Üzümçülük təsərrüfatı. Arxiv şəkli

Bu şirkətlər aqrar sektoru birdəfəlik tərk edə bilər

1236
(Yenilənib 18:16 31.03.2017)
"Təşviqedici addımlar olmasa, şirkətləri aqrar sektordan çəkilə bilər. Nəticədə də bunun ziyanı kənd təsərrüfatının bütün sahələrinə dəyəcək"

BAKI, 31 mart — Sputnik. Azərbaycanda aqrar sığorta növləri üzrə ödənişlər yığımları üstələyir. Bu barədə Maliyyə Bazarlarına Nəzarət Palatasından məlumat verilib.

Məlumata görə, bu ilin yanvar-fevral aylarında şirkətlər kənd təsərrüfatı bitkilərinin sığortalanmasına görə 8446 manat sığorta haqqı toplayıblar. Bu sığorta növü üzrə ödəmişlər isə təxminən 28 dəfə çox — 236 min 202 manat olub. Bundan başqa, 2 ay ərzində kənd təsərrüfatı heyvanlarının sığortaladıqlarına görə cəmi 600 manat sığorta haqqı toplayan şirkətlər bundan 12,4 dəfə çox — 7460 manat ödəniş etməli olublar.

Mustafa Abbasbəyli, sığorta eksperti
© Photo : STR
Mustafa Abbasbəyli, sığorta eksperti

Məsələ ilə bağlı sığorta eksperti Mustafa Abbasbəyli Sputnik Azərbaycan-a açıqlamasında deyib ki, aqrar sığorta növləri üzrə ödənişlərin yığımları üstələməsinin səbəbi kütləviliyin, yəni, bu sığorta növünə fermerlərin, iş adamlarının marağının az olmasıdır: "Ona görə də, sığorta haqları az yığılır, toplanır. Sığorta ödənişi isə bunun müqabilində çoxdur. Yəni, sığortanın ümumi prinsipinə görə, kütləvilik olmalıdır ki, zərərlilik aşağı düşsün. Kütləvilik az olduğu üçün bu sahə zərərli sahə sayılır".

Ekspertin sözlərinə görə, bu sahəyə marağın artması üçün zaman lazımdır: "Çünki bu sahədə dövlət tərəfindən təşviqedici tədbirlər var. Kənd təsərrüfatı sığortasının təşviqi ilə bağlı xüsusi qanun var. Bu qanuna əsasən elə sahələr var ki, sığorta haqlarının 50 faizini dövlət sahibkarın yerinə ödəyir. Amma buna baxmayaraq, yenə də bu sahə kifayət qədər az inkişaf edib".

Onun fikrincə, bu, beynəlxalq təcrübədə də belədir: "Aqrar sığortanın inkişaf müddəti bir az uzun çəkir. Azərbaycanda da bu sahə bir müddətdən sonra yavaş-yavaş inkişaf edəcək".

M. Abbasbəylinin sözlərinə görə, sığorta şirkəti üçün bir sığorta növündə zərər görmək o qədər də problem yaratmır: "Çünki hər sığorta növü gəlirli olmaya bilər. Bir sahədə zərər görüb, digər sahədə gəlir əldə edib bir-birini kompensasiya edirlər. Amma ümumilikdə bu sahədə kütləvilik az olduğu üçün sığorta şirkətlərinin də kənd təsərrüfatı sığortasına maraqları böyük deyil".

Natiq Cəfərli, iqtisadçı-ekspert
© Photo : N.Cəfərlinin şəxsi arxivi
Natiq Cəfərli, iqtisadçı-ekspert

İqtisadçı-ekspert Natiq Cəfərli isə Sputnik Azərbaycan-a açıqlamasında burada ikitərəfli problemin olduğunu deyib: "Stimullaşdırıcı addımların atılmasına ehtiyac var ki, fermerlər ödənişlərin edilməsində maraqlı olsunlar. Bu, beynəlxalq təcrübədə də var. Hətta, Türkiyədə çox maraqlı bir yanaşma var ki, aqrar sahədə sığorta ödənişlərinin yarısını fermerlər, yarısını isə dövlət verir. Bu da stimullaşdırıcı addımdır ki, fermerlər məhsullarını, torpaq sahələrini, fərdi təsərrüfatlarını, mal-qaralarını sığortalamaqda maraqlı olsunlar. Azərbaycanda sığortalanma hələ aşağı səviyyədədir".

