ABŞ dolları

Qeyri-dollar valyutaları zəiflədəcək axın başlayır

1730
"Proses Azərbaycandan yan keçməyəcək, manata təzyiqlər arta bilər"

BAKI, 19 iyun — Sputnik. ABŞ-ın Federal Ehtiyat Sistemi (FED) iki günlük iclasdan sonra iyunun 14-də baza faiz dərəcəsini 0,25 faiz bəndi, 0,75-1 faizdən 1-1,25 faizə qədər artırıb. Sonuncu dəfə FED martın 15-də uçot dərəcəsini illik 0,5-0,75% səviyyəsindən 0,75-1%-dək artırıb.

Məsələ ilə bağlı Azərbaycan Dövlət İqtisad Universitetinin (UNEC) dosenti Elşən Bağırzadə Sputnik Azərbaycan-a açıqlamasında deyib ki, ümumiyyətlə, FED-in qərarı yeni formalaşmış Donald Tramp hökumətinin iqtisadi strategiyasına uyğun həyata keçirilir: "FED-in kifayət qədər müstəqil qurum olduğunu düşünməyimizə baxmayaraq, bu qərar ABŞ prezidentinin nəzərdə tutulan iqtisadi strategiyasına tamamilə uyğundur".

Onun sözlərinə görə, Trampın məqsədi Amerikada böyük investisiya layihələri həyata keçirmək, infrastrukturu yenidən qurmaq və bir sıra istehsal sahələrini yenidən canlandırmaqdır: "Bu da kifayət qədər Amerika iqtisadiyyatına xaricdən investisiyaların cəlbini nəzərdə tutur. Ona görə də FED-in faiz dərəcələrini qaldırması bir növ ABŞ iqtisadiyyatını investisiya axınları baxımından daha da cəlbedici edir və bu, inkişaf etməkdə olan, xüsusilə də aşağı və orta gəlirli inkişaf etməkdə olan ölkələrə mənfi təsirini göstərəcək. Çünki, artıq bu ölkələrin iqtisadiyyatına daxil olacaq potensial investisiyalar Amerika bazarında daha yaxşı qiymətləndirmə imkanı əldə edəcək".

"Bu prosesin əksər inkişaf etməkdə olan ölkələrə, sənaye ölkələrinə, Rusiyaya, Türkiyəyə, Braziliyaya müəyyən mənada mənfi təsirləri olacaq. Bu baxımdan Azərbaycanı da istisna etmirəm. Çünki, ucuz pul siyasəti daha ekspansiv bir monetar siyasətdir və dünyada bol dollar ilə xarakterizə olunurdu. Eyni zamanda, Amerikaya investisiya qoyanlar daha çox inkişaf etməkdə olan ölkələrə yönəlirdilər. Çünki, burada faiz dərəcələri daha yüksək idi. İndi isə FED-in bu qərarı ona gətirib çıxardacaq ki, həmin axınlar ABŞ iqtisadiyyatına doğru hərəkət edəcək. Bu da inkişaf etməkdə olan dünya üçün xüsusilə də investisiya imkanları baxımından müəyyən problemlər yaradacaq" — iqtisadçı bildirib.

FED-in balansın azaldılmasına dair qərarını da şərh edən Bağırzadənin dediyinə görə, FED öz balansında olan qiymətli kağızları satırsa, bu, eyni zamanda, müəyyən mənada dövriyyədəki pul kütləsinə təsir göstərir: "Düşünürəm ki, FED-in əlindən çıxarmaq istədiyi yüksək reytinqli qiymətli kağızlar deyil, bunlar kifayət qədər müəyyən problemləri olan və yaxud da reytinqi aşağı olan qiymətli kağızlardır. O baxımdan bunu monetar siyasətə tərs siyasət kimi düşünmək lazım deyil. Bunun dövriyyədəki pul kütləsinin azaldılması prosesinə müəyyən qədər dəstəyi olacaq".

İqtisadçı-ekspert Sabit Bağırov da Sputnik Azərbaycan-a açıqlamasında, FED-in qərarının dünyada dolları gücləndirəcəyini deyib: "Azərbaycanda da manata müəyyən qədər təzyiqlər arta bilər".

