Купюра номиналом в 200 AZN, фото из архива - Sputnik Azərbaycan
İQTİSADİYYAT
Sosial-iqtisadi gündəmə, maliyyə, biznes sahəsinə dair materiallar

Cari ilin ilk 5 ayının statistikası açıqlanıb

© Sputnik / Murad OrujovПачки азербайджанских манатов на столе
Пачки азербайджанских манатов на столе - Sputnik Azərbaycan
Abunə olmaq
Daxili mənbələrdən əsas kapitala yönəldilmiş vəsaitin həcmi azalıb

BAKI, 17 iyun — Sputnik. 2017-ci ilin yanvar-may aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 5671,7 milyon manat və ya əvvəlki ilin yanvar-may ayları ilə müqayisədə 3,2 faiz az vəsait yönəldilib. Bu barədə Sputnik Azərbayacan-a Dövlət Statistika Komitəsindən məlumat verilib.

Dollar - Sputnik Azərbaycan
İQTİSADİYYAT
Üç ay ərzində 265 milyon dollarlıq qeyri-neft məhsulları ixrac etmişik

Məlumata görə, vəsaitin 3663,5 milyon manatı neft sektoruna, 2008,2 milyon manatı isə qeyri-neft sektoruna yönəldilib, ümumi sərmayənin 73,1 faizi bilavasitə tikinti-quraşdırma işlərinin yerinə yetirilməsinə sərf edilib. İstifadə olunmuş vəsaitin 82,9 faizi məhsul istehsalı obyektlərinin, 11,9 faizi xidmət sahələri üzrə obyektlərin, 5,2 faizi isə ümumi sahəsi 629,7 min kvadrat metr olan yaşayış evlərinin payına düşür.

Daxili mənbələrdən əsas kapitala yönəldilmiş vəsait ümumi sərmayənin 37,3 faizini təşkil edib. Əsas kapitala yönəldilmiş sərmayənin ümumi dəyərində müəssisə və təşkilatların vəsaitləri 70,4 faiz, bank kreditləri 12,0 faiz, büdcə vəsaitləri 11,2 faiz, əhalinin şəxsi vəsaitləri 4,5 faiz, büdcədənkənar fondların vəsaitləri 1,4 faiz, sair vəsaitlər isə 0,5 faiz təşkil edib.

2017-ci ilin yanvar-may aylarında Naxçıvan Muxtar Respublikasında 2136 şagird yerlik 4 ümumtəhsil məktəb binası, 224 yerlik məktəbəqədər təhsil müəssisəsi, Bakı şəhərində Ali Neft Məktəbinin yeni kampusu, Pirallahı rayonunda körpü, Yevlax şəhərində Varvara balıqartırma müəssisəsi, Saatlı rayonunda 110/35/10 kilovoltluq "Sarıcalar" elektrik yarımstansiyası və s. obyektlər istifadəyə verilib.

Xəbər lenti
0