BAKI, 26 yan — Sputnik. Manatın devalvasiyası ölkədə yeni situasiya yaratdı. İqtisadçı-ekspert Samir Əliyev Sputnik Beynəlxalq Mətbuat Mərkəzində "2016-cı il üçün büdcəyə yenidən baxılması Azərbaycana nə varəcək?" mövzusunda keçirilən dəyirmi masada bu fikirləri işlədib.
Onun sözlərinə görə, yaranmış yeni situasiyada dövlət maddi çətinlik çəkən təbəqəni nəzərə almağa məcbur oldu və bununla bağlı işlər gedir.
Əliyevin fikrincə, bu gün Azərbaycanda hökumət daxili borcalınmaya getməyə məcburdur.
İqtisadçı həmçinin dövlət strukturlarına ayrılan vəsaitin ciddi ixtisara uğrayacağını proqnozlaşdırır.
"Bir neçə dövlət qurumu bu səbəbdən birləşə bilər", — deyə o əlavə edib.
