amma əsas məsələ bu vəsaitlərin nə dərəcədə səmərəli istifadə edilməsidir. Son vaxtlar istər Dünya Bankı, istər Asiya İnkişaf Bankı, istər digər beynəlxalq qurumlar tərəfindən ayrılan kreditlər bizdə, əsasən neft sektoruna yönəldilir".

"Yəni, kreditlər daha çox bu sektora yönəlir. Qeyri-neft sektoruna ayrılan kreditlərin həcmi çox da deyil. Halbuki, qeyri-neft sektoru bizdə daha çox kredit tələb edir. Düzdür, "Cənub Qaz Dəhlizi" layihəsini Azərbaycan öz gücünə həll etmək iqtidarında deyil. Ona mütləq xarici resurslar lazımdır, vacibdir" — S. Əliyev bildirib.

Ekspertin fikrincə, bu gün Azərbaycan neft sektorundan asılılığı azaltmaq, qeyri-neft sektorunu inkişaf etdirmək istəyirsə, mütləq qeyri-neft sektoruna investisiyaları artırmalıdır: "Amma çox təəssüf ki, investisiyalar bizdə neft sektoruna yönəldilir. İstənilən halda, neft gəlirlərinin azalması fonunda güclü borclanmaya getməkdə ehtiyatlı olmaq lazımdır. Çünki burada artıq tərs mütənasiblik yaranır".

UNEC-in professoru Elnur Sadıqov
© Photo : UNEC
UNEC-in professoru Elnur Sadıqov

Onun sözlərinə görə, getdikcə həm neft hasilatı azalır, həm onun dəyəri ucuzlaşır: "Nəzərə alaq ki, ümumi daxili məhsul milli valyutadadır və devalvasiya olduqca dollar ifadəsində onun payı azalır. Dollar ifadəsində onun payı azaldığına görə də xarici borcun payı təbii olaraq artır. Baxmayaraq ki, xarici borclanmanı heç də mənfi qiymətləndirmirəm, amma düşünürəm ki, alınan vəsaitlərin səmərəliliyinə maksimum dərəcədə diqqət artırılmalıdır".

Azərbaycan Dövlət İqtisad Universitetinin (UNEC) Maliyyə və maliyyə institutları kafedrasının professoru, Rusiya və Azərbaycanın iqtisad elmləri doktoru Elnur Sadıqov isə Sputnik Azərbaycan-a açıqlamasında Dünya Bankının Azərbaycanla olan qarşılıqlı iqtisadi əlaqələrinin bu gün, müasir dövrdə daha da artdığını deyib: "Bunun ən başlıca səbəblərindən biri nədir? Yəni, Dünya Bankının marağı ondan ibarətdir ki, Azərbaycan regionun ən güclü dövləti kimi iqtisadi baxımdan daimi olaraq regionda olan layihələrdən kənarda qalmasın. Nəyin bahasına olursa-olsun Azərbaycana kömək etmək lazımdır ki, ölkəmiz də bu sahədə öz sözünü deyə bilsin".

Onun fikrincə, bu layihə çox uğurlu olacaq və Azərbaycan dövləti üçün çox yaxşıdır: "400 milyon dollar Azərbaycan kimi ölkə üçün o qədər də böyük vəsait deyil. Bunu vaxtında Azərbaycan dövləti daxili imkanları hesabına qaytaracaq. Bu, bizə imkan verəcək ki, regionda öz sözümüzü deyə bilək. Düzdür, xarici borclanma ölkə üçün o qədər yaxşı deyil. Nə qədər öz daxili resurslarımıza əsaslansaq daha yaxşı olar. Ümumiyyətlə, Dünya Bankının kreditlərindən uzaqlaşmaq lazımdır. Ancaq bu, regional bir layihədir və başqa ölkələr də burada iştirak edir. Azərbaycan burada çox səmərəli bir yol açacaq".

