Qara bazar iştirakçısı

"Qara bazar"ın oyunçuları leqal mövqelərinə qayıdacaqlar

4356
(Yenilənib 16:28 24.04.2017)
Ekspert: "Qara bazar"da işləyənlərin əksəriyyəti "exchange"lərin işçiləridir"

BAKI, 21 aprel — Sputnik. Azərbaycanda yeni lisenziyalaşdırılan fəaliyyət növü — valyuta mübadiləsi fəaliyyətinin yaradılması məqsədi ilə "Valyuta tənzimi haqqında" qanunda dəyişikliklər edilməsi barədə qanun layihəsi hazırlanıb. Dəyişikliklər nəticəsində valyuta mübadiləsi əməliyyatlarının aparılması qaydaları, o cümlədən təşkilati, texniki təchizat, təhlükəsizliyə dair tələblər, uçotun, hesabatın, sənədləşmənin vahid formaları, onların müddətləri, habelə həmin fəaliyyəti göstərəcək obyektlərin yerləşəcəyi ərazilər maliyyə bazarlarına nəzarət orqanı tərəfindən müvafiq icra hakimiyyəti orqanı ilə razılaşdırmaqla müəyyən ediləcək.

Vüqar Bayramov
Vüqar Bayramov

Məsələ ilə əlaqədar iqtisadçı-ekspert Vüqar Bayramov Sputnik Azərbaycan-a açıqlamasında deyib ki, "exchange"lərin bağlanması doğru addım deyildi və buna ehtiyac yox idi: "Bunların bağlanması nəticə etibarı ilə rəqabətin zəifləməsinə və "qara bazar"ın yaranmasına gətirib çıxardıb. "Exchange"lərin olmaması bankların alış-satış kursları arasında kəskin fərqin yaranmasına və əksər hallarda bankların vətəndaşlardan valyutanı ucuz alıb, baha satmasına səbəb olub".

Eskpertin sözlərinə görə, bunların olmaması texniki cəhətdən, vətəndaşların pullarını dəyişməsi baxımdan çətinliklər yaradıb: "Bankların özünə spekulyasiya üçün imkanlar yaradıb. Ona görə də valyutadəyişmə məntəqələrinin bərpa edilməsinə ehtiyac var. Təklif vermişdik ki, Bakının və eləcə də respublikanın konkret olaraq hər bir rayonunda "exchange"lərin fəaliyyətinə imkan verilsin və kvotalar müəyyənləşdirilsin. Bakının aparıcı rayonlarında, turistlərin daha çox olduğu, biznesin daha çox cəmləşdiyi rayonlarda "exchange"lərin sayı digər yerlərlə müqayisədə çox ola bilər".

"Exchange"lərin bağlanması 6 min iş yerinin bağlanmasına gətirib çıxardıb. Bunların bərpası həm də iş yerlərinin bərpa edilməsi deməkdir. Eləcə də, "qara bazar"ın leqallaşmasına gətirib çıxardacaq. Bu gün "qara bazar"da qeyri-leqal olaraq çalışanların böyük qismi öz fəaliyyətlərini məhz "exchange"lərdən "qara bazar"a transfer ediblər. "Qara bazar"ın həm də ləğvi baxımından bunların bərpa edilməsinə ehtiyac var" — Bayramov vurğulayıb.

Bank və maliyyə məsələləri üzrə ekspert Əkrəm Həsənov da Sputnik Azərbaycan-a açıqlamasında deyib ki, "exchange"lər formal olaraq bankların şöbələri, filialları hesab edilib və manatın sabit dövründə heç bir problem yaranmayıb: "Exchange"lər marja tələbinə əməl edib. Ona görə ki, bazar mövcud olub və "exchange"lər çoxluq təşkil edib. Onlar bazarda olan tələb və təklifdən kənara çıxa bilməyib".

