Kapital Bankın Bakıdakı baş ofisi

Banklar başlı-başına buraxıldı

4368
(Yenilənib 16:45 10.03.2016)
Mərkəzin Bankın banklara nəzarət hüququ əlindən alınsa da, bu missiyanı həyata keçirəcək Maliyyə Bazarlarına Nəzarət Palatası hələlik fəaliyyətə başlamayıb. Bəs, bundan sonra ölkənin bank-maliyyə sisteminin aqibəti necə olacaq?

BAKI, 10 mart — Sputnik. Dövlət başçısı "Azərbaycan Respublikasının Mərkəzi Bankı haqqında" Qanunda dəyişikliklər edilməsi barədə" 2016-cı il 4 mart tarixli qanununun tətbiqi haqqında sərəncan imzalayıb. Dəyişikliyə əsasən, artıq Mərkəzi Bankın statusu dəyişib, dövlət orqanı deyil, publik hüquqi şəxsdir.

"Pul-kredit (monetar) siyasəti yenə də Mərkəzi Bank tərəfindən aparılacaq. Sadəcə olaraq Mərkəzi Bankın nəzarət, tənzimləyici funksiyaları əlindən alınıb. O da tam əlindən alınmayıb. Məsəl üçün, Mərkəzi Bank banklara lisenziya verirdi və lazım olanda geri alırdı. Bu səlahiyyət əlindən alınıb".

Bunu Sputnik-ə açıqlamasında iqtisadçı ekspert Samir Əliyev deyib. Onun sözlərinə görə, lisenziya işi bundan sonra Maliyyə Bazarlarına Nəzarət Palatası tərəfindən aparılacaq.

"Bankların fəaliyyətinə nəzarət də Palata tərəfindən həyata keçiriləcək. Düzdür, bu, qismən də olsa, Mərkəzi Bankda qalıb. Yəni, sırf nəzarət və tənzimləmə funksiyaları Mərkəzi Bankın əlindən alınıb. Ancaq yerdə qalan səlahiyyətlər Mərkəzi Bankın əlindədir", —deyə ekspert bildirib.

İqtisadçı əlavə edib ki, ölkədə milli valyutanın məzənnəsinin tənzimlənməsi, pul-kredit siyasəti — bunlar hamısı yenə də Mərkəzi Bank tərəfindən həyata keçiriləcək: "Sığortaya nəzarət Maliyyə Nazirliyi tərəfindən həyata keçirilirdi. Amma Prezidentin Fərmanından sonra sığortaya, qiymətli kağızlara, lotereyaya nəzarət Palata tərəfindən həyata keçiriləcək".

"Mərkəzi Bank aradan çıxdı. Ümid edək ki, fəaliyyətə başlayacaq Palata xəstə bank sistemini reanimasiyaya ötürməyəcək. Qüvvəyə minmiş qanunlara əsasən bu gündən Mərkəzi Bank bank nəzarəti səlahiyyətlərini itirdi".

Bunu isə bank və maliyyə məsələləri üzrə ekspert Əkrəm Həsənov öz şəxsi "Facebook" səhifəsində paylaşıb. Onun sözlərinə görə, bu səlahiyyətləri Maliyyə Bazarlarına Nəzarət Palatası həyata keçirəcək: "Düzdür, həmin Palata da hələlik fəaliyyətə başlamayıb. Formal yanaşsaq, bu gündən müvəqqəti olaraq (Palata işinə başlayanadək) banklar özbaşına, nəzarətsiz qaldı. Düzdür, Mərkəzi Bank onsuz da nəzarəti elə həyata keçirirdi ki, olmasından olmaması daha yaxşı idi".

"Prinsipcə, Mərkəzi Bank digər əsas funksiyasını (pul siyasətini) da çox bərbad həyata keçirir və bunun nəticəsi — davam edən manatın devalvasiyası göz qabağındadır. Lakin ümumən Mərkəzi Bankın rəhbərliyi maliyyə sistemimiz üçün çox çətin bir dövrdə məsuliyyətinin bir hissəsindən (bank nəzarətindən) yaxasını qurtardı. O cümlədən ona ünvanlanan sual və iradlardan da qurtuldu", —deyə ekspert yazıb.

"Mərkəzi Bank bank nəzarəti sahəsində ictimaiyyətin suallarına cavab vermək vəzifəsindən qurtuldu. Bütün sualları ötürəcək Palatanın üzərinə", — Ə. Həsənov qeyd edib.

O, daha sonra yazıb: "Palataya ümidələrim böyükdür. Ümid edirəm ki, orada xəstə banklarımız şəfa tapacaq və onların palatadan reanimasiyaya köçürülməsinə ehtiyac olmayacaq. Həmçinin istərdim ki, Palata tezliklə açıq qalan suallara aydınlıq gətirsin. Heç olmasa fəaliyyətinin ilk 100 günü ərzində…".

4368
Teqlər:
Maliyyə Bazarlarına Nəzarət Palatası, Əkrəm Həsənov, Samir Əliyev, Mərkəzi Bank, banklar
Əlaqədar
"Mərkəzi Bankı "üzən məzənnə"dən imtina edəcək"
Banklar Neft Fondundan 100 milyon tələb edir, dollar yenidən qalxdı
Ekspert: Mərkəzi Bankın addımları uzun müddət səmərə verə bilməz
Növbəti devalvasiya təhlükəsi: Mərkəzi Bank uçot dərəcəsini artırdı
Əmanətlərini dollarla banka qoyanlar maksimum 3% qazanacaqlar
Bankada dollarlar, arxiv şəkli

Financial Times: "Dolları taxtdan salacaqlar"

13
(Yenilənib 22:13 16.01.2021)
"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq" - Avrokomissiyadakı mənbə

BAKI, 16 yanvar - Sputnik. Avropa Şurası dünya bazarında "dolların ağalığının" həddi aşdığını bəyan edəcək. 

Sputnik Azərbaycan bildirir ki, bu barədə Financial Times Avropa Komissiyasındakı mənbələrinə istinadən yazıb. 

Qəzetin məlumatına görə, AŞ bu məsələni ABŞ-ın yeni prezidenti Co Baydenin yanvarın 20-də planlaşdırılan inauqurasiyasından əvvəl qaldırmaq istəyir. Avropa Komissiyasının layihəsinin yanvarın 19-da qəbul ediləcəyi gözlənilir, həmçinin ona əlavələrin ediləcəyi də istisna olunmur. 

FT əlavə edir ki, layihədə ABŞ Prezidenti Donald Trampın İrana qarşı tətbiq etdiyi məhdudlaşdırma tədbirlərindən sonra Avropa ölkələrinin müəyyən çətinlik çəkdiyi qeyd olunur. Sənəddə bazarların "qeyri-qanuni eksterritorial tətbiqin nəticələrindən" qorunmasının vacibliyi vurğulanır. 

"Trampın hakimiyyət illəri bizim zəif yerlərimizi üzə çıxardı və hətta o gedəndən sonra da biz bu zəiflikləri aradan qaldırmalıyıq. Söhbət AŞ-nın dünyadakı yerindən, ölçülərimizə müvafiq olan iqtisadi və maliyyə dövlətinin imkanlarından gedir", - mənbələrdən biri deyib.

13
Teqlər:
"The Financial Times", Avropa Komissiyası, Avropa Şurası, dollar
Manat, arxiv şəkli

Yardım dayandırılmayıb - Şahmar Mövsümov

13
(Yenilənib 20:07 16.01.2021)
"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur" - Prezidentin köməkçisi

BAKI, 16 yanvar — Sputnik. Sahibkarlara dəymiş ziyanın ödənilməsi ilə bağlı tədbirlər planı üzrə proseslər davamlı olaraq həyata keçirilir. Sputnik Azərbaycan-ın məlumatına görə, bunu jurnalistlərə açıqlamasında Prezidentin köməkçisi, Prezident Administrasiyasının İqtisadi Məsələlər və innovativ inkişaf siyasəti şöbəsinin müdiri Şahmar Mövsümov bildirib.

Ş.Mövsümov deyib ki, müxtəlif sahələr və istiqamətlərdə sahibkarlara yardım nəzərdə tutulub:

"Bunun üçün vəsaitlər ayrılıb, proses gedir. Məsələ ilə İqtisadiyyat Nazirliyi məşğul olur. Ümumilikdə zərərçəkmiş sahələrdə çalışanlara yardım heç vaxt dayandırılmayıb".

13
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

26
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

26
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət