İstehsalat sexi, arxiv şəkli

Sahibkar yerlərini niyə gizlədir?

159
"Sahibkarların iş yerlərini gizlətməsi ilə bağlı dəqiq təhlil, analiz aparılmalıdır"

BAKI, 5 apr — Sputnik. "Boş iş yerlərinin uçotunun məşğulluq xidmətlərinə təqdim olunma göstəricisi 30-40 faiz təşkil edir. Bu sahədə hələ də müəyyən problemlər var, çünki yerlərin sayı gizlədilir".

Bunu Milli Məclisin Əmək və sosial siyasət komitəsinin sədri Hadi Rəcəbli "Əməyin Gələcəyi Təşəbbüsü" üzrə Milli dialoqun yekunlarına həsr olunan konfransda deyib. Komitə sədri bu kimi halların ciddi narahatlıq doğurduğunu qeyd edib. Onun fikrincə, bununla bağlı müəyyən ciddi addımlar atılmalıdır ki, sahibkarlar boş yerlərin sayı ilə bağlı düzgün məlumat versinlər: "Hətta bununla bağlı nəzərdə tutulan cərimələrin məbləği də artırıla bilər".

Əli Əlirzayev
© Photo : UNEC
Əli Əlirzayev

Məsələ ilə bağlı Azərbaycan Dövlət İqtisad Universitetinin "Sosial sferanın iqtisadiyyatı və idarə olunması" kafedrasının müdiri, professor Əli Əlirzayev Sputnik Azərbaycan-a açıqlamasında deyib ki, sahibkarın iş yerlərini gizlətməkdə heç bir marağı yoxdur: "Ola bilər ki, sahibkarlar məsələn, vergidən yayınmaq, Dövlət Sosial Müdafiə Fonduna ödəmə etməmək üçün işçiləri qeydiyyata salmırlar. Belə hallar ola bilər. Bu, gizli, qeyri-leqal iqtisadiyyatdır. Bu, hər bir ölkədə var, bizdə də ola bilər".

Onun sözlərinə görə, müşahidə, sorğu, monitorinq və yaxud da yoxlama yolu ilə bunu araşdırmaq olar: "Sahibkarların iş yerlərini gizlətməsi ilə bağlı dəqiq təhlil, analiz aparılmalıdır".

Professor boş iş yerlərinin uçotunun məşğulluq xidmətlərinə təqdim olunma göstəricisinin 30-40 faiz təşkil etdiyini güman etmir: "Sahibkar istehsal etdiyi məhsulu gizlədə bilməz. İş yerlərinin sayını gizlədirsə, onda bazara çıxartdığı məhsulun həcmini də gizlətməlidir. Çünki gizlədilən iş yerləri ilə bağlı müəyyən zəncirvari əlaqə olmalıdır. Amma iş görülür, müəyyən məhsul istehsal olunur, xidmət göstərilir. Guya ki, bunu 10 işçi ilə deyil, 5 işçi ilə görüb. Bəzən görürsən ki, həmin işçiləri 8 saat əvəzinə 12 saat işlədirlər. Bəzən onlara əlavə maaş verirlər ki, qal işlə".

Ekspertin fikrincə, iş yerlərin sayının gizlədilməsini öyrənmək üçün böyük tədqiqat aparmaq lazımdır: "Hər hansı bir sahibkarın istehsal etdiyi məhsulun miqdarını, iş günlərinin sayını bilmək olar. Məhsul sərf olunan əməyə görə istehsal olunur. Ola bilər ki, müəssisəsinin istehsal gücü, potensialı çoxdur. Amma istifadə edə bilmir, çünki məhsul satılmır. Məhsul satılmayandan sonra əlavə iş yeri açmaq, onlara əmək haqqı vermək sahibkarın nəyinə lazımdır?".