Bank eksperti Əkrəm Həsənov
© Photo : REPORT
Əkrəm Həsənov

"Amma devalvasiyadan sonra bir neçə dəfə dollar qıtlığı yaranıb və banklar dollar satmayıb. Çünki banklar 4 faizlik marja tələbinə əməl etmək istəməyib. Amma "exchange"lər marjanın tələbini pozub. Sahibkarlara və əhaliyə marja tələbini pozaraq dollar satıblar. Faktiki, onlar "qara bazar" kimi fəaliyyət göstəriblər. Mərkəzi Bank ayrı-ayrı valyutadəyişmə məntəqələrinə qarşı tədbir görə bilmirdi. Sonra isə bunlar birdəfəlik bağlanıb" — maliyyəçi bildirib.

Onun sözlərinə görə, bu ilin əvvəlindən marja tələbi götürülüb: "Onsuz da banklar istədiyi məzənnə ilə dollar və digər valyutanı alıb satır. Hazırda "exchange"lər heç bir təhlükə yaratmır. Çünki heç bir məhdudiyyət yoxdur. Amma bu gün "exchange"lər aktual deyil. Onsuz da, banklarda pul dəyişmək olur".

"Maliyyə Bazarlarına Nəzarət Palatası dövlət büdcəsindən maliyyələşmir və faktiki olaraq bankların əlinə baxır. Bu gün "exchange" məsələsini ortaya atıblar ki, Palata da qazanc əldə edə bilsin. Lisenziya və s. üçün Palataya ödəniş olmalıdır" — deyə Həsənov qeyd edib.

Ekspert güman etmir ki, "exchange"lər əvvəlki kimi çox olacaq: "Bu gün bazarda aktivlik yoxdur. Marja tələbi də olmadığı üçün "exchange"lər "qara bazar" kimi fəaliyyət göstərə bilməyəcəklər".

Qeyd edək ki, millət vəkili Vahid Əhmədov APA-ya açıqlamasında valyutadəyişmə məntəqələrinin fəaliyyətinin bərpa ediləcəyini deyib. Onun sözlərinə görə, bu məsələ parlamentdə Maliyyə Bazarlarına Nəzarət Palatası (MBNP) rəhbərliyi ilə müzakirə olunub.

Milli Məclisin deputatı Vahid Əhmədov
© Photo : REPORT
Milli Məclisin deputatı Vahid Əhmədov

"Vaxtilə Azərbaycanda valyutadəyişmə məntəqələri fəaliyyət göstərərkən, tənzimləyici funksiyasını Mərkəzi Bank həyata keçirirdi. O zaman da valyutadəyişmə məntəqəsi açmaq istəyən şəxslər 500 manat məbləğində rüsum ödəyirdilər" — deputat bildirib.

V. Əhmədovun sözlərinə görə, müvafiq qanuna dəyişiklikləri nəzərdə tutan layihə qəbul olunarsa, nəzarət MBNP-yə keçəcək: "Hazırda bununla bağlı müzakirələr gedir. Açıq deyim ki, qanun layihəsində mübahisəli məqamlar çoxdur. Palata təklif edirdi ki, valyutadəyişmə məntəqəsini açmaq istəyən şəxslər 500 manat rüsumdan əlavə 50 min dollar və 50 min manat məbləğində kapital qoyuluşu həyata keçirsin. Lakin bununla razılaşmadıq və bu məsələ gündəlikdən çıxarıldı. Yeni variantda isə məbləğ ümumiyyətlə göstərilməyib. Belə çıxır ki, məbləği Palata müəyyənləşdirəcək".

Millət vəkili bildirib ki, hazırda valyuta bazarında stabilləşmə olduğu və ölkəyə turist axını artdığı üçün aidiyyəti qurumlar "exchange"lərin fəaliyyətinin bərpasını məqbul sayıb. Onun subyektiv fikrincə, indiki vəziyyətdə bu addımın atılmasına ehtiyac yoxdur.

