Elektron Gömrük xidmətlərindən istifadə edən vətəndaş

Sahibkarlar əlavə yükdən azad oldular

479
Ekspert: "Bu istiqamətdə sadələşmə, xərclərin azaldılması xüsusilə idxal bazarında əhəmiyyətli ola bilər"

BAKI, 17 apr — Sputnik. Nazirlər Kabineti "Gömrük sərhədindən keçirilən malların və nəqliyyat vasitələrinin bəyan edilməsi Qaydaları"nda dəyişiklik edib. İndiyədək gömrük ərazisində məcburi sertifikatlaşdırılmalı olan mallar gömrük ərazisinə idxal edildikdə, uyğunluq sertifikatı, yeyinti məhsulları Avropa İttifaqı ölkələrinə ixrac edildikdə, keyfiyyət sertifikatı təqdim edilməsi tələb olunub. Dəyişikliyə əsasən, bu sertifikatlar tələb edilən sənədlər sırasından çıxarılıb. Bitki və bitkiçilik məhsulları ixrac edildikdə fitosanitar sertifikatı da tələb olunmayacaq.

İqtisadçı-ekspert Rəşad Həsənov
İqtisadçı-ekspert Rəşad Həsənov

İndiyədək etil (yeyinti) spirtinin və alkoqollu içkilərin, tütün məmulatlarının, bitki mühafizə vasitələrinin və aqrokimyəvi maddələrin idxalı və ya prekursorların idxalı, tranziti və ixracı zamanı xüsusi razılıq sənədi (lisenziya) tələb olunub. Dəyişikliyə əsasən, bundan sonra yalnız bitki mühafizə vasitələrinin və aqrokimyəvi maddələrin idxalı və ya prekursorların idxalı, tranziti və ixracı zamanı lisenziya tələb olunacaq.

Məsələ ilə bağlı iqtisadçı-ekspert Rəşad Həsənov Sputnik Azərbaycan-a açıqlamasında deyib ki, dəyişiklik indiki şərtlər daxilində müsbət qiymətləndirilə bilər: "Bəzi hallarda izah edilə bilər ki, bir çox ölkələrdə alkoqollu içkilərin, tütün məmulatlarının idxal və ixrac prosesi lisenziyalaşdırılmış şəkildə təşkil olunur. Amma təcrübə göstərir ki, bir sıra hallarda Azərbaycanda fəaliyyət göstərən sahibkarlıq subyektləri müxtəlif formada rəsmi qurumların subyektləri ilə münasibətləri dərinləşdirərək faktiki olaraq lisenziyadan inhisarçı alət olaraq istifadə edir".

İqtisadçının fikrincə, bir sıra hallarda idxal edilən məhsullara lisenziyaların verilməsində müəyyən baryerlər ortaya çıxırdı: "Spirtli içkilər və tütün məhsulları bazarında hələ də inhisarçı təşəbbüslər qalmaqda idi. Bu kimi mənfi halların aradan qaldırılması ilə bazarın daha da liberallaşdırılması, eyni zamanda, xüsusilə devalvasiyadan sonra bu məhsulların qiymətində ciddi artımların müəyyən qədər qarşısının alınması və yaxud da ucuzlaşma halları mümkündür. Bundan başqa, bu sektorda fəaliyyət göstərən subyektlərin sayının çoxalması əlavə iş yerlərinin yaranması deməkdir".

"Bütövlükdə götürəndə, burada əsas maraqlı məqam, məhz ixrac ilə bağlıdır. Azərbaycan xüsusilə də son dövrlərdə qeyri-neft məhsullarının ixracı ilə bağlı prosedurların sadələşdirilməsi və bu məhsulların dünya bazarlarına çıxışının asanlaşdırılması istiqamətində müəyyən addımlar atır. Azərbaycan özü istehsalçısına hansısa formada administrativ əngəllər yaradırsa, bu, son nəticədə ixracda özünü göstərir. Artıq birinci rübün nəticələrindən məlum olub ki, ölkədə qeyri-neft ixracı üzrə ümumi ixracın həcmi 270 milyondur. Baxmayaraq ki, bu göstərici ötən illə müqayisədə 11 faiz artıb. Amma kifayət qədər kiçik bir rəqəmdir" — R. Həsənov vurğulayıb.

