Rüfət Aslanlı, Maliyyə Bazarlarına Nəzarət Palatasının Direktorlar Şurasının sədri

Azərbaycanda 4 bank bağlandı

236
Rüfət Aslanlı: "Qərar problemli və adekvat kapitallaşmamış bankların sistemdən kənarlaşdırılması vasitəsilə bank sektorunda risklərin azaldılması, maliyyə dayanıqlığının gücləndirilməsinə istiqamətlənib"

BAKI, 22 iyul — Sputnik. Maliyyə Bazarlarına Nəzarət Palatasının (MBNP) Direktorlar Şurasının 21 iyul 2016-cı il tarixli qərarına əsasən "Dekabank" ASC, "Kredobank" ASC, "Parabank" ASC və "Zaminbank" ASC-nin bank lisenziyaları ləğv edilib. "APA-Economics" xəbər verir ki, bu barədə MBNP-nin Direktorlar Şurasının sədri Rüfət Aslanlı bu gün keçirdiyi mətbuat konfransında deyib.

Bank
© AFP 2021 / TIMOTHY A. CLARY

Onun sözlərinə görə, Palata bu qərarını həmin bankların aktivlərini qanunvericiliklə tələb olunan qaydada təsnifləşdirmədiklərinə, mümkün zərərlər üzrə adekvat ehtiyatlar yaratmadıqlarına, məcmu kapitalın minimum məbləği tələbinə əməl etmədiklərinə, təhrif edilmiş hesabatları təqdim etdiklərinə, bütövlükdə cari fəaliyyətlərini etibarlı və prudensial qaydada idarə etmədiklərinə, eləcə də nəzarət orqanının verdiyi yazılı göstərişləri yerinə yetirmədiklərinə görə qəbul edib.

"Qərar problemli və adekvat kapitallaşmamış bankların sistemdən kənarlaşdırılması vasitəsilə bank sektorunda risklərin azaldılması, maliyyə dayanıqlığının gücləndirilməsi, etimadın artırılması və bütövlükdə maliyyə sektorunun inkişafına istiqamətlənib", — R. Aslanlı bildirib.

Adıçəkilən banklar Əmanətlərin Sığortalanması Fonduna üzvdür və əhalinin bu banklarda olan qorunan əmanətləri fond tərəfindən ödəniləcək. 22 iyul 2016-cı il tarixdən lisenziyaları ləğv olunmuş banklara MBNP tərəfindən müvəqqəti inzibatçı təyin edilib. Palata sözügedən banklara ləğvedicinin təyin edilməsi barədə məhkəməyə müraciət edib və bu bankların gələcəkdə ləğvi MBNP-nın nəzarəti altında aparılacaq.

236
Teqlər:
bank, lisenziya, Maliyyə Bazarlarına Nəzarət Palatası, Direktorlar Şurası, Rüfət Aslanlı, MBNP, 'Dekabank', 'Kredobank', 'Parabank', 'Zaminbank'
Əlaqədar
Azərbaycanda əhalinin ən çox narazılığına səbəb olan bank
"Mərkəzi Bank çevik addım atmasa, manatın durumu pis olacaq"
Banklar dövlətdən dollar tələb edir
"Kasıbların bankiri"ndən ibrətamiz açıqlamalar
50 milyon dollar 28 banka satılıb
Banklarla nə baş verir?
Bank işçiləri, arxiv şəkli

Azərbaycan banklarında informasiya təhlükəsizliyinə dair qayda təsdiqlənib

5
(Yenilənib 20:14 03.08.2021)
Yeni Qayda banklarda "İnformasiya təhlükəsizliyinin idarə edilməsi sistemi"nin formalaşdırılması və təşkili, informasiya mübadiləsinin təhlükəsizliyi, informasiya təhlükəsizliyi insidentlərinin idarə edilməsi üzrə nəzarət mexanizmləri və sairi ehtiva edir.

BAKI, 3 avqust — Sputnik. Beynəlxalq aləmdə informasiya-kommunikasiya texnologiyaları sahəsində baş verən çağırışların davamlı izlənilməsi və innovativ həllərin bank sferasına çatdırılması Azərbaycan Mərkəzi Bankının (AMB) daim diqqət mərkəzindədir. Sputnik Azəarbaycan xəbər verir ki, bu barədə AMB-nin açıqlamasında bildirilir.

