Müqavilə imzalayan adam, arxiv şəkli

Kiçik orta sahibkarların arzusu reallaşacaq

946
(Yenilənib 16:14 06.01.2017)
Məqsəd sahibkarlarla dövlət qurumları arasındakı çəkişmələrin sülh yolu ilə həllinə nail olmaqdır

BAKI, 5 yan — Sputnik. Mübahisələrin məhkəməyəqədər həllinin alternativ üsullarının təkmilləşdirilməsi üçün mediasiya haqqında qanunun qəbulu nəzərdən keçiriləcək. Qanunda mediasiyanın tətbiq dairəsi, məqsəd və prinsipləri, könüllülük və mediasiya tərəflərinin hüquq bərabərliyi və əməkdaşlığı, mediatorların müstəqilliyi və qərəzsizliyi, mediasiya proseduruna müdaxilənin yolverilməzliyi və s. məsələlər əhatə olunacaq.

Eyyub Hüseynov
faktxeber.com
Eyyub Hüseynov

Sputnik xəbər verir ki, bu barədə "Azərbaycan kiçik və orta sahibkarlıq səviyyəsində istehlak mallarının istehsalına dair Strateji Yol Xəritəsi"ndə deyilir. Qeyd olunur ki, mediatorların fəaliyyətinin təşkili və əlaqələndirilməsi məqsədilə müvafiq dövlət qurumlarının iştirakı ilə Mediasiya Şurasının yaradılması nəzərdən keçiriləcək. Mediasiya Şurası müvafiq icra hakimiyyəti orqanının təşkil etdiyi müsabiqənin nəticələri əsasında təyin edilən üzvlərdən ibarət olacaq. Şura haqqında əsasnamə hazırlanacaq, şuranın səlahiyyətləri müəyyənləşdiriləcək və fəaliyyəti təmin ediləcək.

Azad İstehlakçılar Birliyinin (AİB) sədri Eyyub Hüseynov Sputnik-ə şərhində bildirib ki, 5 il bundan öncə AİB Avropa İttifaqının anoloji layihəsini həyata keçirib: "Böyük Britaniyanın mediasiya mərkəzlərinin işçiləri bizim 10 nəfərə, o cümlədən də mənə treninqlər keçiblər. Biz bu sahədə sertifikatlaşdırılmışıq və gündəlik mediasiya ilə məşğul oluruq. Keçən həftə 10 mediasiya işi görmüşük. Bu, mübahisələrin həlli üçün ən əhəmiyyətli bir üsuldur. Bir neçə il öncə, hətta bir neçə rayonda məhkəmələr bizim mediasiya mərkəzlərinə mübahisələrin həlli üçün insanlar göndərirdilər ki, onları barışdıraq".

"Britaniyalı mütəxəssislər Azərbaycana gələndə dedim ki, bu, əslində Şərqin ağsaqqallıq institutudur. Azərbaycanda və Şərqdə bunun ideoloji kökləri var ki, ən böyük problemlər danışıqlar yolu ilə həll olunub. Bu, çox əhəmiyyətli məsələdir. Lakin, onu da təəssüflə qeyd edim ki, neçə il öncə Azərbaycanda arbitraj məhkəməsinin yaradılması məsələsi önə çəkildi. Bir müddət arbitraj məhkəməsinin üzvü oldum. Lakin o proses müəyyən səbəblərdən getmədi", — Hüseynov bildirib.

Ekspertin fikrincə, mediasiya, yəni problemlərin məhkəməyəqədərki həlli cəmiyyətə böyük xeyir gətirəcək: "Azad İstehlakçılar Birliyi olaraq çox istərdik ki, Mediasiya Şurasında təmsil olunaq. Çünki, biz sertifikatlaşdırılmış bir qurumuq və gündəlik mediasiya ilə məşğul oluruq. Artıq 10 ildən çoxdur ki, Azad İstehlakçılar Birliyi mediasiya aparır və başqa ölkələrdən fərqli olaraq biz bunu təmənnasız edirik. Lakin bu proses bütün ölkələrdə təmənnalıdır, yəni pullu xidmətdir".

Elşən Bağırzadə, UNEC-in dosenti, iqtisadçı ekspert
© Photo : Из личного архива Э. Багирзаде
Elşən Bağırzadə, UNEC-in dosenti, iqtisadçı ekspert

Azərbaycan Dövlət İqtisad Universitetinin (UNEC) dosenti Elşən Bağırzadə isə Sputnik-ə açıqlamasında deyib ki, ümumiyyətlə, bazar iqtisadiyyatında iqtisadi proseslərin tənzimlənməsi üçün ciddi, güclü bir hüquqi baza olmalıdır: "Əgər hüquqi baza sağlam deyilsə, onda iqtisadi proseslər də istənilən istiqamətə getmir və bazarın üstünlüklərindən o qədər də faydalanmaq olmur. Konkret olaraq, ən çox problemlər hüquqi müstəvidə sahibkarlıq fəaliyyəti, məhkəmə çəkişmələri və müqavilələrin imzası ilə bağlı olur. Müasir dünya təcrübəsində belədir ki, bu müqavilələrin icrasında, xüsusilə də hökumətlə sahibkar arasındakı münasibətlərin tənzimlənməsində, məhkəmələrə getmədən, uzun-uzadı prosedurlar keçirilmədən, aralıq mərhələlər müəyyənləşdirilir".

