Bankomat

Dollar böhranı bankomat POS-terminalları da vurdu

191
(Yenilənib 23:23 08.12.2016)
Ticarət dövriyyəsinin azalmasının fonunda sahibkarların POS-terminallardan imtina etməsi məntiqidir

BAKI, 8 dek — Sputnik. Azərbaycanda bu il nağdsız ödəmə əməliyyatlarının həyata keçirilməsi üçün bank infrastrukturu əhəmiyyətli dərəcədə kiçilib — bankomatlar və POS-terminalların sayı azalıb. Mərkəzi Bankın məlumatına əsasən, oktyabrın yekunlarına görə ölkədə 2442 bankomat olub. Bu, o deməkdir ki, onların sayı ötən ilin analoji dövrü ilə müqayisədə 269 ədəd, yəni 10% azalıb.

Ticarət obyektləri və digər yerlərdə quraşdırılmış POS-terminallarla bağlı vəziyyət də acınacaqlıdır. Oktyabrın sonunda onların sayı 67 107 ədəd olub. İlin əvvəlinə olan göstərici ilə müqayisədə onların sayı 9825 ədəd və ya 13% azalıb.

Azərbaycanda bank infrastrukturu bir qayda olaraq iri tədbirlər ərəfəsində, ölkəyə çoxsaylı xarici qonaqların gəlməsi gözləniləndə çox fəal surətdə böyüyür. Bu tendensiyanı xüsusi olaraq ticarət və xidmət obyektlərində POS-terminalların quraşdırılması nümunəsində görmək olar. 2012-ci ilin mayında Azərbaycanda Eurovision musiqi müsabiqəsinin keçirilməsi ondan əvvəlki illə müqayisədə POS-terminalların sayının üç dəfə artmasına gətirib çıxarıb. Lakin artıq 2013-cü ildə onların sayı yenidən azalmağa başladı.

2015-ci ilin iyununda keçirilmiş ilk Avropa oyunları ərəfəsində Mərkəzi Bank və Vergilər Nazirliyi fəal iş apardılar: AMB banklarla, nazirlik isə sahibkarlarla. Lakin xarici qonaqlar getdikdən sonra artıq 2016-cı ilin sonunda POS-terminalların azalması tendensiyası müşahidə olunur. 

Bəzi ekspertlər bu il bank infrastrukturunun azalmasının səbəblərini bank sektorundakı problemlərlə izah edirlər. Belə ki, son iki ildə 13 bank bağlanıb və ölkədə onların sayı 32-yə düşüb. Şübhəsiz, bir sıra bankların müflisləşməsi bankomatların sayının azalmasına səbəb olub. Lakin, əgər il ərzində Bakıda POS-terminalların sayı 10 min azalıbsa, bölgələrdə əksinə, 1200 ədəd artıb.

Paytaxtda həmin 10 min POS-terminal pərakəndə satış obyektlərinə məxsus olub. Ticarət obyektlərindən birinin sahibinin sözlərinə görə, nağdsız hesablaşmalarda POS-terminallardan istifadə etmək tələbi baş ağrısından başqa heç bir nəticə vermir. O deyib ki, yalnız nadir hallarda əcnəbilər aldıqları malın pulunu kartla ödəyirlər, yerli sakinlər isə nağd puldan istifadə edirlər. Müvafiq olaraq, Mərkəzi Bankın və Vergilər Nazirliyinin tələbləri bir qədər yumşalan kimi bir çox ticarət obyektləri banklarla xidmət barədə bağlanmış müqavilələri ləğv ediblər. Bununla onlar artıq dövriyyədən banklara faiz ödəməyəcəklər.

Ticarət dövriyyəsinin azalmasının fonunda sahibkarların POS-terminallardan imtina etməsi məntiqidir. İş ondadır ki, ticarət əməliyyatlarının nağdsız hesablaşma ilə həyata keçirilməsi zamanı güzəştlərin verilməsi tətbiq olunmadı. Yəni, nə obyektin sahibi, nə də alıcılara heç bir güzəşt olunmurdu. Məsələn, 18% təşkil edən əlavə dəyər vergisi azaldılmırdı. Rəsmilərin inzibati metodlarla nağdsız hesablaşmaya keçmək cəhdləri sahibkarlar tərəfindən əsl təxribatla qarşılandı. Bunu spirtli içkilərin satışı sahəsində görmək mümkün idi. 

Müvafiq olaraq, nə qədər ki, hökumət əhalinin nağdsız hesablaşmaya keçməsi üçün stimullaşdırıcı addımlar atmayıb, bank infrastrukturunun böyüməsi və ya kiçilməsi iri tədbirlər zamanı ölkəyə xarici vətəndaşların gəlməsindən asılı olacaq.