4356
Teqlər:
valyuta mübadiləsi, Palata, dəyişiklik, iqtisadçı-ekspert, Əkrəm Həsənov, exchange, maliyyə, devalvasiya, lisenziya, pul, Vüqar Bayramov, Azərbaycan, bank, dollar
Əlaqədar
"Exchange"lər qayıdır
Ekspert: xaricdəki “Exchange”lər manat almağa qorxurlar, çünki...
"Exchange"lərə dollar qadağası
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

4
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

4
Teqlər:
nazirlər, OPEC, Müzakirələr
ARDNF

ARDNF bu il valyuta satışını 16,6% artırıb

8
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

8
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta
Fransa Senatının binası, arxiv şəkli

Fransadan mükafat almış elm mədəniyyət xadimləri bu ölkənin mövqeyinə etiraz ediblər

0
(Yenilənib 20:19 01.12.2020)
Azərbaycan Respublikasının bir sıra elm və mədəniyyət xadimləri Fransanın qərəzli mövqeyinə etiraz ediblər.

BAKI, 1 dekabr — Sputnik. Fransa Respublikasının mükafatlarını almış Azərbaycanın elm və mədəniyyət xadimləri Fransanın qərəzli mövqeyinə etiraz ediblər.

Mədəniyyət Nazirliyindən Sputnik Azərbaycan-a daxil olan bəyanatda deyilir:

"Biz - fərqli illərdə Fransanın mükafatlarına layiq görülmüş Azərbaycanın mədəniyyət xadimləri və təhsil işçiləri - bu mükafatlarla fəxr edirdik, çünki bu mükafatlar bizim üçün dünyaya bu qədər gözəllik bəxş edən bir ölkənin simvolu idi!

Biz Rable, Molyer, Volter, Hüqo və s. bu kimi dahi yazıçı və filosofların təmsil etdikləri fransız ədəbiyyatının şərəf, bərabərlik, sülh və ədalət kimi ən ali və ümdə məfhumlar uğrunda mübarizə apardığını həmişə xatırlamışıq.

Xüsusilə qeyd etmək istərdik ki, bu dəyərlərə olan hörmətimiz təsadüfi deyil, belə ki, Azərbaycanda ədalət və bərabərlik prinsipləri, hörmət və sülh, şərəf və ləyaqətin qorunması yaşam tərzinin təməlidir. Əsrlər boyu Azərbaycan bütün bölgənin mədəniyyət mərkəzi, eləcə də bir çox millət və din mənsublarının yüzilliklər boyu yanaşı yaşayaraq dinc şəkildə, çiyin-çiyinə fəaliyyət göstərdikləri ev olmuşdur. Məhz bu mədəniyyətlərin sintezi ölkəmizin misilsiz mədəni irsinin yaranmasına səbəb olmuşdur və bu gün Azərbaycan dünyanın ən çoxmədəniyyətli və çoxkonfessiyalı ölkələrindən biridir. Təsadüfi deyil ki, 2016-cı ilin oktyabrında Roma Papası Fransisk Azərbaycana səfəri zamanı Azərbaycanı dini tolerantlıq baxımından dünyada nümunəvi ölkə kimi yüksək qiymətləndirmişdi. BMT Baş Assambleyasının qərarına əsasən, 2017-ci ildə hər iki ildən bir Bakıda keçirilən Ümumdünya Mədəniyyətlərarası Dialoq Forumunun mədəniyyətlərarası dialoq üçün əsas qlobal platforma hesab edilməsi də bunu bir daha sübut edir.

Müsəlman icması ilə yanaşı, ölkəmizdə xristian və yəhudi icmaları da cəmiyyətimizin ayrılmaz və fəal hissəsidir Ölkəmizdəki bütün abidələr və dini binalar, eləcə də məscid və kilsələr Azərbaycan dövləti tərəfindən tam qorunur və mütəmadi olaraq restavrasiya olunur. Ölkəmizdə məscidlər, kilsələr və sinaqoqlar yan-yana fəaliyyət göstərir.

Azərbaycan təkcə ölkə daxilində deyil, həm də bütün dünyada mədəni irsin qorunmasına öz töhfəsini verib. Azərbaycanın maliyyə dəstəyi ilə həyata keçirilən işlər arasında Luvr və Versal sarayında aparılan renovasiya işlərini, Fransanın Orne departamentinin Sen-İler, Frene-o-Sovaj, Sen-İler-la-Jerar, Tanvil, Kurjo, Reveyon və Mal yaşayış məntəqələrində yerləşən X-XII əsrlərə aid yeddi kilsənin bərpasına dəstəyi, həmçinin Fransada XIV əsrə aid Strasburq Kafedral kilsəsinin vitraj hissələrinin, o cümlədən Vatikandakı Müqəddəs Sebastyan, Müqəddəs Marsellino və Müqəddəs Pyetro katakombalarının bərpasını qeyd etmək olar.

Bu gün Azərbaycan öz inkişafının ən vacib və tarixi mərhələlərindən birini yaşayır. İkinci dünya müharibəsi zamanı Fransa başqa bir ölkənin işğalı altında olduğu kimi, bizim ərazilərimizin də bir hissəsi 28 il idi ki, Ermənistan tərəfindən işğal edilmişdi. On minlərlə insan öldürülüb, bir milyona yaxın Azərbaycanlı etnik təmizləmə nəticəsində daimi yaşayış yerlərini itirib və qaçqına çevrilib. BMT Təhlükəsizlik Şurasının BMT Nizamnaməsində ifadə edilmiş ölkələrin ərazi bütövlüyünə əsaslanan 822, 853, 874 və 884 saylı qətnamələrində Ermənistan işğalçı qoşunlarının Azərbaycan Respublikasının beynəlxalq müstəvidə tanınmış ərazilərindən dərhal çıxarılması tələb edilmişdir. Lakin 30 ilə yaxın idi ki, bu qətnamələrin heç biri yerinə yetirilmirdi.

Bütün bu işğal illərində hər gün insanlarımız həlak olur, qədim mədəniyyət abidələrimiz qərəzli şəkildə məhv edilir, neçə-neçə şəhər büsbütün xarabalığa çevrilir, bizim dünya ictimaiyyətinə kütləvi mədəni soyqırımın dayandırılması barədə etdiyimiz çoxsaylı müraciətlərimiz isə cavabsız qalırdı.

1992-ci il fevralın 25-dən 26-na keçən gecə erməni təcavüzkarları Xocalı şəhərinin sakinlərinə qarşı soyqırım törədib və bir gecədə 106 nəfəri qadın, 63 nəfəri uşaq və 70 nəfəri qoca olmaqla, 613 mülki şəxsi vəhşicəsinə qətlə yetirərək param-parça ediblər. 1275 mülki şəxs əsir götürülüb (onlardan 150 nəfərin taleyi hələ də məlum deyil), 475 vətəndaş əlil olub, 8 ailə tamamilə məhv edilib, 25 uşaq hər iki valideynini, 130 uşaq isə iki valideyndən birini itirib. Xocalı şəhəri yerlə yeksan edilib. Artıq bir sıra dünya ölkələri dinc əhaliyə qarşı törədilmiş Xocalı soyqırımını tanımışdır.

Bu günlərdə isə ədalət zəfər çalıb və Fransa İkinci dünya müharibəsi əsnasında etdiyi kimi, biz də torpaqlarımızı erməni işğalından azad edib BMT, ATƏT, Avropa Şurası, Avropa Parlamenti, İslam Əməkdaşlıq Təşkilatı və Qoşulmama Hərəkatı da daxil olmaqla, bütün nüfuzlu beynəlxalq təşkilatlar və dünyanın bütün ölkələri tərəfindən tanınan ərazi bütövlüyümüzü bərpa edə bildik. Müharibənin ilk günlərindən Azərbaycan öz dövlət sərhədlərini bir santimetr də keçməmiş və bütün döyüş əməliyyatları birbaşa ölkəmizin ərazisində aparılmışdır.

