Pambıq qozası, arxiv şəkli

"Ağ qızıl" onları günə çıxaracaqmı?

149
(Yenilənib 10:43 19.04.2017)
Hazırda 1 hektar sahədə pambıq becərmək üçün 750-800 manat vəsait tələb olunur

Ramil İbrahimov, Sputnik Azərbaycan

BAKI, 19 apr — Sputnik. Ötən illə müqayisədə Bərdədə pambıq əkilən tarlaların, təqribən 3 dəfə artacağı gözlənilir. Son günlər havanın yağıntılı keçməsi isə səpini ləngidib.

Pambıq əkini
© Sputnik / Ramil Ibrahimov
Pambıq əkini

Fermerlər səpini vaxtında başa çatdıra bilməyəcəklərindən narahatdırlar. Bu sahəyə marağın artmasını torpaq sahibləri pambığın alış qiymətinin artması ilə izah edirlər. Sputnik Azərbaycan-ın bölgə müxbirinə danışan fermerlərin sözlərinə görə, qiymət artımı dolayısı ilə məhsuldarlığa da müsbət təsir göstərir.

Fermer Kamran Rəhimov
© Sputnik / Ramil Ibrahimov
Fermer Kamran Rəhimov

Belə ki, əvvəlki illərdə ucuz tədarük olunan məhsulun maya dəyərini aşağı salmaq üçün torpaq sahibləri aqrotexniki tədbirləri azaltmaq məcburiyyətində qalırdılar. Bu da məhsuldarlığı aşağı salırdı. Üstəlik, bu il fermerlər tarlaya xaricdən gətirilmiş yüksək keyfiyyətli çiyid (toxum) səpdiklərini deyirlər.

"Bu toxumlar bir hektara 50-60 sentner məhsul verməlidir. Türkiyədən alınıb. Bizə zavoddan verilib. O torpaqla buranın fərqini də nəzərə alanda, biz ən az 40-45 sentner məhsuldarlıq gözləyirik. 16 hektar sahəyə səpəcəm" — deyir fermer Kamran Rəhimov.

Hazırda 1 ha sahədə pambıq becərmək üçün 750-800 manat vəsait tələb olunur. Becərmə üçün lazım olan məbləğ isə tədarükçü şirkət tərəfindən ödənilir. Şəxsi kapitalı yetərli olmayan fermerlər pambıqçılığı özləri üçün kənd təsərrüfatının ən sərfəli sahəsi hesab edirlər.

Torpaq sahibi Ruhi Qarayev
© Sputnik / Ramil Ibrahimov
Torpaq sahibi Ruhi Qarayev

"Ayın əvvəlindən səpinə başlamışam. 25 hektar əraziyə toxum səpilib. Hava imkan versə, əlavə 25 hektara da səpəcəm. İndiyə qədər 7000 manat xərclənib. Xərci zavod çəkir. Pulun varsa, özün də ödəyə bilərsən. Yekunda 51 qəpkdən zavod götürür pambığı, 10 qəpik də hər kiloqramına dövlət subsidiya verir" — torpaq sahibi Ruhi Qarayev bildirir.

Ötən il texnika sarıdan qıtlıq olduğunu deyən fermerlər, hələlik bu mövsüm belə bir problemlə üzləşməyblər. "Dünən mənim yerimə traktoru saldıq, nəmişlik olduğuna görə iş getmədi. Geckmə, ola bilsin bir az məhsuldarlığa təsir edəcək" — fermer Nizami Nəcəfov qeyd edir.

Fermer Nizami Nəcəfov
© Sputnik / Ramil Ibrahimov
Fermer Nizami Nəcəfov

Bərdə Pambıq Zavodundan da Sputnik Azərbaycan-a bildirdilər ki, bu il texnika baxımından problem yaşanmayacaq: "Zavodun kifayət qədər texnikası var. Bu il tədarükçü şirkət tərəfindən zavoda 3 ədəd də əlavə səpin texnikası verilib. Hava şəraiti əlverişli keçərsə, may ayının əvvəlinə qədər səpin yekunlaşacaq. Ümumilikdə isə rayonda bu il 7800 hektardan çox sahədə pambıq əkiləcəyi planlaşdırılıb".

