Rusiya prezidenti Vladimir Putin Kremldə türkiyəli həmkarı Rəcəb Tayyib Ərdoğanı qarşılayarkən. Arxiv şəkli

Türkiyə - Rusiya barışığına doğru kövrək addımlar

527
İdxal-ixrac əməliyyatlarının bərpa olunmasına dair danışıqlar başlayıb. İqtisadi sahədə normallaşmasına çalışılan münasibətlərin siyasi əlaqələrin "təmir" edilməsinə stimul verəcəyi bildirilir.

BAKI, 28 apr — Sputnik. Rusiyaya gedən Türkiyənin kənd təsərrüfatı üzrə nümayəndə heyəti, idxalı qadağan edilən məhsullarla əlaqədar qadağanın aradan qaldırılması istiqamətində danışıqlar aparıb. Bunu Türkiyənin ərzaq, kənd təsərrüfatı və heyvandarlıq naziri Faruk Çelik jurnalistlərə açıqlamasında deyib. 

Müsbət görüşün keçirildiyini deyən nazir bildirib ki, idxalı müvəqqəti qadağan edilən məhsullarla bağlı Türkiyənin karantin (dərman qalığı kimi problemlərə qarşı) tədbirlərinə dair hesabat Rusiyaya verilərsə, qadağa aradan götürülə bilər. İki ölkə arasında fitosanitar sertifikatların müəyyən bir sistem üzərindən təsdiq edilməsi proqramının yaradılması da danışıqların müzakirə mövzusu olub.

Politoloq Elman Nəsirov
sputnik.az
Politoloq Elman Nəsirov

Türkiyəli nazir qeyd edib ki, Rusiyanın bu dəvəti müsbət addımdır, baxmayaraq ki, söhbət ümumi kənd təsərrüfatı məhsullarından getmir. Türkiyənin nümayəndə heyəti də rusiyalı həmkarlarını ölkəyə dəvət ediblər. O, əlavə edib ki, Rusiya badımcan, bibər, nar kimi məhsullara müvəqqəti məhdudiyyət tətbiq edib.

Siyasi münasibətlərin normallaşması üçün kövrək addımlar

Məsələ ilə əlaqədar millət vəkili Elman Nəsirov Sputnik-ə açıqlamasında bildirib ki, Rusiya ilə Türkiyənin kənd təsərrüfatı sahəsində başladıqları danışıqlar siyasi əlaqələrin bərpası üçün indiqator rolunu oynaya bilər. Onun fikrincə, bu danışıqları siyasi münasibətlərin normallaşması üçün kövrək addımlar adlandırmaq olar.

"Rusiya ilə Türkiyənin ticarət əlaqələri yüksək olub. İki ölkə arasında soyuq münasibətlər uzun müddət davam edə bilməz", —deputat əlavə edib.

"Bu məsələdə Türkiyə ilə Azərbaycan rəqibdir"

Azərbaycan Dövlət İqtisad Universitetinin (UNEC) dosenti Elşən Bağırzadə isə hesab edir ki, bu gün Türkiyənin kənd təsərrüfatı istehsalçılarının ixracatında ciddi maneə yaranıb. Və bu da kənd təsərrüfatına ciddi ziyan vurub.

"Hətta elə bir vəziyyət yaranıb ki, Türkiyənin kənd təsərrüfatı məhsullarının bir çoxunu dövlət özü satın alır. Türkiyənin Rusiya ilə apardığı danışıqlar, əsasən həmin məhsullar üzrə idi. Eyni zamanda, Rusiyanın da o məhsullara tələbatı, ehtiyacı var", —deyə ekspert Sputnik-ə açıqlamasında deyib.

Onun sözlərinə görə, bir sıra məhsullar var ki, Türkiyə ilə Azərbaycan Rusiya bazarında bir növ rəqib kimi çıxış edir: "Baxmayaraq ki, Türkiyənin həmin məhsullarını da azərbaycanlılar bazarlarda satırlar. Əgər bu proses bərpa olunarsa, Türkiyə iqtisadiyyatına çox müsbət təsir göstərəcək. Eyni zamanda, Azərbaycanın potensial ixracına müəyyən mənfi təsir göstərəcək".

"Əgər Rusiya alternativ təchizatçılar axtarırdısa, onlardan biri də Azərbaycan idi. Bu, öz aktuallığını itirə bilər. Çünki, Türkiyədə bir sıra məhsullar var ki, onlar Azərbaycanda da istehsal olunur. Türkiyədə bunlar böyük həcmdə istehsal olunur, çox yaxşı marketinq siyasətləri var, nəqliyyat daşımacılığı var", — E. Bağırzadə bildirib.

Elşən Bağırzadə, UNEC-in dosenti, iqtisadçı ekspert
© Photo : Из личного архива Э. Багирзаде
Elşən Bağırzadə, UNEC-in dosenti, iqtisadçı ekspert

Dosent qeyd edib ki, əvvəl-axır Rusiya — Türkiyə əlaqələri bərpa olunacaq: "Amma əgər qısa müddətdə bu, bərpa olunacaqsa, Türkiyə üçün çox müsbət təsiri olacaq. Uzun müddətli perspektivdə bu, Azərbaycan üçün də problemlər yarada bilər. Eyni zamanda, onu da düşünək ki, Türkiyə məhsullarını Rusiya bazarlarında satanların elə əksəriyyəti azərbaycanlılardır. Onlar oradan gəlir əldə edib Azərbaycana transfer edirlər. Bu baxımdan bu prosesin qarşılıqlı təsiri var".

