Azərenerji ASC-nin baş ofisi

Kimlərinsə havaya sovurduğu pulları biz qaytarmalıyıq?

72
(Yenilənib 15:12 02.06.2016)
Ekspertlərin fikrincə, kommunal sahədə olan problemləri aradan qaldırmaq üçün bu sahə özəl sektorun idarəçiliyinə verilməlidir

Kimlərinsə havaya sovurduğu pulları biz qaytarmalıyıq?
BAKI, 26 may — Spurnik. Ötən illə müqayisədə 2015-ci ildə "Azərenerji"nin büdcə ödənişlərinin əhəmiyyətli dərəcədə artmasına baxmayaraq, dövlət büdcəsinə olan borclarının həcmi dövlət mülkiyyətində olan vergi ödəyicilərinin ümumilikdə borclarının 68,2%-ni təşkil etməklə yüksək olaraq qalmaqdadır. Bu barədə məlumat Hesablama Palatasının "Azərbaycan Respublikasının 2015-ci il dövlət büdcəsinin icrası haqqında" qanun layihəsinə və dövlət büdcəsinin icrasına dair illik hesabata verdiyi rəydə qeyd olunub.

Nicat Hacızadə, iqtisadçı ekspert
© Photo : APA
Nicat Hacızadə, iqtisadçı ekspert

Dövlət büdcəsinə bu qədər borcun yaranması hardan qaynaqlanır və bu, sadə vətəndaşların güzəranına necə təsir göstərə bilər? İqtisadçı ekspert Nicat Hacızadə əsas səbəblərdən biri kimi ilk növbədə bu qurumların məsuliyyətsizliyini göstərir. "Borclarına kifayət qədər ciddi yanaşmırlar. Dövlət tərəfindən həmin qurumlara yetərincə subsidiyaların ayrılmasına və borclarının silinməsinə baxmayaraq, onlar hər il yenə də dövlətə borclu qalırlar", — deyə o, Sputnik-ə açıqlamasında bildirib.

İqtisadçının sözlərinə görə, borclu qalmalarının səbəblərindən biri də maliyyə resurslarının düzgün idarə edilməməsidir: "Çünki belə situasiyalarda xüsusən dövlətə borcu qalan dövlət şirkətlərində əsas problem ilk növbədə maliyyə resurslarının düzgün idarə edilməməsi sonra isə maliyyə resurslarının mənimsənilməsidir".

Ekspert iddia edir ki, belə borclanmanın yaranması ilk dəfə deyil: "Artıq bir neçə ildir ki, "Azərenerji" dövlətə borclu qalır, mənə elə gəlir ki, bu qurumda müvafiq struktur dəyişiklikləri aparılmalıdır. Maliyyə institutlarının idarə olunması ilə bağlı cəmiyyətə dolğun və şəffaf informasiya verilməzsə, borcun yaranma səbəbinin nə ilə bağlı olduğu haqqında ictimaiyyətə məlumat verilməzsə, bu hal 2017-ci il üçün də "Azərenerji"nin yenə də borc səviyyəsi olduğu kimi qalacaq. Bunun qarşısını almaq üçün şəffaflaşdırma və struktur dəyişikliklərinə ehtiyyac var".

Digər iqtisadçı Fikrət Yusifov isə deyir ki, belə külli miqdarda borcların yaranması iki səbəbdən ola bilər. Onun sözlərinə görə bu səbəblərdən biri əhalidən olan yığımlarla bağlıdır, digəri isə "Azərenerji"nin özündəki problemlərdən qaynaylanır

""Azərenerji" dövlət büdcəsindən və xarici maliyyə institutlarından aldığı böyük həcmdə vəsaitlərə adekvat xidmət göstərmir". Bunu isə Sputnik-ə açıqlamasında iqtisadçı ekspert Samir Əliyev deyib.

Samir Əliyev, iqtisadçı-ekspert
© Sputnik / Murad Orujov
Samir Əliyev, iqtisadçı-ekspert

"Nəyə görə kimlərinsə səmərəsiz istifadə etdiyi pulların borcunu dövlət qaytarmalıdır? Yəni vergi ödəyiciləri, biz qaytarmalıyıq. Bir də nəyə görə bu sektora özəl sektor cəlb olunmasın? Özəl sektor olsa, dövlət büdcəsi də bu qədər yüklənməz və borc alanda da o borcu insanların belindən çıxmaz. O baxımdan mən bu məsələyə tənqidi yanaşıram", — mütəxəssis deyib.

S. Əliyev hesab edir ki, düzgün olmayan idarəetmənin törətdiyi fəsadlardan ən çox sadə vətəndaşlar əziyyət çəkir. Onun fikrincə, kommunal sahədə olan problemləri aradan qaldırmaq üçün bu sahə özəl sektorun idarəçiliyinə verilməlidir. İqtisadçı dövlət şirkətlərinin özəlləşdirilməsini hələlik real hesab etmir, eyni zamanda enerji daşıyıcılarının qiymətinin qalxacağını da istisna etmir.