149
Teqlər:
çiyid, hektar, səpin, tarla, əkin, pambıq, toxum, Bərdə, fermer
Əlaqədar
Pambıqçılar öz haqlarını ala bilmirlər
Azərbaycanda 88 min tondan çox pambıq tədarük edilib
Mədəniyyət işçilərini pambıq yığımına aparırlar
Dövlətin strateji planı: 700 min ton pambıq, 400 min iş yeri
İlham Əliyev: Pambığın alış qiymətini nə qədər mümkündürsə qaldırmalıyıq
Prezident pambıqçılığın inkişafına dair respublika müşavirəsi keçirir
Taxılçılıqla məşğul olan fermer

Rayonda bir ilki sınaqdan keçirən Balakən sakini ayın fermeri oldu

6
(Yenilənib 21:10 30.11.2020)
"Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir

BAKI, 30 noyabr — Sputnik. Azərbaycanda aqrar sahədə fəaliyyətin daha da stimullaşdırılması üçün fermerlər arasında elan edilən "Ayın fermeri" müsabiqəsinin qalibi müəyyənləşib.

Kənd Təsərrüfatı Nazirliyinin mətbuat xidmətindən Sputnik Azərbaycan-a məlumat veriblər ki, müsabiqədə iştirak üçün 40 rayondan ümumilikdə 56 fermer müraciət edib. Müsabiqənin iki mərhələsi üzrə ayrı-ayrılıqda fermerlərin fəaliyyəti qiymətləndirilib.

Komissiya üzvlərinin qiymətləndirməsi nəticəsində qarğıdalı istehsalı sahəsində yüksək məhsuldarlıq əldə etdiyinə görə fermer Zaur Əhmədiyev "Ayın fermeri" müsabiqəsinin qalibi elan edilib. Balakən rayonunda fermer təsərrüfatı quran Zaur Əhmədiyev düzgün aqrotexniki qulluq nəticəsində 35 ha qarğıdalı sahəsindən 308 ton dənlik qarğıdalı istehsal edib. Rayonda ilk dəfə qarğıdalı sahəsində damlama üsulu ilə suvarma sistemini quran fermerin qarğıdalı sahəsində orta məhsuldarlıq 88 sentner təşkil edib. O, ötən il 175 ha sahədən 460 ton taxıl əldə edib. 2019-cu ildə 20 hektar sahədə intensiv bağ salan Zaur Əhmədiyev heyvandarlıq sahəsində də fəaliyyət göstərir və hazırda təsərrüfatında 298 baş iribuynuzlu heyvan var.

Qeyd edək ki, "Ayın fermeri" müsabiqəsinin məqsədi nümunəvi fermerlərin müəyyən edilməsi, onların mükafatlandırılaraq həvəsləndirilməsi və qabaqcıl fermerlər arasında sağlam rəqabət mühitinin formalaşdırılmasından ibarətdir.

Xatırladaq ki, müsabiqənin təşkili ilə bağlı təsdiqlənən qaydalara əsasən, müsabiqədə "Elektron Kənd Təsərrüfatı" İnformasiya Sistemində (EKTİS) qeydiyyatdan keçmiş və 2 ildən az olmayan müddətdə kənd təsərrüfatı məhsullarının istehsalı ilə məşğul olan fermerlər iştirak edə bilər.

6
Teqlər:
qarğıdalı, fermer, Balakən
Azərbaycan Rieltorlar Assosiasiyasının icraçı direktoru Elnur Azadov

Ekspert: “Əmlak bazarında ciddi dəyişikliklərin olacağı gözlənilmir”

12
(Yenilənib 14:24 27.11.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, rəqabət müşahidə edilən ərazilərdə endirimləri görmək olar
Elnur Azadov: “Kirayə bazarında 20% endirim müşahidə edilir”

“Pandemiya ilə əlaqədar olaraq iqtisadi proseslərin dayanması daşınmaz əmlak bazarındakı qiymətlərə ciddi təsir etməyib”. Bunu Sputnik Azərbaycan-a açıqlamasında Azərbaycan Rieltorlar Assosiasiyasının icraçı direktoru Elnur Azadov deyib.

O bildirib ki, bəzi tikinti şirkətləri inşaat prosesini davam etdirə bilmək üçün endirim aksiyalarına başlamışdılar:

“Bu ümumi bazara təsir göstərməsə də, rəqabət müşahidə edilən ərazilərdə endirimləri görmək olar. Kirayə bazarında isə 20% endirim müşahidə edilir. Bu baxımdan ilin sonuna qədər əmlak bazarında ciddi dəyişikliklərin olacağı gözlənilmir. Məcburi köçkünlərin qayıdışından sonra əmlak bazarında hansı vəziyyətin yaranması isə dövlət proqramından asılı olacaq”.

