Natiq Cəfərli

Mart ayında manat yenidən dəyərdən düşə bilər

281
(Yenilənib 12:21 24.02.2016)
Natiq Cəfərli: İqtisadi aktivliyin artması mütləq manatın yenidən zəifləməsi ilə nəticələnəcək

Mart ayında manat yenidən dəyərdən düşə bilər

Son günlər Mərkəzi Bank dolları ucuzlaşdırır. Amma bir çox ekspertlərin fikirncə, manatı gücləndirərək ölkədə dolların ucuzlaşması qənaəti yaratmaq inzibati metodlara əsaslanır və bazar tərəfindən tənzimlənmir. Dolların bu şəkildə “dəyərsizləşdirilməsi” xeyirli əlamət deyil və manatın tezliklə ucuzlaşacağına işarədir. Bu barədə diskusiyalarda fəal iştirak edən iqtisadçı Natiq Cəfərli “Sputnik”in suallarını cavablandırır.

-Natiq bəy, bəzi ekspertlərin fikrincə, Mərkəzi Bank iqtisadi prinsiplərin əksinə mövqe sərgiləyir. Bəs, siz necə düşünürsüz doğurdanmı sadəcə ictimai rəyə uyğun məzənnə siyasəti həyata keçirilir?

— Bu günə qədər, ən azından son bir ayda aparılan məzənnə siyasəti reallığı və iqtisadi kateqoriyaları yox, Mərkəzi Bankın ümumi sərt monetar siyasətinin nəticəsi idi. Çünki, Mərkəzi Bank (MB) özü elan etmişdi ki, bu üzən məzənnədir. Amma, məzənnəni yenə də MB-nın hər gün təyin etdiyi rəsmi məzənnə ilə müəyyənləşdirilirdi. Yəni burada üzən məzənnədən və ya bazarın bu prosesə təsirindən söhbət belə gedə bilməz. Ona görə də MB-nın son dövrlərdə sərt monetar siyasətinin nəticəsi olaraq ölkədə manat qıtlığı da yaranmışdır. Çünki, keçən ilin müvafiq dövrünə görə dövrüyyədə təqribən 11milyard 500 milyon nəğd manat kütləsi var idi isə bu 6 milyarda qədər endirildi. MB bunu bilərəkdən etdi ki, dövriyyədə olan manat kütləsi dollar alışına yönlənməsin. Beləliklə, müəyyən mənada məzənnəni nəzarətdə saxlaya bildi. Amma bu, ciddi şəkildə iqtisadi aktivliyi zəiflətdi. Həm ticarət dövrüyyəsini, həm də kreditlərə çıxış imkanlarını məhdudlaşdırdı. Bu öz növbəsində digər problemlərə yol açdı. Yəni iqtisadi aktivliyin zəifləməsi təbii olaraq iş yerlərinin azalmasına səbəb oldu. Yəni bu vizual olaraq Bakıda və regionlarda görünür. Sərt monetar siyasət müəyyən dərəcədə dolların məzənnəsini stabil saxlmağa kifayət edir. İndi mart ayında gözlənilən yeni büdcə düzənlənməsindən sonra  monetar siyasətin daha sərbəst olması və sadələşdirilməsi daha çox manat kütləsinin dövriyyəyə  qayıtması gözlənilir. Düşünürəm ki, kəskin olmasa da mart ayından başlayaraq manatın yenidən yumşaq formada dəyərdən düşməsi gündəmə gələcək. Bunu uzun müddət sərt inzibati yollarla nəzarətdə saxlamaq mümkün olmayacaq və mart ayında ciddi dəyişikliklərin olması gündəmə gələcək.

-Süni manat qıtlığı yaratmaqla mövcud problemləri uzun müddətə aradan qaldırmaq mümkün olacaqmı?

— Xeyr, mümkün olmayacaq. Elə əsas problemlərin biri də bundan ibarətdir. Çünki, MB-nın pul kredit siyasəti ona gətirib çıxardı ki, manat qıtlığı ümumi iqtisadi aktivliyi çox kəskin şəkildə aşağı saldı. Bir aya, bir neçə həftə müddətinə bu keçərli ola bilər. Yəni müəyyən dərəcədə manatı stabilləşdirməyə xidmət edə bilər. Amma, orta və uzun vaxta artıq bunu bu şəkildə davam etmək mümkünsüzdür və bu ciddi problemlərə yol açır. Artıq demək olar ki, iqtisadiyyatda durğunluq dövrü başlayıb. Bu da ciddi şəkildə insanların iş yerlərini itirməsinə və gəlirlərinin azalmasına səbəb olur. Yəni, hətta orta müddətə bu siyasəti davam etdirmək ölkə üçün çox ciddi fəsadlara yol açacaq. Əslində hökümətdə bunu anlayır, amma, dediyim kimi dilemma qarşısındadır. İqtisadi aktivliyin artması mütləq manatın yenidən zəifləməsi ilə nəticələnəcək.

-Mərkəzi Bankın tez-tez banklara dollar satdığına baxmayaraq bəzi bankların vətəndaşlara dollar satmaqdan imtina etməsinin səbəbini nə ilə izah edərdiz?

— Bunun iki səbəbi ola bilər. Birinci, səbəb bankların özlərinin ciddi xarici borclanmaları var. İlin əvvəlində bank sektorunun təqribən 5,7 milyard xaricə borcu var idi. Geridə qalan müddətdə onun bir hissəsini ödəyiblər. Təqribən 500 miyon dollara yaxın ödəniş olub. Amma, yenə orada çox böyük bir məbləğ var. Çox güman ki, banklar ilk növbədə xaricdən aldıqları valyuta kreditlərininin qapanmasında maraqlıdırlar. Aldıqları valyutanı ora yönləndirirlər. İkinci səbəb isə bankların özləri də yaxşı bilir ki, manatın məzənnəsini indiki şəraitdə saxlamaq mümkün olmayacaq. Bir müddətdən sonra manatın məzənnnəsində yenidən dəyişiklik ola biləcək. Ona görə də dollar alıb özlərini həmin dövrə daha çox hazırlıqlı vəziyyətdə çıxarmağı düşünürlər. Yəni bankalarda bu iki məsələyə görə əhaliyə həm depozitdə olan dollarlarını geri qaytarmaqda problemlər var, həm də ümumiyyətlə dollar satışında müəyyən məhdudiyyətlər var. Ən yaxşı halda bir nəfərin 500 dollardan 2 min dollar arası banklardan bir gündə valyuta alması ehtimalı var ki, bu da təbii ki, əvvəlki məhdudiyyət olmayan dövrə nisbətən çox kiçik bir rəqəmdir.

- Bazarda dollar təklifi azalarsa, Mərkəzi Bank uzun müddət valyuta bazarında valyuta çıxartmaq imkanı olacaqmı?

— MB-nın ehtiyyatları tükənir. Martın əvvəlində fevral ayının da rəsmi nəticələri olacaq və valyuta ehtiyyatları 4 milyarddan aşağı düşəcək. Təbii ki, bu da MB-nın ata biləcəyi addımları məhdudlaşdırır. Amma, hələ ki, Neft fondunun da ehtiyyatları var. MB çətinliyə düşdükdə bir müddət Neft fondunun ehtiyyatlarından da istifadə edəcəklər. Amma, bu kimi ehtiyyatlar tükənən ehtiyyatlardır. Təbii ki, Azərbaycanın gəlirlərinin kəskin azalmasını nəzərə alsaq uzun müddət bu ehtiyyatlara arxayın olaraq belə siyasət aparmaq mümkün olmayacaq. Ona görə də manatın gələcək taleyində bu da önəmli rol oynayacaq. Ehtiyyatların tamamilə tükənməsi hökümət tərəfindən də qəbul edilməzdi. Bir müddət sonra ehtiyyatları qorumaq siyasətini davam etdirəcəklər.

-Dolların ucuzlaşması prossesi nə qədər davam edəcək? 

— Mən çox güman ki, mart ayının əvvəlinə qədər MB-da belə bir siyasətin ola biləcəyini ehtimalını düşünürəm. Çünki, dünya bazarında da müəyyən prosseslər gedir. Məsələn, dünən dollar bir çox valyutalara o cümlədən avroya qarşı təqribən bir faizə yaxın bahalaşdı. Yəni beynəlxalq bazarlarda gedən prosseslərin də təsiri olacaq. MB bu prossesləri iqnor edə bilməz. Məsələn bu gün avro-dollar pariteti təqribən 1 avro 1,10 dollar civarındadır. Yəni bir avro bir dollar on sent civarında dəyişdirlir. Əgər bundan aşağı düşsə, bu həm də psixoloji həddir. Ona görə də son bir ayda aparılan siyasəti maksimum bu ayın sonu gələn ayın əvvəlinə kimi davam etdirə bilər. Sonra başqa addımların atılması qaçınılmaz olacaq. 

281
Mənzilin giriş qapısında açarlar, arxiv şəkli

Yasamal Xətaidə mənzillərə "kupça" veriləcək

27
(Yenilənib 21:27 26.10.2020)
Vətəndaşların mənzillərə aid mülkiyyət hüququnu təsdiq edən sənədin (çıxarışın) hazırlanması 15 iş günü ərzində təmin edilir.

BAKI, 26 oktyabr — Sputnik. İstismarına icazə verilmiş yeni çoxmənzilli binalardakı mənzillər üçün "Əmlakını qeydiyyata al və mülkiyyətinə sahib ol" kampaniyası çərçivəsində növbəti səyyar sənəd qəbulu oktyabrın 28-i Yasamal rayonu, Ə.Ələkbərov küçəsi, 586 saylı məhəllə, (Yeni ünvan sisteminə görə Yasamal rayonu, Ş.Mehdiyev küçəsi, 259), oktyabrın 30-da isə Xətai rayonu, M.Hadi küçəsi, 2944A (Yeni ünvan sisteminə görə Xətai rayonu, Ç.Kərimov küçəsi, 92) ünvanında keçiriləcək.

Bu barədə Sputnik Azərbaycan-a İqtisadiyyat Nazirliyindən məlumat verilib.

Qeyd edək ki, iyulun 24-dən bərpa olunan səyyar sənəd qəbulu prosesi çərçivəsində artıq 23 ünvanda səyyar qəbul aparılıb. Vətəndaşların mənzillərə aid mülkiyyət hüququnu təsdiq edən sənədin (çıxarışın) hazırlanması 15 iş günü ərzində təmin edilir.

27
Dağlıq Qarabağ, arxiv şəkli

Pandemiyanın əlimizdən aldıqlarını Qarabağ geri verəcək

106
(Yenilənib 18:05 26.10.2020)
"Qarabağ bölgəsində turizmin inkişafı gəlmə turizmin böyük marağına səbəb olacaq. Çünki postsovet məkanında da insanlar Qarabağ bölgəsinə davamlı axın edirdilər. Azıx mağarası bəşəriyyət üçün unikal abidədir. Bu mağara dünyada 7 möcüzədən biri hesab olunur"

Zülfiyyə Quluyeva, Sputnik Azərbaycan

BAKI, 26 oktyabr — Sputnik. Kəlbəcərin "İstisu" sanatoriyası, termal sularla zəngin Zəngilan rayonu, Şuşanın Turşsu, Şırlan mineral su bulaqları... Qarabağ bölgəsinin bu müalicəvi şəfa ocaqları 30 ilə yaxındır ki, işğal altında olsa da, onların adı bu gün də dillərdədir. Qarabağ torpağı təbii yollarla bir çox xəstəliklərin müalicəsində məşhur olsa da, indiyədək bu torpaqların işğal altında saxlanılması həmin bölgənin turizm potensialından istifadəni mümkünsüz edirdi. İşğal altında olan torpaqlarımızın azad olunması unikal iqlimə malik Qarabağ bölgəsinin mineral sularından, müalicəvi bitki aləmindən, sanatoriya-kurort sistemindən yenidən bəhrələnmək imkanı yaradıb.