AMB-nin məlumatına əsasən, 2015-ci ildə ölkə ərazisində quraşdırılan bankomatların sayı 2694, POS-terminalların sayı — 80 301 olub. 2014 —cü ildə isə ölkədə 2608 bankomat və 73013 POS-terminal, 2013-cü ildə 2422 bankomat və 33 285 POS-terminal, 2012-ci ildə 2260 bankomat və 36 860 POS-terminal, 2011-ci ildə isə 1179 bankomat və 13 220 POS-terminal olub.

191
Teqlər:
POS-terminal, turistlər, bankomat, infrastruktur, bank
Əlaqədar
Azərbaycanda 132 bankomat ləğv edilib
“Kapital Bank” bankomat şəbəkəsini genişləndirir
İstifadəçiləri üzdən tanıyan ilk bankomat təqdim edilib

Evlər "Suqovuşan"ın işığı ilə aydınlanacaq - VİDEO

21
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

21
Teqlər:
"Azərenerji" ASC, SES, Suqovuşan
Neft buruğu, arxiv şəkli

Dünyada neft bahalaşır

13
(Yenilənib 13:42 05.12.2020)
Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

 

BAKI, 5 dekabr — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,20 dollar artaraq 49,68 dollar təşkil edib.

“Brent” markalı neftin bir barelinin qiyməti 0,54 dollar artaraq 49,25 dollar, “Light” markalı neftin bir barelinin qiyməti isə 0,62 dollar bahalaşaraq 46,26 dollar olub.

Qeyd edək ki, Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

13
Teqlər:
"AzeriLight" markalı neft, "Brent" markalı neft, bahalaşma, neft
Mövzu:
Neft qiymətləri ətrafındakı ajiotaj
 Türkiyə Prezidenti Rəcəb Tayyib Ərdoğan, arxiv şəkli

Azərbaycanlı qardaşlarımızın sayəsində Qarabağ səmasını ay-ulduz bəzəyir - Ərdoğan

0
(Yenilənib 19:25 05.12.2020)
"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi"

BAKI, 5 dekabr - Sputnik. "Ermənilər Azərbaycan torpaqlarına hücum edəndə bütün qəlbimiz və imkanlarımızla qardaşlarımızın imdadına yetişdik. Qarslılar bu erməniləri çox yaxşı tanıyırlar. Ortaq tariximiz, mədəniyyətimiz, inancımız və dil birliyimizin tələb etdiklərini gerçəkləşdirərək Dağlıq Qarabağ və ətrafındakı işğal altında olan Azərbaycan torpaqlarının azadlığına qovuşmasında bir zəhmətimiz oldu. Azərbaycanlı qardaşlarımızın mücadiləsi nəticəsində, həmd olsun, Qarabağ səmalarını əskilər deyil, ay-ulduzlu bayraqlar bəzəyir".

Sputnik Azərbaycan bildirir ki, bunu Türkiyə Prezidenti Rəcəb Tayyib Ərdoğan videobağlantı ilə qatıldığı Sarıkamış-Karakurt-Xorasan yolunun açılış mərasimində söyləyib. 

"Azərbaycan bayrağı şəhidlərimizin qəhrəmanlıqlarının timsalı olaraq Dağlıq Qarabağda qürurla dalğalanır. İnşallah, Naxçıvan ilə Azərbaycan arasındakı əlaqəni təmin edəcək dəhlizin açılmasıyla qardaşlarımızla birbaşa quru yolu əlaqəsi quracağıq", - deyən Ərdoğan əlavə edib ki, bu işdən ən çox faydanı da Qars görəcək. 

30 illik işğaldan sonra Azərbaycanın öz torpaqlarına yenidən qovuşmasının haqlı sevincini yaşadığını vurğulayan Ərdoğan deyib ki, Qarabağda qazanılan zəfər həm beynəlxalq hüquq, həm diplomatiya, həm də hərbi baxımdan Azərbaycana anasının ağ südü kimi halaldır. 

"Yenə də vurğulamaqda fayda görürəm: Azərbaycan kimsənin torpağına əl uzatmadı, kimsəyə hücum etmədi, Birləşmiş Millətlər Təşkiları və ATƏT-in qərarına rəğmən 30 il işğal altında saxlanan torpaqlarını azad etdi. Bunu da ermənilər kimi mülki əhalini, yaşayış məntəqələrini hədəf alaraq deyil, legitimlik çərçivəsində gerçəkləşdirdi. Bu durumda bir gün əvvəl Minsk qrupu həmsədrlərindən olan Fransanın parlamentinin müzakirə elədiyi qətnamə qalmaqaldan da betər bir faciədir", - deyə Türkiyə lideri bildirib. 

Azərbaycan Prezidenti İlham Əliyevin: "Fransa, əgər erməniləri bu qədər çox sevirsə, özünün Marsel şəhərini onlara verə bilər" sözlərini xatırladan Ərdoğan heç bir dövlətin digərinin suverenliyinə bu dərəcədə alçaqcasına hücum etməsinin qəbul edilməyəcəyini söyləyib. 

0
Teqlər:
Rəcəb Tayyip Ərdoğan, Qars, Türkiyə, Azərbaycan, Qarabağ