İqtisadi analiz, arxiv şəkli

İlin sonunadək faiz artımı gözləntisi var

2725
(Yenilənib 21:30 28.06.2017)
Məzənnənin hansı istiqamətdə dinamika nümayiş etdirəcəyi bazar iştirakçıları tərəfindən tam qiymətləndirilə bilmir

BAKI, 23 iyun — Sputnik. 2017-ci ilin yanvar-may aylarında Azərbaycanda istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,8 faiz, o cümlədən ərzaq məhsullarının qiymətləri 18,2 faiz, qeyri-ərzaq məhsullarının qiymətləri 12,5 faiz, əhaliyə göstərilən ödənişli xidmətlərin qiymətləri 9,1 faiz bahalaşıb. Bu barədə Dövlət Statistika Komitəsindən Sputnik Azərbaycan-a məlumat verilib.

İqtisadçı-ekspert Rəşad Həsənov
İqtisadçı-ekspert Rəşad Həsənov

Məsələ ilə bağlı iqtisadçı-ekspert Rəşad Həsənov Sputnik Azərbaycan-a açıqlamasında deyib ki, proqnozlara görə, Azərbaycanda 2017-ci il üçün real inflyasiya təxminən 15 faiz həddində olacaq: "Böyük ehtimalla növbəti aylarda, xüsusilə iyul, avqust aylarında inflyasiya səviyyəsində azalma baş verəcək. Amma sentyabr ayından etibarən inflyasiya səviyyəsində artımlar yenə də davam edəcək və ümumi illik inflyasiya səviyyəsi təxminən 15 faiz həddində olacaq".

Onun fikrincə, bu da təbii bir prosesdir: "Çünki əvvəlki dövrlərdə faktiki olaraq bazar devalvasiyanı tam qiymətləndirə bilməyib. Bu səbəbdən də qiymətlər real səviyyəyə qədər artmırdı. Hazırda isə məzənnədə yaranmış nisbətən sabitlik imkan verir ki, şirkətlər faktiki olaraq qiymət siyasətinin tarazlaşması istiqamətində müəyyən addımlar ata bilsin".

"Faktiki olaraq növbəti aylarda məzənnənin hansı istiqamətdə dinamika nümayiş etdirəcəyi bu gün bazar iştirakçıları tərəfindən tam qiymətləndirilə bilmir və müəyyən risklər var. Bu risklər fonunda ola bilsin ki, yenidən məzənnə dəyişikliyi baş versin və manat dəyərini itirsin. Bu zaman faktiki olaraq bazarda həyata keçirilən qiymət siyasətinin qısa müddətli dəyişdirilməsinin mənfi hallarından qorunmaq üçün şirkətlər əhalinin uyğunlaşdığı indiki qiymətləri qoruyub saxlamağa üstünlük verir" — ekspert bildirib.

Digər tərəfdən, R. Həsənova görə, devalvasiyanı bazar tam qiymətləndirə bilməyib: "Devalvasiya, təxminən manatın 54 faizədək ucuzlaşmasını şərtləndirib. Amma əvəzində biz bazarlarda, yəni, əksər məhsullarda qiymətin bu səviyyələrədək artımını görə bilmirik. Bunun da səbəbi o idi ki, alıcılıq kifayət qədər məhdud idi, eyni zamanda, inzibati üsullarla müəyyən qədər təsirlər var idi və s. Hazırda isə imkan yaranıb və yaranmış vəziyyəti bazar iştirakçıları dəyərləndirir. O baxımdan da qiymətlərdə ucuzlaşma baş vermir".

Sabit Bağırov
© Photo : Şəxsi arxivindən
Sabit Bağırov

İqtisadçı-ekspert Sabit Bağırov da Sputnik Azərbaycan-a açıqlamasında deyib ki, ilin sonuna yaxın inflyasiyanın səviyyəsi arta bilər: "Gözlənilən odur ki, ilin sonuna, adətən Maliyyə Nazirliyi büdcə xərclərini daha intensiv işlətməyə başlayır və pul kütləsi də artır. Bu da istər-istəməz inflyasiyaya müəyyən təzyiqlər göstərir".

Qeyd edək ki, statistik məlumatlara görə, cari ilin may ayında aprel ayına nisbətən istehlak məhsullarının və xidmətlərin qiymətləri 0,2 faiz, o cümlədən qeyri-ərzaq məhsullarının qiymətləri 0,2 faiz, əhaliyə göstərilən ödənişli xidmətlərin qiymətləri 2,1 faiz bahalaşıb, ərzaq məhsullarının qiymətləri isə 1,3 faiz ucuzlaşıb. May ayı ərzində düyünün, kərə yağının, pendirin, meyvə şirəsinin, spirtli içkilərin, qəhvə, çay və kakaonun, soğanın, kartofun, yerkökünün, balqabağın qiymətlərində bahalaşma, makaron məmulatlarının, manna və qarabaşaq yarmasının, mal, qoyun və toyuq ətinin, balıq məhsullarının, südün, yumurtanın, günəbaxan və qarğıdalı yağlarının, şəkər və şəkər tozunun, tütün məmulatlarının, pomidorun, xiyarın, göyərtinin, kələmin, badımcanın qiymətlərində isə ucuzlaşma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.

2725
Teqlər:
Sabit Bağırov, ərzaq məhsulları, baha, Rəşad Həsənov, Sputnik Azərbaycan, iqtisadçı-ekspert, faiz, inflyasiya, xidmət, məhsul, proqnoz, qiymət
Əlaqədar
Cari ilin inflyasiya gözləntiləri ümidverici deyil
İqtisadçı-ekspert: 2017-ci ildə də inflyasiya iki rəqəmli olaraq davam edəcək
​Mərkəzi Kəşfiyyat İdarəsi Azərbaycanda inflyasiyanın səviyyəsini müəyyən edib
"Ötən il inflyasiya tək rəqəmli səviyyədə saxlanılıb"
Nazir: İnflyasiya gözlənilir
Azərbaycanda inflyasiya qeydə alınıb
Taxılçılıqla məşğul olan fermer

Rayonda bir ilki sınaqdan keçirən Balakən sakini ayın fermeri oldu

10
(Yenilənib 21:10 30.11.2020)
"Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir

BAKI, 30 noyabr — Sputnik. Azərbaycanda aqrar sahədə fəaliyyətin daha da stimullaşdırılması üçün fermerlər arasında elan edilən "Ayın fermeri" müsabiqəsinin qalibi müəyyənləşib.

Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat veriblər ki, müsabiqədə iştirak üçün 40 rayondan ümumilikdə 56 fermer müraciət edib. Müsabiqənin iki mərhələsi üzrə ayrı-ayrılıqda fermerlərin fəaliyyəti qiymətləndirilib.

Komissiya üzvlərinin qiymətləndirməsi nəticəsində qarğıdalı istehsalı sahəsində yüksək məhsuldarlıq əldə etdiyinə görə fermer Zaur Əhmədiyev "Ayın fermeri" müsabiqəsinin qalibi elan edilib. Balakən rayonunda fermer təsərrüfatı quran Zaur Əhmədiyev düzgün aqrotexniki qulluq nəticəsində 35 ha qarğıdalı sahəsindən 308 ton dənlik qarğıdalı istehsal edib. Rayonda ilk dəfə qarğıdalı sahəsində damlama üsulu ilə suvarma sistemini quran fermerin qarğıdalı sahəsində orta məhsuldarlıq 88 sentner təşkil edib. O, ötən il 175 ha sahədən 460 ton taxıl əldə edib. 2019-cu ildə 20 hektar sahədə intensiv bağ salan Zaur Əhmədiyev heyvandarlıq sahəsində də fəaliyyət göstərir və hazırda təsərrüfatında 298 baş iribuynuzlu heyvan var.

Qeyd edək ki, "Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir.

Xatırladaq ki, müsabiqənin təşkili ilə bağlı təsdiqlənən qaydalara əsasən, müsabiqədə "Elektron Kənd Təsərrüfatı" İnformasiya Sistemində (EKTİS) qeydiyyatdan keçmiş və 2 ildən az olmayan müddətdə kənd təsərrüfatı məhsullarının istehsalı ilə məşğul olan fermerlər iştirak edə bilər.

10
Teqlər:
qarğıdalı, fermer, Balakən
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

12
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

12
Tovuzun Əsrik Cırdaxan kəndindən olan Bədir Süleymanov

Qələbənin bir addımlığında yaralanan qazi: "Bir əsgərdə qorxu hissi yox idi"

54
(Yenilənib 21:37 30.11.2020)
"Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi"

İlham Mustafayev, Sputnik Azərbaycan

BAKI, 30 noyabr — Sputnik. Döyüş meydanında qəhrəmanlıq göstərən igid Azərbaycan oğullarının şücaəti indi dillərə dastan olur. Torpaqlarımızı işğaldan azad etmiş bu vətən oğullarının sayəsində biz zəfər yazan ölkənin vətəndaşına çevrilmişik. Onlardan biri də Tovuzun Əsrik Cırdaxan kəndindən olan Bədir Süleymanovdur.

© Sputnik / Ilham Mustafa
Qarabağ qazisi Bədir Süleymanov övladı ilə

O, Vətən müharibəsinin ilk günlərindən cəbhəyə könüllü qatılıb, döyüşlərdə iştirak edib. Bədir torpaqlarımızın işğaldan azad olunması zamanı əldə edilən qələbənin əsas səbəblərindən birinin yüksək döyüş əhval-ruhiyyəsi olduğunu deyir:

“Əhval-ruhiyyə ordumuzda çox yüksək idi. Bir əsgərdə belə qorxu hissi yox idi. İndi fikirləşirəm ki, bir nəfər belə qorxmuş olsaydı, bu bütün döyüşçülərə sirayət edərdi. Amma hər kəs qorxmadan mərdliklə döyüşürdü. Bizim döyüşçülərin döyüş ruhunu yüksəldən düşmənin qabağımızda dayana bilməməsi idi. Hücum vaxtı erməni əsgəri uzağı 5-10 güllə atıb avtomatı tullayıb qaçırdı. Onda hiss edirdik ki, qarşımızı heç bir düşmən kəsə bilməz”, - deyə döyüşlər haqda danışıb.
  • Bədir Süleymanov övladları ilə
    © Sputnik / Ilham Mustafa
  • Bədir Süleymanovun övladları
    © Sputnik / Ilham Mustafa
  • Tovuzun Əsrik Cırdaxan kəndindən olan Bədir Süleymanov
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
1 / 5
© Sputnik / Ilham Mustafa
Bədir Süleymanov övladları ilə

Füzuli, Laçın və Xocavənd istiqamətində döyüşlərdə iştirak edən Bədir Süleymanov əlindən yaralansa da, digər yaralı əsgər yoldaşını da döyüş meydanında buraxmayıb. O anı yaralı qazi belə xatırlayır:

“Noyabrın 9-da Xocavənd istiqamətində əlimdən güllə yarası aldım. Mən zərbə manqasında döyüşürdüm. Döyüşlərə ilk biz atılırdıq. Yaralandığım döyüşdə erməniləri qovaraq içərilərə getdik. Düşmən bizi mühasirəyə salmaq istəyəndə yaralandım. Mənimlə eyni vaxtda bir yoldaşım da yaralandı. Güllə sinəsindən girib kürəyindən çıxmışdı. Olduğumuz yerdən işıqlı havada çıxmaq mümkün deyildi. Snayperləri çox idi ərazidə. Ona görə komandir dedi, qaranlıq düşsün, sonra sizi aşağı düşürək. Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi”, - deyə o, son döyüşündən məlumat verib.

© Sputnik / Ilham Mustafa
Qarabağ qazisi Bədir Süleymanov ailəs ilə birgə

Bədirin 2 körpə övladı var. Qazinin gəlişinə ən çox sevinənlər də elə onlardır.

Qazi anası Aybəniz Salmanova övladı ilə fəxr etdiyini deyir.

“Bədir mənim fəxrimdir. Müharibə başlayanda öz kəndimizdəydim. Zəng elədi ki, mən döyüşə gedirəm, gəl, uşaqların yanında qal. Gedən gündən döyüşlərə qatılıb son günlərədək vuruşdu. Gələndə onu bir qəhrəman oğul kimi qarşıladım. Mən övladımla, ordumuzla, prezidentimizlə fəxr edirəm. Çünki birlik olmasaydı, müharibədə qalib gələ bilməzdik,” - deyə o bildirib.

Bədir indi tezliklə sağalacağı günü gözləyir. Fikri-zikri döyüş yoldaşlarının yanında olduğundan sağalan kimi onların yanına getmək istəyir.

54
Teqlər:
əsgər, döyüş, söhbət, Tovuz, Qarabağ, qazi