Manat

Manata inamı qaytarmaq üçün növbəti addım atıldı

2524
(Yenilənib 14:25 07.04.2016)
Ekspertlər hesab edirlər ki, bankların xarici valyutada istehlak kreditlərinin verilməsini dayandırması gələcəkdə xarici valyuta ilə əmanətlərin qəbulunun dayandırması ilə nəticələnə bilər

Manata inamı qaytarmaq üçün növbəti addım
BAKI, 5 apr — Sputnik. Maliyyə Bazarlarına Nəzarət Palatası qərara alıb ki, banklar xarici valyutada əhaliyə istehlak kreditlərinin verilməsini aprelin 5-dən 1 ay müddətinə dayandırsın. Palata bu qərarı "xarici valyutada istehlak kreditlərinin verilməsi sahəsində dərin və hərtərəfli təhlillərin aparılması, istehlakçıların hüquqlarının müdafiəsi" ilə izah edir.

Samir Əliyev, iqtisadçı-ekspert
© Sputnik / Murad Orujov
Samir Əliyev, iqtisadçı-ekspert

Bəzi ekspertlər bir müddət öncə bank sektorunda yaranan problemlərdən çıxış yolu kimi kreditlərin xarici valyuta ilə verilməsinə məhdudiyyətlər tədbiq edilməsini təklif etmişdilər. İqtisadçı ekspert Samir Əliyev Sputnik-ə açıqlamasında bildirib ki, bu addım gələcəkdə yaranacaq problemlərin qarşısını almaq üçün atılır.

"Mən daha öncədən də bildirmişdim ki, Azərbaycanda xarici valyuta ilə kreditlərin verilməsi məhdudlaşdırılmalıdır. Bu məhdudlaşdırılmadan biri o olmalıdır ki, aylıq qazancı milli valyuta ilə olan müştəriyə xarici valyuta ilə kredit verilməsi qadağan edilsin. Manatla maaş alana kredit də manatla verilməlidir", —deyib iqtisadçı.

Onun sözlərinə görə, əslində palatanın atdığı addım da buna bənzəyir: "Sadəcə fərq odur ki, palatanın qərarı ilə xarici valyuta ilə gəliri olan insan da manatla kredit almalı olacaq. Amma bu, yeganə addım olmamalıdır. Yəni paralel olaraq digər addımlar da atılmalıdır. Ən əsası belə bir addım atılması ona gətirib çıxaracaq ki, banklar xarici valyutadakı əmanətlərin faiz dərəcələrini kəskin aşağı salacaq. Hətta ola bilsin, xarici valyutada əmanət qəbulu dayandırılsın".

"Çünki, bu gün onsuz da bankların valyuta mövqeyində çox böyük bir kəsir var. Dollar ehtiyatları milli valyutaya olan öhdəlikləri üstələyir. Ona görə də bu addımın atılması gələcəkdə bankların xarici valyuta ilə əmanətlərin faizlərinin aşağı salınmasına, hətta ola bilsin ki, qəbulu müvəqqəti olaraq dayandırılmasına gətirib çıxara bilər", —deyə ekspert əlavə edib.

S. Əliyevin fikrincə, kreditlərin manatla verilməsinin yaxş cəhəti odur ki, vətəndaşlar gedib manatla kredit götürə biləcəklər: "Halbuki banklar artıq bir ilə yaxındır ki, dollarla kredit verir. Vətəndaşlar isə dollarla kredit götürməkdə maraqlı deyillər".

İqtisadçı ekspert Nicat Hacızadə sözlərinə görə isə, xarici valyuta ilə verilən kreditlərin dayandırılmasının əsas iqtisadi effektləri problemli kreditlərin azalmasında özünü göstərəcək: "Manatın zəifləməsi və dolların möhkəmlənməsi nəticəsində əhalinin bir çox hissəsində problemli kreditlərin sayı artmışdı. 2014-2015-ci illərdə problemli kreditlərin sayının artmasının səbəblərindən biri də əhalinin dollarla götürdüyü kreditləri qaytara bilməsi idi. Belə olan şəraitdə artıq üç ay keçəndən sonra bunlar özünü problemli kreditlər şəklində büruzə verir".

"Bankların kredit portfelinə fikir versək, problemli kreditlərin əksər hissəsi dollarla götürülən kreditlərin payına düşür. Xarici valyuta ilə verilən kreditlərin dayandırılmasının qarşıdakı dövrlərdə problemli kreditlərin bir qədər azalmasına gətirib çıxara bilər", —deyə N. Hacızadə vurğulayıb.

Ekspertin fikrincə, dolların bazardan yığışdırılıb manatın bazara buraxılması manata olan inamın yenidən qaytarılmasını şərtləndirən əsas amillərdən biri kimi sayılmalıdır.

