Fəhlə

Növbəti ixtisarlar dalğası "yolda"

1874
(Yenilənib 14:53 19.02.2016)
Ekspertlər neftin qiymətinin 25 dollardan götürülməsini nəzərdə tutan yenilənmiş bübcə layihəsini təhlil edirlər: "İxtisarlar qaçılmazdır"

Növbəti ixtisarlar dalğası yolda
BAKI, 18 fev — Sputnik. Neftin qiyməti 25 dollar olsa da, lazım olan layihələr icra ediləcək. Prezident İlham Əliyev Tovuz rayon ictimaiyyəti ilə görüşü zamanı belə fikr səsləndirib.

"Büdcəyə dəyişiklik olunacaq və biz neftin qiymətinin minimum səviyyəsi — 25 dollar səviyyəsi ilə lazım olan bütün sosial və investisiya layihələrini icra edəcəyik", — deyə dövlət başçısı bildirib.

İqtisadçı ekspert Natiq Cəfərli isə hesab edir ki, neftin qiymətinin belə aşağı səviyyədə götürülməsi ölkənin həm gəlirlərinə, həm xərclərinə, həm də büdcə parametrlərinə ciddi təsir göstərəcək. "Düşünürəm ki, Prezidentin çıxışında söhbət sosial lahiyələrdən gedirdi. Prezident sosial lahiyələr, yəni insanların əmək haqqı, təqaüd və digər məsələlərdə problemlərin olmayacağı haqqında bundan öncə də bildirmişdi", —deyə N. Cəfərli Spupnik-ə açıqlamasında bildirib.

"Bir çox lahiyələr artıq təxirə salınıb. Büdcə parametrlərinə baxanda görürük ki, müəyyən dəyişikliklərdən sonra ixtisarların olması və müxtəlif lahiyələrin təxirə düşməsi qaçılmazdır. Çünki, neftin qiymətinin 25 dollar götürülməsi, əvvəlcədən nəzərdə tutulmuş lahiyələrin həyata keçirilməsində təbii ki, problemlər yaradacaq", —ekspert vurğulayıb.

İqtisadçı ekspert Vüqar Bayramov da Sputnik-ə açıqlamasında bildirib ki, neftin qiymətinin 25 dollar götürülməsi neft sektorundan daxilolmaların azalmasına gətirib çıxara bilər: "Belə olan halda hökümət yalnız qeyri-neft sektorundan daxilolmaların artmasına nail olarsa, büdcə gəlirlərində də tarazlığı qoruyub saxlaya bilər".

Onun sözlərinə görə, dövlət büdcəsində neftin qiyməti 50 dollar götürüləndə, neft sektorunun payı ümumi gəlirlərin 51,2 %- i təşkil edəcəkdi: "Bu əslində ondan xəbər verir ki, neft sektoru yenə dövlət büdcəsinin yarıdan çoxunu formalaşdırır. Neftin qiymətinin aşağı götürülməsi o halda lahiyələrin və eləcə də daxilolmaların azalmasına imkan verməyəcək ki, Dövlət Neft Fondundan, habelə qeyri-neft sektorundan daxilolmalar çoxalsın. Əgər hökümət qeyri-neft sektorundan daxilolmaların artmasına nail ola bilərsə, təbii ki, büdcə gəlirlərində də tarazlığı qoruyub saxlaya bilər".

Ekspertin fikrincə, manatın devalvasiyasından sonra Dövlət Neft Fondunun manat hesabında transfertlərinin artırılması mümkündür. "Nəzərə alsaq ki, Dövlət Neft Fondunun gəliri dollarla, xərci isə manatladır, deməli, devalvasiya nəticəsində Fond dollar ehtiyyatlarına müəyyən qədər qənaət etmək imkanı qazanıb".

Natiq Cəfərlinin fikrincə, 2016-cı ilin dövlət büdcəsində ciddi kəsir də nəzərdə tutulur: "Hələlik xərcləmələrdə müəyyən dərəcədə artıma gedilir. Xərcləmələrdə olan artım bəzi lahiyələrin davam etdirilməsi üçün mənbə yaradılmasına xidmət edəcək. Təmir-tikinti işlərində müəyyən dərəcədə bəzi lahiyələrin bərpa olunması yeni iş yerlərinin yaranmasına səbəb ola bilər. Amma, təbii ki, bu, dayanıqlı və uzun müddətli iş yerləri olmaycaq. Amma, ən azından təmir-tikintinin bir az canlanması müvəqqəti də olsa, yeni iş yerlərinin yaranmasına, müəyyən insanların işlə təmin olunmasına xidmət göstərəcək. Hər halda indiki şəraitdə müvəqqəti də olsa, müəyyən sosial problemlərin həll olunması üçün belə lahiyələrin davam etdirilməsi, ən azından qısa vaxtda müəyyən insanların işlə təmin olunmasında mühüm rol oynayacaq".

V. Bayramovun isə post-neft dövrünə uyğun büdcə xərclərinin necə həyata keçirilməsi ilə bağlı təklifləri var: "Xərclərin artırılması iki istiqamət üzrə həyata keçirilməlidir: Birinci, sosial istiqamət üzrə, təklif edirəm ki, bu baxımdan sosial istiqamətdən birbaşa əmək haqqı artımları ilə bağlı xərclərin artırılması həyata keçirlisin. İkincisi, isə birbaşa real sektorun dəstəklənməsi ilə olan xərclərlə bağlıdır. Burada, xüsusən də sahibkarlara güzəştli kreditlərin verilməsi yoluyla real sektorun dəstəklənməsinə nail olmaq lazımdır. Ona görə məncə, önəmli büdcə gəlirlərinin hansı həcmdə olması deyil. Önəmli olan büdcə gəlirlərinin necə bölüşdürülməsidir".

Yenilənmiş büdcə dəyişikliklərinin bu ay parlamentin müzakirəsinə çıxarılması gözlənilir. Azərbaycan rəsmiləri ümid edirlər ki, neftin bir barelinin dəyəri 25 dollardan aşağı düşməyəcək.

1874
Teqlər:
işsizlik, ixtisar, Natiq Cəfərli, Vüqar Bayramov, büdcə
Əlaqədar
Ekspert: dövlət strukturlarına ayrılan vəsait ciddi ixtisar olunacaq
"Azercell" ixtisarlara başlayıb
"Dövlət Gömrük Komitəsində ixtisarlar olmayacaq"
İxtisar olunan işçilərin sonrakı taleyi necə olacaq?
Qənaət rejiminə keçirik: kimlər və nələr ixtisara düşəcək?
Azərbaycan Respublikasının Baş Naziri Əli Əsədov, arxiv şəkli

Baş Nazirdən sərt qərar - Məsuliyyət tam olaraq sahibkarların üzərinə düşəcək

53
(Yenilənib 19:22 08.08.2020)
Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək

BAKI, 8 avqust — Sputnik. Bu gün Azərbaycan Respublikasının Prezidenti İlham Əliyevin tapşırığı ilə Nazirlər Kabineti yanında Operativ Qərargah xüsusi karantin rejiminə nəzarətin gücləndirilməsinə dair məsələləri müzakirə edib.

Sputnik Azərbaycan-ın məlumatına görə, Baş Nazir Əli Əsədovun sədrlik etdiyi videokonfransda Azərbaycan Respublikası Prezidentinin Ərazi-təşkilati məsələlər üzrə köməkçisi Zeynal Nağdəliyev, Baş Prokuror Kamran Əliyev, Daxili İşlər Naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, İqtisadiyyat naziri Mikayıl Cabbarov, Maliyyə naziri Samir Şərifov, Səhiyyə naziri Oqtay Şirəliyev, Qida Təhlükəsizliyi Agentliyinin rəhbəri Qoşqar Təhməzli, İcbari Tibbi Sığorta Agentliyinin sədri Zaur Əliyev, TƏBİB-in sədri Ramin Bayramlı, 68 şəhər və rayonun icra hakimiyyəti başçıları, şəhər və rayon prokurorları, daxili işlər və DTX şöbələrinin rəisləri, sanitar–epidemiologiya mərkəzlərinin, rayon mərkəzi xəstəxanaları və səhiyyə şöbələrinin rəhbərləri iştirak ediblər. 

Baş Nazir qeyd edib ki, Prezident İlham Əliyev avqustun 6-da  keçirdiyi videomüşavirədə hökumət və müxtəlif dövlət orqanları qarşısında nəzarətin gücləndirilməsi haqda ciddi tapşırıq verib.

Əli Əsədov bildirib  ki, Operativ Qərargah infeksiyaya yoluxmaların sayının azalmasını və iqtisadi fəallığın artırılması zərurətini nəzərə alaraq avqustun 10-dan bəzi istehsal, ticarət və xidmət sahələrində yumşalmaları elan edib. Tapşırıq ondan ibarətdir ki, sanitar qaydalara ciddi əməl olunmalı, nəzarət funksiyasını həyata keçirəcək orqanlar müəyyənləşməli, nəzarət funksiyası qüsursuz tətbiq edilməlidir.

Baş Nazir vurğulayıb ki, iqtisadi aktivlik ilə sanitar qaydalara əməl olunmasını sinxronlaşdırmaq lazımdır. Yenidən geriyə qayıtmamağımız üçün bu ən mühüm məsələdir.

Qəbul olunmuş qaydalara əməl olunmasına əsas məsuliyyət daşıyan orqanlar kimi şəhər və rayon İcra hakimiyyətləri, hüquq-mühafizə orqanları-Prokurorluq, DİN, DTX, səhiyyə strukturları və fəaliyyətinə icazə verilmiş sahələrdəki sahibkarlardır. Fəaliyyətinə icazə verilmiş sahələrdə yoluxmalara görə məsuliyyət tam olaraq sahibkarların üzərinə düşəcək.

Xüsusi qeyd olunub ki, şəhər və rayonlarda yoluxma hallarının artması tendensiyası müşahidə olunduğu təqdirdə şəhər və rayon rəhbərliyi əlaqələndirici qurum olaraq nəzarət mexanizmlərini daha da gücləndirməlidir.

Proses dövlət başçısı tərəfindən nəzarətdə saxlanılır. Hökumət vəziyyətə dair mütəmadi olaraq Prezidentə məruzə edəcək.

Müşavirədə son bir ay ərzində bütün ölkə üzrə karantin qaydalarına əməl olunmasına nəzarətin vəziyyəti müzakirə olundu, nöqsanlar qeyd edildi, onların aradan qaldırılması haqda təkliflər səsləndirildi. Karantin qaydalarına riayət edilməsi üzərində nəzarətin texniki, inzibati və maarifləndirmə aspektləri müzakirə olundu.

53
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Əvvəl açıq havadakı restoranlar, sonra rayonlara gediş-gəliş açılacaq
Toya icazə verəcəklər, amma hər şey sahibkarlardan asılı olacaq
Bir manat da xərclənməyib - Şahmar Mövsümov bloklanmış kartlar barədə
Hökumət karantin rejiminin daha da yumşaldılması barədə qərar qəbul edib
Bundan sonra mehmanxanalar yeni QAYDAlarla işləyəcək
Ofisdə kişi

İqtisadiyyatın dirçələcəyinə ümidlər: Agentlik 3 min nəfər hazırlayır

17
(Yenilənib 16:29 08.08.2020)
Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar

BAKI, 8 avqust — Sputnik. Dövlət Məşğulluq Agentliyi gələn ildən beynəlxalq sertifikatlı (İSO) mütəxəssis hazırlığına başlayacaq.

Əmək və Əhalinin Sosial Müdafiəsi Nazirliyindən Sputnik Azərbaycan-a verilən məlumata görə, qurumun nəzdində olan agentlik ilk mərhələ kimi, 2021-ci ildə 3 min nəfər İSO (Keyfiyyət idarəetmə sistemləri üzrə)  standartlarına uyğun mütəxəssis hazırlığını həyata keçirməyi planlaşdırır. Bu, istehsalatda innovativ texnologiyaların tətbiqinin geniş vüsət aldığı şəraitdə işçi qüvvəsinin həmin standartlar əsasında rəqabət qabiliyyətinin artırılması məqsədi daşıyır. Qeyd edilən mütəxəssis hazırlığının təşkili üçün hazırda beynəlxalq tərəfdaşlarla da müzakirələr aparılır.

Keyfiyyət idarəetmə sistemləri üzrə hazırlanmış mütəxəssislər həm yerli, həm də xarici şirkətlərdə müvafiq peşə-ixtisas sahələri üzrə işləmək bacarığına malik olacaqlar.

17
Əlaqədar
Heç kim pulsuz qalmayacaq - İşsizlikdən sığorta fondunun büdcəsi artırılır
Dəyişikliyin astanasındayıq: ənənəvi peşələr əhəmiyyətini itirəcək
Dəqiq rəqəmi heç kim deyə bilmir! Pandemiya on minlərlə insanı işsiz qoyub
On üç bölgə üzrə 190 manatın verilməsi barədə qərar verildi
Dünyanın ən bədbəxt iqtisadiyyatları: inanılmaz reytinq
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0