Məlumatda həmçinin deyilir ki, beynəlxalq trendlərə uyğun olaraq ölkədə müasir tələblərə cavab verən informasiya texnologiyaları infrastrukturunun qurulması və maliyyə-bank sektorunda təklif olunan rəqəmsal xidmətlərin genişləndirilməsi məlumat mübadiləsində informasiya təhlükəsizliyinin təmin edilməsini, istismarda olan informasiya resurslarının mümkün təhdidlərdən qorunmasını, kibertəhlükəsizlik üzrə ümumi hazırlıq səviyyəsinin yüksəldilməsini və bu sahədə müntəzəm olaraq maarifləndirmə işlərinin aparılmasını vacib edir.

Bu sahədə aparılan tədbirlər nəticəsində, Beynəlxalq Standartlaşdırma Təşkilatının ISO/IEC 2700X standartlarının tələbləri nəzərə alınmaqla, ölkədə fəaliyyət göstərən banklarda informasiya təhlükəsizliyinə dair minimum tələbləri müəyyən edən "Banklarda informasiya təhlükəsizliyinin idarə edilməsi Qaydası" işlənib hazırlanaraq AMB-nin İdarə Heyətinin qərarı ilə təsdiq edilib və Hüquqi Aktların Dövlət Reyestrinə daxil edilib (http://www.e-qanun.az/framework/48025).

İnformasiya təhlükəsizliyi sahəsində yeni Qaydanın tətbiqi üçün banklarda müvafiq informasiya texnologiyaları infrastrukturunun qurulması və informasiya təhlükəsizliyi üzrə biznes proseslərin təşkili üçün siyasət və prosedurlarının hazırlanmasının əhəmiyyətli vaxt tələb edəcəyini nəzərə alaraq adıçəkilən Qaydanın 1 aprel 2022-ci ildən qüvvəyə minməsi və həmin tarixdən etibarən hazırda qüvvədə olan, AMB İdarə Heyətinin 10 dekabr 2014-cü il tarixli qərarı ilə təsdiq edilmiş "Banklarda informasiya sistemlərinin təhlükəsizliyinə dair Qaydalar"ın ləğv edilməsi qərara alınıb.

Yeni Qayda ISO/IEC 2700X standartlarının tələblərinə uyğun olaraq banklarda "İnformasiya təhlükəsizliyinin idarə edilməsi sistemi"nin formalaşdırılması və təşkili, insan resurslarının təhlükəsizliyi, aktivlərin idarə olunması, girişlərə nəzarət, kriptoqrafiya, fiziki və perimetr üzrə təhlükəsizlik, informasiya mübadiləsinin təhlükəsizliyi, informasiya sistemlərinin əldə edilməsi, tətbiqi və dəstəklənməsi zamanı təhlükəsizliyin təmin olunması, kənar təchizatçılarla xidməti münasibətlərdə informasiya təhlükəsizliyinin qorunması, informasiya təhlükəsizliyi insidentlərinin idarə edilməsi üzrə nəzarət mexanizmləri və bunlara dair tələbləri ehtiva edir.

AMB ölkənin bank sektorunda informasiya təhlükəsizliyinin təmin edilməsini, xüsusilə də mümkün kiber hücumların vaxtında aşkar edilməsini, mənfi təsirlərinin azaldılması və qarşısının alınması üzrə fəaliyyəti daim diqqət mərkəzində saxlayır.

Eləcə də oxuyun:

5
Teqlər:
Bank, Azərbaycan, kiber, kiber hücum, kibertəhlükəsizlik, qayda, qaydalar, yeni qayda
AQTA laboratoriyası

Azərbaycanda virus müəmması: Rusiyadan gələn bildirişə görə xəbərdarlıq edildi

7
(Yenilənib 19:54 03.08.2021)
Azərbaycanda yetişdirilən tərəvəzlərdə virusun aşkarlanması hələ təsdiq olunmasa da AQTA, buna baxmayaraq, ciddi xəbərdarlıq edib, əlaqədar qurumlara müraciətlər ünvanlayıb.

BAKI, 3 avqust — Sputnik. Bitki virusunun iqtisadi zərərləri ortaya çıxdığına görə bir sıra ölkələr öz sərhədlərindən bu virusun daxil olmaması üçün profilaktik tədbir kimi məhdudiyyətlər tətbiq edir.

Sputnik Azərbaycan-ın məlumatına görə, bunu Qida Təhlükəsizliyi Agentliyi sədrinin müavini Balarəhim Quliyev bildirib.

