Əkin sahəsi

"Əvvəlcə aydınlaşdırmaq lazımdır ki, kəndli o torpağı niyə əkib-becərmir"

329
Ekspert: "Fermerin torpağı var, amma həmin torpağı becərmək üçün pulu yoxdur. Buna görə cərimələnməsi doğru deyil."

BAKI, 26 dek — Sputnik. Kənd Təsərrüfatı Nazirliyi "Təyinatı üzrə istifadə edilən və ya təyinatı üzrə istifadə edilməsi mümkün olmayan kənd təsərrüfatı torpaqlarının müəyyən edilməsi meyarları və Qaydası" layihəsini hazırlayıb. Meyarlar və qayda kənd təsərrüfatı torpaqlarına tətbiq ediləcək vergi dərəcəsini müəyyənləşdirmək üçün hazırlanıb.

2017-ci il yanvarın 1-dən etibarən kənd təsərrüfatı torpaqlarına yeni vergi dərəcəsi tətbiq ediləcək. Vergi Məcəlləsində, Prezidentin 6 may 2016-cı il tarixli fərmanı ilə edilmiş dəyişikliklərə əsasən, torpaq sahibləri istifadəsiz kənd təsərrüfatı torpaqlarının hər 100 kvadrat metrinə görə 1 manat məbləğində vergi ödəyəcəklər.

"Vergi Məcəlləsində dəyişikliklər edilməsi haqqında" qanuna görə, müvafiq icra hakimiyyəti orqanının verdiyi arayışa əsasən, təyinatı üzrə istifadə edilən və ya irriqasiya, meliorasiya və digər aqrotexniki səbəblərdən təyinatı üzrə istifadə edilməsi mümkün olmayan kənd təsərrüfatı torpaqları üzrə torpaq vergisinin dərəcəsi 1 şərti bal üçün 0,06 manatdır. Təyinatı üzrə istifadə edilən və ya təyinatı üzrə istifadə edilməsi mümkün olmayan kənd təsərrüfatı torpaqları müvafiq icra hakimiyyəti orqanının — Kənd Təsərrüfatı Nazirliyinin təsdiqlədiyi qayda və meyarlar əsasında müəyyən edilir.

Vüqar Bayramov
Vüqar Bayramov

Məsələ ilə əlaqədar iqtisadçı-ekspert Vüqar Bayramov Sputnik-ə açıqlamasında deyib ki, burada əsas məqsəd istifadəsiz kənd təsərrüfatı torpaqlarının dövriyyəyə cəlb edilməsinə nail olmaqdır: "Əslində burada əsas yanaşma ondan ibarətdir ki, əgər vergilər tətbiq olunarsa, o zaman istifadəsiz torpaqları, kənd təsərrüfatı üçün yararlı torpaqları istifadəyə cəlb etmək mümkündür. Belə təcrübə digər ölkələrdə var".

"Amma burada çox önəmli məqam, məhz bunun icrası ilə bağlıdır ki, bu, hansı səviyyədə reallaşa biləcək və ümumiyyətlə, vergiyə cəlb edilmə prosesi hansı torpaqları əhatə edəcək. Çünki, bəzi hallarda fermerin torpağı var, amma həmin torpağın yetişdirilməsi üçün maliyyə resursları, yəni, pulu azdır. Bu torpağı yetişdirmək istəyir, amma yetişdirə bilmir. Həmin torpaqlara verginin tətbiq edilməsi arzuolunan deyil", — ekspert bildirib.

Onun fikrincə, belə halda, istifadəsiz qalan torpaqların nə üçün istifadəsiz qaldığının səbəblərinə baxmaq lazımdır: "Torpaqların istifadəsiz qalma səbəbi, sadəcə həmin torpaqlardan istifadə etməməkdir, yoxsa onların istifadəsi ilə bağlı maliyyə vəsaitlərinin azlığıdır? Bax, bu suala aydınlıq gətirilməlidir".

Bayramova görə, kənd təsərrüfatı torpaqlarının istifadəsiz qalma səbəblərinin ayrılıqda araşdırılması çox vacibdir: "Nəzərə alaq ki, xeyli sayda və sahə etibarı ilə böyük həcmdə torpaqlar istifadəsizdir və həmin torpaqların bir qismi fərqli iş adamları, hətta hökumətdə təmsil olunan şəxslər tərəfindən alınıb və ya tutulub. Onlar istifadə edilmir. Həmin torpaqlara vergi tətbiq olunmalıdır və onların yenidən istifadəyə qaytarılmasına ehtiyac var".

"Məhz, bundan sonra bəlli olacaq ki, yeni qərar nə dərəcədə təsirli olacaq, nə qədər əraziləri əhatə edəcək, bütün istifadəsiz torpaqları əhatə edəcəkmi və s. Yalnız o torpaqları əhatə etməlidir ki, onlar istifadəsizdir, zəbt olunub və sadəcə o torpaqlardan istifadə etmək istəmirlər", — iqtisadçı vurğulayıb.

329
Teqlər:
Vüqar Bayramov, cərimə, vergi, fermer, ərazi, sahə, əkin, torpaq, kəndli, kənd
Əlaqədar
Çingiz İsmayılov: Torpağa “bu mənimdir” demək olmaz
Özəlləşdirilmiş torpaqlarla bağlı məsələ ciddiləşir: "Əgər əkib-becərməsələr..."
Bakının bu hissəsində yağışlar torpaq çökməsinə səbəb ola bilər
Azərbaycanda torpağı qanla suvarılan kənd
Torpaq vergisi ilə bağlı qanuna dəyişiklik olundu
İran Azərbaycandan torpaq istəyir
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

1
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

1
Teqlər:
nazirlər, OPEC, Müzakirələr
ARDNF

ARDNF bu il valyuta satışını 16,6% artırıb

7
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

7
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta