Qızıl

Azərbaycan Sorosun "qızıl tələ"sinə düşə bilər

77
Ekspertlər indiki dövrdə qızıla investisiya yatırılmasını böyük risk kimi dəyərləndirirlər

BAKI, 21 iyun — Sputnik. Hazırda Azərbaycan Dövlət Neft Fondu (DNF) alınmış qızılın satılaraq digər aktivlərlə əvəzlənməsi, eləcə də əlavə qızılın alışını nəzərdə tutmur. Bu barədə ötən günlərdə DNF-dən açıqlama verilib.

Qızıl investisiyaları ilə bağlı strategiyaya gəldikdə isə, bildirilib ki, bu yatırımlar qısamüddətli spekulyativ hədəflər üçün deyil, məhz strateji məqsədlə həyata keçirilib. Belə ki, Fondun investisiya siyasətinə əsasən, investisiya portfelinin məcmu dəyərinin 5 faizə qədəri qızıla investisiya edilə bilər. Hazırda da investisiya portfelinə daxil edilmiş qızılın miqdarı 30 175 kq (970 146 troya unsiyası) təşkil edir.

İndiki dövrdə qızıla investisiya yatırmaq səmərəlidirmi?

İqtisadçı-ekspert Natiq Cəfərli Sputnik-ə açqılamasında deyib ki, qızılın qiyməti 1350 dollar civarında olarkən, əsasən qızıl ehtiyatlarına yönəlmək barədə qərar verilib: "Bu gün qızılın qiyməti 1250 dollar civarındadır. Yəni, xeyli dərəcədə, hər unsiyada 100 dollara yaxın qiymət düşüb. Burada itkilərdən də söhbət gedir. Təəssüf ki, Neft Fondu bunu açıqlamır".

Ekspert bildirib ki, əslində qızıla yönəlmək həmişə "güvənli liman" anlayışından irəli gəlir: "Dünya iqtisadiyyatında baş verən müəyyən proseslər zamanı investorlar "güvənli liman" kimi qızıla yönəlirlər. Azərbaycanda da belə bir addımın atılması o zaman ciddi analizin nəticəsi deyildi. Yəni, sadəcə dünya bazarında panika vaxtı var idi, 3 il bundan öncə qızılın qiyməti kifayət qədər sürətlə qalxırdı və Azərbaycan Dövlət Neft Fondu ciddi analiz etmədən bu investisiya portfelinə yönəldi və qızıl böyük bir hissəsini o dövrdə alıb".

N. Cəfərlinin sözlərinə görə, indiki dövrdə qızıla investisiya yatırılması ilə bağlı müxtəlif versiyalar var: "Düşünürəm ki, qızılın qiyməti öz pik həddinə çatıb. FED-in yaxın zamanda uçot dərəcəsini qaldırmaq ehtimalı çox yüksəkdir. Bu il ərzində uçot dərəcəsi bir dəfə qalxacaq. Uçot dərəcəsi qalxanda qızılın qiymətinin enməsi müşahidə olunacaq. Çünki, bahalı dollar həmişə əmtəələri, o cümlədən qızılı da ucuzlaşdırır".

Sorosun planının arxasında nə dayanır?

"O nöqteyi-nəzərdən, bu gündən sonra qızıla yönəlmək o qədər də optimal variant deyil. Güman ki, bundan artıq portfeli artırmaq məqsədəuyğun da deyil. Çünki, bu il ərzində qızılın qiymətinin enməsi ehtimalı çox yüksəkdir", — iqtisadçı vurğulayıb.

Natiq Cəfərli, iqtisadçı-ekspert
© Photo : N.Cəfərlinin şəxsi arxivi
Natiq Cəfərli, iqtisadçı-ekspert

O, hesab edir ki, yaxın gələcəkdə qızılın qiymətinin kəskin artması ehtimalı çox aşağıdır: "Başqa aktivlərin gəlirlikləri yüksək olduğundan investorlar digər aktivləri, o cümlədən qiymətli kağızları seçməyi daha çox tərcih edirlər".

Ekspert məşhur milyarder Corc Sorosun qızıla investisiya yatırmaqla bağlı planına da münasibət bildirib: "Corc Sorosun açıqlamasında belə bir maraqlı detal var idi ki, artıq yaşlı olduğu üçün birjaları və bazarları hər gün dəqiqliklə izləyə bilmir. Qızıl isə stabil bir investisiyadır. Qiyməti çox azalsa da, hər halda dəyərdən tamamilə düşməsi ehtimalı çox azdır. Ona görə də sakit bir həyat tərzi keçirmək, daha çox investisiya portfelində stabilliyi qorumaq üçün qızıla yönəlməyi variant kimi qarşıya qoydu".

"Bu da qızılın qiymətində 50 dollara yaxın yüksəlişə səbəb oldu. Düşünürəm ki, burada ikili oyun ola bilər. Ola bilər ki, Corc Soros bu bəyanatı verməklə əlində olan qızıl ehtiyatlarının bir qismini satmağı düşünürdü. Qiymət qalxdıqdan sonra heç bir məlumat yoxdur ki, əlində olan qızıl aktivlərini saxladı, yoxsa satdı. Ola bilər ki, bu, bazarı yönləndirmək üçün bir açıqlama idi", — N. Cəfərli əlavə edib.