"FED növbəti dəfə uçot dərəcəsini artıracaqmı" sualına ekspert belə cavab verib: "ABŞ-ın iqtisadiyyatı çox yaxşı izləmək imkanları və bacarığı var. Müxtəlif indeksləri daim nəzərdə saxlayırlar, təhlil edirlər və ona əsasən qərar qəbul edirlər. İndidən FED-in növbəti dəfə uçot dərəcəsini artıracağını söyləmək çətindir".

1730
Teqlər:
faiz dərəcəsi, Sabit Bağırov, Sputnik Azərbaycan, Elşən Bağırzadə, Donald Tramp, uçot dərəcəsi, UNEC, Federal Ehtiyat Sistemi, FED, Amerika, ABŞ, manat, dollar, iqtisadiyyat
Əlaqədar
FED faizi artırdı, dollar isə ucuzlaşdı
FED uçot dərəcəsini artırıb
FED uçot dərəcəsini artıracaq
Dollar alıb-satmaq üçün ən sərfəli banklar
Dolların məzənnəsi açıqlanıb
Valyuta bazarımızda dollar müəmması: bərabərlik işarəsi?
Dolları bahalaşdırmayan qalmadı
Kənd Təsərrüfatı naziri İnam Kərimov

İnam Kərimov: “Kənd Təsərrüfatı Nazirliyi qarşısında konkret ciddi vəzifələr qoyulub”

63
(Yenilənib 23:47 12.08.2020)
Kənd Təsərrüfatı naziri İnam Kərimov deyir ki, qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir
İnam Kərimov: “Ayrılan vəsait suvarma sistemlərinin subsidiyalaşdırılmasına xərclənəcək”

“Bu il hava şəraitinin quraq keçməsi su çatışmazlığı problemini daha da aktuallaşdırıb. Ona görə də su resurslarından səmərəli istifadə edilməsi əsas vəzifələrdəndir”. Sputnik Azərbaycan xəbər verir ki, bu barədə Kənd Təsərrüfatı naziri İnam Kərimov Bərdədə jurnalistlərə müsahibəsində deyib.

“Bu məqsədlə ötən ay Prezident yanında su təsərrüfatının vəziyyətinə həsr olunmuş müşavirə keçirildi. Müşavirədən sonra "Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında" Sərəncam imzalandı. Həm müşavirədə, həm də Sərəncamda Kənd Təsərrüfatı Nazirliyi və aidiyyəti qurumlar qarşısında konkret və ciddi vəzifələr qoyulub. Qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir. Bu texnologiyalar həm su resurslarından səmərəli istifadəyə, həm də fermerlərin daha çox məhsul istehsal etməsinə imkan verir. Bu məqsədlə Prezident müasir suvarma texnologiyalarının və digər kənd təsərrüfatı texnologiyalarının subsidiyalaşdırılması üçün əlavə vəsait ayırıb. Bu vəsait Prezidentin tapşırığına uyğun olaraq Kənd Təsərrüfatı Nazirliyi tərəfindən əsasən müasir suvarma sistemlərinin subsidiyalaşdırılmasına xərclənəcək”, – deyə nazir İnam Kərimov bildirib.

İnam Kərimovun fikirlərinə audiofaylda qulaq asa bilərsiniz

63
Kişi yeni evinin qapısından baxır, arxiv şəkli

Əcnəbilərdən başqa hər kəs bir pillə aşağı - Kirayə bazarı hərəkətə gəldi

675
(Yenilənib 00:10 13.08.2020)
Kirayə ev axtaran vətəndaşların sayı çox olsa da, hamı ucuz ev istəyir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir

İradə Cəlilova, Sputnik Azərbaycan

BAKI, 13 avqust — Sputnik. Hər il yeni tədris ilinin başlanması ilə bağlı avqust ayında kirayə bazarında canlanma müşahidə edilirdi. Bu il pandemiya ilə əlaqədar bazarın bu seqmentində durğunluq yaransa da, mütəxəssislər hesab edirlər ki, son həftədə az da olsa, hərəkətlilik sezilir.

Amma bu dəfə vətəndaşlar kirayə tutmaq üçün daha ucuz ev axtarırlar.

Hazırda kirayə bazarında vəziyyət necədir? Sputnik Azərbaycan bu məsələni araşdırıb.

