Standard Insurance. Arxiv şəkli

"Bəziləri sığortaya təhlükəsizlik təminatı kimi deyil, qazanc mənbəyi kimi baxırlar"

201
Aydın Rəhmanov: "Devalvasiyanın sığorta bazarına birbaşa təsiri çox da böyük deyil. Burada dolayısı təsir və perspektivdə böyük təsirdən söhbət gedə bilər"

BAKI, 2 iyun — Sputnik. Ötən il yaşanan iki devalvasiya hadisəsi bank sisteminə ciddi mənfi təsir etdi. Bəzi banklar müflis oldu, bəziləri xeyli miqdarda zərərə uğrayaraq, ixtisarlara getməli oldu.

Bəs, dolların kəskin bahalaşması, manatın dəyər itirməsi sığorta bazarına necə təsir edib? Xüsusilə sığorta şirkətlərinə qarşı bir güvənsizliyin müşahidə olunduğu dövrdə, ölkənin sığorta sistemi hansı çətinliklərlə üz-üzə qalıb? Sputnik bu kimi suallara aydınlıq gətirmək məqsədilə, "Standard İnsurance" Sığorta Şirkətinin İdarə Heyətinin sədri Aydın Rəhmanova müraciət edib.

- Aydın müəllim, 2015-ci ildə baş verən iki devalvasiya, əhali ilə yanaşı, bankların da durumuna ciddi mənfi təsir buraxdı. Bunun nəticəsidir ki, hazırda bank sektoru problemli kreditlər burulğanında əziyyət çəkir, eyni zamanda depozit yığımında sıxıntılar yaşanır. Bəs sözügedən devalvasiyalar və mövcud sıxıntılar sığorta bazarına necə təsir edib?

— Mən bu barədə dəfələrlə müsahibələrimdə qeyd etmişəm. Fikrimcə devalvasiyanın sığorta bazarına birbaşa təsiri çox da böyük deyil. Burada dolayısı təsir və perspektivdə böyük təsirdən söhbət gedə bilər. Belə ki, sığortaçılar xüsusən daxili bazarda fəaliyyət göstərirlər və xarici təkrar sığorta əməliyyatlarını istisna etsək, pul dövriyyəsi xüsusən milli valyutada baş tutur. Lakin xərclərin artması faktorunu nəzərə alsaq, burada həmin o dolayısı devalvasiya dediyimiz, yəni sığorta hadisələri nəticəsində dəymiş zərərlərin kəskin artması ortaya çıxır. Nəqliyyat vasitələrinin kasko sığortasında və ya nəqliyyat vasitəsi sahiblərinin mülkü məsuliyyətinin icbari sığortasında ehtiyyat hissələrinin, əmlak sığortasında təmir-tikinti materiallarının, tibbi sığortada dərman və tibb ləvazimatlarının əsasən idxal olma səbəbindən qiymətlərinin artması, nəticədə sığorta xərclərinin artmasına gətirib çıxardır. Nə qədər sığortaçılar digər inzibati xərcləri optimizasiya edərək zərərliliyin ehtimal olunan artımının qarşısını almağa çalışsalar da, bu, kifayət qədər mürəkkəb məsələdir.

- Məsələn avtomobillərin icbari sığortası sahəsində, ötən illərlə müqayisədə, hazırda hansısa problemlər yaşanırmı?

— Burda da qeyd etmək lazımdır ki, devalvasiyanın təsiri az olmayıb. Sığorta haqlarının toplanmasında və yenə də xərc məsələlərində. Baxmayaraq ki, ümumi sığorta bazarında artım müşahidə olunur, bu, kəmiyyət göstəricisidir. Keyfiyyətcə isə vəziyyət o qədər də ürəkaçan deyil. Görüləsi çox işlər qalıb hələ. Son zamanlar sığortalılar sığortadan təhlükəsizlik təminatı və ya zərərin kompensasiyası kimi yox, qazanc mənbəyi kimi istifadə etməyə çalışırlar. Təbii olaraq bu cür hallar hər zaman yaşanır. Sadəcə olaraq, son zamanlar bu cür hallar, əfsus ki, üstünlük təşkil etməyə başlayıb.

- Zaman-zaman sürücülər Azərbaycanda sığorta sisteminin etibarsızlığından gileylənirlər. Yəni, sığorta pulunu ala bilməmələrindən, qismən aldıqlarından, yaxud süründürməçilikdən şikayətçi olurlar. Bu güvənsizliyin kökündə nə dayanır və bu problemi necə həll etmək olar?

— Öncəki sualın cavabında qeyd etdiyim kimi, bunun kökündə daha çox sığortadan qazanc əldə etmək prinsipi dayanır. Yəni təkrar da olsa, qeyd edirəm ki, əksər hallarda əfsuslar olsun, sığortaya bir qazanc mənbəyi kimi baxılır. Bunun da təbii, bir çox səbəbləri var. Burada maddi durumdan gileylənməklə yanaşı, təbliğatın az olmasını və məlumatsızlığı qeyd etmək lazımdır. Sığortanın nə olduğunu, nə üçün olduğunu, hansı məqsədə qulluq etdiyini tam şəkildə əhaliyə çatdırmaq lazımdır. Əlavə olaraq isə, sığortaçılar öz birbaşa missiyalarına kölgə salan əməllərindən vaz keçməlidirlər. Sığorta bazarında həm sığorta qabağı — satış, həm də sığorta sonrası — zərərlərin ödənilməsi sahəsində şəffaf münasibətlər sistemi yaradılmalıdır. Hər birimiz bunun üçün əlimizdən gələni əsirgəməməliyik!

