Bakı sakinləri

Yaxın 5 ildə Azərbaycanda proqnozlaşdırılan tendensiya

297
(Yenilənib 17:17 27.07.2016)
Qubad İbadoğlu: "İşsizliyin artması, manatın dəyərdən düşməsi, kriminal durumun pisləşməsi, əhalinin gəlirlərinin azalması və inflyasiya ölkə iqtisadiyyatını xarakterizə edən əsas göstəricilər olacaq"

Yaxın 5 ildə Azərbaycanda proqnozlaşdırılan tendensiya
BAKI, 25 iyul — Sputnik. Maliyyə Bazarlarına Nəzarət Palatasının Direktorlar Şurasının qərarına əsasən, "Dekabank" ASC, "Kredobank" ASC, "Parabank" ASC və "Zaminbank" ASC-nin bank lisenziyaları ləğv edilib. Bu qərarın başlıca səbəbi pis idarə olunan bir sıra bankların maliyyə mötəbərliliyini və adekvatlığını itirməsi səbəbindən defolt vəziyyətinə düşməsidir.

Qubad İbadoğlu - İqtisadi Tədqiqatlar Mərkəzinin rəhbəri
facebook/ Qubad İbadoğlu
Qubad İbadoğlu - İqtisadi Tədqiqatlar Mərkəzinin rəhbəri

Ekspertlər hesab edirlər ki, son aylar manatın məzənnəsinin tez-tez dəyişməsi, neftin dünya bazarında qiymətinin sürətlə aşağı düşməsi gələn ilin ölkəmiz üçün ağır olacağından xəbər verir. Bu azmış kimi, yaxın zamanda yeni bahalaşma dalğasının gözlənildiyi bildirilir.

Məsələ ilə bağlı Sputnik-in suallarını iqtisadçı-ekspert Qubad İbadoğlu cavablandırıb.

- Bir sıra banklar bağlanıb. Bu proses nə qədər davam edəcək?

— Bankların əksəriyyətinin vəziyyəti eynidir, yəni pisdir. Onları bir-birindən fərqləndirən müştərilər qarşısında öhdəlikləri, eyni zamanda, kredit portfelinin nə dərəcədə effektiv idarə edilməsidir. Müştərilər qarşısında öhdəlikləri böyük olmayan bankların bağlanılması önə çəkilib. Çünki bu öhdəlikləri banklar yerinə yetirməyəndə, qorunan əmanətlər üzrə Əmanətlərin Sığortalanması Fondu yerinə yetirməlidir ki, bu da dövlətin vəsaitləri hesabına başa gəlir. Bu da son nəticədə, dövlətin maliyyə ehtiyatlarının azalmasına gətirib çıxarır. Ona görə də, kütləvi şəkildə bağlanmadan söhbət gedə bilməz. Lakin banklar üçün iki yol var: birincisi — birləşmə, ikincisi isə — bankların öhdəliyini nəzərə alaraq onların bağlanması. Düşünürəm ki, bu proses davam edəcək. Bankların sağlamlaşdırılması prosesi başlanana qədər bankların hazırki vəziyyəti onu deməyə əsas verir ki, ən azı bu il ərzində biz belə hallarla yenidən rastlaşacağıq.

- Yeni bahalaşma dalğasının gözlənildiyini bildirmisiniz. Bunu necə əsaslandırmaq olar?