"Bu sistem müxtəlif ölkələrdə fərqli adlar altında fəaliyyət göstərir. Əsas məqsəd — sahibkarlarla dövlət qurumları arasındakı çəkişmələrin sülh yolu ilə həllinə nail olmaqdır. Onun Azərbaycandakı adını belə deyə bilərik: çəkişmələrdə ortaq məxrəcə gəlmək. Yəni, onsuz da müəyyən mərhələdən sonra məhkəmə prosesi uzanır. Amma aralıq olaraq belə mexanizmlər yaradılır. Bu nə üçün belədir? Çünki, kiçik və orta sahibkarlığın çox böyük kapitalı yoxdur, habelə ciddi hüquq xidmətlərindən də yararlana bilmirlər ki, daim prosesləri nəzarətdə saxlasınlar. Ona görə də dövlət kiçik və orta sahibkarlıq üçün belə mexanizmlər yaradır ki, dövlət qurumları və digər qurumlar ilə sahibkarlar aralarında baş verəcək hər hansı bir hüquqi problemləri bu şəkildə, yəni, məhkəməyə baş vurmadan həll etmək imkanları əldə etsinlər", — iqtisadçı vurğulayıb.

Onun sözlərinə görə, burada əsas məqsəd kiçik və orta sahibkarlığın xərclərini azaltmaqdır: "Məsələn, vergi ilə sahibkar arasındakı çəkişməni məhkəməyə daşımağa ehtiyac yoxdur. Bu, müvafiq şuralarda müzakirə olunacaq və ortaq məxrəcə gəlinəcək".

Vəkil Elyar Həsənov
© E.Həsənovun şəxsi arxivindən
Vəkil Elyar Həsənov

Mövzunu Sputnik-ə şərh edən hüquqşünas Elyar Həsənov da məhkəməyə qədər həll təcrübəsini vacib hesab edir: "Buna bəzən Münsiflər Məhkəməsi də deyilir. Amma bunun adında "məhkəmə" sözünün olması o demək deyil ki, o, məhz dövlət qurumu kimi fəaliyyət göstərəcək. Sahibkarlar öncədən razılığa gəlirlər ki, əgər aralarında hər hansı bir mübahisə olarsa, bu mübahisə həmin qurum tərəfindən araşdırılacaq və məhkəmə müstəvisinə çıxarılmadan həllini tapacaq".

"Söhbət getmir ki, həmin qurum, məhz dövlət təşkilatı olmalıdır. Bu, qeyri-dövlət təşkilatı kimi də fəaliyyət göstərə bilər. Hesab edək ki, mübahisə tərəfləri öncədən özlərinə hakim təyin edirlər. Əsas odur ki, tərəflər öz aralarında razılığa gəlsinlər", — Həsənov bildirib.

Hüquqşünas qeyd edib ki, Qərb ölkələrində mövcud olan bu ənənə müsbət nəticələr meydana çıxarıb: "Onlar uzunmüddətli fəaliyyətləri zamanı qərəzsizliklərini sübut ediblər. Özləri də maraqlı olurlar ki, işlərində qərəzə yol verilməsin. Çünki, adlarına hansısa ləkə gəldisə, bu, onlara potensial müraciət edənlərin sayını azaldır".

946
Teqlər:
mediasiya, Elyar Həsənov, Elşən Bağırzadə, Eyyub Hüseynov, problem, sahibkar, məhkəmə
Əlaqədar
Sahibkarlarla bağlı qanunvericilik dəyişdi
Cari il sahibkarlara 120 milyon manatdan artıq güzəştli kredit verilib
"Sahibkar məsuliyyətdən yayınacaqdı..."
Dövlət orqanlarına yanlış məlumat verən sahibkarlar cərimələnəcək
Qanunsuz sahibkarlıq fəaliyyətinə qarşı mübarizə şöbəsi yaradılıb
Sahibkarlıqla bağlı qanunvericilik sərtləşdirildi
Sahibkarlıq fəaliyyəti ilə bağlı şərtlər asanlaşdırılır
"Sahibkarlıq təhsili"nin qalibləri bəlli oldu
Kənd Təsərrüfatı naziri İnam Kərimov

İnam Kərimov: “Kənd Təsərrüfatı Nazirliyi qarşısında konkret ciddi vəzifələr qoyulub”

