Bakıda neft nasosları

Neftin qiymətinin 20 dollara düşməsi, bilirsiniz deməkdir?

1608
(Yenilənib 14:29 11.02.2016)
"Qara qızıl"ın qiymətinin 20 dolların altına düşəcəyi barədə proqnoz açıqlandı. Ekspertlərin hesablamalarına görə, bu proses baş verərsə, Azərbaycanda 1 dollar 2 manatdan da yüksək olacaq.

Neftin qiymətinin 20 dollara düşməsi bilirsiniz nə deməkdi?
BAKI, 11 fev — Sputnik. Dünyanın iri investisiya banklarından biri olan "Goldman Sachs", neft qiymətinin 20 dollardan da aşağı düşəcəyi haqda proqnoz verib. Bank ehtimal edir ki, təklif və tələb balansının tapılması üçün qiymətlər daha oynaq hala gələcək və bunun nəticəsində də neftin 1 barelinin qiyməti 20 dollardan da aşağı düşəcək.
Нефтяные насосы. Архивное фото
© AP Photo / Hasan Jamali

"Goldman"ın əmtəə araşdırma direktoru Jeff Currie bildirib ki, neft hasilatı yüksək olaraq qalır və artıq naft bazalarında nefti saxlamaq üçün yer bitmək üzrədir: "Hasilat isə dayanmır. Hasilatın dayanması üçün neftin daha da ucuzlaşması lazımdır. Bu səbəbdən, neft 20 dollardan da aşağı düşəcək və nəticədə bir sıra istehsalçılar hasilatı dayandıracaq".

Neft Araşdırmaları Mərkəzinin rəhbəri İlham Şaban Sputnik-ə deyib ki, neftin qiyməti 20 dollar və ya ondan daha aşağı düşərsə, ARDNŞ neft hasilatını saxlaya bilər: "Belə ki, neftin qiyməti daim dəyişkəndir. Bu gün neftin qiymətinin kəskin enməsini müşahidə edirik. Amma bu prosesin daim belə olacağını heç kəs iddia edə bilməz. Neft qiymətləri təbii ki, artım dövrünü də yaşayacaq. Azərbaycan üçün neft hasilatının dayandırılması heç də düzgün qərar olmazdı".

"Məlum olduğu kimi, neft qiymətləri 1990-cı illərdə 10 dollar ətrafında dəyişirdi. Azərbaycan ən böyük neft müqavilələrini məhz həmin dövrlərdə bağladı. İndiki dönəm Azərbaycan üçün çətin dönəm hesab edilir. Amma bu prosesləri normal dəyərləndirə bilsək, çox az ziyanla bu mərhələni adlaya bilərik", —deyə ekspert bildirib.

İqtisadçı ekspert Anar Rzayev isə hesab edir ki, neftin qiymətinin aşağı enməsi inkişaf etmiş ölkələrdə də problemlər yaradır. O, Sputnik-ə açıqlamasında deyib ki, neftin qiymətinin aşağı düşməsi bir tərəfdən dünya iqtisadiyyatında müsbət trendlər yaradıbsa (inkişaf etmiş ölkələr ucuz enerji daşıyıcıları əldə edirlər), o biri tərəfdən də, bəlli olub ki, dünyanın inkişaf etməkdə olan ölkələrində tənəzzül başlayıb.

Нефтяной насос в Баку
© AFP 2021 / TOBIAS SCHWARZ

"Yəni inkişaf etmiş ölkələr bundan mənfəət götürürlər, amma dünya iqtisadiyyatı mənfəət götürə bilmir. Çünki aparıcı qüvvə olan inkişaf etməkdə olan ölkələrdə tənəzzüllər özünü göstərir. İnkişaf etmiş ölkələrin özlərində də yanvar ayından başlayaraq deflyasiya trendləri başlayıb. Deflyasiyanın da sonu işsizlikdir. Nəticədə bu, orada da iqtisadi tənəzzülə gətirib çıxara bilər", deyən iqtisadçının sözlərinə görə, Azərbaycan iki seçim arasında qala bilər.

"Neftin qiymətinin aşağı düşməsi bizim valyuta gəlirlərini daha da azaldacaq, iqtisadiyyatımıza təyziqi bir az da artıracaq. Bu, bəlli bir həqiqətdir. Amma bunun qarşısında hökümət atdığı addımları onsuz da atır və islahatlar yolu ilə gedir. Bizdə hökümət pul kütləsini kifayət qədər azaldıb, yəni manatın kütləsi indi iqtisadiyyatımızda yetərincə azdır. Bu onun üçün olub ki, dollara təlabat aşağı olsun", —A. Rzayev qeyd edib.

Onun sözlərinə görə, əgər neftin qiyməti düşməyə davam etsə, bu o deməkdir ki, iki variant baş verə bilər: "Ya hökümət manat kütləsinin genişləndirilməsini ertələməli olacaq və yaxud da manat kütləsini bir az da sıxacaq. Bunun nəticəsində manata təyziq azalacaq, amma iqtisadi artımın baş verməsə, bu, əngəllənə bilər. Biz bu iki seçim arasında qala bilərik".

Qeyd edək ki, neftin qiymətinin 20 dollara düşməsi Azərbaycan üçün arzuolunmaz ssenaridir. Azərbaycan rəsmiləri neftin barelinin 25 dollardan aşağı düşməyəcəyini gözləyirlər. Ekspertlər isə bildirirlər ki, neft 20 dollara düşərsə, 1 dollar 2 manatdan yüksək olacaq.

1608
Teqlər:
İqtisadçı ekspert Anar Rzayev, Neft Araşdırmaları Mərkəzinin rəhbəri İlham Şaban, 20 dollar, "Goldman Sachs", Dünyanın iri investisiya bankı, neft
Əlaqədar
Diqqətlər Vaşinqtonda: neft erasını bitirəcək qərar verilə bilər
Neft bahalaşır
"Artıq kim necə bacarırsa, neftini elə satır"
Neftin qiymətləri neqativ dinamikaya qayıtmağa başlayıb
Vergi Məcəlləsi, arxiv şəkli

Aktiv vergi ödəyicilərinin sayı artır - Rəqəmlər

2
(Yenilənib 22:53 20.04.2021)
2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.

BAKI, 20 aprel — Sputnik. 2021-ci ilin aprel ayının 1-nə respublika üzrə uçotda olan 1.240.652 vergi ödəyicisinin 87,7%-i fiziki şəxs, 12,3%-i hüquqi şəxs və digər təşkilatlar olub.

Sputnik Azərbaycan-ın məlumatına görə, 2020-ci ilin müvafiq dövrü ilə müqayisədə vergi ödəyicilərinin ümumi sayı 167.992 vahid və ya 115,7% artıb ki, bunun da 94,6%-i fiziki şəxslərin, 5,4%-i hüquqi şəxslərin hesabına baş verib. Hüquqi şəxs kimi uçotda olan vergi ödəyicilərinin sayının artması əsasən kommersiya qurumları hesabına baş verib.

2020-ci ilin mart ayından başlamaqla müşahidə olunmuş ardıcıl 12 aylıq azalma dövründən sonra, ilk dəfə olaraq cari ilin mart ayında qeydiyyatın sayında artım müşahidə edilib.

Cari ilin I rübündə 2.714 kommersiya qurumu dövlət qeydiyyatından keçib. Kommersiya qurumlarının 2253-ü (83%) elektron qaydada, 461-i isə (17%) kağız daşıyıcılarda edilmiş müraciətlər əsasında qeydə alınıb. İlkin qeydiyyat prosedurunun yerinə yetirilməsi zamanı 460 hüquqi şəxsin (ümumi qeydiyyatın 17%-i) ƏDV məqsədləri üçün qeydiyyata alınması təmin edilib.

Cari ilin I rübündə 2.494 yerli investisiyalı kommersiya qurumu dövlət qeydiyyatına alınıb ki, bu da yerli investisiyalı kommersiya qurumlarının dövlət qeydiyyatının sayında 25%-lik artım deməkdir.

2021-ci ilin I rübündə fəaliyyəti aktivləşmiş (bərpa edilmiş) hüquqi şəxslərin sayı 2.840 vahid təşkil edib. Bu zaman fəaliyyəti aktivləşmiş ƏDV ödəyicilərinin sayı ötən ilin müvafiq dövrü ilə müqayisədə 6,4% artıb. 2021-ci ilin I rübündə fəaliyyətini dayandırmış hüquqi şəxslərin sayı 3.682 vahid təşkil edərək 2020-ci ilin müvafiq dövrü ilə müqayisədə 19,5% azalıb. Fəaliyyəti passivləşmiş ƏDV ödəyicilərinin sayı isə 18,8% azalıb.

2021-ci ilin I rübündə qeydiyyata alınmış və fəaliyyətini bərpa etmiş kommersiya qurumlarının sayı fəaliyyəti passivləşmiş qurumların sayından 1.788 vahid çox olub.

Hesabat dövründə fəaliyyəti aktiv olan hüquqi şəxslərin 86,4%-i kommersiya qurumlarıdır. Ümumiyyətlə, 136.997 kommersiya qurumundan 58,5 faizinin vəziyyəti aktiv olub. 2020-ci ilin müvafiq dövrü ilə müqayisədə aktiv kommersiya qurumlarının sayı 13,9 faiz artıb. Bu zaman kommersiya qurumlarının tərkibində aktiv ƏDV ödəyicilərinin sayı 16% artıb.

2021-ci ilin I rübündə kommersiya qurumlarının 83%-i elektron qaydada qeydiyyata alınıb. Yerli investisiyalı məhdud məsuliyyətli cəmiyyətlərin e-qeydiyyatının xüsusi çəkisi isə 91%-ə yaxın olub.

Yeni qeydiyyat üsulu ilə (fin kod+mobil nömrə) cari ildə 438 yerli investisiyalı məhdud məsuliyyətli cəmiyyət qeydə alınıb ki, bu da 2020-ci ilin müvafiq dövrü ilə müqayisədə 62,2 faiz çoxdur. Bu üsulun ümumi qeydiyyatda xüsusi çəkisi artaraq 16,1%, yerli investisiyalı məhdud məsuliyyətli cəmiyyətlərin qeydiyyatında isə 17,7% təşkil edib.

2021-ci ilin 1 aprel tarixinə 272 publik hüquqi şəxs, 16.066 xarici investisiyalı kommersiya hüquqi şəxs dövlət qeydiyyatından keçib.

2
Qusarda arı təsərrüfatı

Arıçılarımızın on gün vaxtları qaldı

6
(Yenilənib 21:05 20.04.2021)
Arıçılıq sahəsində subsidiyalar 2020-ci ildən etibarən tətbiq edilməyə başlanıb və 2023-cü ilə qədər davam etdirilməsi nəzərdə tutulub.

BAKI, 20 aprel — Sputnik. Elektron Kənd Təsərrüfatı İnformasiya Sistemində (EKTİS) arı ailələrinə görə subsidiya almaq üçün elektron müraciətin formalaşması davam edir. Aprelin 19-dək EKTİS-də 8146 fermer 208921 arı ailəsini bəyan edib. Arı ailələrinin EKTİS-də bəyanı prosesi aprelin 30-da başa çatacaq. Bu barədə Kənd Təsərrüfatı Nazirliyindən Sputnik Azərbaycan-a məlumat verilib.

Azərbaycan Prezidentinin 2019-cu il 27 iyun tarixli Fərmanı ilə təsdiq edilən və subsidiyaların verilməsində vahid mexanizmi tənzimləyən "Kənd təsərrüfatı məhsulları istehsalının subsidiyalaşdırılması Qaydası"na əsasən arıçılıqla məşğul olan fermerlərə saxladıqları hər arı ailəsinə görə hər təqvim ilində 10 manat məbləğində subsidiya verilir. Reqlamentə əsasən, arıçı fermerlər EKTİS-də arı ailələrinin (pətəklərinin) qeydiyyatını həyata keçirir və hər il aprel ayının 30-dək həmin ailələrin mövcud vəziyyəti barədə məlumatları EKTİS-də yeniləyir. EKTİS-də mövcudluğu təsdiqlənmiş arı ailələrinin (pətəklərinin) sayına əsasən subsidiya müraciəti (elektron bəyannamə) formalaşır və fermerin kabinetinə göndərilir. May ayı ərzində Aqrar Kredit və İnkişaf Agentliyi tərəfindən seçmə üsulla monitorinqlər təyin ediləcək. Monitorinqlər rayonlarda Dövlət Aqrar İnkişaf Mərkəzləri (DAİM) tərəfindən yerində müşahidə üsulu ilə keçiriləcək.

Monitorinq zamanı fermerin bəyannaməsində göstərilən məlumatlardan fərqli hallar müəyyən edildikdə, fermerin bununla əlaqədar subsidiya məbləği azaldılır və azalma elektron kabinetində əks olunur. Əgər fermer monitorinqin nəticəsinə 15 gün ərzində etiraz edərsə, onda situasiya fermerin iştirakı ilə DAİM-in mütəxəssisi tərəfindən yerində müşahidə aparmaqla qiymətləndirilir, nəticə aktlaşdırılaraq EKTİS-ə daxil edilir.

Müraciətlər DAİM tərəfindən təsdiq edildikdən sonra AKİA subsidiya ödənişini həyata keçirir.

Arıçılıq sahəsində subsidiyalar 2020-ci ildən etibarən tətbiq edilməyə başlanıb və 2023-cü ilə qədər davam etdirilməsi nəzərdə tutulub.

6