ABŞ dollarları, arxiv şəkli

Kritik açıqlama: dollar bazardan yığılacaq

1547
(Yenilənib 11:04 13.07.2017)
Bu açıqlama dolların mühüm valyutalar qarşısında ucuzlaşmasına səbəb olub

BAKI, 13 iyul — Sputnik. ABŞ Mərkəzi Bankının (Fed) sədri Janet Yellen, inflyasiyanın hədəfdən (2%) aşağı qalmaqda davam etdiyi müddətdə, Fed-in pul siyasətini sərtləşdirməyə, o cümlədən faizləri artırmağa tələsməyəcəyinə işarə edib.

Sputnik Azərbaycan "Marja"ya istinadən xəbər verir ki, ilk öncə bu açıqlama dolların mühüm valyutalar qarşısında ucuzlaşmasına səbəb olub. Bir qədər sonra, Yellenin yaxın zamanda Fed-in balansını azaltmağa başlayacağını bəyan etməsilə dollar itirdiyi dəyərinin bir hissəsini geri alıb. Fed-in balansını azaltmağa başlaması, dövriyyədəki dollar kütləsinin bir hissəsinin geri yığılacağı deməkdir.

Fed sədri Janet Yellen ABŞ Nümayəndələr Palatasında çıxış edib. O, iqtisadiyyatın gələcək bir neçə il ərzində inkişaf etməkdə davam edəcəyini, istehlak  xərclərinin, investisiyaların artdığını və ABŞ məhsullarına qlobal tələbatın gücləndiyini deyib. Yellen, bunların da bankın mərhələli faiz artırmasına imkan verəcəyini qeyd edib.

Yellen təqdimatında faizlərin artırılacağı tarixlərə dair açıqlama verməyib, "Gələcək bir neçə ildə əlavə mərhələli faiz artımlarına ehtiyac var" ifadələrini istifadə edib.

İşçi qüvvəsi bazarının yanvar-iyun dövründə aylıq orta hesabla 180 minlik məşğulluq artımı ilə güclənməyə davam etdiyini qeyd edən Yellen, işsizlik nisbətinin isə 4,4%-ə gerilədiyini və məşğulluq bazarının gücünün artığını vurğulayıb.

Janet Yellen Fed-in inflyasiyanı izlədiyi qeyd edib. İnflyasiyanın iqtisadiyyata reaksiyasının qeyri-müəyyən olduğunu, maliyyə siyasətinin də digər bir qeyri-müəyyənlik mənbəyi olduğunu vurğulayıb. Fed sədri, 2%-lik inflyasiya hədəfinin tavan olmadığını, simmetrik bir hədəf olduğunu deyib. İnflyasiya ötən 5 ildə böyük nisbətdə 2%-lik hədəfdən aşağı qalıb.

Fed-in balansını azaltmaq planının böyük ehtimalla bu il tətbiq olunacağını bildirən Yellen, "balansın aktiv siyasət vasitəsi olmasını gözləmirik" ifadəsinə yer verib. Məruzədə qlobal iqtisadiyyatdakı sürətlənmənin ABŞ-ın ixracını dəstəkləyəcəyi bildirilib.

Fed aşağı inflyasiyaya baxmayaraq bu ilin mart və iyun aylarında faizlərini 2 dəfə artırmışdır. Təqdimatın ardından sualları cavablandıran Yellen Fedin inflyasiya hədəflinə çatmağa fokuslandığını bildirib və 2 faiz inflyasiyaya yaxınlaşıldığını söyləməyin hələ tez olduğunu deyib. Sədr inflyasiya hədəfini yüksəltməyin Fed-in müzakirə mövzusu olmadığını bildirib.

Yellen, məşğulluğun artmasının maaşların artmasına səbəb olacağını və qiymətləri yuxarı qaldıracağını (inflyasiyanı artıracağını) deyib.

Yellen balansın azaldılmasına dair,  "Mənə görə nisbi yaxın bir zamanda başlaya bilər. Əgər iqtisadiyyat gözləntilər istiqamətində getsə, proses yaxında başlaya bilər" şəklində cavab verib.

1547
Teqlər:
ABŞ Nümayəndələr Palatası, Janet Yellen, işsizlik, faiz, FED, inflyasiya, dollar
Əlaqədar
FED uçot dərəcəsini artırıb
FED uçot dərəcəsini artıracaq
FED-in martda uçot dərəcəsini qaldırma ehtimalı yüksəlir
FED-də “Tramp” zəlzələsi
FED 4 dəfə faiz artımına gedəcək
Neft, arxiv şəkli

Azərbaycan nefti bu gün özünü necə aparıb?

