Valyuta mübadiləsi

"Qara bazar" üçün böyük fürsət - banklar birbaşa dollar satışını dayandıracaq

1782
Ekspert: "Hazırda faktiki olaraq 3-cü devalvasiya yaşanır. Manat dəyərdən düşür, Mərkəzi Bankın valyuta ehtiyatı azalır"

BAKI, 19 avq — Sputnik. Maliyyə Bazarlarına Nəzarət Palatası (MBNP) bankların dollar satışına məhdudiyyət qoymasından xəbərsizdir. Bu barədə Palatanın müşaviri Rüfət Abbasov açıqlama verib.

Dollar
© Sputnik / Murad Orujov

O bildirib ki, bazarda qiymətlər tələb və təklif əsasında formalaşdığından, MBNP bankların dollar satışına müdaxilə edə bilmir: "Dollar satışına məhdudiyyətin tətbiq edilməsi barədə məlumatımız yoxdur. Biz bu məsələlərə müdaxilə edə bilmərik. Palata ancaq ABŞ valyutasının alış-satış qiymətlərində tətbiq edilən 4 faizlik marjaya əməl olunmasına nəzarət edir".

Xatırladaq ki, son günlərdə banklarda dolların satışında məhdudiyyətlər qoyulub. Ona görə də banklar dolların alış qiymətlərini artırmaq məcburiyyətində qalıb.

Məsələni Sputnik-ə şərh edən bank və maliyyə məsələləri üzrə ekspert Əkrəm Həsənovun sözlərinə görə, bankların dollar satışına məhdudiyyət tətbiq etməsi ilə bağlı rəsmi göstəriş yoxdur: "Yəni kimsə banklara dollar satışını qadağan etmir. Sadəcə son dövrlərdə görürük ki, Mərkəzi Bank və Dövlət Neft Fondu dollar hərraclarında bankların tam tələbini ödəyə bilmir. Hətta bəzi bankirlər deyir ki, "tələbimizi 10 dəfə aşağı ödəyirlər". Yəni, banklar dollar ala bilmir".

"Dollar ala bilməyəndə də təbii ki, banklar necə dollar satsınlar?! Banklar Mərkəzi Bankdan və Dövlət Neft Fondundan istədiyi qədər dollar ala bilmir. Mərkəzi Bank və Dövlət Neft Fondu ehtiyatların azalmasını istəmir. Ona görə də satmır. Satmadığına görə də banklarda dollar azdır", — Ə. Həsənov vurğulayıb.

Onun sözlərinə görə, əgər vətəndaşlar, sahibkarlar dolları banklardan ala bilmirlərsə, "qara bazar"lardan almağa çalışacaqlar: ""Qara bazar"da dollar rəsmi kursdan çox baha satılacaq. Əgər banklarda məzənnə Mərkəzi Bankın elan etdiyi məzənnədən 4 faiz fərqlənə bilərsə, "qara bazar"da xeyli fərqlənəcək. Bu da o deməkdir ki, Azərbaycanda "qara bazar" inkişaf edəcək. Yəni, Mərkəzi Bank deyəcək ki, 1 dollar bizdə rəsmi 1 manat 62 qəpikdir və 4 faiz fərqlənə bilər. Lakin de-fakto başqa vəziyyət olacaq".

"Biz bunu hazırda başqa ölkələrdə görürük. Məsələn, Venesuelada milli valyutanın kursu açıqlanır, amma hamı başa düşür ki, bu, deyil. Bizdə də çox təəssüf ki, vəziyyət o həddə çatıb", — maliyyəçi qeyd edib.

Bank eksperti Əkrəm Həsənov
© Photo : REPORT
Əkrəm Həsənov

Ekspert bu problemdə MBNP-nin günahkar olduğunu düşünmür: "Çünki, banklara dolları onlar satmır. Onlar yalnız 4 faizlik dəhlizə nəzarət edə bilər ki, banklar ondan kənara çıxmasın. Daha yaxşı olardı ki, Mərkəzi Bank elə indidən elan edərdi ki, 1 dollar 1.62 deyil, 1.70-1.90-dır. Ən azı "qara bazar"ın inkişafına imkan verməzdi".

Ə. Həsənov bankların vəziyyətdən sui-istifadə etdiyini də istisna etmir: "Banklar görür ki, Mərkəzi Bankdan kifayət qədər dollar ala bilmir. Dolların da real kursu bahadır və onlara dolları 4 faizlik dəhliz ilə satmaq sərf etmir. Yəqin ki, dolları "qara bazar"a çıxaran bankların elə özləridir. Banklara sərf etmir ki, dolları özləri satsın, çünki, ucuz satacaqlar. Buna görə də, böyük ehtimalla, "qara bazar" yolu ilə satmağa başlayacaqlar".