Tarixçi Kamal İsmayılov Sputnik Azərbaycan-a açıqlamasında bildirib ki, bu sırada ilk növbədə kurort şəhəri Şuşanın adını çəkmək lazımdır. Həmsöhbətimiz bildirir ki, dəniz səviyyəsindən 1300-1500 metr hündürlükdə yerləsən Şuşanın unikal iqlimi, havası, mineral bulaqları öz müalicəvi xüsusiyyətləri ilə Davos və Kislovodsk kimi tanınmış kurortları geridə qoyur:

"Hələ qədimlərdən Şuşa şəhərinin, Cıdır düzünün havası, İsa bulağı, Turşsu, Şirlan bulaqlarının suyu bir çox xəstəliklərdən, o cümlədən ümumi halsızlıq, qanazlığı, qapalı vərəm və s. xəstəliklərdən şəfa tapmaq üçün uzaq-uzaq diyarlardan gələn xəstələrə məlhəm olub. Şuşanın müalicəvi xüsusiyyətlərini nəzərə alaraq XX əsrin ortalarında burada şəhərin kurort mərkəzi kimi inkişaf etdirilməsi qərara alınıb. Qısa müddət ərzində burada müasir sanatoriya korpusları və müəssisələri tikilib və şəhər SSRİ-nin bütün respublikalarından qonaq qəbul edən kurort şəhərinə çevrilib. Şuşa şəhəri 1991-ci ilin mayında Ermənistan qoşunları tərəfindən işğal edilərək, şəhərin yalnız azərbaycanlılardan ibarət olan bütün əhalisi öz doğma ocaqlarından deportasiya olunubdur.

Qarabağ torpağının digər təbii zənginliklərindən biri də İstisu mineral su bulağı və bu bulaq üstündə yaradılmış İstisu kurortudur. Öz səmərəliyinə görə Gürcüstanın Sxaltuba suyunu geridə qoyan İstisu kurortunun yerləşdiyi Kəlbəcər rayonu 1993-cü ilin aprelində Ermənistan tərəfindən işğal edilib. İstisu kurortunu ələ keçirən Ermənistan eyniadlı məşhur müalicəvi mineral suyun adını dəyişib və "Cermux" adı ilə xarici ölkələrə satmağa başlayıb".

Tarixə nəzər salsaq, görərik ki, Qarabağın əsas turizm potensialı Şuşa və Ağdamda çəmlənsə də, regionun bütün bölgələri müalicə və istirahət üçün yararlı idi. Sovet dönəmində Şuşada ötən əsrin 30-cu illərindən başlayaraq və 80-ci illərdə isə Ağdamda turizmin potensialı inkişaf etdirilib. Şuşa şəhərində ilk istirahət evi 1936-ci ildə istifadəyə verilib. Şuşa şəhərində 1316 yerlik Şuşa Sanatoriya Kurort birliyi, 130 yerlik "Şəfa" turist bazası və Ağdam rayonunun Gülablı kəndində 100 yerlik, Şelli kəndində 50 yerlik, Şahbulaqda isə 40 yerlik müalicə istirahət mərkəzləri fəaliyyət göstərib. Şuşa Sanatoriya-Kurort Birliyinin balansına aid 2 və 3 mərtəbəli 17 bina daxil idi.

Əlavə olaraq qeyd edilməlidir ki, 80-ci illərdə Şuşada daha 200 nəfərlik, Ağdamda 255 nəfərlik sanatoriya binasının inşası münaqişə başlandığından istifadəyə verilməmiş qaldı. Şuşa Sanatoriya-Kurort Birliyinin balansında işçilər üçün nəzərdə tutulmuş 28 yerlik yaşayış kompleksi də var idi. Bütün bunlarla yanaşı, şəhərdə məktəblilər üçün nəzərdə tutulmuş istirahət düşərgələri də fəaliyyətdə idi. Onun ikisi 500 və 300 yerlik respublika səviyyəsində, digəri isə vilayət məktəblilərinə xidmət göstərirdi.

Ağdamın Gülablı kəndində ilk 100 yerlik sanatoriya inşa edilərək 1983-cü ilin fevral ayında istifadəyə verildi. Bundan əvvəl isə ərazidə 14 kottec və 4 qırğız çadırı quraşdırılmışdı. İlboyu işləməsi nəzərdə tutulan sanatoriyada həm də müalicə korpusu fəaliyyət göstərirdi. Sanatoriyanın nəzdində yardımçı təsərrüfatların yaradılması istirahətə gələnlərə yüksək keyfiyyətli ərzaq məhsullarının təqdim edilməsinə, həm də əlavə gəlir əldə etməyə şərait yaradıb. Müəssisəyə təqdim edilmiş Qarabağ atının köməyi ilə turistlərın gəzintiyə aparılması da maraq doğuran faktlardandır. Yeri gəlmişkən, qeyd edək ki, turistlərə atla gəzinti Şahbulaq turist bazasında təklif olunurdu. 40 nəfər turist üçün nəzərdə tutlmuş Şahbulaq turizm bazası isə 1988-ci ildə istifadəyə verilmişdi. Gülablı sanatoriyası hazırda Azərbaycan Kollektiv Təsərrüfatlararası İstirahət Mərkəzləri Birliyinin balansındadır.

Göründüyü kimi, Qarabağ və ətraf rayonların erməni silahlı qüvvələri tərəfindən işğal edilməsi nəticəsində bütün sahələrlə yanaşı, regionun turizm iqtisadiyyatına ciddi ziyan dəyib.

Azərbaycan Sağlamlıq və Termal Turizmə Dəstək Assosiasiyasının prezidenti, Milenium Konqres Turizm şirkətinin rəhbəri, turizm mütəxəssisi Ruslan Quliyev Sputnik Azərbaycan-a açıqlamasında bildirib ki, beynəlxalq tədbirlərdə, sərgilərdə iştirak edən zaman Qarabağa turizm marşrutu kimi diqqət ayırmağa, onun unudulmasına imkan verməməyə çalışsalar da, buna çox zaman imkan verilməyib. Onun sözlərinə görə, ermənilər bu sahədə də təxribata əl atmaqdan çəkinməyiblər: "Onlar beynəlxalq tədbir və sərgilərdə Qarabağı ayrı stend kimi göstərirdilər. Hətta Qarabağı Ermənistan xəritəsində göstərirdilər. Biz, təbii ki, buna etirazımızı bildirirdik".

R.Quliyev deyir ki, əsas marşrutlar içərisində Qarabağ və Naxçıvan marşrutu mövcuddur:

"Sovet dövründə də ümumittifaq əhəmiyyətli marşrutlar içərisində Qarabağ marşrutu çox populyar idi. Şuşada balneoloji mərkəzlər mövcud olub, orada kanat yollarının çəkilməsi üçün 42 il öncə verilmiş anonslar da var idi. Əfsuslar olsun ki, biz o günü görmədik. Unikallıq ondadır ki, bu bölgədə dini, ekoloji, aqroturizm, eləcə də turizmin digər növləri üçün əlverişli imkanlar var. Təkcə Zəngilanda çoxlu sayda termal su mənbələri mövcuddur. Zəngilan rayonunun Mincivan qəsəbəsində Araz çayının sol sahilində "Ocaq çinar" deyilən, müqəddəs sayılan bir çinar ağacı var. Şəfa şəhərlərinin qalıqları, Məmmədbəyli türbəsi və s. böyük turizm potensialı olan məkanlardır".

R.Quliyev bildirir ki, Xudafərin körpüsü, Azıx mağarasına da gələcəkdə turist marşrutu ola bilər: "Mədəni-tarixi abidələrimiz dağıldılsa da, onların bərpasından sonra həmin istiqamətlərə turların təşkili mümkündür.

Gələcəkdə İranla bu sahədə əməkdaşlıq olacaq. Türk birliyinin burada müasir İpək yolu layihəsi mövcuddur. Azərbaycana daxil olmaq üçün Qars-İğdır-Naxçıvan marşrutu, İran ərazisindən dəmiryol xəttinin çəkilməsi mümkün ola bilər. Burada marşrutlar təyyarə ilə nəzərdə tutulsa da, dəmir yolunun çəkilməsi tur paketin maya dəyərini də aşağı salacaq. Hazırlanacaq baş fəaliyyət planının içərisində turizm də çox böyük yer alacaq. Bu da Azərbaycanda daha çeşidli turizm xidmətlərinin təklif olunmasına gətirib çıxaracaq".

R.Quliyevin sözlərinə görə, Qarabağ bölgəsində turizmin inkişafı gəlmə turizmin böyük marağına səbəb olacaq: "Çünki postsovet məkanında da insanlar Qarabağ bölgəsinə davamlı axın edirdilər. Azıx mağarası bəşəriyyət üçün unikal abidədir. Bu mağara dünyada 7 möcüzədən biri hesab olunur. Bizim Qarabağ bölgəsində UNESCO-nun irs siyahısına düşəcək abidələrimiz var. Orada quruculuq bərpa işlərinin keçirilməsi müəyyən zaman alsa da, Qarabağın turizm potensialından istifadə Azərbaycana iqtisadi baxımdan böyük qazanc gətirəcək".

Dövlət Turizm Agentliyindən Qarabağ bölgəsinin turizm potensialının öyrənilməsi ilə bağlı artıq işlərə başlanıldığını, bu günlərdə ictimaiyyətə bu barədə geniş açıqlama veriləcəyini söylədilər.

106
Teqlər:
marşrut, Naxçıvan, Azıx mağarası, Xudafərin, Ağdam, İstisu, Kəlbəcər, Şuşa, Qarabağ, turizm
Əlaqədar
Xaricə çıxış olmayacaq deyə, gözlər daxilə dikilib: Məhdudiyyət tələbatı artıracaq
Bu məkan yalnız Azərbaycandadır: hər kəsdən bir "parça" qalıb - FOTO
Zəngilanın azad edilməsi Ermənistanın daha bir saxtakarlığına son qoyur
"Xırdalıqlar" içində itən tibb ocağı: Onun özünün şəfaya ehtiyacı var - FOTOLAR
Qarabağın gələcəyi daha çox ekoturizmə bağlı olacaq - Samir Dübəndi

Manas Ata Dədə Qorqudun ruhu sizə kömək olsun - Qırğız ziyalılar İlham Əliyevə dua etdi

0
(Yenilənib 01:31 27.10.2020)
Qırğız ziyalılardan İlham Əliyevə dəstək: "Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır".

BAKI, 27 oktyabr — Sputnik. "Biz, Aytmatov Əskər Çingizoviç, Osmanaliyev Kayrat Mederbekoviç, əsas vəzifəsi qırğız və türk yazıçısı Çingiz Aytmatovun yaradıcılıq və mənəvi irsinin qorunub saxlanılması və təbliği, onun humanist ideallarının təşviqi olan “Ç.Aytmatov adına Beynəlxalq İssık-Kul Forumu” İctimai Birliyinin üzvləriyik".

Sputnik Azərbaycan-ın məlumatına görə, "Çingiz Aytmatov adına Beynəlxalq İssık-Kul Forumu" İctimai Birliyinin üzvlərinin Azərbaycan Prezidenti İlham Əliyevə ünvanladığı məktub bu sətirlə başlayır.

Məktubda daha sonra deyilir:

"Biz qürur duyuruq ki, Çingiz Aytmatovun kitabları qardaş Azərbaycanda çox oxunur və sevilir, Azərbaycan xalqı onu öz yazıçısı kimi qəbul edir.

Biz ölkənizin inkişaf edən bir dövlət qurmaq istiqamətində qazandığı uğurlara, dünya miqyasında malik olduğu nüfuza sevinirik.

Bununla yanaşı, hər zaman azərbaycanlı qardaşlarımızın uzun müddətdir sağalmayan yarası - işğal olunmuş Dağlıq Qarabağ problemi ilə bağlı ağrı-acısını bölüşmüşük.

Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır. Qızıl qartal havada qürurla yeni üfüqlərə doğru uçur, lakin yaralı qanad ona daha yüksəklərə qalxmağa və uçmağa imkan vermir.

İndi Qarabağda müharibə gedir və bütün dünya hərbi əməliyyatların gedişini narahatlıqla izləyir.

Azərbaycan Ordusu yüksək döyüş ruhu, döyüş qabiliyyəti və qalib gəlmək əzmi nümayiş etdirir.

Böyük Lev Tolstoyun və Çingiz Aytmatovun ardınca müharibənin insan zəkasına və mahiyyətinə zidd fenomen olduğuna əminik. Ancaq bəzən xalq belə bir addım atmağa məcbur olur. Vətəninə, torpağına məhəbbət - bu müqəddəs hiss hər bir xalqa instinktiv səviyyədə xasdır.

Azərbaycanlılar üçün Qarabağ onları birləşdirən milli meqafikrə, müstəqil dövlət olaraq yetkinlik və məsuliyyət imtahanına, ölkəsinin suverenliyini və ərazi bütövlüyünü qorumaq əzminə çevrildi.

Uca Allahdan döyüş əməliyyatlarının ən qısa müddətdə bitməsini, danışıqlar prosesinin bərpa edilməsini və Qarabağın Azərbaycanın ayrılmaz hissəsi olduğu dərk edilərək problemin sülh yolu ilə həll olunmasını diləyirik.

Hər hansı müharibə, xüsusilə mülki əhaliyə qarşı bəşəriyyətin əsrlər boyu yaşadığı acı təcrübə əsasında aparılan müharibə qaydalara məhəl qoyulmadığı zaman qəddarlıq və insanlıqdan kənar nəticələrə gətirib çıxarır.

Müharibə cinayətlərinin bilərəkdən və soyuqqanlılıqla törədilməsi, Ermənistan ordusunun cəbhə xəttindən çox uzaqda yerləşən sülhsevər Azərbaycan şəhərlərini qəsdən bombalaması faciəvidir və dərindən pislənilməlidir. Uşaqlar da daxil olmaqla mülki şəxslərin qurban olması çox təəssüf doğurur.

Cənab Prezident, Sizə və bu hücumlar nəticəsində həlak olanların yaxınlarına dərin hüznlə başsağlığı veririk. Yerləri cənnət olsun. Bütün yaralıların tezliklə sağalmalarını arzu edirik.

Əminik ki, bu cür çirkin hərəkətlər Azərbaycan Ordusunun döyüş ruhunu qıra bilməyəcək, Azərbaycan xalqını qorxutmayacaq, müharibənin gedişini öz xeyrinə dəyişə bilməyəcək, əgər bu qeyri-insani hərəkətlərin məqsədi belə idisə.

Cənab Prezident, Siz dahi atanız və bütün Azərbaycan xalqının atası - Heydər Əliyevin işlərinin layiqli davamçısısınız.

İndi Azərbaycan xalqının qarşınıza qoyduğu tarixi vəzifənin - ölkənin ərazi bütövlüyünün bərpası üçün həlledici andır. Əminik ki, müdrik və uzaqgörən lider olaraq, bu missiyanı qardaş Azərbaycan xalqı naminə, bölgədə və dünyada sülhün və sabitliyin qorunması naminə, beynəlxalq hüquq və sivil vasitələr çərçivəsində danışıqlar yolu ilə layiqincə yerinə yetirməkdə uğur qazanacaqsınız. Ulu əcdadlarımız Manas Ata və Dədə Qorqudun ruhu bu nəcib işdə sizə kömək olsun".

0