Elşən Bağırzadə, UNEC-in dosenti, iqtisadçı ekspert
© Photo : Из личного архива Э. Багирзаде
Elşən Bağırzadə, UNEC-in dosenti, iqtisadçı ekspert

Onun sözlərinə görə, Azərbaycanın idxalı təxminən 10-12 milyard ABŞ dolları ətrafındadır: "İl ərzində isə qeyri-neft ixracı heç 1,2 milyarda çatmır. Bu istiqamətdə daha fəal siyasətin həyata keçirilməsinə ehtiyac var. Addımlar atılır və bunlardan biri kimi, qeyd edilən məhsulların ixracı ilə bağlı sertifikatın, lisenziyanın tələb edilməməsi, kiçik və orta sahibkarlığın prosesə cəlb edilməsi yolu ilə ölkənin ixraca meylli təşəbbüskarlığını genişləndirmək olar".

"Bu istiqamətdə sadələşmə, xərclərin azaldılması xüsusilə idxal bazarında müəyyən qədər əhəmiyyətli ola bilər. Prosedurların sadələşdirilməsi illeqal davranışların müəyyən qədər məhdudlaşmasına gətirib çıxarda, qiymətlərin cüzi də olsa, aşağı düşməsini şərtləndirə bilər" — deyə iqtisadçı qeyd edib.

Azərbaycan Dövlət İqtisad Universitetinin dosenti Elşən Bağırzadə isə Sputnik Azərbaycan-a açıqlamasında qərarın bu sahədəki sahibkarlıq fəaliyyətini stimullaşdırmağa yönəldiyini deyib: "Bu sektorlarda qısa müddətdə yüksək əlavə dəyər yaratmaq mümkündür. Yəni, əsas hədəf bu sektorlarda sahibkarlıq fəaliyyətini canlandırmaqdır".

Mütəxəssisin sözlərinə görə, lisenziya sahibkarlar üçün həm maddi, həm də zaman baxımından əlavə yükdür: "Bu sahələrdə sertifikat və lisenziyaların müəyyən qədər keyfiyyəti təmin etmək baxımından bir üstün cəhəti var. Amma düşünürəm ki, hökumət burada daha çox işi asanlaşdırmaq, sahibkarları stimullaşdırmaq üçün bu məhdudiyyətləri aradan qaldırıb. Amma dünyanın müxtəlif ölkələrində bu məhdudiyyətlər var. Hökumətin seçdiyi bu prioritet indiki mərhələdə daha doğrudur".

479
Teqlər:
Rəşad Həsənov, Elşən Bağırzadə, gömrük, iqtisadçı-ekspert, ixrac, idxal, lisenziya, Nazirlər Kabineti
Əlaqədar
Sahibkar iş yerlərini niyə gizlədir?
Azərbaycanlı sahibkarlar üçün unikal imkan
Parlamentin İqtisadi siyasət, sənaye və sahibkarlıq komitəsinə yeni üzv seçilib
Sahibkarların vergi yükü azaldılır
Qəfil qərar sahibkarları çıxılmaz vəziyyətə salıb
Qanunvericiliyin liberallaşması sahibkarlığı inkişaf etdirəcək
Azərbaycan manatı, arxiv şəkli

Prezident 190 manatla bağlı göstəriş verdi

145
(Yenilənib 16:48 06.08.2020)
600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur

BAKI, 6 avqust — Sputnik. "Azərbaycanda iqtisadi və sosial məsələlər öz həllini tapır. Sadəcə olaraq, son aylar ərzində görülmüş işlərə baxmaq kifayət edər ki, hər kəs görsün nə qədər böyük işlər görülüb".

Sputnik Azərbaycan xəbər verir ki, bunu Prezident İlham Əliyev ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirdiyi müşavirədə bildirib.

"Biz təqribən 5 milyona yaxın insanı geniş sosial paketlə əhatə etdik. Dövlət sektorunda çalışan 900 min insanın böyük əksəriyyəti faktiki olaraq işləmir, ancaq dövlət tərəfindən əməkhaqqı alır. 760 min sahibkara lazımi maliyyə dəstəyi göstərildi və onların iş yerləri qorundu. Əks təqdirdə, 760 min insan işsiz qala bilərdi. Çünki onların çalışdıqları sektorlar pandemiya nəticəsində ən böyük zərər görmüş sektorlardır. Təbii ki, sahibkarlar, işəgötürənlər indi gəlir əldə etmirlər və beləliklə, yüz minlərlə insan işsiz qala bilərdi. Yenə də dövlət operativ tədbirlər nəticəsində dərhal bu məsələyə müdaxilə etdi. Əlbəttə ki, bu məqsədlər üçün böyük maliyyə resursları xərclənibdir.

