Vergi məcəlləsi

Azərbaycanda gəlirlərin yenidən bölüşdürülməsinə başlanacaq

215
Vergi yükünün böyük bir qismi iri vergi ödəyicilərinin üzərinə qoyulacaq

BAKI, 6 mart — Sputnik. "Azərbaycanda növbəti dövrlərdə riskin daha yüksək olduğu fəaliyyət sahələrində çalışan sahibkarlıq subyektləri üçün nəzərdə tutulan yoxlama mexanizmləri, onlara təhkim olunan vergi əməkdaşlarının sayı, eyni zamanda, səyyar yoxlamaların sayı bir-birindən fərqləndiriləcək. Yəni, risk qrupu yüksək və aşağı olanlar fərqləndiriləcək".

İqtisadçı-ekspert Rəşad Həsənov
İqtisadçı-ekspert Rəşad Həsənov

Bunu, vergilər naziri Fazil Məmmədovun Avropadaxili Vergi Administrasiyaları Təşkilatının saytında yerləşdirilmiş məqaləsini Sputnik Azərbaycan-a şərh edən iqtisadçı-ekspert Rəşad Həsənov deyib. Onun sözlərinə görə, növbəti dövrlərdə iri vergi ödəyiciləri üzərində daha çox fokuslanma nəzərdə tutulur: "Vergi yükünün böyük bir qismi daha çox iri vergi ödəyicilərinin üzərində cəmləşdiriləcək. Bu, haradasa gəlirlərin yenidən bölüşdürülməsi ilə bağlı məsələdir və dünya ölkələrində, xüsusilə də sosialyönümlü dövlətlərdə daha çox tətbiq olunan mexanizmdir".

"Məsələn, hazırda ABŞ-da bunun əksinə bənzər bir model vəd olunur. Tramp çalışır ki, iri vergi ödəyicilərinin yükünü azaltsın. Amma hazırda Azərbaycanın dövlət siyasəti daha çox sosialyönümlü görünür. Bu baxımdan da iri vergi ödəyicilərinin diqqət mərkəzində olması, onlar üzərində fokuslanma başadüşüləndir. Amma kiçik və orta sahibkarlar nisbətən zəifdir" — iqtisadçı bildirib.

R. Həsənov qeyd edib ki, artıq bir neçə ildir Azərbaycanda tərəfdaşlıq tətbiq olunmağa başlayıb: "Beynəlxalq təcrübədə də uzun müddətdir tətbiq olunur. Tərəfdaşlığın müsbət tərəfi odur ki, əksər hallarda vergi qurumları ilə vergi ödəyicisi arasında müəyyən bir razılaşma olur. Bunun əsasında da vergi qurumları növbəti aylarda, dövrlərdə proqnozlaşdırmanı aparmaqda çətinliklə üzləşmirlər. Eyni zamanda, bu, əksər hallarda vergi ödəyicilərinə bir üstünlük təmin edir. Qarşılıqlı razılaşma varsa, vergi ödəyicisi üçün vergi inzibatçılığının sərt tərəfləri nisbətən geri çəkilir. Operativ, səyyar yoxlamalar və s. tətbiq edilmir. Bu da vergi ödəyicisinin daha rahat şəkildə fəaliyyət göstərməsinə gətirib çıxarır".

Ekspertin fikrincə, Azərbaycan iqtisadiyyatı üçün ən ciddi problemlərdən biri kiçik və orta sahibkarlığın inkişaf etməməsidir: "Bu da məşğulluq üçün böyük təhlükə, risk hesab olunur. Ona görə də növbəti dövrlərdə vergi inzibatçılığının yumşaldılması yolu ilə daha optimal yolların tətbiq edilməsi, məsələn, bəyannamələrin sadələşdirilməsi məsələsinə toxunulur. Əsasən hədəflənən qeyri-neft sektorunun inkişafı və özünüməşğulluğun təmin edilməsidir. Hökumət çalışır ki, növbəti dövrlərdə bu istiqamətdə müəyyən nəticələr əldə etsin. Ölkə iqtisadiyyatında kiçik və orta sahibkarlığın payı 2 faiz, məşğulluqda 3 faizdir. Bu göstəricilər dünya göstərici ortalamasından dəfələrlə aşağıdır. Məsələn, Avropa İttifaqında kiçik və orta sahibkarlığın iqtisadiyyatda payı 60 faizdən çoxdur".

Yəqin ki, növbəti dövrlərdə vergi yükünün azaldılması baş tutacaq. Bir sıra məhsullar var ki, ümumiyyətlə, onların alışı və satışı zamanı sahibkar üçün heç bir gəlir imkanı yaranmır. Sadələşdirilmiş verginin tətbiqi ilə bağlı da mexanizmlərin təkmilləşdirilməsinə ehtiyac var. Bu da nəzərə alınacaq. Növbəti dövrlərdə bunların icrasına diqqət edilməlidir" — Həsənov vurğulayıb.

İqtisadçı-ekspert Radil Fətullayev
© Sputnik / Murad Orujov
İqtisadçı-ekspert Radil Fətullayev

İqtisadçı-ekspert Radil Fətullayev də Sputnik Azərbaycan-a açıqlamasında vergilər nazirinin məqaləsindəki bəzi məqamları şərh edib. O deyib ki, artıq Vergilər Nazirliyi tərəfindən vergi ödəyicilərinə yanaşmada beynəlxalq təcrübəyə əsasən yeni prinsiplərin tətbiqi nəzərdə tutulur: "Öncə, fərqli dövriyyəyə malik və fərqli sahələrdə fəaliyyət göstərən vergi ödəyicilərinə fərdi yanaşma prinsipinin tətbiqi gözlənilir".

