Böyük ölçüdə ərzaq tələbatımızı özümüz təmin edirik, qalır taxıl...
BAKI, 21 okt — Sputnik. Bir neçə gün öncə Azərbaycan prezidenti İlham Əliyev, Sputnik Beynəlxalq İnformasiya Agentliyinə verdiyi geniş müsahibədə xarici və daxili siyasətlə yanaşı, ölkə istisadiyyatı ilə bağlı da maraqlı açıqlamalar verib. Prezident neftdən asılılığın azaldılması, ölkənin özünü ərzaqla təmin etməsi, o cümlədən ixtisar olunan dövlət sərmayələri haqda diqqətçəkən məqamlara toxunub.
azadliq.org
Vahid Əhmədov
Sputnik İlham Əliyevin həmin müsahibədə səsləndirdiyi bəzi fikirlərə millət vəkili Vahid Əhmədovun münasibətini öyrənib.
- Prezident İlham Əliyev Sputnik Beynəlxalq İnformasiya Agentliyinə müsahibəsi zamanı deyib ki, ölkənin neftdən asılılığı azalıb. O, həmçinin qeyd edib ki, ərzağa olan daxili tələbatımızı praktiki olaraq təmin edə bilirik. Sizcə bu durum cəmiyyətdə necə hiss olunur?
— Əslində, bu proses çoxdan gedir. Neftdən asılılığı azaltmaq üçün cənab prezident hələ 2004-cü ildə hökumətin qarşısında iki məsələ qoymuşdu. Biri qeyri-neft sektorunun inkişafı, ikincisi də Azərbaycanın ərzaq təhlükəsizliyinin təmin olunması idi. Hazırda ərzaqla təmin edilmə ilə əlaqədar ciddi addımlar atılır. Ancaq mən deyərdim ki, 100 % olmasa da, 70-80% özümüzü ərzaqla təmin edirik. Və bu yaxınlarda, Nazirlər Kabineti qərar verdi, bəzi ərzaq məhsullarına tətbiq olunan gömrük rüsumları artırıldı. Daxili bazarı qorumaq üçün belə bir addım atıldı. Və faktiki olaraq bazarda elə də ciddi qıtlıq hiss eləmədik. Düzdür, müəyyən qədər qiymət siyasətində problemlər yarana bilər, lakin bu, bir müddət sonra stabilləşəcək və həllini tapacaq. Yalnız taxılla əlaqədar problemimiz var. Çünki hələlik taxılla özümüzü təmin edə bilmirik. Bu məhsulu xaricdən idxal edirik. O cümlədən də, bir neçə məhsul. Lakin ümumilikdə götürəndə, xaricdən asılılıq böyük ölçüdə azalıb.
- İlham Əliyev gələn il üçün neftin 1 barelini 40 dollardan hesabladıqlarını deyib. Və neftin qiymətinin bundan aşağı olmayacağına dair gözləntisini açıqlayıb. Sizin bu barədə ehtimalınız nədir?
— Bəli, dövlət büdcəsində neftin bir bareli üçün 40 dollar götürülüb. Hesab edirəm ki, 2017-ci ildə neftin qiyməti 40-50 dollar səviyyəsində olacaq. Hətta elə də ola bilər ki, 1 barel neftin dəyəri 50 dollardan aşağı düşməsin. Büdcənin neftin qiymətini 40 dollardan götürməsi çox optimist variantdır. Bu variantı mən də dəstəkləyirəm. Çünki, öncəki çıxışlarımda da qeyd eləmişdim ki, gələn il üçün qiyməti 40 hesablamaq lazımdır. Çünki, vəziyyəti əks etdirən real variant budur.
- Dövlət başçısı müsahibəsi zamanı onu da deyib ki, "yeganə ixtisar etdiyimiz dövlət sərmayə layihələridir". Və bunun belə daha yaxşı olduğunu söyləyib. O, qeyd edib ki, "pul çox olanda müxtəlif dövlət qurumlarından çoxlu sifarişlər olurdu, nəticədə pula tam düzgün qənaət edilmirdi". Bu açıqlamaya da münasibətinizi öyrənmək istərdik…
— Bəli, əsas bir neçə layihə var ki, onlar həyata keçirilməlidir. Bakı-Tiflis-Qars dəmiryolu xəttini bitirməliyik. Bundan başqa TANAP-TAP layihələri var. Bunları başa çatdırmalıyıq. Çünki ən əsas layihələr, məhz sadaladıqlarımdır. Digər xırda layihələr faktiki olaraq hələlik həyata keçirilmir. Çünki dövlət büdcəsində bir neçə investisiya layihələri kəskin şəkildə aşağı salınıb ki, pula düzgün qənaət olunsun.