2524
Teqlər:
Nicat Hacızadə, Maliyyə Bazarlarına Nəzarət Palatası, Samir Əliyev, kredit, bank, manat, dollar
Əlaqədar
Manatın qüvvətlənməsi təlabat bazarında qiymətləri endirməyəcək
Manatın bahalaşmasının heç bir iqtisadi əsası yoxdur və o, tezliklə ucuzlaşacaq
Amerika manatı xilas elədi
AMB dolları 1,60 manatdan aşağı dartdı
Dünyada dollar bumu: Manat bu dalğada duruş gətirə biləcəkmi?
"Manat artıq öz fundamental məzənnəsini tapmaqdadır"
Avropa Parlamentinin iclası, arxiv şəkli

Avropa Parlamenti Türkiyəyə qarşı sanksiyalar tətbiq etməyə çağıran qətnamə qəbul etdi

17
(Yenilənib 12:22 27.11.2020)
Bir oktyabr 2020-ci il tarixinə milli iqtisadiyyatda muzdlu işçilərin sayı əvvəlki ilin eyni dövrü ilə müqayisədə 2,6% artaraq 1,681 milyon nəfərə çatıb.

BAKI, 27 noyabr — Sputnik. Avropa Parlamenti Avropa İttifaqı üzv dövlətlərini Aralıq dənizindəki davranışına görə Türkiyəyə qarşı sərt sanksiyalar tətbiq etməyə çağıran qətnamə qəbul edib.

Banker.az xəbər verir ki, sənədlə bağlı səsvermə Avropa Parlamentinin Brüsseldəki plenar iclasında baş tutub.

Bildirilir ki, qətnaməyə 631, əleyhinə 3 deputat səs verib. "Parlament üzvləri Avropa Şurasını Türkiyənin qanunsuz fəaliyyəti ilə bağlı vahid mövqe tutmağa və buna cavab olaraq sərt sanksiyalar tətbiq etməyə çağırırlar", – sənəddə deyilir.

Qətnamə Türkiyənin Kiprin şimalındakı keçmiş Varoşa kurort zonasını açmaq qərarının bu problemin həlli perspektivlərini sarsıtdığını vurğulayır.

Eyni zamanda sənəddə Ankaranın Aralıq dənizi, Liviya və Suriyadakı hərəkətləri sayəsində Avropa İttifaqı ilə Türkiyə arasındakı münasibətlərin "tarixi minimuma" çatdığı qeyd edilir. Avropa İttifaqı və Türkiyə münasibətləri 10-11 dekabr sammitində diqqət mərkəzində olan mövzulardan biri olacaq.

17
Teqlər:
Brüssel, plenar iclas, Kipr, Türkiyə, Avropa Parlamenti, Sanksiya
Bakıda neft nasosları, arxiv şəkli

Azərbaycan nefti neçəyə satılır?

6
(Yenilənib 11:43 27.11.2020)
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 27 noyabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,09 dollar ucuzlaşaraq 48,28 dollar təşkil edib.

"Brent" markalı neftin bir barelinin qiyməti 0,14 dollar geriləyərək 47,66 dollar, "Light" markalı neftin bir barelinin qiyməti isə 0,87 dollar ucuzlaşaraq 44,84 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

6
YPX avtomobili, arxiv şəkli

DYP sürücülərə xəbərdarlıq etdi

0
Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır.

BAKI, 27 noyabr — Sputnik. Baş Dövlət Yol Polisi İdarəsi texniki baxışla bağlı sürücülərə müraciət edib. Sputnik Azərbaycan Daxili İşlər Nazirliyinin Baş Dövlət Yol Polisi İdarəsinin məlumatına istinadla xəbər verir ki, texniki baxışdan keçmə müddətinin bitməsi ilə bağlı SMS məlumat almış şəxslər istifadələrində olan nəqliyyat vasitələrini texniki baxışdan keçirmək üçün Bakı, Sumqayıt və Abşeron rayonu ərazisində yaşayan sakinlər paytaxtın Sabunçu rayonu ərazisində yerləşən Texniki Müayinə Mərkəzi, Sumqayıt Regional qeydiyyat-imtahan və texniki baxış şöbəsi ilə yanaşı paytaxtın Qaradağ rayonunun Lökbatan dairəsindən Yeni Yasamal yaşayış massivinə gedən yolun 2-ci kilometrliyində yerləşən (Sədərək Ticatət Mərkəzinin yanı) yeni istifadəyə verilmiş və müаsir аvadаnlıq və ölçü cihаzlаrı ilə təchiz edilmiş Müayinə Mərkəzində, respublikanın digər şəhər və rayon sakinləri isə yaşadıqları ərazinin aid olduğu Baş DYP İdarəsinin Regional qeydiyyat-imtahan və texniki baxış şöbələrində nəqliyyat vasitələrini texniki baxışa təqdim etməlidirlər.

Nəqliyyat vasitəsinin texniki sazlığının yol hərəkəti təhlükəsizliyinə bilavasitə təsirini nəzərə alaraq, DİN Baş DYP İdarəsi bir daha sürücülərin diqqətinə çatdırır ki, təyinatından və istehsal ilindən asılı olaraq qanunvericiliklə müəyyən olunmuş müddətdə teniki baxışdan keçirilməmiş avtomobillərin idarə edilməsi xüsusi texniki vasitələrin köməyi ilə aşkarlanır və bu xətaya yol vermiş şəxslər Azərbaycan Respublikası İnzibati Xətalar Məcəlləsinin 339.1-1-ci ilə inzibati məsuliyyət daşıyırlar.

0
Teqlər:
Daxili İşlər Nazirliyi, Abşeron rayonu, Sumqayıt, DYP