Azexport portalının təqdimatı

Azərbaycanlı sahibkarlar üçün unikal imkan

169
(Yenilənib 00:33 02.04.2017)
Sahibkarlar istehsal etdikləri məhsulları bu portal vasitəsilə asanlıqla xaricə sata biləcəklər

Ramil İbrahimov, Sputnik Azərbaycan

BAKI, 1 apr — Sputnik. İqtisadi İslahatların Təhlili və Kommunikasiya Mərkəzi "Azexport" portalının sahibkarlar üçün təqdimatı ilə bağlı respublika turuna cəbhə xəttində yerləşən Ağdam rayonunda yekun vurub.

Mərkəzdən Sputnik Azərbaycan-a verilən məlumata görə, rayonun Quzanlı qəsəbəsində keçirilən görüşdə Ağdam, Füzuli və Tərtərdən 100-dək sahibkar iştirak edib. Görüşdə Mərkəzin icraçı direktoru çıxış edərək paytaxt və respublikanın digər bölgələrində bu günə qədər 20-dən artıq görüş keçirilsə də, cəbhə bölgəsində baş tutan tədbirin xüsusi əhəmiyyət daşıdığını bildirib. Görüş zamanı sahibkarlara portaldan istifadə etmək qaydaları izah edilib və xidmətin tamamilə ödənişsiz həyata keçirildiyi qeyd olunub.

Azexport portalının sahibkarlar üçün təqdimatı
© Sputnik / Ramil Ibrahimov
"Azexport" portalının sahibkarlar üçün təqdimatı

Tədbirdə iştirak edən sahibkarlardan biri portal vasitəsilə istehsal etdikləri məhsulu xarici bazara, bir mərkəzdən və daha asan şəkildə çıxara biləcəklərini deyib.

"Kəndlinin istehsal etdiyi məhsulu biz xarici bazarda tanıda bilmirdik. Məsələn, bu il soğan məhsulu bol idi, anbarlarda qalıb hətta xarab olurdu. İndi "Azexport" vasitəsilə biz həmin məhsulları təklif edə, asan yolla satışa çıxara bilərik" — deyə sahibkar Habil Abbasov bildirib.

Bölgədə pambıqçılıqla məşğul olan tədarükçü şirkətlər də İİTKM-nin təklif etdiyi yeni sistemə qoşulmağın daha faydalı olacağından əmindirlər. Artıq tədarükçü şirkətlərdən biri portal vasitəsilə istehsal etdiyi məhsullarla bağlı İran və Rusiyadan sifarişlər alıb.

"Azexport" vasitəsilə bu günə kimi 3 min tona yaxın mahlıc xaricə satılıb. Mahlıcın satışı çətin olmasa da, pambıqdan alınan digər məhsulların satışını təmin etmək çətindir. Biz xahiş edəcəyik ki, tiftik kimi digər məhsulların da satışında bizə yaxından kömək etsinlər" — deyə tədarükçü şirkətin baş direktor müavini Ağahüseyn Qədirov bildirib. 

Mərkəzin icraçı direktoru Vüsal Qasımlı jurnalistlərə açıqlamasında "Azexport"un Azərbaycan sahibkarlarının rəqabət qabiliyyətli malları xarici bazara çıxara bilməmək problemini birdəfəlik aradan qaldıracağını deyib.

"Azexport vasitəsilə sahibkarların mallarına artıq dünya bazarından sifarişlər gəlib. Bu, onu göstərir ki, Azərbaycanda aparılan iqtisadi quruculuq işləri öz nəticəsini göstərir. Xüsusilə də cəbhə bölgələrində Azərbaycan iqtisadiyyatının inkişafı bilavasitə Azərbaycan Respublikası prezidentinin nəzarətində olan bir məsələdir. Cəbhə bölgələrindən əsasən "Azexport" portalı üzərindən pambıq, barama, meyvə-tərəvəz və digər bu kimi məhsullara dünya bazarından təlabat var" — deyə İqtisadi İslahatların Təhlili və Kommunikasiya Mərkəzinin icraçı direktoru bildirib.

Tədbirdə o da vurğulanıb ki, yeni sistem Azərbaycanın qeyri-neft sektorunun inkişafını təmin edəcək.

169
Teqlər:
Vüsal Qasımlı, Azexport, pambıq, barama, qeyri-neft, sahibkar, portalın təqdimatı
Əlaqədar
Qanunsuz sahibkarlıq fəaliyyətinə qarşı mübarizə şöbəsi yaradılıb
Sahibkarlıq fəaliyyəti ilə bağlı şərtlər asanlaşdırılır
Ən çox əziyyət çəkən kiçik və orta sahibkarlıq idi
Sahibkarlıq sahəsində yoxlamaların dayandırılması qanunu imzalanıb
Sahibkarlıq fəaliyyətinə qanunsuz müdaxilənin qarşısı alınıb
Bankda növbə, arxiv şəkli

Banklar Assosiasiyasından vətəndaşların narazılığına səbəb olan məsələ ilə bağlı açıqlama

5
Bəzi hallarda bankın informasiya texnologiyaları infrastrukturunda aparılan təkmilləşmə işləri və digər səbəbdən fərdi qaydada və ya kütləvi olaraq bir çox kart istifadəçilərinin apardığı əməliyyatlar üzrə vergi dərəcələrinin hesablanması zamanında mümkün olmaya bilər

BAKI, 22 aprel — Sputnik. Rəqəmsal ödəniş ekosistemi inkişaf edərək əhatə dairəsi genişləndikcə müxtəlif ödəniş alətlərindən istifadə edilməsi, bank-müştəri münasibətlərində yarana biləcək ziddiyyətli hallar, aparılan ödəniş əməliyyatları üzrə vergilərin tutulması və digər sahələrdə mütəmadi əsasda cəmiyyətin məlumatlandırılması mühüm əhəmiyyət kəsb edir. Qlobal pandemiya dövründə elektron ticarət əməliyyatlarının dövriyyəsində müşahidə edilən sıçrayışlı artım bankları bu sahədə daha diqqətli və həssas olmağa sövq edir. Məlum olduğu kimi, Vergi Məcəlləsinə 2017-ci ildə edilmiş dəyişikliklər nəticəsində ödəniş kartları ilə aparılan bəzi əməliyyatlar üzrə vergi dərəcələri müəyyən edilib. Belə ki, Vergilər Məcəlləsinin 169-cu maddəsinə əsasən, ƏDV-nin məqsədləri üçün qeydiyyata alınmayan qeyri-rezidentə elektron ticarət qaydasında işlərin və xidmətlərin təqdim edilməsinə görə vergi orqanlarında uçotda olmayan şəxslər tərəfindən ödənişlər aparılarkən bu maddə ilə müəyyən edilmiş qaydada qeyri-rezidentə ödənilməli olan məbləğə ƏDV hesablanmalı və ödənilməlidir.

Azərbaycan Banklar Assosiasiyasından (ABA) Sputnik Azərbaycan-a bildirilib ki, elektron ticarət qaydasında işlərin və xidmətlərin alıcısı, habelə Azərbaycan hüdudlarından kənarda elektron qaydada təşkil olunan lotereyaların, digər yarışların və müsabiqələrin iştirakçısı vergi orqanlarında uçotda olmayan şəxs olduqda ödənişi aparan yerli bank və ya xarici bankın Azərbaycandakı filialları tərəfindən hesablanan ƏDV alıcının vəsaiti hesabına büdcəyə ödənilir. Ölkə daxilində POS-terminal şəbəkəsi və ya elektron ticarət üzərindən aparılan əməliyyatlarda, eləcə də internet şəbəkəsi üzərindən xarici internet saytlardan məhsul sifarişi edildikdə ƏDV tətbiq edilmir.

Vergilər Məcəlləsinin 101.5-ci maddəsinə əsasən idman oyunları ilə əlaqədar aparılan mərc oyunlarından, lotereyaların keçirilməsindən, habelə digər yarışlardan və müsabiqələrdən pul şəklində əldə edilən uduşlardan (mükafatlardan) iştirakla bağlı ödənilən pul vəsaiti (pul qoyuluşu) çıxılmaqla qalan məbləğdən (Azərbaycan hüdudlarından kənarda təşkil edilən mərc oyunlarından, yarışlardan və müsabiqələrdən əldə edilən nağd pul vəsaiti istisna olmaqla) 10 faiz dərəcə ilə vergi tutulur.

Ödəniş kartları ilə aparılan əməliyyatlarda vergi dərəcələrinin tətbiq edildiyi digər sahə isə elektron pul kisələri ilə bağlıdır. Vergilər Məcəlləsinin 125.1-1-ci maddəsinə əsasən isə Azərbaycan rezidentləri tərəfindən qeyri-rezident şəxslərə məxsus elektron pul kisəsində yaradılan hesaba pul köçürülərkən, əməliyyatı həyata keçirən yerli bank, xarici bankın Azərbaycandakı filialı və ya poçt rabitəsinin milli operatoru həmin rezidentdən köçürülən məbləğin 10 faizi miqdarında ödəmə mənbəyində vergi tutur.