— İnflyasiyanı artıran bir sıra amillər var. Bir amil ondan ibarətdir ki, ölkədə deflyasiya gedir, ölkənin manatı dəyərini itirir, bütün bunlarla yanaşı, həm də ölkədə yeyinti məhsullarının idxalı artır. Nəzərə alaq ki, yeyinti məhsulları ölkəyə dollarla alınan məhsullardır və ölkədə satışı zamanı dolların məzənnəsi əhəmiyyətli rol oynayır. Əgər dolların məzənnəsi möhkəmlənirsə, idxal mallarının qiymətində də həmin məzənnə fərqinə uyğun olaraq artım baş verir. Başqa bir faktor son zamanlar kommunal xidmətlərin qiymətinin bahalaşmasıdır. Bu ona gətirib çıxaracaq ki, digər bazarlarda qiymət artacaq və bu prosesi biz yaxın zamanlarda müşahidə edəcəyik. Digər tərəfdən də, ailə büdcəsində kommunal xərclərin payı çox olacaq. Bu, son nəticədə həm də qiymətin bahalaşmasına təsir göstərən bir amil olacaq. Başqa bir amil mövsümü amildir. Bu, yaxın zamanda bazarda yerli məhsulların qiymətinin bahalaşmasını şərtləndirir. Yəni, bir çox amillər inflyasiyanı yuxarı qaldırır və qiymətin bahalaşmasını şərtləndirir, onlar indi fəaldırlar. Mən üçünü sadaladım, lakin bu, hamısı deyil. Hesab edirəm ki, bu üçü də kifayət edir ki, Azərbaycanda, xüsusilə ərzaq məhsullarının qiymətinin yaxın zamanda bahalaşmasının şahidi olaq.

- Yaxın perspektivdə Azərbaycan iqtisadiyyatını nə gözləyir?

— Mən çox arzulayardım ki, pozitiv dəyişikliklərdən danışım, amma təəssüf ki, yaxın zamanlarda Azərbaycan iqtisadiyyatında bunu müşahidə etmək üçün əsas yoxdur. Çünki ölkənin həm biznes, həm dövlət səviyyəsində iqtisadiyyatı daha ciddi problemlərlə üzləşir. Maliyyə və bank sektorunda baş verənlər, eyni zamanda ev təsərrüfatı səviyyəsində alıcılıq qabiliyyətinin aşağı düşməsi bütövlükdə həm dövlət, həm biznes sektorunun satışlarının azalmasına, onların xidmətlərinin məhdudlaşmasına gətirib çıxarır. Bu da son nəticədə, iqtisadiyyatın kiçilməsini şərtləndirir. İqtisadiyyat kiçildikcə əhalinin gəlirləri azalır. Bir vaxtlar iqtisadiyyatın böyüməsindən qazananlar indi iqtisadiyyatın kiçilməsindən uduzurlar. Bu, sosial vəziyyətə də mənfi təsir göstərəcək. Yəni, yaxın beş ildə işsizliyin artması, manatın dəyərdən düşməsi, kriminal durumun pisləşməsi, əhalinin gəlirlərinin dəyərsizləşməsi və inflyasiya, demək olar ki, Azərbaycan iqtisadiyyatını xarakterizə edən əsas göstəricilərdən biri olacaq.

297
Teqlər:
deflyasiya, Maliyyə Bazarlarına Nəzarət Palatası, Qubad İbadoğlu, inflyasiya, bank, iqtisadiyyat
Əlaqədar
Ölkə iqtisadiyyatının "qan-damar sistemi pozulub"
"Azərbaycan iqtisadiyyatında ciddi problemlər yaşanacaq"
"İnsanları iqtisadiyyatın yenidən qurulması prosesinə cəlb etmək lazımdır"
"İnhisarçılıq iqtisadiyyatımızı elə zəlil günə qoyub ki..."
"Hökümət düşünürdü ki, iqtisadiyyat sadəcə soyuqlayıb..."
Avropa Parlamentinin iclası, arxiv şəkli

Avropa Parlamenti Türkiyəyə qarşı sanksiyalar tətbiq etməyə çağıran qətnamə qəbul etdi

17
(Yenilənib 12:22 27.11.2020)
Bir oktyabr 2020-ci il tarixinə milli iqtisadiyyatda muzdlu işçilərin sayı əvvəlki ilin eyni dövrü ilə müqayisədə 2,6% artaraq 1,681 milyon nəfərə çatıb.

BAKI, 27 noyabr — Sputnik. Avropa Parlamenti Avropa İttifaqı üzv dövlətlərini Aralıq dənizindəki davranışına görə Türkiyəyə qarşı sərt sanksiyalar tətbiq etməyə çağıran qətnamə qəbul edib.