Regional İnkişaf Mərkəzinin rəhbəri Çingiz İsmayılov
© Sputnik / Murad Orujov
Regional İnkişaf Mərkəzinin rəhbəri Çingiz İsmayılov

Professorun sözlərinə görə, cərimələrin özü də çıxış yolu deyil, bununla iş bitmir: "Gərək şəffaflıq, müəssisənin marağı, işçilərə tələbat açıq olsun. Hamı bilməlidir ki, hər hansı bir müəssisənin istehsal gücü nə qədərdir. Bir işçisi artıqdırsa, bunu hamı bilməlidir. Açıqlıq, şəffaflıq olmalıdır. İş yerlərinin genişləndirilməsi, işçilərin sayının artırılması üçün stimul olmalıdır. Əgər bir müəssisənin gəliri sahibkarın özünü, vergiləri qane etsə, sahibkar qeyri-leqal fəaliyyət göstərməkdən imtina edəcək, risk etməyəcək".

"Ən yaxşısı o olardı ki, müəssisələr öz aralarında rəqabət mühiti şəraitində daha çox iş yerləri açsınlar, daha çox stimul yaransın ki, onların bazarı genişlənsin. Buna şərait yaratmaq lazımdır. Cərimə ilə heç biri həll olunmur" — deyə o, qeyd edib.

Azərbaycan Respublikasının Prezidenti yanında Dövlət İdarəçilik Akademiyasının "İnzibati İdarəetmə" fakültəsinin dekanı, professor Çingiz İsmayılov isə Sputnik Azərbaycan-a açıqlamasında deyib ki, əvvəla bu gizlətmələri sübut etmək lazımdır: "Əgər iş yerlərinin sayı gizlədilirsə, müvafiq nəzarət edən orqanlar bunu təhlil etməlidir ki, bu, həqiqətə uyğundur, ya yox. Əgər həqiqətə uyğundursa, onda müvafiq qayda-qanun çərçivəsində onlar məsuliyyətə cəlb olunmalıdırlar".

Onun fikrincə, bu, həm iqtisadi, həm də sosial məsələdir: "İqtisadi o mənada ki, müqavilələr bağlanmalı və vergilər verilməlidir. Sosial o mənada ki, işsizliyin faizinin nə qədər olduğunu real bilək".

"Düşünürəm ki, millət vəkilinin bu müraciətindən sonra bu sahəyə cavabdeh olan müvafiq orqanlar bunun həqiqətə uyğun olub-olmadığını müəyyənləşdirmək üçün monitorinq aparmalıdırlar. Ondan sonra hansısa fikir bildirmək olar" — deyə professor söyləyib.

159
Teqlər:
Əli Əlirzayev, boş iş yerləri, Çingiz İsmayılov, Sputnik Azərbaycan, Dövlət Sosial Müdafiə Fondu, sahibkar, professor, ekspert, vergi
Əlaqədar
Azərbaycanlı sahibkarlar üçün unikal imkan
Sahibkarların vergi yükü azaldılır
Qəfil qərar sahibkarları çıxılmaz vəziyyətə salıb
Qanunvericiliyin liberallaşması sahibkarlığı inkişaf etdirəcək
Sahibkarlar üçün yaşıl işıq
Sahibkar bağ salır, bəhrəsini görməmiş icarə müddəti bitir
Kiçik və orta sahibkarların arzusu reallaşacaq
Laçın şəhərinə mənzərə, arxiv şəkli

İtaliya şirkətləri işğaldan azad edilmiş ərazilərimizi bərpa etməkdə maraqlıdırlar

14
(Yenilənib 08:20 26.11.2020)
İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib.

BAKI, 25 noyabr — Sputnik. Energetika naziri Pərviz Şahbazov İtaliyanın Azərbaycandakı səfiri Augusto Massari ilə görüşüb.

Nazirlikdən Sputnik Azərbaycan-a bildirilib ki, görüşdə bu ilin fevral ayında Prezident İlham Əliyevin İtaliyaya dövlət səfəri zamanı imzalanmış sənədlərin və Azərbaycan Respublikası ilə İtaliya Respublikası arasında iqtisadi əməkdaşlıq üzrə Hökumətlərarası Komissiyanın 5-ci iclasının protokolunun icrasının gedişi müzakirə edilib.