"İkincisi, ödənişlərlə bağlı problemlər var, üçüncüsü isə aqrar sahədə risklər daha çoxdur. Sığorta şirkətlərinin riskləri daha çoxdur. Təşviqedici addımlar olmasa, bir müddət sonra ümumiyyətlə, sığorta şirkətləri aqrar sektordan çəkilə bilər. Nəticədə də bunun ziyanı kənd təsərrüfatının bütün sahələrinə, o cümlədən fermerlərə dəyəcək. Çünki hava şəraiti, müxtəlif kataklizmlərlə bağlı kənd təsərrüfatında itkilərlə üzləşmək riski çox yüksəkdir" — Cəfərli bildirib.

İqtisadçı düşünür ki, dövlət tərəfindən stimullaşdırıcı proqramların qəbul edilməsinə, dəstək layihələrinə ehtiyac var: "Bu, müəyyən vergi güzəştləri və yaxud da ödənişlərin bir qisminin dövlət tərəfindən verilməsi şəklində ola bilər. Bunun üçün aqrar fond da yaradıla bilər".

1236
Teqlər:
sığorta, aqrar, Mustafa Abbasbəyli, Sputnik Azərbaycan, İqtisadçı-ekspert, kənd təsərrüfatı, Natiq Cəfərli, ekspert
Əlaqədar
Deputat: “Aqrar sahə böyük inkişaf yolundadır”
Azərbaycan aqrar sahədə İsrail təcrübəsini öyrənir
Aqrar məhsulların Rusiyaya ixracı zamanı yaranan problemlər aradan qalxdı
Bizdə aqrar sığorta niyə "işləmir"?
Azərbaycandan Rusiyaya aqrar məhsulların aparılmasında əngəllər var
Quş ferması, arxiv şəkli

Estoniyadan Azərbaycana quşçuluq məhsulları gətirilməsi dayandırıldı

8
Nəzarət tədbirlərinin gücləndirilməsi məqsədilə Estoniya Respublikasından gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.

BAKI, 26 fevral — Sputnik. Azərbaycan Respublikasının Qida Təhlükəsizliyi Agentliyi (AQTA) tərəfindən başqa ölkələrdən respublikamızın ərazisinə keçə biləcək yoluxucu heyvan xəstəliklərindən qorunmaq məqsədilə Ümumdünya Heyvan Sağlamlığı Təşkilatından (OIE) daxil olan məlumatlar əsasında dünyadakı epizootik vəziyyətə uyğun olaraq müvafiq tədbirlər həyata keçirilir.

Agentlikdən verilən məlumata görə, Ümumdünya Heyvan Sağlamlığı Təşkilatının (OIE) məlumatına əsasən, Estoniya Respublikasının Lyaene-Virumaa (Laane-Viru) inzibati ərazi vahidində yüksək patogen "quş qripi" xəstəliyi qeydə alınıb.

Respublika ərazisinin başqa ölkələrdən keçə biləcək yoluxucu heyvan xəstəliklərindən qorunması məqsədilə OIE-nin “Quruda yaşayan heyvanların sağlamlıq Məcəlləsi”nə əsasən zonalaşma prinsipi nəzərə alınmaqla, Estoniya Respublikasının Lyaene-Virumaa inzibati ərazi vahidindən bütün növ diri quş və quşçuluq məhsullarının idxalına müvəqqəti məhdudiyyət tətbiq olunub.

Eyni zamanda nəzarət tədbirlərinin gücləndirilməsi məqsədilə Estoniya Respublikasından gələn, yaxud tranzitlə keçən nəqliyyat vasitələri ilə bağlı müvafiq tədbirlərin görülməsi üçün Dövlət Gömrük Komitəsinə müraciət olunub.

8
Neft buruğu, arxiv şəkli

Azərbaycan nefti bahalaşır

9
(Yenilənib 14:13 26.02.2021)
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 26 fevral — Sputnik. Azərbaycan neftinin qiyməti bahalaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,21 dollar artaraq 66,98 dollar təşkil edib. Bu, ötən ilin yanvarından bəri maksimum göstəricidir.

"Brent" markalı neftin qiyməti 0,59 dollar geriləyərək 66,29 dollar, "Light" markalı neftin qiyməti isə 0,64 dollar ucuzlaşaraq 62,89 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

9
Sputnik V peyvənd, arxiv şəkli

Kiril Dmitriyev: "Rusiyanın rəqibləri "Sputnik V"-nin uğurundan qorxur"

0
(Yenilənib 22:53 26.02.2021)
"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir".

BAKI, 26 fevral — Sputnik. "Rusiyanın "Sputnik V" koronavirus peyvəndinin əleyhdarları dünyada ona olan inamı sarsıtmağa çalışır, çünki bu ən yaxşı preparatlardan biridir və onlar bundan, sadəcə, qorxurlar" – bu fikri Rusiya Birbaşa İnvestisiyalar Fondunun (RBİF) rəhbəri Kiril Dmitriyev səsləndirib.

"Fikrimcə, söhbət yalnız "Sputnik V" peyvəndinin beynəlxalq səviyyədə tanınmasından deyil, dünyadakı liderliyimizdən gedir... Təvazökar, ancaq dürüst olmalıyıq. Dünyanın ən yaxşı peyvəndinə sahibik, bu, Rusiya alimlərinin böyük uğurudur, biz bununla fəxr etməliyik ", – deyə Dmitriyev Rusiya Tarix Cəmiyyətinin meydançasında bu ölkənin virusologiya tarixində liderliyinə həsr olunmuş sərginin açılışında bildirib.

"Rusiyanın düşmənləri bizə olan inamı sarsıtmağa çalışır, amma onlar Rusiya peyvəndini qaralamaq üçün çox səy göstərməli olacaqlar, çünki bu, dünyanın ən yaxşı peyvənd preparatlarından biridir. Onlar, sadəcə, bundan qorxurlar", – deyə RBİF rəhbəri vurğulayıb.

Qeyd edək ki, fevralın 2-də "The Lancet" elmi jurnalı "Sputnik V" koronavirusa qarşı peyvənd preparatının klinik sınaqlarının üçüncü mərhələsinin nəticələrini dərc edib. Klinik sınaqların üçüncü mərhələsində "Sputnik V" yüksək effektivlik, immunogenlik və təhlükəsizlik göstəriciləri nümayiş etdirib. Könüllülərin analiz təhlilləri göstərib ki, peyvəndin effektivliyi 91,6 faiz təşkil edir. Preparat vurulandan sonra yalnız 78 koronavirusa yoluxma hadisəsi öz təsdiqini tapıb.

Müqayisə üçün bildirək ki, "AstraZeneca"-nın effektivliyi - 62,1%, "Sinovac" peyvəndinin - 50,4%, "Sinopharm"-ın - 79,3% təşkil edir.

Xatırladaq ki, Rusiya Səhiyyə Nazirliyi "Sputnik V" peyvəndini 2020-ci ilin avqust ayında qeydə alıb. Vaksin Rusiyanın Qamaleya adına Epidemiologiya və Mikrobiologiya Elmi Tədqiqat Mərkəzi tərəfindən RBİF-nin dəstəyi ilə işlənib-hazırlanıb. Bu dünyada COVID-19-un profilaktikası üçün ilk qeydiyyata alınmış preparatdır.

 

0