522
Teqlər:
Elnur Sadıqov, xarici borc, neft sektoru, Sputnik Azərbaycan, Dünya Bankı, iqtisadçı-ekspert, Samir Əliyev, kredit, Azərbaycan
Əlaqədar
"Xarici dövlət borcunun artması müsbət haldır"
Xarici borcumuz artacaq, amma reytinqimizə xələl gəlməyəcək
Prezidentin də borcu varmış
Dövlətə borclarını ödəmədikləri üçün saxlanıldılar
Borca görə qolunu kəsib özünü öldürdü
Kredit borcunu tələb edən mütəxəssisi öldürdü
Hotel foyesi, arxiv şəkli

Azərbaycanda dincəlmək istəyən insanların işini yüngülləşdirirlər: çox sürətli olacaq

45
(Yenilənib 15:55 02.03.2021)
Platforma turizm xidməti tədarükçülərinə rezervasiya prosesini sadələşdirmək, onlayn ödəmələri qəbul etmək və göstərilən xidmətlərin keyfiyyətini artırmaq imkanı verəcək.

BAKI, 2 mart — Sputnik, Zarina Orucəliyeva. Tezliklə turların və hotellərin rezervasiyası üzrə ilk Azərbaycan platforması yerli bazarda öz yerini tutacaq. Dövlət Turizm Agentliyi yanında Azərbaycan Turizm Bürosu daxili bazarda turizm xidməti göstərənlər üçün yeni platformanın yaradılması üçün tender elan edib.

Qonaqlama obyektləri (hotellər, hostellər), turizm xidməti göstərənlər, səyahət fəaliyyəti ilə məşğul olanlar və turistləri bir araya gətirən inteqrasiya edilmiş bu platforma yalnız Azərbaycan vətəndaşları və ölkədə yaşamaq üçün icazəsi olan əcnəbilər üçün nəzərdə tutulub.

Platforma turizm xidməti tədarükçülərinə rezervasiya prosesini sadələşdirmək, onlayn ödəmələri qəbul etmək və göstərilən xidmətlərin keyfiyyətini artırmaq imkanı verəcək.

Sistem B2B və B2C komponentlərini özündə birləşdirir ki, bu da tur təşkilatçılarına həm dinamik, həm də statistik turlar təşkil etməyə imkan verəcək. Bu barədə Sputnik-Azərbaycan-a Dövlət Turizm Agentliyinin mətbuat xidmətinin rəhbəri Kənan Quluzadə məlumat verib.

"Bizim missiyamız isə ondan ibarətdir ki, sürətli ödəməni təmin etməklə insanlara rahat və sürətli rezervasiya üçün şərait yaradaq. Bundan başqa, vahid mərkəzdən idarəetmə sistemi aləti yaratmaqla turizm sənayesinin fəaliyyətini genişləndirmək istəyirik. Bu sistem müxtəlif turizm məhsulları tədarükçüləri üçün ticarət platforması rolunu oynayacaq", – deyə o bildirib.

Yeni platformanın yaradıcılarının məqsədi çox sadədir - yerli turistlərə otel və səyahət paketlərini daha sürətli, effektiv və sərfəli şəkildə həyata keçirmək imkanı vermək.

"Bu, çox mühüm təşəbbüsdür. Özü də belə bir platformanın yaradılması o qədər də çətin iş deyil", – Hotel və Restoranlar Birliyinin (DAİR) İdarə Heyətinin sədri Samir Dübəndi bu fikirdədir. Onun sözlərinə görə, platforma uyğun qiymətlər, marketinq yanaşmaları, marşrutlar və turlar şəklində məhsullarla daha çox yerli turistlərə yönəldiləcək.

"Gəlirimiz azalsa da qiyməti endirmişik". Qəbələdə qış turizm mərkəzindən REPORTAJ>>

Dubəndi onu da bildirdi ki, Azərbaycan daxili turizmin hərtərəfli inkişafı üçün bütün imkanlara malikdir - iqlim zonalarının növbələşməsi, əhalinin etnik müxtəlifliyi, bölgələrin zəngin mətbəxi, adət-ənənələr, müxtəlif infrastruktur təklifləri (hotellər, restoranlar, hostellər) və s.

"Bu işdə Azərbaycanın milli parkları mühüm rol oynaya bilər. Çünki bu parklar açıq səma altında turizm fəaliyyətinə imkan verən geniş resurs spektrinə malik qorunan nəhəng ərazilərdir. Bu ərazilərə kempinqlər, gəzintilər (piyada və atla) təşkil oluna bilər. Məncə, bütün bunlar daxili turizmin inkişafında rol oynaya bilər. Daha sonra müəyyən turizm məhsulları təklif edərək beynəlxalq bazarlara da çıxmaq mümkündür", – deyə ekspert qeyd edib.