Elnur Azadovun geniş şərhinə audiofaylda qulaq asa bilərsiniz

12
Tovuzun Əsrik Cırdaxan kəndindən olan Bədir Süleymanov

Qələbənin bir addımlığında yaralanan qazi: "Bir əsgərdə qorxu hissi yox idi"

0
(Yenilənib 21:37 30.11.2020)
"Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi"

İlham Mustafayev, Sputnik Azərbaycan

BAKI, 30 noyabr — Sputnik. Döyüş meydanında qəhrəmanlıq göstərən igid Azərbaycan oğullarının şücaəti indi dillərə dastan olur. Torpaqlarımızı işğaldan azad etmiş bu vətən oğullarının sayəsində biz zəfər yazan ölkənin vətəndaşına çevrilmişik. Onlardan biri də Tovuzun Əsrik Cırdaxan kəndindən olan Bədir Süleymanovdur.

© Sputnik / Ilham Mustafa
Qarabağ qazisi Bədir Süleymanov övladı ilə

O, Vətən müharibəsinin ilk günlərindən cəbhəyə könüllü qatılıb, döyüşlərdə iştirak edib. Bədir torpaqlarımızın işğaldan azad olunması zamanı əldə edilən qələbənin əsas səbəblərindən birinin yüksək döyüş əhval-ruhiyyəsi olduğunu deyir:

“Əhval-ruhiyyə ordumuzda çox yüksək idi. Bir əsgərdə belə qorxu hissi yox idi. İndi fikirləşirəm ki, bir nəfər belə qorxmuş olsaydı, bu bütün döyüşçülərə sirayət edərdi. Amma hər kəs qorxmadan mərdliklə döyüşürdü. Bizim döyüşçülərin döyüş ruhunu yüksəldən düşmənin qabağımızda dayana bilməməsi idi. Hücum vaxtı erməni əsgəri uzağı 5-10 güllə atıb avtomatı tullayıb qaçırdı. Onda hiss edirdik ki, qarşımızı heç bir düşmən kəsə bilməz”, - deyə döyüşlər haqda danışıb.
  • Bədir Süleymanov övladları ilə
    © Sputnik / Ilham Mustafa
  • Bədir Süleymanovun övladları
    © Sputnik / Ilham Mustafa
  • Tovuzun Əsrik Cırdaxan kəndindən olan Bədir Süleymanov
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
  • Bədir Süleymanovun övladı
    © Sputnik / Ilham Mustafa
1 / 5
© Sputnik / Ilham Mustafa
Bədir Süleymanov övladları ilə

Füzuli, Laçın və Xocavənd istiqamətində döyüşlərdə iştirak edən Bədir Süleymanov əlindən yaralansa da, digər yaralı əsgər yoldaşını da döyüş meydanında buraxmayıb. O anı yaralı qazi belə xatırlayır:

“Noyabrın 9-da Xocavənd istiqamətində əlimdən güllə yarası aldım. Mən zərbə manqasında döyüşürdüm. Döyüşlərə ilk biz atılırdıq. Yaralandığım döyüşdə erməniləri qovaraq içərilərə getdik. Düşmən bizi mühasirəyə salmaq istəyəndə yaralandım. Mənimlə eyni vaxtda bir yoldaşım da yaralandı. Güllə sinəsindən girib kürəyindən çıxmışdı. Olduğumuz yerdən işıqlı havada çıxmaq mümkün deyildi. Snayperləri çox idi ərazidə. Ona görə komandir dedi, qaranlıq düşsün, sonra sizi aşağı düşürək. Komandirə dedim, icazə versin, onsuz axşama kimi qanaxmadan burada sağ qalmaq mümkün olmayacaq. O biri yaralını da götürüb sürünə-sürünə çıxardım düşmən əhatəsindən. Hazırda ikimiz də sağıq. Tez-tez zəng vurur indi”, - deyə o, son döyüşündən məlumat verib.

© Sputnik / Ilham Mustafa
Qarabağ qazisi Bədir Süleymanov ailəs ilə birgə

Bədirin 2 körpə övladı var. Qazinin gəlişinə ən çox sevinənlər də elə onlardır.

Qazi anası Aybəniz Salmanova övladı ilə fəxr etdiyini deyir.

“Bədir mənim fəxrimdir. Müharibə başlayanda öz kəndimizdəydim. Zəng elədi ki, mən döyüşə gedirəm, gəl, uşaqların yanında qal. Gedən gündən döyüşlərə qatılıb son günlərədək vuruşdu. Gələndə onu bir qəhrəman oğul kimi qarşıladım. Mən övladımla, ordumuzla, prezidentimizlə fəxr edirəm. Çünki birlik olmasaydı, müharibədə qalib gələ bilməzdik,” - deyə o bildirib.

Bədir indi tezliklə sağalacağı günü gözləyir. Fikri-zikri döyüş yoldaşlarının yanında olduğundan sağalan kimi onların yanına getmək istəyir.

0
Teqlər:
əsgər, döyüş, söhbət, Tovuz, Qarabağ, qazi