"Azərenerji" ASC-nin mətbuat xidməti isə cəmiyyətin sonradan yaranan aylıq cari borclarının mütəmadi ödənildiyini bildirir.

72
Teqlər:
Fikrət Yusifov, Nicat Hacızadə, dövlət büdcəsi, "Azərenerji", borc, Samir Əliyev
Əlaqədar
Şəhid hərbçilərimizin kredit borcları bağlandı
Kredit borclarının törətdiyi dəhşətlər
Vergilər Nazirliyi 24 min sahibkarın vergi borcunu silib
"Azəriqaz" və "Azəristiliktəchizat" arasında borc məsələsi həll olundu
Vergi borcu olan şəxslərin ölkəni tərk etməsi məhdudlaşdırılacaq
İntihar edən şəxsin kredit borcu olmayıb
Müslüm İbrahimov

Professor: "Bu ölkə neft bazarında defisit yaratmağa çalışır"

22
(Yenilənib 00:10 17.01.2021)
Almaniyanın Zigen Universitetinin qonaq professoru Müslüm İbrahimov deyir ki, neft bazarındakı vəziyyətə 3 vacib faktor təsir edir
Müslüm İbrahimov: “Neft ilə bağlı OPEC proqnozları çətinləşir”

ABŞ-ın Enerji İnformasiya Administrasiyası (EIA) OPEC-in gündəlik neft hasilatına dair proqnozunu açıqlayıb. Cari ildə OPEC-in neft hasilatının sutkada orta hesabla 27,2 milyon barrel olacağı gözlənilir. 2020-ci ildə bu göstərici 25,6 milyon barrel olub.

OPEC proqnozlarını Sputnik Azərbaycan-a şərh edən Almaniyanın Zigen Universitetinin qonaq professoru Müslüm İbrahimov deyir ki, neft ilə bağlı OPEC proqnozları çətinləşir:

“Bunun bir neçə səbəbi var. ABŞ-da yeni administrasiyanın fəaliyyətə başlaması dövlət xərclərinin artması ilə nəticələnəcək. Bu proseslə paralel olaraq digər ölkələrdə də iqtisadi canlanma qeydə alınacaq. Hazırda ölkələr ucuz neftin alınmasında maraqlıdır. Digər faktor Səudiyyə Ərəbistanının makro-iqtisadi vəziyyəti ilə bağlıdır. Bu ölkə hasilatı azaltmaqla bazarda defisit yaratmağa çalışır. Ən mühüm təsiredici amillərdən biri də dünya miqyasında vaksinasiya prosesinin intensivləşməsidir”.

Müslüm İbrahimovun geniş şərhinə audiofaylda qulaq asa bilərsiniz

22
Teqlər:
OPEC, ABŞ, Səudiyyə Ərəbistanı, defisit, bazar, neft
Mövzu:
Neft qiymətləri ətrafındakı ajiotaj
Bankada dollarlar, arxiv şəkli

Financial Times: "Dolları taxtdan salacaqlar"

21
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

21
Teqlər:
"The Financial Times", Avropa Komissiyası, Avropa Şurası, dollar
Kürdəxanında çirkab sular

Kürdəxanıda çirkab suları dənizə axıdılır, nazirlik öz işini görür, nəticə isə yoxdur

7
(Yenilənib 20:12 17.01.2021)
Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

İradə Cəlilova, Sputnik Azərbaycan

BAKI, 17 yanvar — Sputnik. Bakının Sabunçu rayonu Kürdəxanı qəsəbəsində uzun illərdir ki, dənizə kanalizasiya suları axıdılır. Qəsəbə sakinlərinin sözlərinə görə, qəsəbədə kanalizasiya sistemi olmadığı üçün vətəndaşlar kanalizasiya sularının axıdılması üçün xüsusi qazılmış "şambo"lardan istifadə edir.

Adətən çirkab sular dənizə axıdılır. Bununla yanaşı Kürdəxanı və Pirşağı qəsəbələrində kanalizasiya sularının axıdılığı göllər də var. Bu problemin qarşısını almaq üçün qəsəbələrə kanalizasiya sistemi çəkilməlidir. Ötən il Bakı qəsəbələrinə kanalizasiya sisteminin çəkilməsi üçün qərar verilsə də, görünən odur ki, qeyd olunan qəsəbələrdə hələ heç bir iş görülməyib.

© Sputnik / Irade JELIL
Kürdəxanında çirkab sular

Memarlıq və İnşaat Universitetinin (AzMİU) dosenti Fərzəli Həsənov Sputnik Azərbaycan-a açıqlamasında bildirib ki, Bakı qəsəbələrinə kanalizasiya sisteminin çəkilməsi planda olsa da, yəqin ki, bundan sonra məsələyə birbaşa məsul olan qurum "Azərsu" ASC işğaldan azad edilmiş ərazilərdə müvafiq işlər görəcək. Bakı qəsəbələrinə kanalizasiya sisteminin çəkilməsi məsələsi hələ bir müddət qalacaq. Çünki bu gün əsas prioritet məsələ işğaldan azad edilmiş torpaqların bərpasıdır.