"Ümumi ixracatın 45 faizə yaxınını Rusiyaya etmişik"

Türkiyəli professor Güngör Uras deyib ki, Türkiyə üçün meyvə ixracında Avropa bazarından çox, Rusiya və İraq bazarları bu günə qədər əhəmiyyət daşıyırdı: "Alışdığımız bazarlarda bu il problem var. Meyvə və tərəvəz ixracatı həm istehsalçı, həm də ölkə iqtisadiyyatı baxımından əhəmiyyətlidir".

"2014-cü ildə ümumi ixracat gəliri 2 milyard 400 milyon dolar ikən, 2015-ci ildə 2 milyard dollara düşüb. Cəmi ixracat gəlirinin 600 milyon dolları tərəvəz, 600 milyon dolları meyvə ixracatından, 800 milyon dolları sitrus ixracatından gəlir", — mütəxəssis bildirib.

Onun sözlərinə görə, Türkiyədə meyvələrdən üzüm, albalı, nar, alma, tərəvəzlərdən isə pomidor, bibər və xiyar ən çox ixrac edilən məhsullardır: "2015-ci ildə ən böyük bazarımız Rusiya idi. Rusiyaya 900 milyon dollarlıq meyvə və tərəvəz ixrac etdik. Ümumi ixracatın 45 faizə yaxını Rusiyaya edilib".

527
Teqlər:
Elşən Bağırzadə, Faruk Çelik, kənd təsərrüfatı, Elman Nəsirov, ərzaq, Rusiya, Türkiyə
Əlaqədar
Türkiyə ilə Rusiya arasında yeni media müharibəsi?
"Rusiyada Azərbaycan mağazalarının açılmasına ehtiyac var"
Əhməd Davudoğlu: Rusiya və Ermənistan bizi Minsk qrupunda görmək istəmir
Rusiya Türkiyədən bütün növ bitkiçilik məhsullarının idxalına qadağa qoya bilər
ARDNF

ARDNF bu il valyuta satışını 16,6% artırıb

5
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

5
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta
Neft buruğu, arxiv şəkli

Azərbaycan nefti ucuzlaşıb

27
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

27
Teqlər:
barel, birja, qiymət, neft
Prezident İlham Əliyev xalqa müraciəti zamanı

İlham Əliyev: Ermənistan rəhbərləri 20 il quldurlar - Koçaryan-Sarkisyan xunta rejimi olub

0
(Yenilənib 15:53 01.12.2020)
"Ermənistan, sən dalansan. Biz səni dalan etdik. Kim səni təcrid etdi? Biz. Enerji, nəqliyyat, elektroenergetika - biz onu təcrid etmişdik".

BAKI, 1 dekabr — Sputnik. "Ermənistan, haradasan? Bakı-Tbilisi-Ceyhan yan keçdi. Bakı-Tbilisi-Ərzurum da həmçinin. TANAP da həmçinin. İndi biz qazımızı Avropaya çatdırırıq. Sən, Ermənistan, pul qazana bilərdin. Kəmərin bir hissəsi sənin əlində ola bilərdi. Sən tranzit haqqı alacaqdın".

Sputnik Azərbaycan xəbər verir ki, bunu Azərbaycan Prezidenti İlham Əliyev xalqa müraciətində bildirib.

"Sən özünü nədən məhrum etdin?! Dəyərdimi buna? Bu işğalçılıq, bu düşmənçilik, qonşuya qarşı bu nifrət hissləri, onları, bax, bu günə saldı. Biz nəqliyyatla, energetika ilə bağlı bütün işləri gördük. Biz nəinki neft-qaz, elektrik enerjisi dəhlizi yaratdıq. Bu gün Azərbaycan-Gürcüstan-Türkiyə enerji dəhlizi var. Bu gün Rusiya-Azərbaycan-İran enerji dəhlizi var. Bu gün Rusiya-Azərbaycan-İran nəqliyyat dəhlizi var. Bu il bu dəhliz vasitəsilə daşınan yüklərin həcmi təqribən 30-40 faiz artıb. Ermənistan 20 ildir ki, Şimal-Cənub nəqliyyat dəhlizi üzərində işləyir. Ortalıqda da bir şey yoxdur. Nə Şimal-Cənub dəhlizi ola bilər? Oradan, o dağlardan, o Mehri dağlarından dəmir yolu çəkmək olar? Adam gərək dəli olsun ki, oraya bir neçə milyard pul qoysun. Özü də yaxşı, tutaq ki, kimsə bu pulu verdi, sonra haraya gedəcək? Ermənistan, sən dalansan. Biz səni dalan etdik. Kim səni təcrid etdi? Biz. Enerji, nəqliyyat, elektroenergetika - biz onu təcrid etmişdik. Bu günlərdə bu çirkin qətnamələri qəbul edənlər və onların arxasında duranlar kömək etdimi onlara? Yox. Bizim iradəmizə təsir etdimi? Yox. Nəyə görə? Çünki güclü iradəmiz var, xalq-iqtidar birliyi var. Çünki Azərbaycan 1993-cü ildən bu günə qədər etibarlı əllərdədir. Azərbaycana rəhbərlik edən Ulu Öndər və ondan sonra mən Azərbaycan xalqının maraqlarını hər şeydən üstün tutmuşuq. Ermənistan rəhbərləri kim olub? 20 il quldurlar - Koçaryan-Sarkisyan xunta rejimi, iki il yarım da kim olub, erməni xalqı özü bilir. Qatar getdi. Amma hələ də gec deyil. Hələ o qatara minə bilərsiniz, əgər bizim icazəmiz olsa, əgər bizim şərtlərimiz təmin olunsa. Bundan sonra belə olacaq, ancaq belə olacaq!", - deyə Prezident qeyd edib.

0
Teqlər:
Ermənistan, Serj Sarkisyan, Robert Koçaryan