Onun fikrincə, rezervasiya sisteminin uğuru menecment işinin necə təşkil olunacağından asılıdır. Dübəndi Azərbaycanın işğaldan azad olunmuş ərazilərini da platformaya daxil etməyi və bu zaman Qarabağ bölgəsinin maddi-mənəvi irsinə xüsusi diqqət ayırmağı təklif edir.

45
Teqlər:
hostel, otel, turizm
Səmada dron, arxiv şəkli

Azərbaycan səmasında tezliklə xüsusi təyinatlı uçuş aparatları peyda olacaq - VİDEO

53
(Yenilənib 11:55 02.03.2021)
Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub

BAKI, 2 mart — Sputnik. "Azərişıq" Açıq Səhmdar Cəmiyyəti Ağıllı Şəbəkələr konsepsiyasının həyata keçirilməsində daha bir yenilik edib. Qurumdan Sputnik Azərbaycan-a verilən məlumata görə, söhbət kommunal sektorda ilk dəfə xüsusi təyinatlı uçuş aparatlarının tətbiq edilməsindən gedir.

"Azərişıq"ın Ağıllı Şəbəkələr konsepsiyası tamamilə müasir və innovativ texnologiyaların istifadəsi üzərində qurulub. Bu konsepsiya çərçivəsində, artıq reallaşdırılmış müasir tipli mühafizəli və izolyasiyalı yüksək gərginlikli xətlərinin, 3D-mobil xəritəçilik sisteminin, məsafədən Optik portla elektrik sayğaclarının oxunması və mövcud idarəetmə platformasına inteqrasiya işləri uğurla davam etdirilir.

Rəqəmsal idarəetməyə keçid proqramı istiqamətində aparılan genişmiqyaslı tədbirlər sırasına xüsusi təyinatlı uçuş aparatları ilə Hava Elektrik Veriliş Xətlərinə (HEVX) kompleks və lokal baxış keçirilməsinin təşkili də əlavə edilmək üzrədir. Belə ki, ASC-nin Tədris və İnnovasiyalar Mərkəzində "Şəbəkə qüsurlarının aşkar edilməsində Yüksək texnologiyaların tətbiqi" üzrə təlim-tədris kursuna start verilib. Bu tip pilotsuz uçuş aparatları sadə foto-video çəkilişləri üçün nəzərdə tutulmuş dronlardan xeyli fərqlənir. Bu səbəbdən də onlara Xüsusi Təyinatlı Texniki Uçuş aparatları adı verilib. Belə kameralar 360 dərəcəlik panorama, infraqırmızı spektrdə və temperatur göstəricilərinin vizuallaşdırılması rejimlərində çəkiliş apara bilir. Bundan əlavə, xüsusi yaxınlaşdırma (zoom) funksiyası 25-30 m məsafədən kiçik ölçülü zədələnmələri belə müəyyən etməyə imkan verir.

Ənənəvi üsulla xətlərə texniki baxışın keçirilməsi üzun müddətli və mürəkkəb dispetçer əməliyyatlarının aparılmasını tələb edən bir prosesdir. Burada əlavə işçi heyətin, maşın–mexanizlərin, xüsusi qaldırıcı texnikanın cəlb edilməsi də qaçılmazdır. Nəticədə, elektrik enerjisi verilişində uzunmüddətli fasilələr yaranır, abonent məmnunluğu və xidmət keyfiyyəti göstəriciləri pisləşir. Müasir texnologiyaların tətbiqi ilə bütün bu problemlər aradan qaldırılır, yüksək dəqiqlikli vizual qeydiyyat aparılır, virtual arxivləşdirilir, ən əsası – abonentlərin elektrik enerjisi verilişində fasilələr yaranmır.

Bu növ xüsusi təyinatlı texniki uçuş aparatlarının işğaldan azad olunmuş ərazilərdə qurulacaq Ağıllı Şəbəkələrdə təşkiledici baza elementi kimi istifadə edilməsi nəzərdə tutulub", - deyə qurum bəyan edib.

53
Teqlər:
elektrik xətləri, elektrik naqili, qəza, "Azərişıq" Açıq Səhmdar Cəmiyyəti, dron
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

387
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

387