Mütəxəssisin sözlərinə görə, iri və xüsusi rejimli müəssisələrlə iş prinsipində geniş analitik təhlilə və risklərin qiymətləndirilməsi sisteminə əsaslanan siyasət yürüdüləcəyi gözlənilir: "Həmçinin, bu sahədə elektron auditin tətbiqi ilə yanaşı, vergidən yayınma riskləri fərdi və təfərrüatlı şəkildə aparılacaq, elmi əsaslı iqtisadi təhlillər əsasında proqnozlar müəyyən ediləcək, vergi nəzarəti tədbirləri, o cümlədən səyyar vergi yoxlamaları daha müfəssəl və əhatəli keçiriləcək. Orta gəlirlərə malik müəssisələrlə şəffaf partnyorluq münasibətləri əsasında qurulacaq".

"Kiçik sahibkarlara münasibətdə tamamilə yeni yanaşmalar tətbiq olunması gözlənilir. Artıq nazirliyin strukturunda kiçik sahibkarlarla işləyəcək ayrıca idarələr və vergi ödəyicilərinə xidmət və şəffaf vergi partnyorluğu şöbələri yaradılıb. Əsas hədəf kimi kiçik və orta sahibkarlığın vergi və inzibati yükünün azaldılması yolu ilə onların fəaliyyətinə daha səmərəli nəzarətdən ibarətdir. Yeni yanaşmaya əsasən, artıq yerli strukturlar, ümumiyyətlə, öz qərarları əsasında vergi nəzarəti tədbirləri keçirməyəcək" — iqtisadçı diqqətə çatdırıb.

R.Fətullayev əlavə edib ki, kiçik və orta sahibkarlıq subyektlərində yoxlamalar təkmilləşdiriləcək: "Səyyar yoxlamaların sayı məhdudlaşdırılacaq və elektron yoxlama metodu tətbiq ediləcək. İKT sahəsində yeni innovativ texnologiyaların tətbiqi sayəsində ƏDV-nin qaytarılması prosesi sürətləndiriləcək. Avropa standartları əsasında fəaliyyət göstərən Çağrı Mərkəzinin fəaliyyəti daha da təkmilləşdiriləcək".

Qeyd edək ki, vergilər naziri Fazil Məmmədovun məqaləsində son aylar ölkəmizin vergi sistemində aparılmış islahatlar, vergi inzibatçılığındakı dəyişikliklərin əsas istiqamətləri şərh edilib.

215
Teqlər:
Radil Fətullayev, sahibkarlıq subyektləri, ödəyici, Rəşad Həsənov, vergilər naziri, Sputnik Azərbaycan, Fazil Məmmədov, sahibkar, ekspert, iqtisadçı, vergi, Azərbaycan
Əlaqədar
Sahibkarların vergi yükü azaldılır
Vergidə "batan" pulu necə "diriltməli"?
Vergi dəyişiklikləri hansı nəticələrə gətirəcək
Universitetlərin vergi borcu silinib
Kreditlərlə bağlı yeni qərar vergi maxinasiyalarına yol aça bilər
Vergi borcları olanlara şad xəbər
Vergi amnistiyası tətbiq edilir
Vergi borclarımız silinəcək
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

4
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

4
Teqlər:
nazirlər, OPEC, Müzakirələr
ARDNF

ARDNF bu il valyuta satışını 16,6% artırıb

8
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

8
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta

Azərbaycanda hansı yol hərəkəti qaydaları daha çox pozulur

0
(Yenilənib 19:23 01.12.2020)
Ölkə üzrə ən çox hansı yol hərəkəti qaydalarının daha çox pozulması ilə bağlı statistika açıqlanıb. Siyahıda birinci yeri icazə verilən sürət həddinin aşılması ilə əlaqədar qayda pozuntuları tutur.
İnfoqrafika: Azərbaycanda yol hərəkəti qaydalarının pozulması ilə bağlı statistika
© Sputnik / Elnur Salayev

Azərbaycanın yol polisi əməkdaşları bu ilin yanvar-sentyabr ayları ərzində ölkə yollarında sürücülərin yol hərəkəti qaydalarını pozması ilə bağlı təxminən üç milyon fakt qeydə alıblar. Dövlət Statistika Komitəsinin verdiyi məlumata görə, qayda pozuntularının üçdə biri icazə verilən sürət həddinin aşılması ilə əlaqədardır.

İkinci yeri nəqliyyat vasitəsini düzgün saxlamamaq və ya səhv yerə park etməklə bağlı cərimələr tutur - 20,7%. Üçüncü yerdə isə yol işarələri və ya nişanlarının tələblərinə əməl etməməklə bağlı qayda pozuntuları durur.

Qeyd etmək lazımdır ki, koronavirus pandemiyası 2020-ci il üzrə yol hərəkəti qayadalarının pozulması statistikasına da öz təsirini göstərib. Tutulan protokolların 4.1%-i nəqliyyatda sanitar-gigiyena və karantin rejimini pozanların payına düşür.

Ümumilikdə sürücülər qayda pozuntuları ilə bağlı dövlət xəzinəsini 93,2 milyon manat həcmində cərimə ödəməli olublar.

Yol hərəkəti qaydalarının pozulması halları ilə bağlı statistika Sputnik Azərbaycan-ın İnfoqrafikasında daha geniş şəkildə öz əksini tapıb.

0