201
Teqlər:
kompensasiya, təminat, Aydın Rəhmanov, "Standard İnsurance", siğorta, bank sistemi, devalvasiya
Əlaqədar
Sığorta bazarında ödənişlərin statistikası
"Silk Way"-in qəzaya uğrayan təyyarəsi 1 milyon dollar dəyərində sığortalanıbmış
Azərbaycanda iki sığorta şirkəti birləşir
İcbari tibbi sığorta üzrə avropalı ekspertlər Azərbaycana gəliblər
"Texnikabank" Əmanətlərin Sığortalanması Fonduna üzv bankların reyestrindən çıxarılıb
“Gəncəbank” artıq Əmanətlərin Sığortalanması Fondunun üzvü deyil
Məşhur sığorta şirkəti bağlandı

Evlər "Suqovuşan"ın işığı ilə aydınlanacaq - VİDEO

23
(Yenilənib 14:24 05.12.2020)
"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək" - "Azərenerji" ASC

BAKI, 5 dekabr — Sputnik. Müzəffər Ali Baş Komandan Prezident İlham Əliyevin rəhbərliyi ilə Azərbaycan Ordusunun işğaldan azad etdiyi ərazilərdə yararlı və yararsız bir çox enerji obyektləri mövcuddur. Onlardan biri də Suqovuşanda yerləşən ümumi gücü 7,8 Meqavat olan "Suqovuşan-1" və "Suqovuşan-2" Kiçik Su Elektrik Stansiyalarıdır (KSES).

"Azərenerji" Açıq Səhmdar Cəmiyyətindən Sputnik Azərbaycan-a verilən məlumata görə, onlardan birinin gücü 4,8, digərinin gücü isə 3 Meqavatdır: "Erməni qəsbkarları bir çox sahələrdə olduğu kimi, bu KSES-lərə də zərər vurmağa, yararlı ehtiyat hissələrini söküb daşımağa, apara bilmədiklərini dağıtmağa macal tapsalar da, onların təmir və bərpa edilməsi mümkünsüz deyil. Belə ki, işğaldan azad edilən Suqovuşandakı su elektrik stansiyalarının maşın zalı, aqreqatları, generatorları, o cümlədən idarəetmə mərkəzinin binası, panellər, avadanlıqlar, yarımstansiyasının gərginlik və cərəyan transformatorları, açarlar, ayırıcılar zədələnib və ya sıradan çıxıb".

"Hazırda KSES-lərə dəymiş ziyan hesablanıb və bərpa edilməsi üçün layihələndirmə işləri həyata keçirilib. Layihəyə əsasən, işlər 3 ay müddətində həyata keçirilərək elektrik stansiyaları istismara veriləcək", - deyə məlumatda bildirilib.

"Suqovuşan" KSES-lərin mövcud vəziyyətini göstərən videonu təqdim edirik.

23
Teqlər:
"Azərenerji" ASC, SES, Suqovuşan
Neft buruğu, arxiv şəkli

Dünyada neft bahalaşır

14
(Yenilənib 13:42 05.12.2020)
Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

 

BAKI, 5 dekabr — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,20 dollar artaraq 49,68 dollar təşkil edib.

“Brent” markalı neftin bir barelinin qiyməti 0,54 dollar artaraq 49,25 dollar, “Light” markalı neftin bir barelinin qiyməti isə 0,62 dollar bahalaşaraq 46,26 dollar olub.

Qeyd edək ki, Azərbaycan neftinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

14
Teqlər:
"AzeriLight" markalı neft, "Brent" markalı neft, bahalaşma, neft
Mövzu:
Neft qiymətləri ətrafındakı ajiotaj
 Türkiyə ordusuna məxsus Bayraqdar PUA-sı, arxiv şəkli

Rusiya Qarabağa görə yeni PUA yaradır

0
(Yenilənib 22:30 05.12.2020)
Silahın qısa müddətdə yaradılacağı qeyd edilir.Silahın qısa müddətdə yaradılacağı qeyd edilir.Silahın qısa müddətdə yaradılacağı qeyd edilir.

BAKI, 5 dekabr — Sputnik. Noyabr ayında Rusiya müəssisələri "son yerli qarşıdurmaların təcrübəsinin təhlilini" nəzərə alaraq, düşmən pilotsuz təyyarələri ilə mübarizə aparmaq üçün hazırlanmış pilotsuz uçuş aparatı (PUA) yaratmağa başlayıb.

Sputnik Azərbaycan Rusiya mətbuatına  istinadla xəbər verir ki, məlumata görə, "uzun mənzilli radar patrulu üçün pilotsuz bir helikopter" "kiçik və aşağı sürətli düşmən pilotsuz təyyarələrini aşağı və son dərəcə aşağı yüksəkliklərdə" izləmək və "onlara hərbi hava hücumundan müdafiə zenit-raket sistemlərini hədəf almaq" üçün nəzərdə tutulub.

Silahın qısa müddətdə yaradılacağı qeyd edilir.

Xatırladaq ki, noyabr ayında Strateji və Texnologiyaların Təhlili Mərkəzinin (CAST) direktor müavini Konstantin Makienko Qarabağdakı son münaqişəni şərh edərkən Rusiyanın məğlub tərəf olduğunu qeyd edərək bildirib ki, Ukrayna Silahlı Qüvvələri də Rusiyanın sahib olmadığı üçüncü nəsil tank əleyhinə raket sistemləri və kamikadze dronlarına sahibdir.

0
Teqlər:
Azərbaycan, Qarabağ, istehsal, Rusiya, PUA