12
(Yenilənib 13:59 20.01.2021)
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 20 yanvar — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,02 dollar artaraq 56,39 dollar təşkil edib.

"Brent" markalı neftin qiyməti 0,40 dollar artaraq 56,30 dollar, "Light" markalı neftin qiyməti isə 0,43 dollar bahalaşaraq 53,41 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

12
Teqlər:
"Brent" markalı neft, Brent, "AzeriLight" markalı neft, "AzeriLight", Azərbaycan nefti, neft, Neft

Nazir Mikayıl Cabbarov biznesin inkişafı üçün görülən işləri açıqlayır

13
(Yenilənib 19:22 19.01.2021)
İqtisadiyyat naziri Mikayıl Cabbarov deyir ki, ölkəmizdə biznes mühitinin sağlamdırılması ilə bağlı tədbirlər görülür və maliyyəyə çıxış imkanları sadələşdirilir
Mikayıl Cabbarov: “Maneələrin aradan qaldırılması istiqamətində işlər davam etdiriləcək”

“İqtisadiyyat nazirliyi və digər aidiyyəti strukturlar fəaliyyətlərini sahibkarlığın dəstəklənməsi və onların investisiya imkanlarının genişləndirilməsinə yönəldiblər”. Sputnik Azərbaycan xəbər verir ki, bunu Azərbaycan Televiziyasına müsahibəsində Azərbaycanın iqtisadiyyat naziri Mikayıl Cabbarov deyib.

Nazir bildirib ki, sahibkarların istehsal etdikləri məhsulların ixrac potensialının artırılması istiqamətdə təşviqedici addımlar atılır:

“Ölkəmizdə biznes mühitinin sağlamlaşdırılması ilə bağlı tədbirlər görülür və maliyyəyə çıxış imkanları sadələşdirilir. Bundan sonra da iş yerlərinin qeydiyyata alınması, vergi və gömrük inzibatçılığındakı bariyerlərin aradan qaldırılması istiqamətində işlər davam etdiriləcək”.

Mikayıl Cabbarovun fikirlərinə audiofaylda qulaq asa bilərsiniz

13

Əyani təhsil başlayanda şagirdləri nələr gözləyir?

0
(Yenilənib 16:26 20.01.2021)
Yanvarın 18-dən sonra karantin qaydalarının yumşaldılması təhsilə də sirayət edəcək. KİV-də məlumat yayılıb ki, Təhsil Nazirliyi məktəbləri açmağa hazırlaşır, ancaq konkret vaxt deməyə hələ tələsmir

Məlumdur ki, respublika üzrə təhsil müəssisələrində əyani dərslər 2020-ci il noyabrın 2-də koronavirus pandemiyası ilə bağlı vəziyyətin pisləşməsi səbəbi ilə dayandırılmışdı. Hazırda gündəlik yoluxma statistikası payızdakı göstəricilərədək azalıb. Eyni zamanda Azərbaycanda əhalinin müəyyən qrupunun da peyvəndlənməsinə başlanılıb. 

Sosial şəbəkələrdə isə məktəblərin fevralın 1-dən, yaxud da 15-dən 5-9-cu sinif şagirdləri üçün açılacağı aktiv müzakirə olunur. 

Təhsil müəssisələrinin yenidən açılması ilə şagirdləri nələrin gözlədiyi, təhsil prosesinin necə qurulacağı və onlayn dərslərlə uşaqların məktəbə gəlməsini necə uyğunlaşdıracaqları barədə sualları yanvarın 25-i saat 12:00-da Sputnik Azərbaycan-ın Multimedia mətbuat mərkəzində təhsil eksperti, Təhsil.biz maarifçi-informasiya portalının baş redaktoru Kamran Əsədov cavablandıracaq.

Spikerə sualları öncədən ivelizade@gmail.com elektron ünvanına göndərə bilərsiniz. Tədbir Sputnik Azərbaycan-ın Facebook səhifəsində canlı yayımlanacaq.

Əlaqə: 

Telefonlar: 404-13-84/85

Ünvan: Mətbuat prospekti, 529-cu məhəllə, 23 M, BMM-in binası, 4-cü mərtəbə, Sputnik Azərbaycan Multimedia Mətbuat Mərkəzi

0