Banker.az xəbər verir ki, sənədlə bağlı səsvermə Avropa Parlamentinin Brüsseldəki plenar iclasında baş tutub.

Bildirilir ki, qətnaməyə 631, əleyhinə 3 deputat səs verib. "Parlament üzvləri Avropa Şurasını Türkiyənin qanunsuz fəaliyyəti ilə bağlı vahid mövqe tutmağa və buna cavab olaraq sərt sanksiyalar tətbiq etməyə çağırırlar", – sənəddə deyilir.

Qətnamə Türkiyənin Kiprin şimalındakı keçmiş Varoşa kurort zonasını açmaq qərarının bu problemin həlli perspektivlərini sarsıtdığını vurğulayır.

Eyni zamanda sənəddə Ankaranın Aralıq dənizi, Liviya və Suriyadakı hərəkətləri sayəsində Avropa İttifaqı ilə Türkiyə arasındakı münasibətlərin "tarixi minimuma" çatdığı qeyd edilir. Avropa İttifaqı və Türkiyə münasibətləri 10-11 dekabr sammitində diqqət mərkəzində olan mövzulardan biri olacaq.

17
Teqlər:
Brüssel, plenar iclas, Kipr, Türkiyə, Avropa Parlamenti, Sanksiya
Bakıda neft nasosları, arxiv şəkli

Azərbaycan nefti neçəyə satılır?

6
(Yenilənib 11:43 27.11.2020)
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 27 noyabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,09 dollar ucuzlaşaraq 48,28 dollar təşkil edib.

"Brent" markalı neftin bir barelinin qiyməti 0,14 dollar geriləyərək 47,66 dollar, "Light" markalı neftin bir barelinin qiyməti isə 0,87 dollar ucuzlaşaraq 44,84 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

6
COVİD-19 xəstəsi, arxiv şəkli

Qubada yaşadıqları evi qanunsuz olaraq tərk edən koronavirus xəstələri aşkarlandı

0
(Yenilənib 13:30 27.11.2020)
Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

BAKI, 27 noyabr — Sputnik. Quba Rayon Polis Şöbəsinin əməkdaşları rayon ərazisində qurulmuş karantin postunda xidmət aparan zaman yaşadığı evi qanunsuz olaraq tərk edən koronavirus xəstəsi aşkarlayıblar.

Sputnik Azərbaycan DİN-in Mətbuat Xidmətinin Quba regional qrupundan verilən məlumata istinadla xəbər verir ki, araşdırmalarla həmin şəxsin rayonun Amsar kənd sakini Süleyman Mütəllimov olduğu müəyyən edilib.

Onun koronavirus testinin nəticəsi pozitiv olduğuna görə, ev şəraitində müalicə təyin edilsə də, ancaq S.Mütəllimov qaydaları pozaraq Qusar rayonuna getmək istəyib.

Dərhal həmin əraziyə həkim briqadası dəvət edilib və təcili tibbi yardım avtomobili ilə S.Mütəllimov yaşadığı ünvana geri qaytarılıb.

Gün ərzində şöbə əməkdaşları karantin postunda xidmət aparan zaman yaşadığı evi qanunsuz olaraq tərk edən daha iki şəxsi də aşkarlayıblar. COVID-19 infeksiyasına yoluxduğunu bilərək özünütəcrid qaydalarına riayət etməyən Şabran rayon sakini İlyas İsaqov və Bakı şəhər sakini Gülnaz Bağırova Quba rayonuna daxil olmaq istəyən zaman polis əməkdaşları tərəfindən saxlanılıblar.

Hər iki şəxs təcili tibbi yardım avtomobilinə mindirilərək koronavirusa yoluxmuş şəxslərin müalicə aldığı xəstəxanaya yerləşdiriliblər.

Qeyd edilən faktla bağlı Quba RPŞ-də araşdırmalar aparılır.

0