Onun sözlərinə görə, Pirşağıda Cənubi Koreya şirkəti tərəfindən kanalizasiya sularının təmizlənməsi ilə bağlı stansiya tikilir. Stansiya istifadə verildikdən sonra Mehdiabad, Ceyranbatan və s. yaxın qəsəbələrin kanalizasiya boruları həmin stansiyaya qoşulacaq.

© Sputnik / Irade JELIL
Kürdəxanında çirkab sular

F.Həsənov qeyd edib ki, kanalizasiya suları təmizləndikdən sonra dənizə axıdılmalıdır: "Qonşu Türkiyədə kanalizasiya suları təmizləndikdən sonra dənizə axıdılır. Kanalizasiya suyu o qədər təmizlənir ki, Azərbaycanda olsa, içməli sudan fərqləndirmək mümkün olmaz. Bu qədər təmizlənməsinə baxmayaraq, həmin sular xüsusi borularla dənizin daxilində 5 kilometr məsafəyə buraxılır".

Professor bildirib ki, içməli suyun bir litrində 1 qram, Xəzər dənizinin suyunun 1 litrində 13-15 qram duz var. Kanalizasiya suları təmizlənib dənizə axıdıldığı təqdirdə, dənizin suyunun tərkibinə təsir etmir. Təmizlənmədiyi halda isə kanalizasiya suyunun tərkibində olan zərərli maddələr dəniz suyuna qarışır. Belə olan təqdirdə həmin ərazilərin çimərlik kimi istifadə edilməsi sağlamlıq üçün təhlükəlidir.

© Sputnik / Irade JELIL
Xəzər dənizinin suyunun 1 litrində 13-15 qram duz var

"Çirkab sularının birbaşa təmizlənmədən dənizə axıdılması müxtəlif dəri, mədə-bağırsaq və s. xəstəliklərə səbəb olur. Vətəndaşlar sağlamlıqları üçün bu ərazilərdən çimərlik kimi istifadə etməməlidirlər", - deyə F.Həsənov bildirib.

Dövlət Ekoloji Təhlükəsizlik xidmətinin rəis müavini Ramal Bağırovun sözlərinə görə, Ekologiya və Təbii Sərvətlər Nazirliyi 2007-ci ildən bu günə qədər 17 ədəd su təmizləyici qurğu quraşdırıb.

Bu problemin qalmasının səbəbi isə müvafiq ərazilərdə kanalizasiya sisteminin olmamasıdır. Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb. Nəticələr barədə "Azərsu" ASC-yə məlumat verilib.

© Sputnik / Irade JELIL
Kürdəxanında çirkab sular

Ekoloq Telman Zeynalovun fikrincə, çirkab və kanalizasiya sularının dənizə axıdılması insan sağlamlığı ilə yanaşı, Xəzərin biomüxtəlifliyi üçün də təhlükəlidir. Onun sözlərinə görə, Kürdəxanı ərazisində dənizə çirkab sularının axıdılmasına nəzarət yerli icra orqanları və Ekologiya və Təbii Sərvətlər Nazirliyindədir. Belə ki, qurumlar həmin ərazilərdə mütəmadi olaraq monitorinqlər aparmalı, bu kimi vəziyyətləri açıqlamalı və müvafiq tədbirlər görməlidir.

Məsələ ilə bağlı "Azərsu" ASC ilə əlaqə saxlamaq mümkün olmadı. Ancaq qurumun rəsmisi Şöhrət Süleymanov yerli mətbuata açıqlamasında bildirib ki, bu ərazilərdə mərkəzləşdirilmiş kanalizasiya sistemi mövcud deyil: "Abşeron yarımadası üzrə Master Plana uyğun olaraq Pirşağı hövzəsi üzrə müasir standartlara uyğun bioloji tullantı su təmizləyici qurğusunun inşası aparılıb. Hazırda tamamlanma işləri aparılır".

© Sputnik / Irade JELIL
Dənizə açılan axar 2000-ci ildə çəkilib və keçən dövr ərzində mütəmadi olaraq monitorinqlər aparılıb, analizlər götürülüb

Qeyd edək ki, Xəzər dənizinə antropogen təsir göstərən axarların qarşısının alınması və çirkab suların təmizlənərək Xəzər dənizinə axıdılması məqsədilə Bilgəh, Mərdəkan, Novxanı, Buzovna, Sumqayıtın Xəzər sahili ərazilərində ETSN tərəfindən onlarla modul tipli lokal təmizləyici qurğu quraşdırılıb.

Xəzər sahili ərazilərdə quraşdırılan bu qurğular sayəsində bu ərazilərdə dənizə çirkab su axıdılmır.

7