BAKI, 1 aprel — Sputnik. Bu gün ABŞ-ın kənd təsərrüfatı istisna olmaqla əhalinin məşğulluq göstəricisi açıqlanıb, mart ayı üçün bu göstərici proqnozdan artıq olub.
Sputnik Bloomberght-ə istinadla xəbər verir ki, məşğulluq göstəricisi 215 min artıb, işsizlik nisbəti isə 5 faiz olub. Göstəricinin artması ABŞ-da məşğulluq bazarının dayanıqlı qaldığına işarə edir.
ABŞ-ın Əmək Nazirliyinin məlumatlarına görə, məşğulluq göstəricisinin 205 min artması, işsizlik nisbətinin isə 4.9 faiz olması proqnozlaşdırılırdı.
FED-in başçısı Canet Yellen bu həftəki açıqlamasında faiz artımları ilə bağlı qlobal iqtisadiyyata bağlı olaraq təmkin nümayiş etdirməyin uyğun olacağını söyləmişdi.
29 martda danışan Yellen geniş əhatəli məşğulluğun bu il sağlam sürətlə irəliləməyə davam etdiyini demişdi.
ABŞ-da artan məşğulluq göstəricilərinin fonunda FED-in uçot dərəcələrini artıra biləcəyi gözlənilir. Bu isə dolların daha da möhkəmlənməsi üçün vəsilə olub.
