Qüdrət Həsənquliyev

"İnsanları iqtisadiyyatın yenidən qurulması prosesinə cəlb etmək lazımdır"

19
Qüdrət Həsənquliyev: "Hökumət nə qədər uğurlu qərarlar qəbul edirsə etsin, əgər xalq, insanlar, iş adamları buna inanmayacaqsa, etimad göstərməyəcəksə, vəziyyətdən çıxmaq çətin olacaq"

BAKI, 4 mart — Sputnik. "Əgər Maliyyə Bazarlarına Nəzarət Palatası Mərkəzi Bankın kölgəsi olmayacaqsa və Mərkəzi Bank tərəfindən idarə edilməyəcəksə, bu, bank sistemində müsbət dəyişiklərə gətirib çıxaracaq".

Sputnik xəbər verir ki, bu sözləri millət vəkili Qüdrət Həsənquliyev parlamentin bu gün keçirilən plenar iclasında deyib. Onun sözlərinə görə, Direktorlar Şurasının üzvləri ictimaiyyətə açıq olmalıdır və ilk növbədə inam yaratmaq lazımdır ki, insanlar, əmanətçilər bu islahatları dəstəkləsinlər.

Qüdrət Həsənquliyev əmanətçiləri narahat edən digər məsələyə də toxunub: "İnsanlar banklara pul qoyurlar. Faktiki bank müflis olunub, amma müflis olunmuş bank kimi tanınmır. Bu proses bəzən uzun müddət tələb edir. Vətəndaşlar bundan xeyli əziyyət çəkirlər".

Deputatın sözlərinə görə, hökumət nə qədər uğurlu qərarlar qəbul edirsə etsin, əgər xalq, insanlar, iş adamları buna inanmayacaqsa, etimad göstərməyəcəksə, vəziyyətdən çıxmaq çətin olacaq: "İnsanları iqtisadiyyatın yenidən qurulması prosesinə cəlb etmək lazımdır. Sahibkarların təşəbbüskarlığını artırmaq lazımdır. Əsas məsələ inam məsələsidir. Maliyyə Bazarlarına Nəzarət Palatası ictimaiyyət ilə işləməlidir. Hesab edirəm ki, yeni yaradılmış qurum etimadı doğruldacaq".

19
Teqlər:
deputat, iqtisadiyyat, Mərkəzi Bank, Maliyyə Bazarlarına Nəzarət Palatası
Əlaqədar
"İnhisarçılıq iqtisadiyyatımızı elə zəlil günə qoyub ki..."
"Hökümət düşünürdü ki, iqtisadiyyat sadəcə soyuqlayıb..."
Banklarımız iqtisadiyyatın kreditləşməsini aşağı salıblar
Oqtay Əsədov: Azərbaycan iqtisadiyyatında real artım olacaq
Neft, arxiv şəkli

Azərbaycan nefti bu gün özünü necə aparıb?

14
(Yenilənib 13:59 20.01.2021)
Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 20 yanvar — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,02 dollar artaraq 56,39 dollar təşkil edib.

"Brent" markalı neftin qiyməti 0,40 dollar artaraq 56,30 dollar, "Light" markalı neftin qiyməti isə 0,43 dollar bahalaşaraq 53,41 dollar olub.

Qeyd edək ki, Azərbaycan neftinin qiyməti ötən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

14
Teqlər:
"Brent" markalı neft, Brent, "AzeriLight" markalı neft, "AzeriLight", Azərbaycan nefti, neft, Neft

Nazir Mikayıl Cabbarov biznesin inkişafı üçün görülən işləri açıqlayır

15
(Yenilənib 19:22 19.01.2021)
İqtisadiyyat naziri Mikayıl Cabbarov deyir ki, ölkəmizdə biznes mühitinin sağlamdırılması ilə bağlı tədbirlər görülür və maliyyəyə çıxış imkanları sadələşdirilir
Mikayıl Cabbarov: “Maneələrin aradan qaldırılması istiqamətində işlər davam etdiriləcək”

“İqtisadiyyat nazirliyi və digər aidiyyəti strukturlar fəaliyyətlərini sahibkarlığın dəstəklənməsi və onların investisiya imkanlarının genişləndirilməsinə yönəldiblər”. Sputnik Azərbaycan xəbər verir ki, bunu Azərbaycan Televiziyasına müsahibəsində Azərbaycanın iqtisadiyyat naziri Mikayıl Cabbarov deyib.

Nazir bildirib ki, sahibkarların istehsal etdikləri məhsulların ixrac potensialının artırılması istiqamətdə təşviqedici addımlar atılır:

“Ölkəmizdə biznes mühitinin sağlamlaşdırılması ilə bağlı tədbirlər görülür və maliyyəyə çıxış imkanları sadələşdirilir. Bundan sonra da iş yerlərinin qeydiyyata alınması, vergi və gömrük inzibatçılığındakı bariyerlərin aradan qaldırılması istiqamətində işlər davam etdiriləcək”.

Mikayıl Cabbarovun fikirlərinə audiofaylda qulaq asa bilərsiniz

15
Pfizer-BioNtech peyvəndi, arxiv şəkli

ÜST iddia edir ki, vaksindən ölən yoxdur

0
ÜST nümayəndəsinin sözlərinə görə, peyvəndin bir neçə yan təsirləri qeydə alınıb, məsələn, anafilaktik şok kimi

BAKI, 20 yanvar - Sputnik. Koronavirus infeksiyasına qarşı peyvəndlərdən hələlik heç bir ölüm halı qeydə alınmayıb. Sputnik Azərbaycan RİA Novosti-yə istinadən bildirir ki, bunu Ümumdünya Səhiyyə Təşkilatının eksperti Mariancela Simao deyib. 

"Əlimizdə bazarda geniş istifadə olunan peyvənd var. Bu, Pfizer-dir. Və hələlik hazırda istifadə olunan vaksinlərdən heç bir ölüm halının şahidi olmamışıq, - o bildirib. 

ÜST nümayəndəsinin sözlərinə görə, bir neçə yan təsirlər qeydə alınıb, məsələn, anafilaktik şok kimi. Bəzi peyvənd olunmuş şəxslərdə isə ciddi allergiyalara meyllilik var. Belə hallarda mütləq tibb müəssisələrində nəzarət altında peyvənd vurdurmaq lazımdır, mütəxəssis söyləyib.  

Simao əlavə edib ki, ÜST vaksinlərin istənilən ciddi yan təsirini izləyir və öz tövsiyələrini yeniləyir. Hazırda koronavirus əleyhinə daha 12 preparatı təşkilatın ekspertləri qiymətləndirməlidirlər.

0
Teqlər:
ÜST, ölüm, Pfizer, vaksin
Mövzu:
Yeni tip koronavirus pandemiyası