Əmlak məsələləri üzrə ekspert Elnur Fərzəliyev Sputnik Azərbaycan-a verdiyi açıqlamada bildirib ki, son bir həftədə paytaxtda kirayə bazarında bir hərəkətlənmə müşahidə edilib. Belə ki, ucuz kirayə evlərə tələbat artıb.

"Hazırda hamı 250 manata ev axtarır. 250 manata verilən evlər isə pandemiyadan əvvəl 350 manata kirayə verilən evlərdir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir", - deyən ekspert bildirib ki, kirayə ev axtaran vətəndaşların sayı çox olsa da, hamı ucuz ev istəyir.

Mütəxəssis hesab edir ki, kirayə ev axtaranların əksəriyyəti tələbələr və iş üçün bölgələrdən paytaxta gələn vətəndaşlardır. E.Fərzəliyevin fikrincə, obyektlərin kirayə verilməsində isə vəziyyət fərqlidir.

Belə ki, müəyyən müddət işləməyə icazə olmadığı üçün obyektlərin çoxu boşaldıldı.

Onun sözlərinə görə, obyektlərin kirayə qiymətlərində ucuzlaşma müşahidə edilmir:

"Məsələn, aylıq icarə haqqı 1000 manat olan obyektlər 500 manata icarəyə verilsə, sahibkarlar fəaliyyətini davam etdirə bilərlər. Amma obyekt sahibləri bu ucuzlaşmaya getmirlər. Obyektlərini bağlı, boş saxlayırlar, amma ucuz icarəyə vermirlər. Çünki obyektlərin satış dəyəri onun icarə qiymətindən asılıdır. Belə ki, obyektlər satış dəyərinin 0,5 faizi dəyərində icarəyə verilir. Məsələn, 100 min-150 minlik satış dəyəri olan bir obyektin 500 manat icarə dəyəri olmalıdır. Belə obyektlər 200-300 manata icarəyə veriləndə onun satış qiyməti 70-80 min manata düşür. Obyekt almağı düşünən şəxslər icarə dəyərini nəzərə alırlar".

Ekspert qeyd edir ki, sərt karantin dönəmində bağ evlərinə ciddi tələbat olduğu üçün bağ evlərinin qiymətləri kəskin artdı: "Yay mövsümü artıq bitdiyi üçün bağ evləri də bir müddət sonra boşalacaq və qiymətlər düşəcək".

Əmlak məsələləri üzrə ekspert Elnur Azadov Sputnik Azərbaycan-a açıqlamasında bildirib ki, may ayından etibarən tələbələrin regionlara geri qayıtması ilə bağlı kirayə bazarında müəyyən dəyişikliklər müşahidə edilməyə başlanılıb.

"Bu daha çox Bakı, Sumqayıt və Gəncə şəhərlərində müşahidə edilir. Çünki ölkədə kirayə bazarının 30-35 faizini tələbələr təşkil edirlər. Bunların getməsi ilə bağlı bu üç şəhərdə gün ərzində 200-250 mənzil boşaldı", - deyə ekspert bildirib.

Onun sözlərinə görə, iyun-iyul aylarında kirayə evlərinin boşaldılması halları daha intensiv olub. Və təkcə tələbələr deyil, regionlardan paytaxta işləməyə gələn şəxslər də evləri boşaldıblar: "Bu özünü daha çox iyulun sonlarında göstərdi. Eyni zamanda həmin mənzillərin təkrar kirayə verilməsi müşahidə edildi. Yəni 500 manatlıq kirayə evdə qalanlar 400 manatlıq kirayə evlərə, 400 manatlıq kirayə evlərdə qalanlar 300 manatlıq kirayə evlərə köçdülər".

Ekspert deyir ki, bu dövr ərzində kirayə qiymətləri 20-30 faiz ucuzlaşıb. Onun sözlərinə görə, daha çox 600-700 manatlıq evlərə tələbat olduğu üçün bahalı evlər boşaldıldı.

Kirayə bazarında olan kasadlıq günlük kirayə mənzil bazarına da təsirsiz ötüşməyib. Belə ki, xarici vətəndaşların Azərbaycana səfərləri olmadığı üçün hazırda günlük kirayə bazarı tamamilə boşdur.

E.Azadovun fikrincə, xarici vətəndaşlar tərəfindən icarə götürülən 1000-1500 manatlıq kirayə evlərin bazarında heç bir dəyişiklik müşahidə edilməyib:

"Bu evlər Azərbaycanda çalışan xarici vətəndaşlar tərəfindən götürülür. Burada qalıb işləyən xarici vətəndaşlar işlərinə davam etdikləri üçün həmin bazarda dəyişiklik hiss edilməyib".

Ekspert bildirib ki, daha çox istirahət üçün nəzərdə tutulan villa və bağ evlərinin kirayə qiymətlərində bahalaşma müşahidə edilib.

Belə ki, bu bazarda qiymətlərin 2 dəfə bahalaşması heç bir zaman görülməmişdi: "Amma pandemiya dövründə 5000 manata kirayə verilən villaların icarə qiymətinin 10 min manata qalxması halları da müşahidə edildi".

E.Azadov bildirir ki, kirayə bazarında hərəkətlilik davam edir və bu tendensiya karantin rejiminin yumşaldılması ilə bağlı dəyişəcək.

675
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əmlak bazarında son vəziyyət - qiyməti saxlamaq naminə söküntü başlayacaq
On milyonlarla dolları Azərbaycandan Türkiyəyə yönəldən - SƏBƏB
Kirayə bazarında böhran: İcarədar işsizlikdən dad edir, sahibkar “verməlisən” deyir
Müxtəlif ölkələrdə mənzil kirayələmək neçəyə başa gəlir
Bakı sakinləri "mina"ların üstündə yaşayırlar: Hökumətin qərarları icrasız qalıb
Nura Suri, arxiv şəkli

Nura Suri: "Mənə mesaj yazıb, istəyirlər

0
(Yenilənib 18:05 14.08.2020)
"Tikinti şirkətində Reklam və İctimaiyyətlə əlaqələr şöbəsinin müdiri vəzifəsidir, şirkət müdiri vəzifəsi deyil".

Şahpəri Abbasova, Sputnik Azərbaycan

BAKI, 14 avqust — Sputnik. Populyar müğənni Nura Surinin tikinti şirkətlərinin birində reklam və ictimaiyyətlə əlaqələr şöbəsinin müdiri vəzifəsinə təyin olunması ictimaiyyət arasında geniş müzakirə obyektinə çevrilib. Sputnik Azərbaycan bildirir ki, müğənni bu barədə özünün "Facebook" səhifəsində yazıb. Müğənni qeyd edib ki, pandemiyadan əvvəl də sənəti ilə paralel, digər sahələrdə də fəaliyyət göstərib: "Restoran və mağazaların açılışlarının təşkilatçılığını etmişəm. Uzun illər məşhur restoranların reklamı ilə məşğul olmuşam, tədbirlər təşkil etmişəm. Məşhurlar və jurnalistlər bunu yaxşı bilirlər, çünki keçirdiyim tədbirlərdə qonağım olublar".

Müğənni bildirib ki, vəzifəyə təyin olunduqdan sonra ondan iş istəyirlər: "Reklam işi ilə tək bu gün deyil, çoxdan məşğulam. Axı niyə bu xəbərə bir çoxu təəccübləndi, anlamadım. Tikinti şirkətində Reklam və İctimaiyyətlə əlaqələr şöbəsinin müdiri vəzifəsidir, şirkət müdiri vəzifəsi deyil. Təəccüblü heç nə yoxdur. Maaşım yüksək deyil. Amma bu gün bu miqdarı da qazanmaq çox çətindir. Mesaj yazıb, məndən iş istəyənlər var. Mənim işim şirkətin reklamı ilə əlaqəlidir, işədüzətməylə bağlı deyil. Xahiş edirəm, mənə belə mesajlar yazmayın", - deyə müğənni əlavə edib.

Qeyd edək ki, müğənni Nura Suri tikinti şirkətlərinin birində reklam və ictimaiyyətlə əlaqələr şöbəsinin müdiri vəzifəsinə təyin olunub.

0
Əlaqədar
Əməkdar artist efirdə erməni mahnısı oxuyub
Hüznlü manıslar və xalqın əndişəsi
Azərbaycanlı Mokvada qazanc yolunu tapıb
"La-Skala"nın azərbaycanlı opera müğənnisinin nəşi İtaliyada qalıb
Mən köynəkdə doğulmuşam: Roza Zərgərli COVID-19-u necə keçirdiyini bilməyib