63
(Yenilənib 23:47 12.08.2020)
Kənd Təsərrüfatı naziri İnam Kərimov deyir ki, qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir
İnam Kərimov: “Ayrılan vəsait suvarma sistemlərinin subsidiyalaşdırılmasına xərclənəcək”

“Bu il hava şəraitinin quraq keçməsi su çatışmazlığı problemini daha da aktuallaşdırıb. Ona görə də su resurslarından səmərəli istifadə edilməsi əsas vəzifələrdəndir”. Sputnik Azərbaycan xəbər verir ki, bu barədə Kənd Təsərrüfatı naziri İnam Kərimov Bərdədə jurnalistlərə müsahibəsində deyib.

“Bu məqsədlə ötən ay Prezident yanında su təsərrüfatının vəziyyətinə həsr olunmuş müşavirə keçirildi. Müşavirədən sonra "Su ehtiyatlarından səmərəli istifadənin təmin edilməsi ilə bağlı əlavə tədbirlər haqqında" Sərəncam imzalandı. Həm müşavirədə, həm də Sərəncamda Kənd Təsərrüfatı Nazirliyi və aidiyyəti qurumlar qarşısında konkret və ciddi vəzifələr qoyulub. Qarşıda duran əsas vəzifələrdən biri müasir, mütərəqqi suvarma texnologiyalarından istifadə edilməsidir. Bu texnologiyalar həm su resurslarından səmərəli istifadəyə, həm də fermerlərin daha çox məhsul istehsal etməsinə imkan verir. Bu məqsədlə Prezident müasir suvarma texnologiyalarının və digər kənd təsərrüfatı texnologiyalarının subsidiyalaşdırılması üçün əlavə vəsait ayırıb. Bu vəsait Prezidentin tapşırığına uyğun olaraq Kənd Təsərrüfatı Nazirliyi tərəfindən əsasən müasir suvarma sistemlərinin subsidiyalaşdırılmasına xərclənəcək”, – deyə nazir İnam Kərimov bildirib.

İnam Kərimovun fikirlərinə audiofaylda qulaq asa bilərsiniz

63
Kişi yeni evinin qapısından baxır, arxiv şəkli

Əcnəbilərdən başqa hər kəs bir pillə aşağı - Kirayə bazarı hərəkətə gəldi

675
(Yenilənib 00:10 13.08.2020)
Kirayə ev axtaran vətəndaşların sayı çox olsa da, hamı ucuz ev istəyir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir

İradə Cəlilova, Sputnik Azərbaycan

BAKI, 13 avqust — Sputnik. Hər il yeni tədris ilinin başlanması ilə bağlı avqust ayında kirayə bazarında canlanma müşahidə edilirdi. Bu il pandemiya ilə əlaqədar bazarın bu seqmentində durğunluq yaransa da, mütəxəssislər hesab edirlər ki, son həftədə az da olsa, hərəkətlilik sezilir.

Amma bu dəfə vətəndaşlar kirayə tutmaq üçün daha ucuz ev axtarırlar.

Hazırda kirayə bazarında vəziyyət necədir? Sputnik Azərbaycan bu məsələni araşdırıb.

Əmlak məsələləri üzrə ekspert Elnur Fərzəliyev Sputnik Azərbaycan-a verdiyi açıqlamada bildirib ki, son bir həftədə paytaxtda kirayə bazarında bir hərəkətlənmə müşahidə edilib. Belə ki, ucuz kirayə evlərə tələbat artıb.

"Hazırda hamı 250 manata ev axtarır. 250 manata verilən evlər isə pandemiyadan əvvəl 350 manata kirayə verilən evlərdir. Pandemiyadan öncə 400-450 manata kirayə verilən evlər də hazırda 300-350 manata həm axtarılır, həm də kirayə verilir", - deyən ekspert bildirib ki, kirayə ev axtaran vətəndaşların sayı çox olsa da, hamı ucuz ev istəyir.

Mütəxəssis hesab edir ki, kirayə ev axtaranların əksəriyyəti tələbələr və iş üçün bölgələrdən paytaxta gələn vətəndaşlardır. E.Fərzəliyevin fikrincə, obyektlərin kirayə verilməsində isə vəziyyət fərqlidir.

Belə ki, müəyyən müddət işləməyə icazə olmadığı üçün obyektlərin çoxu boşaldıldı.

Onun sözlərinə görə, obyektlərin kirayə qiymətlərində ucuzlaşma müşahidə edilmir:

"Məsələn, aylıq icarə haqqı 1000 manat olan obyektlər 500 manata icarəyə verilsə, sahibkarlar fəaliyyətini davam etdirə bilərlər. Amma obyekt sahibləri bu ucuzlaşmaya getmirlər. Obyektlərini bağlı, boş saxlayırlar, amma ucuz icarəyə vermirlər. Çünki obyektlərin satış dəyəri onun icarə qiymətindən asılıdır. Belə ki, obyektlər satış dəyərinin 0,5 faizi dəyərində icarəyə verilir. Məsələn, 100 min-150 minlik satış dəyəri olan bir obyektin 500 manat icarə dəyəri olmalıdır. Belə obyektlər 200-300 manata icarəyə veriləndə onun satış qiyməti 70-80 min manata düşür. Obyekt almağı düşünən şəxslər icarə dəyərini nəzərə alırlar".

Ekspert qeyd edir ki, sərt karantin dönəmində bağ evlərinə ciddi tələbat olduğu üçün bağ evlərinin qiymətləri kəskin artdı: "Yay mövsümü artıq bitdiyi üçün bağ evləri də bir müddət sonra boşalacaq və qiymətlər düşəcək".

Əmlak məsələləri üzrə ekspert Elnur Azadov Sputnik Azərbaycan-a açıqlamasında bildirib ki, may ayından etibarən tələbələrin regionlara geri qayıtması ilə bağlı kirayə bazarında müəyyən dəyişikliklər müşahidə edilməyə başlanılıb.

"Bu daha çox Bakı, Sumqayıt və Gəncə şəhərlərində müşahidə edilir. Çünki ölkədə kirayə bazarının 30-35 faizini tələbələr təşkil edirlər. Bunların getməsi ilə bağlı bu üç şəhərdə gün ərzində 200-250 mənzil boşaldı", - deyə ekspert bildirib.

Onun sözlərinə görə, iyun-iyul aylarında kirayə evlərinin boşaldılması halları daha intensiv olub. Və təkcə tələbələr deyil, regionlardan paytaxta işləməyə gələn şəxslər də evləri boşaldıblar: "Bu özünü daha çox iyulun sonlarında göstərdi. Eyni zamanda həmin mənzillərin təkrar kirayə verilməsi müşahidə edildi. Yəni 500 manatlıq kirayə evdə qalanlar 400 manatlıq kirayə evlərə, 400 manatlıq kirayə evlərdə qalanlar 300 manatlıq kirayə evlərə köçdülər".

Ekspert deyir ki, bu dövr ərzində kirayə qiymətləri 20-30 faiz ucuzlaşıb. Onun sözlərinə görə, daha çox 600-700 manatlıq evlərə tələbat olduğu üçün bahalı evlər boşaldıldı.

Kirayə bazarında olan kasadlıq günlük kirayə mənzil bazarına da təsirsiz ötüşməyib. Belə ki, xarici vətəndaşların Azərbaycana səfərləri olmadığı üçün hazırda günlük kirayə bazarı tamamilə boşdur.

E.Azadovun fikrincə, xarici vətəndaşlar tərəfindən icarə götürülən 1000-1500 manatlıq kirayə evlərin bazarında heç bir dəyişiklik müşahidə edilməyib:

"Bu evlər Azərbaycanda çalışan xarici vətəndaşlar tərəfindən götürülür. Burada qalıb işləyən xarici vətəndaşlar işlərinə davam etdikləri üçün həmin bazarda dəyişiklik hiss edilməyib".

Ekspert bildirib ki, daha çox istirahət üçün nəzərdə tutulan villa və bağ evlərinin kirayə qiymətlərində bahalaşma müşahidə edilib.

Belə ki, bu bazarda qiymətlərin 2 dəfə bahalaşması heç bir zaman görülməmişdi: "Amma pandemiya dövründə 5000 manata kirayə verilən villaların icarə qiymətinin 10 min manata qalxması halları da müşahidə edildi".

E.Azadov bildirir ki, kirayə bazarında hərəkətlilik davam edir və bu tendensiya karantin rejiminin yumşaldılması ilə bağlı dəyişəcək.

675
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əmlak bazarında son vəziyyət - qiyməti saxlamaq naminə söküntü başlayacaq
On milyonlarla dolları Azərbaycandan Türkiyəyə yönəldən - SƏBƏB
Kirayə bazarında böhran: İcarədar işsizlikdən dad edir, sahibkar “verməlisən” deyir
Müxtəlif ölkələrdə mənzil kirayələmək neçəyə başa gəlir
Bakı sakinləri "mina"ların üstündə yaşayırlar: Hökumətin qərarları icrasız qalıb
Kəndir, arxiv şəkli

Ayrılıq ölümə səbəb oldu

0
(Yenilənib 16:45 14.08.2020)
Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izləri aşkarlanmayıb

BAKI, 14 avqust — Sputnik. Son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

Bu barədə Sputnik Azərbaycan-a DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov məlumat verib.

Onun sözlərinə görə, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olublar, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib: "Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmayıb, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanıb".

Hazırda faktla bağlı araşdırmalar davam etdirilir.

0