"Hazırda faktiki olaraq 3-cü devalvasiya yaşanır. Bu, baş verir. Yəni, manatın qiyməti yenə də ucuzlaşır, dəyərdən düşür, Mərkəzi Bankın valyuta ehtiyatı azalır", — mütəxəssis əlavə edib.

1782
Teqlər:
Əkrəm Həsənov, Rüfət Abbasov, valyuta, manat, dollar, MBNP, Maliyyə Bazarlarına Nəzarət Palatası
Əlaqədar
Dollara olan tələbat azalmır
Dollar bahalaşması davam edir
Azərbaycanda "dollar aclığı"nın beş mühüm səbəbi
Azərbaycanda dollar sürətlə yuxarı, manatsa aşağı üzəcək
Dolların rəsmi məzənnəsi hələ indi 1.6 manata yaxınlaşır
Bu ilin sonuna qədər 1 dollar 1,80 AZN olacaq
Azərbaycan Rieltorlar Assosiasiyasının icraçı direktoru Elnur Azadov

Ekspert: “İpoteka kreditlərinin artması pandemiya ilə əlaqəli deyil”

1
(Yenilənib 10:31 10.08.2020)
Azərbaycan Rieltorlar Assosiasiyasının icraçı direktoru Elnur Azadov deyir ki, ciddi iqtisadi proseslər baş verməyibsə, belə kreditlərə tələbat yüksək olaraq qalır
Elnur Azadov: “Hazırda bazarda mənzilə tələbat yüksəkdir”

2020-ci ilin iyun ayında Azərbaycan bankları tərəfindən 18,6 milyon manat ipoteka krediti verilib ki, bu da ötən ilin eyni dövrü ilə müqayisədə üç dəfə çoxdur.

Azərbaycan Rieltorlar Assosiasiyasının icraçı direktoru Elnur Azadov Sputnik Azərbaycan-a deyir ki, kredit miqdarının həcmindəki bu artım pandemiya ilə əlaqəli deyil: “Əgər ciddi iqtisadi proseslər baş verməyibsə, belə kreditlərə tələbat yüksək olaraq qalır. Hazırda bazarda mənzilə tələbat yüksəkdir. İpoteka kreditlərinin miqdarının artması həm də həyata keçirilən sosial layihələrlə bağlıdır”.

Elnur Azadovun geniş şərhinə audiofaylda qulaq asa bilərsiniz

1
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

56
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

56
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Bakıda polis əməkdaşı, arxiv şəkli

Bakıda polisi bıçaqladılar

0
(Yenilənib 12:09 10.08.2020)
İş üzrə hadisə yerinə baxış keçirilməklə əhəmiyyət kəsb edən maddi sübutlar götürülüb, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib

BAKI, 10 avqust — Sputnik. Ötən gün paytaxtın Xətai rayonu ərazisində polis əməkdaşlarına müqavimət göstərilməsi və bir nəfər polis əməkdaşına xəsarət yetirilməsi ilə bağlı prokurorluğa məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, araşdırmalarla həmin gün saat 02 radələrində həmin vaxt xidmətdə olan Daxili İşlər Nazirliyinin Çevik Polis Alayının 3-cü patrul bölüyünün polis əməkdaşları - Vüsal Məmmədov, Kənan Qurbanlı, Elvin Tağıyev, Nihad Əliyev Xətai rayonu ərazisində bir neçə şəxsin səs-küy salaraq ictimai asayişi pozan hərəkətlərinin qarşısını almaq istəyərkən oradakı şəxslərdən biri olan Elşad Əsədovun polis əməkdaşlarını bıçaqla hədələməsinə, hadisə yerindən qaçmaq məqsədilə polis əməkdaşı Vüsal Məmmədova müqavimət göstərərək onun kürək nahiyəsinə bıçaqla xəsarət yetirməsinə əsaslı şübhələr müəyyən edilib.

Faktla bağlı Xətai rayon Prokurorluğunda Cinayət Məcəlləsinin 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə cinayət işi başlanıb.

İş üzrə hadisə yerinə baxış keçirilməklə əhəmiyyət kəsb edən maddi sübutlar götürülüb, müvafiq ekspertizalar təyin olunub, şahidlər dindirilib və digər zəruri prosessual hərəkətlər yerinə yetirilib.

Cinayət işi üzrə zəruri istintaq və əməliyyat tədbirləri davam etdirilir.

0
Əlaqədar
Quliyevlər arasında bıçaqlanma - Mixayil Sənanı qanına qəltan elədi
Nərimanovda 28 yaşlı gənci bıçaqlayaraq öldürüblər
Yolda meyiti tapılan qadını öldürüblər – Qatil Bakıda saxlanıldı
Abşeronda kütləvi davada iki nəfər öldürülüb
Bakıda sevgililər bıçaqlandılar