Onun sözlərinə görə, artıq Rusiya 2020-ci ildən etibarən Ermənistandan və qardaş Türkiyə Cümhuriyyətindən daxil olan pomidorda qonur qırışıqlıq virusunun aşkar olunması ilə əlaqədar müvafiq vilayətlərə məhdudiyyət tətbiq edib: "Bu ilin əvvəlindən isə Türkmənistan, Özbəkistan və Qazaxıstandan daxil olan pomidor bitkisində bipinomozaik virusunun aşkar olunması ilə əlaqədar həminm ölkələrin müvafiq vilayətlərinə qadağa tətbiq edib.

Azərbaycana da artıq bununla bağlı müəyyən siqnallar daxil olmaqdadır. İlk dəfə bu ilin aprelin 23-də Azərbaycanda fəaliyyət göstərən "Gözəl təbiət" MMC təsərrüfatına məxsus pomidor bitkisində Rusiyadan qonur qırışıqlıq virusunun aşkarlanması ilə bağlı bizə bildiriş daxil olub. Dərhal AQTA-nın mütəxəssisləri tərəfindən müəssisədə monitorinq keçirilib.

Məhsullardan götürülən nümunələr həm AQTA-nın laboratoriyasına, həm də Türkiyənin Kənd Təsərrüfatı Nazirliyinin araşdırmalar laboratoriyasına göndərilib. Lakin müayinələrin nəticələrinə əsasən, nümunələrdə virus aşkar olunmayıb. Rusiyanın Baytarlıq və Fitosanitar Nəzarəti üzrə Federal Xidmətinin nümayəndələri mayda Azərbaycanda səfərdə olan zaman həmin təsərrüfata baxış keçirib. Yenə də nümunələr götürülüb Rusiyaya göndərildi və nəticələrə görə virus aşkar olunmadı. Ona görə də həmin təsərrüfata tətbiq olunan məhdudiyyət aradan qaldırılıb".

Onun sözlərinə görə, sonrakı dövrdə isə Azərbaycanda fəaliyyət göstərən "Can aqro" və "Geotermal aqro" MMC-lərin məhsullarında epina mozaik, eyni zamanda "Lokal garden" MMC-nin yük partiyasında isə qonur qırışıqlıq viruslarının aşkar olunması ilə əlaqədar Azərbaycana bildirişlər daxil olub. Bununla əlaqədar, AQTA yenidən həmin müəssisələrdə monitorinqlər keçirib: "Ancaq bu bildirişlər gec daxil olduğuna və hazırda istilikxanalar öz məhsullarını istehsal edib bitirdiyinə görə monitorinq zamanı orada məhsula rast gəlmədik. Amma aldığımız məlumata uyğun olaraq həmin müəssisələrdə şitillər yığışdırılıb, xüsusi qaydada yandırılıb, basdırılıb və müəssisələr dezinfeksiya olunub. Yəni biz, profilaktik olaraq tədbirlər həyata keçirmişik".

B.Quliyev bildirib ki, virusun Azərbaycanda aşkarlanması hələ təsdiq olunmayıb: "AQTA buna baxmayaraq, ciddi xəbərdarlıq edir, əlaqədar qurumlara müraciətlər ünvanlanıb. Əlaqədar qurumların nümayəndələrindən ibarət işçi qrupların yaradılmasını təklif etmişik. Xəstəliyə qarşı hər hansı sağlamlaşdırma tədbirləri olmadığına görə, burada bizim ilkin işimiz ölkə sərhədlərini xəstəliyin keçməsindən qorumaqdır.

Xəstəliyin yayılmasına səbəb ölkəyə idxal olunan əkin-səpin üçün olan toxumlardır. AQTA ölkəyə rəsmi yollarla, gömrük nəzarətindən keçən toxumlara nəzarət edir, laborator müayinələr götürülür. Bundan sonra həmin həmin toxumların istifadəsinə icazə verir. Amma təəssüflə qeyd edim ki, ölkəyə qeyri-qanuni yollarla, əl yükləri ilə, müxtəlif poçt göndərişləri və yaxud avtomobillərin yük yerlərində dövlət nəzarətindən keçmədən əkin-səpin materialları daxil olur. İşin təhlükəliliyi bundadır ki, həmin məhsullar AQTA-nın nəzarətindən keçmir, ona görə də ölkəyə xəstəliyin daxil olmağına şərait yarana bilər. Ona görə də biz müvafiq qurumlara müraciətlərimizdə bildirmişik ki, təcili olaraq bu sahədə nəzarət gücləndirilməlidir".