Energetika naziri Pərviz Şahbazov

Səfir dinc əhalinin həlak olması ilə bağlı Azərbaycan xalqına, həlak olanların ailələrinə və yaxınlarına dərin hüznlə başsağlığını çatdırıb, üçtərəfli bəyanatı alqışladığını vurğulayıb.

İtaliyanın infrastruktur sahəsində fəaliyyət göstərən şirkətlərinin Azərbaycanın işğaldan azad edilmiş ərazilərində bərpa-yenidənqurma işlərinin aparılmasına marağını ifadə edib.

Energetika naziri başsağlığına və İtaliyanın imzalanmış bəyanata dəstəyinə görə təşəkkür edib.

Görüşdə Azərbaycan və İtaliya arasında münasibətlərin iqtisadiyyatın bir çox sahələrində uğurla inkişaf etdiyi, uzunmüddətli əməkdaşlıq əlaqələrində enerji sektorunda əməkdaşlığın mühüm rol oynadığı qeyd edilib. Bu əməkdaşlığın mühüm elementi sayılan "Trans-Adriatik" boru kəməri (TAP) layihəsinin İtaliya və digər Avropa istehlakçıları üçün əhəmiyyətindən bəhs edilib, layihənin kommersiya fəaliyyəti üçün hazır olduğu, cari ilin sonunda Azərbaycan qazının Avropaya kommersiya məqsədli nəqlinə başlanmasının nəzərdə tutulduğu vurğulanıb.

İtaliyanın Azərbaycandakı səfiri Augusto Massari

Görüşdə iki ölkə arasında müxtəlif sahələrdə əməkdaşlıq məsələləri, enerji sektorunda investisiya imkanları ətrafında fikir mübadiləsi aparılıb, İtaliya şirkətlərinin müxtəlif sahələrdəki layihələrdə, eləcə də ənənəvi və bərpaolunan enerji mənbələrinin inkişafı sahəsində iştirakı məsələsinə toxunulub, şirkətlərin Azərbaycanda investor kimi fəaliyyətlərinin genişləndirməsi imkanları müzakirə edilib. Həmçinin Azərbaycan Respublikası və İtaliya Respublikası arasında iqtisadi əməkdaşlıq üzrə Hökumətlərarası Komissiyanın növbəti iclasına hazırlıq məsələləri, iki ölkənin müxtəlif qurumları arasında imzalanmış əməkdaşlıq sənədlərindən irəli gələn məsələlər nəzərdən keçirilib.

14
Teqlər:
energetika naziri Pərviz Şahbazov, bərpa, işğaldan azad edilmiş ərazilər, şirkət, İtaliya
Neft konteynerləri, arxiv şəkli

Azərbaycan neftinin qiyməti qalxdı

18
(Yenilənib 14:00 25.11.2020)
Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

BAKI, 25 noyabr - Sputnik. Dünya bazarında "Azeri Light" (CIF) markalı neftin qiyməti artıb.

Sputnik Azərbaycan-ın məlumatına görə, Azərbaycan neftinin 1 barelinin qiyməti 1,79 ABŞ dolları və ya 3,87% artaraq 48,07 dollar təşkil edib.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

18
Teqlər:
barel, neft

Dünya futbolunun əfsanəsi FOTOlarda

0
(Yenilənib 08:53 26.11.2020)
Dieqo Maradonanın oyunu dedikdə yəqin ki, öncə göz önünə onun sinəsini qabağa verərək rəqib oyunçuları aldadaraq bütün meydançanı keçməsi göz önünə gələcək.

Xəbər verildiyi kimi, dünya futbolunun əfsanəsi argentinalı Dieqo Armando Maradona dünyasını dəyişib. Maradona 60 yaşında infarktdan həyatını itirib. 