Yuxarıda qeyd edilən ödəniş əməliyyatları həyata keçirildiyi təqdirdə banklar tərəfindən hər bir ödəniş əməliyyat üzrə vergilər, o cümlədən ƏDV ödənişləri fərdi qaydada hesablanaraq kart istifadəçisinin hesabında olan vəsaitdən ödənilir. Lakin bir sıra hallarda bankın informasiya texnologiyaları infrastrukturunda aparılan təkmilləşmə işləri və digər səbəblərdən fərdi qaydada və ya kütləvi olaraq bir çox kart istifadəçilərinin apardığı ödəniş əməliyyatları üzrə vergi dərəcələrinin hesablanması zamanında mümkün olmaya bilər.

ABA son zamanlar bir sıra sosial şəbəkələrdə vətəndaşların narazılığına səbəb olan məsələ ilə əlaqədar bildirir ki, bu istisna hal məhz texniki səbəblərdən dolayı baş verib və texniki xətaların olması qaçılmazdır. Hər zaman olduğu kimi, kart istifadəçisi olan müştərilər kart hesablarından vəsaitlərin silinməsi, o cümlədən vergilərin ödənilməsi ilə bağlı banklara birbaşa müraciət edərək əsaslandırılmış formada cavab ala bilərlər.

5
Elektrik xətləri, arxiv şəkli

Suqovuşanda "ağıllı şəbəkə" tətbiq olunur

12
(Yenilənib 12:53 22.04.2021)
Ağıllı Şəbəkə Konsepsiyası işğaldan azad olunan digər ərazilərdə olduğu kimi Suqovuşan ərazisində də tətbiq edilir. 35 kV-luq iki dövrəli xətt izoliyasiyalı kabellə çəkilir.

BAKI, 22 aprel — Sputnik. İşğaldan azad olunan Suqovuşan qəsəbəsinə 110/35/6 kv-luq Tərtər yarımstansiyasından 35 kV-luq elektrik veriliş xəttinin çəkilməsi işləri davam etdirilir. “Azərişıq” Açıq Səhmdar Cəmiyyətindən Sputnik Azərbaycan-a verilən məlumata görə, işğaldan azad olunan əraziləri elektrik enerjisi ilə təchiz etmək üçün kompleks tədbirlər davam etdirilir, “Azərişıq Qarabağda” layihəsi çərçivəsində Suqovuşan ərazisində işləri sürətləndirilib.

Suqovuşanda son vəziyyət
© Sputnik / Aleksey Kudenko

Ağıllı Şəbəkə Konsepsiyası işğaldan azad olunan digər ərazilərdə olduğu kimi Suqovuşan ərazisində də tətbiq edilir. 35 kV-luq iki dövrəli xətt izoliyasiyalı kabellə çəkilir. Belə xətlərdə itkilər minimuma enir, əlverişsiz hava şəraitinə daha dözümlüdür, buzlaşmaya qarşı daha dayanıqlıdır, həmçinin belə xətlərin keçdiyi ərazilərdə mühafizə zolağı daha az olur, xətlərə texniki xidmət xərci minimuma enir.

Suqovuşan qəsəbəsinin daxili şəbəkəsində isə 0.4 kv hava xətləri bərpa edilib, yeni SİP kabellər çəkilib. Qısa müddət ərzində qəsəbəyə elektrik enerjisinin verilişi bərpa ediləcək. Bunun üçün lazım olan bütün mal-material əraziyə göndərilib.

12
Teqlər:
elektrik, işıq, Suqovuşan
Hercai filmindən kadr

"Hercai" serialının çəkiliş meydançasına silahlı basqın olub

0
(Yenilənib 23:51 22.04.2021)
Hadisə baş verməzdən əvvəl Omay aktyorlardan onun dostları ilə şəkil çəkmələrini istəyib. Lakin həmin an gərgin çəkiliş prosesi getdiyindən həmkarları onun sözünü yerə salıb.

BAKI, 23 aprel — Sputnik. Baş rollarında Ebru Şahin və Akın Akınözünün çəkildiyi "Hercai" serialında növbəti dəfə gərginlik yaşanıb.

Sputnik Azərbaycan Türkiyə mətbuatına istinadən xəbər verir ki, Mahmud rolunu ifa edən Emrullah Omay dostları ilə birgə çəkiliş meydanına hücum edib və aktyorlara silah çəkib.

Hadisə baş verməzdən əvvəl Omay aktyorlardan onun dostları ilə şəkil çəkdirmələrini istəyib. Lakin həmin an gərgin çəkiliş prosesi getdiyindən həmkarları onun sözünü yerə salıb. Bundan sonra gərginlik yaşanıb.

Yaranan mübahisə zamanı bir adam döyülüb. Daha sonra hadisə yerli sakinlərin araya girməsi ilə səngiyib.

0