AQTA-nın sədr müavini deyib ki, virus ölkəyə düşərsə, asanlıqla müxtəlif təsərrüfatlara yayıla bilər: "Virus müxtəlif alətlərlə, geyimlə, müxtəlif vasitələrlə digər təsərrüfatlara da yayıla bilər. Xəstə ştillər xüsusi qaydada yandırılıb, basdırılmasa, ətrafa atılsa, virusun ölkə ərazisində yayılmasına zəmin yarana bilər. Ona görə elə sistem qurulmalıdır ki, müxtəlif ölkəyə daxil olan əkin-biçin məhsullarına nəzarət olunsun".

Eləcə də oxuyun:

7
Teqlər:
AQTA, tərəvəz, pomidor, virus
Azərbaycan FHN işçiləri, arxiv şəkli

Yanğınsöndürənlərimizin Türkiyədəki fəaliyyətindən son görüntülər

0
(Yenilənib 21:13 03.08.2021)
Türkiyə Respublikasının meşə yanğınlarının ciddi vüsət aldığı bölgələrindən olan Marmaris ərazisində fəaliyyət göstərən yanğınsöndürənlərimizin səyi ilə bir çox istiqamətlərdə meşə yanğınlarının genişlənməsinin qarşısı alınıb.

BAKI, 3 avqust — Sputnik. Azərbaycan Respublikasının Prezidenti cənab İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını peşəkarlıqla davam etdirirlər.

Sputnik Azərbaycan FHN-in saytına istinadən bildirir ki, artıq bir neçə gündür Türkiyə Respublikasının meşə yanğınlarının ciddi vüsət aldığı bölgələrindən olan Marmaris ərazisində fəaliyyət göstərən yanğınsöndürənlərimizin səyi ilə bir çox istiqamətlərdə meşə yanğınlarının genişlənməsinin qarşısı alınıb. Hazırda FHN-in yanğınsöndürmə qüvvələri yanğın ocaqlarının söndürülməsi üçün əməliyyat şəraitinə uyğun olaraq lazımi tədbirləri davam etdirirlər.

Qeyd edək ki, Azərbaycan fövqəladə hallar nazirinin müavini general-leytenant Etibar Mirzəyevin rəhbərliyi altında Nazirliyin Marmaris bölgəsində olan yanğın-xilasetmə qüvvələrinin koordinasiyalı idarəetməsi təşkil olunub. Ölkə başçısının tapşırığına uyğun olaraq Azərbaycan Fövqəladə Hallar Nazirliyi tərəfindən Türkiyəyə yola salınmış ikinci yanğın-xilasetmə qrupu isə sabah yanğınların söndürülməsi əməliyyatlarına başlayacaq.

Türkiyədə yanğınlar

Xatırladaq ki, iyulun 28-də Antalyanın Manavqat rayonunda başlayan meşə yanğınları qısa müddətdə ölkənin digər bölgələrində müşahidə edilib. Son 6 gündə Türkiyədə 107 yerdə meşə yanğını qeydə alınıb. Yanğın nəticəsində, son məlumatlara görə, səkkiz nəfər dünyasını dəyişib.

Antalya başda olmaqla Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində kütləvi surətdə meşə yanğınları baş verməkdədir. Türkiyə rəsmiləri hadisənin terror aktı olduğunu istisna etmirlər. Türkiyəyə yardım məqsədi ilə dünyanın bir çox ölkələrindən, o cümlədən Azərbaycandan texnika və canlı qüvvə göndərilib. Türkiyədə baş vermiş meşə yanğınlarının söndürülməsi prosesində qardaş ölkəyə dəstək məqsədilə göndərilənlər arasında Fövqəladə Hallar Nazirliyinin (FHN) yanğınsöndürmə qüvvələri də var.

Meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyə Respublikasında olan Azərbaycan Respublikası Fövqəladə Hallar Nazirliyinin yanğınsöndürmə qüvvələri yanğınların söndürülməsi əməliyyatlarını fədakarlıqla davam etdirirlər.

Eləcə də oxuyun:

0
Teqlər:
FHN, Türkiyə, yanğınsöndürənlər, meşə, yanğın