Tikinti materialları bazarı.

Ən çox bahalaşmaya məruz qalan tikinti materialları bəlli oldu

431
(Yenilənib 14:48 15.01.2016)
Devalvasiya xaricdən gətirilən materialların qiymətinin xeyli dərəcədə artmasına səbəb olmaqla yanaşı, əhalinin alıcılıq qabiliyyətini də zəiflədib

BAKI, 15 yan — Sputnik. Dolların kəskin bahalaşması digər sahələrlə yanaşı, tikinti materialları bazarına da təsir göstərib. Sputnik əməkdaşının apardığı müşahidələr göstərir ki, bir çox tikinti materialları bahalaşıb. Bununla yanaşı satışın həcmində ciddi azalma müşahidə olunur.

Topdansatış bazarı.
© Sputnik / Fuad Həsənov
Topdansatış bazarında durğunluq hökm sürür.

Bakı-Sumqayıt yolunun kənarında, Binəqədi rayonu ərazisində yerləşən məşhur "Eurohome Tikinti Materialları" topdansatış bazarında durğunluq hökm sürür. Satıcılar və obyekt sahibləri alverin yox dərəcəsində olduğundan gileylənirlər.

"Materialların çoxu bizə xaricdən gəlir. Yəni dollarla alırıq, ona görə qiymət artımı baş verib. Amma yerli məhsullar bura aid deyil. Onsuz da qiymətlərin əvvəlki vaxtında da bazar durğun, alıcı az idi. İndi ümumiyyətlə alver dayanıb" —deyə satıcı Kazım Quliyev bildirib.

Taxta məmulatlarının satışı ilə məşğul olan Qiyas Tahirov da ticarətin zəifləməsindən gileylidir: "Qış fəslində hava şəraiti ilə əlaqədar tikinti sektorunda işlər zəifləyir. Nəticədə tikinti materiallarına tələbat azalır. Üstəlik dolların da qalxması işimizi daha da çətinə salıb".

Ən çox bahalaşma taxta məhsullarında qeydə alınıb.
© Sputnik / Fuad Həsənov
Ən çox bahalaşma taxta məhsullarında qeydə alınıb.

Ən çox bahalaşma taxta məhsullarında qeydə alınıb. Rusiyadan gətirilən armaturların da qiyməti 20 faiz bahalaşıb. Digər məhsullarda isə nisbətən az qiymət artımı müşahidə olunur. Metal, kafel, metlax, profil və s.-ləri bura aid etmək olar. Sement və dam örtüklərinin qiymətində isə hələlik ciddi dəyişiklik olmadığı bildirildi.

Yazın gəlişi ilə birlikdə tikinti sektorunda fəallığın artacağı gözlənilir. Tələbin artması, yəqin ki, qiymətlərə də təsirsiz ötüşməyəcək. Manatın intensiv ucuzlaşması qiymət artımını qaçılmaz edəcək.

Xatırladaq ki, 21 dekabr 2015-ci ildə Azərbaycanda ikinci devalvasiya baş verdi. Nəticədə milli valyuta ABŞ dolları qarşısında 48 faiz dəyər itirərək, 1 dollar = 1.55 manat oldu. Hazırda proses artan xətlə davam edir — manat hər gün dollara nisbətdə dəyərini bir az daha itirir. 15.01.2015-ci il tarixinə olan rəsmi məzənnə 1 dollar = 1.5706 təşkil edir.

431
Teqlər:
tikinti, bahalaşma, devalvasiya, manat, dollar
Əlaqədar
Bahalaşma şadlıq saraylarına da çatdı
Dollar bahalaşmaqda davam edəcək
Ekspert: Dövlət bahalaşmanın qarşısını ala bilməyəcək
İlyas Hüseynov

Politoloq: “Bu səbəbdən Azərbaycan-NATO münasibətləri yüksək qiymətləndirilir”

4
(Yenilənib 17:31 18.06.2021)
Politoloq İlyas Hüseynov deyir ki, Azərbaycan NATO modelində kiçik və mobil, qarşısına qoyulan hədəfləri yerinə yetirməyə qadir ordu quruculuğunda maraqlıdır
İlyas Hüseynov: ““Şuşa Bəyannaməsi”ndə bunun ilkin təzahürləri var”

İndi Azərbaycanla NATO arasındakı münasibətlər heç vaxt olmadığı qədər vacibdir. Bunu Təhlükəsizlik Siyasəti və İnkişaf İnstitutunun həmtəsisçisi və direktoru Svante Kornell "Azərbaycanın Avro-atlantik sülh və təhlükəsizliyə töhfəsi" adlı beynəlxalq konfransda deyib.

Politoloq İlyas Hüseynov Sputnik Azərbaycan-a deyir ki, son dövrlər Azərbaycanda NATO modelinə uyğun olaraq Türkiyə nümunəsində ordu quruculuğu istiqamətində addımların atıldığını müşahidə edirik: “Bu səbəbdəndir ki, Azərbaycan-NATO münasibətləri yüksək qiymətləndirilir. Azərbaycan NATO modelində kiçik və mobil, qarşısına qoyulan hədəfləri yerinə yetirməyə qadir ordu quruculuğunda maraqlıdır. Bu anti-terror əməliyyatların keçirilməsi zamanı bizə yararlı ola bilər. Ölkəmizlə təşkilat arasında əməkdaşlığın dərinləşdirilməsi nəzərdən keçirilir. “Şuşa Bəyannaməsi”ndə də bunun ilkin təzahürləri vardır”.

İlyas Hüseynovun geniş şərhinə audiofaylda qulaq asa bilərsiniz

4

Hökumətdən yeni hava limanlarının tikintisi işində böyük güzəşt

843
(Yenilənib 13:10 19.06.2021)
Azad edilən ərazilərdə 3 hava limanının tikintisi üçün idxal edilən mallar gömrük rüsumuna cəlb olunmayacaq.

BAKI, 19 iyun — Sputnik. Nazirlər Kabineti “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişiklik edib.

Sputnik Azərbaycan-ın məlumatına görə, qərara əsasən, "Füzuli, Laçın və Zəngilan rayonlarında beynəlxalq hava limanlarının tikintisi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı” təsdiq edilib.

Bu bəndlə müəyyən edilən mal nomenklaturasına müvafiq idxal olunan malların Füzuli, Laçın və Zəngilan beynəlxalq hava limanlarının tikintisi üçün istifadəsinin təsdiq edilməsi Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.

Bu mallar gömrük idxal rüsumuna cəlb olunmayacaq.

Bu Qərar dərc edildiyi gündən 30 gün sonra qüvvəyə minir və 2024-cü il 1 yanvar tarixinədək qüvvədədir.

Füzuli beynəlxalq hava limanı

2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirib.

2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verib. Gələcək hava limanının təməlqoyma mərasimi həmən ilin yanvar ayının 14-də baş tutub.

Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olur. Hava limanının tikintisi yanvar ayında başlayıb. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.

AZAL-ın nümayəndəsi Valeh Əmiraslanov bildirib ki, Füzuli Beynəlxalq Hava Limanında ilk sınaq uçuşun sentyabrın 5-də keçirilməsi planlaşdırılır.

Həmçinin oxuyun:

Füzuli aeroportunda ilk sınaq uçuşunun keçiriləcəyi tarix açıqlanıb

843
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

0
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

0