27 sentyabr 2020-ci il tarixindən başlayaraq, şəhər və kəndlərimizin bütün dünyada qadağan edilmiş silah növləri ilə bombardman edilməsinə və ərazilərimizin atəşə tutulmasına baxmayaraq, müzəffər Azərbaycan Ordusu əks-hücum əməliyyatları nəticəsində işğal altında olan ərazilərimizin böyük hissəsini, o cümlədən Azərbaycan mədəniyyətinin incisi, tarixi-memarlıq qoruğu, muğamın və Azərbaycanın görkəmli mədəniyyət xadimlərinin doğulduğu yer - Şuşa şəhərini azad etməyə müvəffəq oldu.

1992-ci ildə Ermənistan silahlı qüvvələri tərəfindən işğal olunana qədər Şuşa sakinlərinin 98%-ni Azərbaycanlılar təşkil edirdi. Noyabrın 10-da Azərbaycan Respublikasının Prezidenti, Ermənistanın Baş naziri və Rusiya Federasiyasının Prezidenti arasında sülh bəyannaməsi imzalanmışdır. Bu bəyannamənin şərtlərinə əsasən, işğalçı qüvvələr öz qoşunlarını Azərbaycanın beynəlxalq səviyyədə tanınmış ərazilərindən tədricən çıxarmaq barədə öhdəlik götürməyə məcbur oldu. Mülki insanlar isə artıq öz evlərinə qayıtmaq şansı əldə ediblər.

Bu gün bütün dünya otuz illik erməni işğalının dəhşətli nəticələri ilə əyani şəkildə tanış ola və vəhşicəsinə məhv edilmiş şəhər və kəndləri, yandırılmış meşələri və dağıdılmış torpaq sahələrini, eləcə də dünya mədəni irsinin nümunələri olan tarixi mədəniyyət və memarlıq abidələrini, habelə xarabalığa çevrilmiş dini binaları görə bilər.

Azad edilmiş ərazilərdə demək olar ki, bütün məscidlər, hətta pravoslav kilsəsi belə dağıdılıb və ya murdarlanıb.

Azərbaycan Respublikasının rəhbərliyi (konfessional mənsubiyyətlərindən asılı olmayaraq) dağıdılmış bütün ərazilərin, şəhər və kəndlərin, eləcə də mədəniyyət abidələrinin və dini obyektlərin bərpa ediləcəyini bəyan edib.

Azərbaycana qarşı 30 ilə yaxın davam edən təcavüzə daha əvvəl heç bir şəkildə reaksiya verməyən Fransa Senatının və onun elitasının mövqeyi, habelə kukla rejiminin müstəqilliyini tanımağın zəruriliyinə dair birmənalı şəkildə qərəzli qərar qəbul etməsi bütün Azərbaycan ictimaiyyətində qəzəb və hiddətə səbəb olmuşdur.

Xüsusilə təəccüblüdür ki, Fransa BMT Təhlükəsizlik Şurasında erməni işğalçı qüvvələrinin Azərbaycan ərazisindən qeyd-şərtsiz çıxarılmasını tələb edən 4 qətnaməyə səs verən ölkələrdən biridir.

Biz səmimi qəlbdən inanırdıq ki, Fransa Respublikasının dəyərləri yalnız bu ölkənin yaxın müttəfiqlərinə deyil, həm də dünya ölkələrinə şamil olunur. Lakin qəbul edilmiş bu qərar ikitərəfli münasibətlərimizin uğurlu gələcəyi üçün ciddi təhlükə yaradır. İndi Azərbaycanın mədəniyyət xadimləri üçün ölkə ictimaiyyətini Fransa ilə əlaqələrimizi inkişaf etdirməyin məqsədəuyğun olduğuna inandırmaq çətin olacaq.

Xüsusi olaraq qeyd etmək istərdim ki, Azərbaycan şərqin ilk demokratik respublikasıdır və yeri gəlmişkən, ölkəmiz Fransadan çox əvvəl qadınlara səsvermə hüququ verib.

Respublikamızın himninin müəllifi, Qarabağda dünyaya göz açmış Üzeyir bəy Hacıbəyov Şərqdə ilk operanın müəllifidir. Onun "Arşin Mal Alan" operettası 4 iyul 1925ci il tarixində Parisin Yelisey sarayındakı "Femina" teatrında fransız dilində səhnələşdirilib. İlk balet, eləcə də Şərqin ilk balerinası da məhz Azərbaycan səhnəsinə çıxıb. Bu siyahını sonsuza qədər uzatmaq olar.

Biz başa düşürük ki, Fransada güclü erməni diasporunun olması vacib amildir, lakin Fransa kimi bir dövlətin rəsmi mövqeyi beynəlxalq hüququn norma və prinsiplərinə, eləcə də ədalət və dövlət məsuliyyəti prinsiplərinə əsaslanmalıdır.

Fransanın mədəniyyət xadimləri tərəfindən imzalanmış müraciətlə tanış olduqdan sonra belə görkəmli sənət nümayəndələrinin lazımi tədqiqatlar aparmadan erməni təbliğatının alətinə çevrilməsi bizi kədərləndirir. Təəssüf ki, belə qeyri-peşəkar yanaşma onların nüfuz və qərəzsizliyinə də kölgə salır.

Biz Fransanın hakimiyyət orqanlarının nümayəndələrini və mədəniyyət xadimlərini Azərbaycanın işğaldan azad edilmiş ərazilərini ziyarət etməyə və erməni işğalçıları tərəfindən törədilən dağıntıları və vandalizmin miqyasını yerində görməyə çağırırıq. Güman edirik ki, o zaman sizin fikrinizin ümumbəşəri dəyərlərə və beynəlxalq hüquq prinsiplərinə söykənəcək.

Tahir Salahov, "Fəxri Legion" ordeni (Zabit dərəcəsi)

Fərhad Bədəlbəyli, "İncəsənət və ədəbiyyat" ordeni (Kavaler dərəcəsi)

Ramiz Abutalıbov, "Fəxri Legion" ordeni (Kavaler dərəcəsi)

Sevda Məmmədəliyeva, "İncəsənət və ədəbiyyat" ordeni (Zabit dərəcəsi)

Fərhad Xəlilov, "İncəsənət və ədəbiyyat" ordeni (Kavaler dərəcəsi)

Çingiz Fərzəliyev, "İncəsənət və ədəbiyyat" ordeni (Kavaler dərəcəsi)

Səməd Seyidov, "Fəxri Legion" ordeni (Kavaler dərəcəsi)

Hicran Hüseynova, "Fəxri Legion" ordeni (Zabit dərəcəsi)

Fəxriyyə Xələfova, "İncəsənət və ədəbiyyat" ordeni (Kavaler dərəcəsi)

Çəmən Babaxanova, "Akademik palma" ordeni, (Kavaler, Zabit dərəcələri)

Azelma Həsənova, "Akademik palma" ordeni, (Kavaler, Zabit dərəcələri)

Röya Tağıyeva, "İncəsənət və ədəbiyyat" ordeni (Zabit dərəcəsi)

Zöhrə Əliyeva, "Akademik palma" ordeni, (Kavaler dərəcəsi)

Gülbəniz Camalova, "Akademik palma" ordeni, (Kavaler dərəcəsi)

Afaq Quliyeva, "Akademik palma" ordeni, (Kavaler dərəcəsi)

Murad Hüseynov, "İncəsənət və ədəbiyyat" ordeni (Kavaler dərəcəsi)

Gülnarə Sadıxova, "Akademik palma" ordeni, (Kavaler dərəcəsi)

Reyhan Hüseynova, "Fəxri Legion" ordeni (Kavaler dərəcəsi)

Tahirə Cabbarova, "Akademik palma" ordeni, (Kavaler dərəcəsi)

Elmira Fərəcullayeva, "Akademik palma" ordeni, (Kavaler dərəcəsi)

Soylu Xəlilova, "Akademik palma" ordeni, (Kavaler dərəcəsi)

Məhərrəm Orucov, "Akademik palma" ordeni, (Kavaler dərəcəsi)

Rəfiqə İsayeva, "Akademik palma" ordeni, (Kavaler dərəcəsi)".

0