Əfsanəvi hücumçu azrkeçlərin yadında yalnız fenomenal oyunu ilə deyil, həm də qalmaqallarla yadda qalıb. 

Məsələn, 1986-cı ildə Argentina yığmasının qızıl medal qazandığı dünya çempionatında Maradonanın 1/4 finalda İngiltərə yığmasının qapısından əl ilə keçirdiyi top uzun müddət müzakirə mövzusu olub. Səbəbkarın özü hakimin hesaba aldığı topu "tanrının əli" vasitəsilə qapıdan keçirdiyini bildirib.

1991-ci ildə isə İtaliya çempionatının oyunundan sonra dopinq-testdən keçən Maradonanın kokain qəbul etdiyi aşkarlanıb.

Bütün bunlara baxmayaraq, futbolla maraqlanan hər kəs Dieqo Maradonanı futbol dahisi, təkbaşına oyunun taleyini həll edə bilən oyunçu kimi xatırlayacaq.

Sputnik Azərbaycan əfsanənin müxtəlif görüntülərini təqdim edir. 

 

0
  • © REUTERS / Carlos Barria

    Argentinalı futbolçu Dieqo Maradona müsahibə zamanı, 2010-cu il.

  • © REUTERS / Action Images / Juha Tamminen

    Argentinanın hücumçusu Maradona DÇ-1986-nın dörddəbir final matçında İngiltərə yığmasına qarşı oyunda.

  • © AP Photo / Carlo Fumagalli, file

    Dieqo Armando Maradona DÇ-1986-ın finalında AFR üzərində qələbədən sonra kuboku başı üzərinə qaldırır.

  • © REUTERS / Stringer

    Dieqo Maradona həyat yoldaşı Klaudiya və anası ilə toyda, 1989-cu il.

  • © Sputnik / Vladimir Rodionov

    İtaliyanın "Napoli" klubunun futbolçusu Dieqo Maradona Moskvanın "Spartak" komandası ilə oyundan sonra, 1990-cı il.

  • © AFP 2020 / Daniel Garcia

    Argentina millisinin kapitanı Dieqo Maradona DÇ-1994-də Yunanıstan komandasının qapısına vurduğu qolu qeyd edir.

  • © REUTERS / Stringer

    Futbol əfsanəsi Dieqo Maradona və Kuba lideri Fidel Kastro, 2001-ci il.

  • © REUTERS / Marcos Brindicci

    Maradona Kuba siqarı və Çe Qevaranın tatusu ilə, 2006-cı il.

  • © AFP 2020 / Stringer

    Futbol əfsanəsi Dieqo Maradona kolumbiyalı futbolçu Karlos Valderamanın karyerasını başa vurması ilə əlaqədar təşkil olunan şənlikdə rəqs edir, 2004-cü il.

  • © AP Photo / Matt Sayles

    Futbol əfsanəsi Dieqo Maradona Kannda özünə dair sənədli filmin nümayişi zamanı, 2008-ci il.

  • © AFP 2020 / Valery Hache

    Dieqo Maradona qızları ilə birgə 61-ci Kann kinofestivalında "Maradona" sənədli filminin premyerasından əvvəl, 2008-ci il.

  • © REUTERS / Eddie Keogh


    Məşqçi Maradona komandasının DÇ-2010-da Nigeriya millisinə vurduğu qolu qeyd edir.

  • © Sputnik / Sergey Guneev

    Rusiya Prezidenti Vladimir Putin, braziliyalı futbolçular Pele və Dieqo Maradona FİFA-2018 futbol üzrə dünya çempionatının püşkatmasından əvvəl.

  • © REUTERS / Marcos Brindicci

    Argentinalı futbol ulduzu Dieqo Maradona sevgilisi ilə, 2017-ci il.

  • © REUTERS / Grigory Dukor

    Futbol əfsanəsi Dieqo Maradona Kremldə, 2017-ci il.

Teqlər:
Argentina, braziliyalı futbolçu Pele, futbol, Dieqo Maradona