77
Teqlər:
pul, investisiya, Natiq Cəfərli, Corc Soros, qızıl, DNF, Dövlət Neft Fondu
Əlaqədar
Cors Soros proqnozunu açıqladı: "Dollar 20 faiz bahalaşacaq"
Corc Soros: Avropa İttifaqı parçalana bilər
Qazaxda qızıl köşklərini soyublar
Pampıqdan pul çıxarmaq: "ağ qızıl" qayıdır
Bakıda mənzildən 50 min manatlıq qızıl oğurlanıb
Özünə qızıldan köynək tikdirən biznesmenlər kimlərdir?
Pomidor, arxiv şəkli

Qonşuların pomidor bəhanəsi: Yerli aqronomlar onları təkzib edir

134
(Yenilənib 20:45 21.01.2021)
"İri istixanalar virusa görə pomidor seçiminə, sort seçiminə çox diqqət edirlər. İri istixanalar mütəxəssislərlə işləyirlər və orada virusun olma ehtimalı aşağıdır" - aqronom.

Xalid Məmmədov, Sputnik Azərbaycan

BAKI, 21 yanvar — Sputnik. Qazaxıstan Azərbaycandan qeyri-müəyyən müddətə pomidor idxalını dayandırıb. Sputnik Azərbaycan xəbər verir ki, bu barədə Qazaxıstanın Kənd Təsərrüfatı Nazirliyi bildirib.

Qeyd edilib ki, yanvarın 2-dən 12-dək Azərbaycandan idxal olunan pomidorlarda qəhvəyi qırışlı meyvə virusu (Tomato brown rugose fruit virus – ToBRFV) aşkar edilib. İdxalın dayandırılması qərarı yanvarın 16-da qəbul edilib. Qadağa müvəqqəti xarakter daşıyır.

Aqronom Vüsal Hacıyev Sputnik Azərbaycan-a deyib ki, qış aylarında pomidorlarda virus xəstəliklərinin yayılma ehtimalı azdır:

"Əgər bitkilər virus xəstəliyinə yoluxubsa, onların payız və qış aylarında inkişaf sürəti azalır. İstixanalara gedib baxıram. Pomidorlarda qəhvəyi qırışlı meyvə virusuna demək olar ki, rast gəlməmişəm. Hazır şitillərin üzərində də virus gələ bilər.

Bu virus ancaq primitiv istixanalarda görülə bilər. İri istixanalar virusa görə pomidor seçiminə, sort seçiminə çox diqqət edirlər. İri istixanalar mütəxəssislərlə işləyirlər və orada virusun olma ehtimalı aşağıdır. Bizim məhsullar orqanik məhsullara yaxın məhsullardır. İl ərzində günəşli günlərin sayı çox olduğundan, bitkinin istehsal prosesi zamanı təbii bioloji proses daha çox getdiyindən bizim məhsulların insan sağlamlığına mənfi təsiri demək olar ki, yoxdur".

O qeyd edib ki, ToBRFV virusu bütün Avropa ölkələrində, xüsusən İtaliya və Fransadakı istixanalarda və açıq sahələrdə daha çox yayılıb:

"Ona görə də xaricdən gələn toxumların virus xəstəlikləri daşıyıcısı olub-olmadığı dəqiq yoxlanılmalıdır. Bizdə pomidor toxumları əsasən xaricdən gətirilir. Əsasən Hollandiyadan, Türkiyədən, İsraildən toxumlar gətirilir".

O bildirib ki, bitki xəstəlikləri və zərərvericilərinə qarşı mübarizə tədbirləri aparılır, dərmanlar vurulur: "Ancaq bəzən bu, düzgün aparılmır. Təkcə dərmanlama aparmaq kifayət etmir. Eyni zamanda, mexaniki və bioloji üsullardan da istifadə olunmalıdır. İstixanalarda virus xəstəliklərinin yayılması əsasən iki halda olur. Birincisi, toxumun özündə gəlir. İkincisi isə zərərvericilər vasitəsilə istixanaya yayılır. Burada sistemli iş aparılmalıdır. Məsələn, bir ərazidə yerləşən istixanalarda dərmanlama eyni vaxta aparılmalıdır. Və ya kimsə istixananı sökürsə, dezinfeksiya edib sökməlidir".

"Bu işlər kompleks şəkildə aparılmalıdır. Əminəm ki, müvafiq qurumlar və təşkilatlar bu məsələlərə xüsusi diqqət yetirirlər", - deyə o əlavə edib.

Qeyd edək ki, Azərbaycan Respublikası Qida Təhlükəsizliyi Agentliyi (AQTA) məsələ ilə bağlı açıqlama verəcəyini bildirib.

134
Teqlər:
aqronom, Qazaxıstan, Rusiya, "pomidor böhranı", pomidor
İmza, arxiv şəkli

Azərbaycan Türkmənistandan tarixi qərar - Xəzərdən artıq "pul iyi" gələcək

57
Azərbaycan və Türkmənistan Xəzərdə “Dostluq” yatağının birgə işlənilməsi ilə bağlı Memorandum imzaladı.

BAKI, 21 noyabr - Sputnik. Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumu imzalanıb.

Sputnik Azərbaycan xəbər verir ki, sənədi Azərbaycan Respublikasının xarici işlər naziri Ceyhun Bayramov və Türkmənistan Nazirlər Kabinetinin sədr müavini, xarici işlər naziri Rəşid Meredov imzalayıblar.

Qeyd edək ki, yanvarın 21-də Azərbaycan Respublikası Hökuməti ilə Türkmənistan Hökuməti arasında Xəzər dənizində “Dostluq” yatağının karbohidrogen resurslarının birgə kəşfiyyatı, işlənilməsi və mənimsənilməsi haqqında Anlaşma Memorandumunun imzalanması ilə bağlı Azərbaycan Prezidenti İlham Əliyevlə Türkmənistan Prezidenti Qurbanqulu Berdiməhəmmədov arasında videokonfrans formatında görüş keçirilib.

57

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya