Lukoylun prezidenti Vahid Ələkbərov

"Neftin bir barelinin qiyməti 50 dollara qalxacaq"

32
Vahid Ələkbərov: "Neft qiymətlərində ən aşağı həddi gördük: bu, təxminən 30 dollara bərabərdir. Artıq oradan uzaqlaşırıq. Hətta Doha görüşündən sonra da 40-42 dollar göstəricisinin olması sübut edir ki..."

BAKI, 20 apr — Sputnik. "Neft bazarının ən aşağı səviyyəyə — bir barelin qiymətinin 30 dollara enməsi prosesi artıq başa çatıb. 2017-ci ilin əvvəlinə qiymətlər 50 dollar civarında olacaq". Sputnik "RİA Novosti"yə istinadən xəbər verir ki, bunu Rusiyanın "Lukoyl" neft şirkətinin rəhbəri Vahid Ələkbərov deyib.

"Mən əminəm ki, neft qiymətlərində ən aşağı həddi gördük: bu, təxminən 30 dollar/barelə bərabərdir. Artıq oradan uzaqlaşırıq. Hətta Doha görüşündən sonra da 40-42 dollar/barel göstəricisinin olması sübut edir ki, biz qiymət sabitliyi və yüksələn tendensiya dövrünə keçirik", — deyə V.Ələkbərov bildirib.

O vurğulayıb ki, bu ilin sonuna — gələn ilin əvvəlinə bazarda neftin qiyməti 50 dollar/barel təşkil edəcək.

32
Teqlər:
Doha görüşü, Vahid Ələkbərov, "Lukoyl", qiymət, neft
Əlaqədar
Rusiyanın neft ehtiyatı 20 ildən sonraya da çatacaq
Küveytdə neft istehsalı kəskin azalıb
Neft ölkələri Dohada neftin qiyməti barədə razılıq əldə edəcəklər
Neftin qiyməti neçə olsa, ədalətlidir?
Azərbaycan neftinin qiyməti 45 dollara çatır
"İnkişaf etmiş ölkələrin heç biri neft və qazla zəngin deyil"
Neft, arxiv şəkli

Azərbaycan nefti bu gün özünü necə aparıb?

13
(Yenilənib 13:59 20.01.2021)
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 20 yanvar — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,02 dollar artaraq 56,39 dollar təşkil edib.

"Brent" markalı neftin qiyməti 0,40 dollar artaraq 56,30 dollar, "Light" markalı neftin qiyməti isə 0,43 dollar bahalaşaraq 53,41 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

13
Teqlər:
"Brent" markalı neft, Brent, "AzeriLight" markalı neft, "AzeriLight", Azərbaycan nefti, neft, Neft

Nazir Mikayıl Cabbarov biznesin inkişafı üçün görülən işləri açıqlayır

13
(Yenilənib 19:22 19.01.2021)
İqtisadiyyat naziri Mikayıl Cabbarov deyir ki, ölkəmizdə biznes mühitinin sağlamdırılması ilə bağlı tədbirlər görülür və maliyyəyə çıxış imkanları sadələşdirilir
Mikayıl Cabbarov: “Maneələrin aradan qaldırılması istiqamətində işlər davam etdiriləcək”

“İqtisadiyyat nazirliyi və digər aidiyyəti strukturlar fəaliyyətlərini sahibkarlığın dəstəklənməsi və onların investisiya imkanlarının genişləndirilməsinə yönəldiblər”. Sputnik Azərbaycan xəbər verir ki, bunu Azərbaycan Televiziyasına müsahibəsində Azərbaycanın iqtisadiyyat naziri Mikayıl Cabbarov deyib.

Nazir bildirib ki, sahibkarların istehsal etdikləri məhsulların ixrac potensialının artırılması istiqamətdə təşviqedici addımlar atılır:

“Ölkəmizdə biznes mühitinin sağlamlaşdırılması ilə bağlı tədbirlər görülür və maliyyəyə çıxış imkanları sadələşdirilir. Bundan sonra da iş yerlərinin qeydiyyata alınması, vergi və gömrük inzibatçılığındakı bariyerlərin aradan qaldırılması istiqamətində işlər davam etdiriləcək”.

Mikayıl Cabbarovun fikirlərinə audiofaylda qulaq asa bilərsiniz

13
Donald Tramp, arxiv şəkli

"Qayıdacam" - Tramp Evdən necə getdi - VİDEO

0
Bu gün Donald Tramp Ağ Evi tərk edib. Ancaq KİV-də dolaşan "Tramp daha prezident olmayacaq" iddialarına rəğmən, o qayıdacağına söz verib. Prezidenti Sinatranın ifası ilə yola salıblar

BAKI, 20 yanvar - Sputnik. Ağ Evi tərk edən ABŞ Prezidenti Donald Tramp tərəfdaşlarına "bu və ya başqa formada" geri dönəcəyini söz verib. 

"Sizi sevirik. Bu və ya başqa formada qayıdacağıq... Qoy hər işiniz yaxşı olsun. Tezliklə görüşənədək", - Vaşinqtonu tərk edib Floridaya uçmazdan əvvəl "Endryus" aviabazasında toplaşmış qohumları və tərəfdarları qarşısında çıxış edən Tramp deyib. 

​O, vitse-prezident Mayk Pensə və Konqresə xüsusi minnətdarlıq edərək birlikdə yaxşı işlədiklərini vurğulayıb. 

Bundan sonra o, ailəsinin yanına qayıdıb, qızı Tiffanini qucaqlayıb, təyyarəyə doğru yönələrkən isə qayıdaraq Ağ Evin sabiq başçısı Mark Midousun əlini sıxıb və fəxri qarovulun müşayiəti ilə prezident təyyarəsinə minib. Təyyarə havaya qalxanda isə aviabazada Frenk Sinatranın ifasında "My Way" (Mənim yolum) mahnısı səsləndirilib.

0
Teqlər:
tərk etmək, Ağ Ev, Donald Tramp