600 min işsiz insan, o cümlədən qeyri-formal məşğulluqda fəaliyyət göstərən və müvəqqəti olaraq öz işini itirən, aztəminatlı təbəqəyə aid olan insan dövlət tərəfindən qayğı ilə əhatə olunubdur. Onlara artıq bir neçə ay ərzində 190 manat müavinət verilir. Hesab edirəm ki, bu sosial dəstək bundan sonra da davam etdirilməlidir. Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Sizə göstəriş verirəm ki, avqust ayında da onlara 190 manat ödənilsin".

145
Neft buruqları, arxiv şəkli

Azərbaycan nefti kəskin bahalaşdı

11
"Brent" markalı neftin qiyməti 0,36 dollar bahalaşaraq 45,53 dollar, "Light" markalı neftin qiyməti isə 0,22 dollar artaraq 42,41 dollar təşkil edib.

BAKI, 6 avqust — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barrelinin qiyməti 1,71 dollar artaraq 47,16 dollar olub.

"Brent" markalı neftin qiyməti 0,36 dollar bahalaşaraq 45,53 dollar, "Light" markalı neftin qiyməti isə 0,22 dollar artaraq 42,41 dollar təşkil edib.

Qeyd edək ki, Azərbaycan neftinin bir barrelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

11

Salam, dəniz! Biz gəldik...

0
(Yenilənib 19:25 06.08.2020)
Nazirlər Kabineti yanında Operativ Qərargah çimərliklərlə bağlı qadağanı müəyyən qaydalara riayət etmək şərtilə aradan qaldırıb. Bu hadisə dəniz istirahəti həvəskarlarının sevincinə səbəb olub və paytaxt əhalisi Abşeron çimərliklərinə axışıb.

 

BAKI, 6 avqust — Sputnik. Yayın sonunadək çox az vaxt qalıb. Azərbaycanın çimərlikləri koronavirus pandemiyası səbəbindən yay mövsümünün əvvəlindən indiyədək bağlı idi. Avqustun 5-də Nazirlər Kabineti yanında Operativ Qərargah çimərliklərlə bağlı qadağanı müəyyən qaydalara riayət etmək şərtilə aradan qaldırıb. Bu hadisə dəniz istirahəti həvəskarlarının sevincinə səbəb olub və paytaxt əhalisi Abşeron çimərliklərinə axışıb. Abşeron sahillərində vəziyyətin necə olduğuna Sputnik Azərbaycan-ın fotolentində baxın.

Koronavirus pandemiyasına görə gecikmiş çimərlik mövsümü bu il çox çəkməyəcək. Abşeron, Sumqayıt, Lənkəran, Xaçmaz, Siyəzənin bütün çimərliklərində, eləcə də Azərbaycanın bir sıra digər şəhər və rayonlarında çimməyə qadağa qaldırılsa da, karantin dövrü qaydalarına və tibbi-profilaktik tədbirlərə riayət etmək məcburidir.

İstirahət edənlər heç bir icazə olmadan dənizdə çimməyə gedə bilərlər. Lakin əvvəlcədən xüsusilə yaradılmış cimerlik.az portalında çimərliyin dolu olub-olmadığını yoxlamaq lazımdır.

Hər bir çimərlikdə istirahət edənlər üçün kvota müəyyən olunub və ASAN könüllüləri buna nəzarət edirlər. Çimərliklərin doluluq səviyyəsi portalda yaşıl, sarı və qırmızı rənglərlə təsvir olunur. Çimərlik dolursa, vətəndaşlar bunu əvvəlcədən öyrənirlər.

Həmçinin çimərliklərdə sosial məsafə və gigiyena qaydalarına riayət etmək lazımdır.

Beləliklə, dəsmalları, çətirləri və çimərlik kostyumlarını götürərək təcili isti Xəzər sahillərinə gedin ki, qarşıdan gələn qış üçün bolluca D vitamini toplaya biləsiniz.

0
  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

  • © Sputnik / Murad Orujov

    Bakıda karantin rejiminin yumşaldılmasından sonra Buzovna çimərliyi

Teqlər:
fotolent