Teqlər:
Qonşuların pomidor bəhanəsi: Yerli aqronomlar onları təkzib edir
(Yenilənib 20:45 21.01.2021)
"İri istixanalar virusa görə pomidor seçiminə, sort seçiminə çox diqqət edirlər. İri istixanalar mütəxəssislərlə işləyirlər və orada virusun olma ehtimalı aşağıdır" - aqronom.Xalid Məmmədov, Sputnik Azərbaycan
BAKI, 21 yanvar — Sputnik. Qazaxıstan Azərbaycandan qeyri-müəyyən müddətə pomidor idxalını dayandırıb. Sputnik Azərbaycan xəbər verir ki, bu barədə Qazaxıstanın Kənd Təsərrüfatı Nazirliyi bildirib.
Qeyd edilib ki, yanvarın 2-dən 12-dək Azərbaycandan idxal olunan pomidorlarda qəhvəyi qırışlı meyvə virusu (Tomato brown rugose fruit virus – ToBRFV) aşkar edilib. İdxalın dayandırılması qərarı yanvarın 16-da qəbul edilib. Qadağa müvəqqəti xarakter daşıyır.
Aqronom Vüsal Hacıyev Sputnik Azərbaycan-a deyib ki, qış aylarında pomidorlarda virus xəstəliklərinin yayılma ehtimalı azdır:
"Əgər bitkilər virus xəstəliyinə yoluxubsa, onların payız və qış aylarında inkişaf sürəti azalır. İstixanalara gedib baxıram. Pomidorlarda qəhvəyi qırışlı meyvə virusuna demək olar ki, rast gəlməmişəm. Hazır şitillərin üzərində də virus gələ bilər.
Bu virus ancaq primitiv istixanalarda görülə bilər. İri istixanalar virusa görə pomidor seçiminə, sort seçiminə çox diqqət edirlər. İri istixanalar mütəxəssislərlə işləyirlər və orada virusun olma ehtimalı aşağıdır. Bizim məhsullar orqanik məhsullara yaxın məhsullardır. İl ərzində günəşli günlərin sayı çox olduğundan, bitkinin istehsal prosesi zamanı təbii bioloji proses daha çox getdiyindən bizim məhsulların insan sağlamlığına mənfi təsiri demək olar ki, yoxdur".
O qeyd edib ki, ToBRFV virusu bütün Avropa ölkələrində, xüsusən İtaliya və Fransadakı istixanalarda və açıq sahələrdə daha çox yayılıb:
"Ona görə də xaricdən gələn toxumların virus xəstəlikləri daşıyıcısı olub-olmadığı dəqiq yoxlanılmalıdır. Bizdə pomidor toxumları əsasən xaricdən gətirilir. Əsasən Hollandiyadan, Türkiyədən, İsraildən toxumlar gətirilir".
O bildirib ki, bitki xəstəlikləri və zərərvericilərinə qarşı mübarizə tədbirləri aparılır, dərmanlar vurulur: "Ancaq bəzən bu, düzgün aparılmır. Təkcə dərmanlama aparmaq kifayət etmir. Eyni zamanda, mexaniki və bioloji üsullardan da istifadə olunmalıdır. İstixanalarda virus xəstəliklərinin yayılması əsasən iki halda olur. Birincisi, toxumun özündə gəlir. İkincisi isə zərərvericilər vasitəsilə istixanaya yayılır. Burada sistemli iş aparılmalıdır. Məsələn, bir ərazidə yerləşən istixanalarda dərmanlama eyni vaxta aparılmalıdır. Və ya kimsə istixananı sökürsə, dezinfeksiya edib sökməlidir".
"Bu işlər kompleks şəkildə aparılmalıdır. Əminəm ki, müvafiq qurumlar və təşkilatlar bu məsələlərə xüsusi diqqət yetirirlər", - deyə o əlavə edib.
Qeyd edək ki, Azərbaycan Respublikası Qida Təhlükəsizliyi Agentliyi (AQTA) məsələ ilə bağlı açıqlama verəcəyini bildirib.
Teqlər:
Azərbaycan və Türkmənistandan tarixi qərar - Xəzərdən artıq "pul iyi" gələcək
BAKI, 21 noyabr - Sputnik. Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumu imzalanıb.
Sputnik Azərbaycan xəbər verir ki, sənədi Azərbaycan Respublikasının xarici işlər naziri Ceyhun Bayramov və Türkmənistan Nazirlər Kabinetinin sədr müavini, xarici işlər naziri Rəşid Meredov imzalayıblar.
Qeyd edək ki, yanvarın 21-də Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumunun imzalanması ilə bağlı Azərbaycan Prezidenti İlham Əliyevlə Türkmənistan Prezidenti Qurbanqulu Berdiməhəmmədov arasında videokonfrans formatında görüş keçirilib.
Alen Delonun keçmiş həyat yoldaşı vəfat edib
(Yenilənib 00:37 22.01.2021)
Aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.
Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.
View this post on Instagram
Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.