Vüqar Bayramov

Manat daha 20% dəyərini itirdi

397
Vüqar Bayramov: Həftə sonunda bir sıra valutadəyişmə məntəqələri fəaliyyət göstərməyəcək və dollar qıtlığı yaranacaq.

BAKI, 8 yan-Sputnik. Dolların manata məzənnəsi 1.85-dək yüksəlib. Problem yalnız dolların artan məzənnəsində deyil, eyni zamanda valyuta dəyişmə məntəqələrində xarici valyutanın yumşaq desək, "yoxa çıxmasındadır".

Bu fikirləri iqtisadçı-ekspert Vüqar Bayramov öz facebook hesabında qeyd edib.
Onun sözlərinə görə, banklar və valyutadəyişmə məntəqələri artan tələbi qarşılamaq imkanına malik deyil.

"Əslində, Mərkəzi Bank kommersiya banklarına xarici valyuta məzənnələrini müstəqil şəkildə müəyyənləşdirmək hüququ verəndə mən bununla manatın ucuzlaşmasına start verildiyini qeyd etmişdim. Bugünkü məzənnə ikinci devalvasiyadan keçən qısa müddətdə manatın dollara nisbətən 20 faizə yaxın dəyər itirməsi deməkdir. Üzən məzənnə rejiminə keçən manat sadəcə dəyər itirməkdədir. Reallıq bundan ibarətdir ki, Mərkəzi Bankın dekabrın 21-də manatın kursunu kəskin, 50 faiz aşağı salmaqla əslində dollar ajiotajı yaratdı. Kursu bir gündə yarıbayarı aşağı salmaq bütün hallarda milli valyutaya inamın itməsinə səbəb olmaqla dollara tələbini kəskin artırmalı idi və bu da baş verdi." — deyə Bayramov bildirib.

Onun sözlərinə görə, Mərkəzi Bank ikinci devalvasiya ilə dollara tələbi artırmaqla dollarlaşma prosesini sürətləndirməyə və xarici valyuta ehtiyatlarına qənaət etməyə çalışıb: "Bununla, Mərkəzi Bank az dollarla çox manat alır. Yəni, əvvəllər baş bank bazara 1 milyon dollar çıxaranda dövriyyədən 1 milyon 50 min manat çıxarırdısa, indi hər milyon dollarda 700 min daha çox manatı bazardan götürür. Bu isə o deməkdir, Mərkəzi Bank üçün manata inamın bərpa edilməsi prioritet deyil, indiki məqamda əsas hədəf dollarlaşmanı mümkün qədər daha qısa zamanda başa çatdırmaq və əks-dollarlaşma prosesinə nail olmaqla valyuta ehtiyatlarını qorumaqdır."

Ekspert bildirib ki, həftə sonunda bir sıra valyutadəyişmə məntəqələrinin fəaliyyət göstərməyəciyini və dollar qıtlığının yaranacağını öncədən proqnozlaşdırmaq olar.

"Növbəti 2 gündə dollara olan tələbin ödənilməsi üçün Mərkəzi Bank auksionda daha böyük məbləğdə dollar satmalıdır. Əks halda Mərkəzi Bankın istirahət etdiyi növbəti 2 gündə kommersiya bankları və valyutadəyişmə məntəqələri dollar satmaq deyil, xarici valyuta satan olacaqsa, almaq haqqında düşünəcəklər" — deyə V.Bayramov əlavə edib.

397
Teqlər:
facebook, milyon, üzən məzənnə, ajiotaj, Azərbaycan Mərkəzi Bankı, Mərkəzi Bank, iqtisadçı-ekspert, ekspert, iqtisadçı alim, valyuta, manatın devalvasiyası, manat, dollar, Vüqar Bayramov
Mövzu:
Azərbaycan valyutasının ucuzlaşması (22)
Əlaqədar
Mərkəzi Bank: manatın növbəti devalvasiyası barədə şayiələr əsassızdır
Həftə sonu 1 dollar 2 manat olacaq
Manat "Allah ümidinə" buraxıldı
Manat üçüncü dəfə devalvasiyaya uğraya bilər
Manatı və Azərbaycanı daha ağır günlər gözləyir
Şamaxı Astrofizika Rəsədxanası

Ukraynalılara Azərbaycandan çağırış - VİDEO

16
(Yenilənib 12:56 16.04.2021)
Ukraynalı investorlara çağırışda bildirilir ki, Azərbaycanın ən qədim sənətkarlıq mərkəzlərindən sayılan Şamaxı bu gün öz mədəni dirçəliş dövrünü yaşayır.

BAKI, 16 aprel — Sputnik. Şamaxıya yeni investorların, həmçinin bu gün gözəl dostluq və strateji tərəfdaşlıq münasibətlərində olduğumuz Ukrayna investorlarının cəlbi məqsədilə qarşıdakı dövrdə də perspektivli layihələr planlaşdırılır. Bu barədə Şamaxıda yerləşən Ukraynanın Fəxri konsulluğundan Sputnik Azərbaycan-a verilən məlumatda bildirilir.

"Azərbaycanın ən qədim sənətkarlıq mərkəzlərindən sayılan Şamaxı bu gün öz mədəni dirçəliş dövrünü yaşayır. Rayonun iqtisadiyyatının əsasını kənd təsərrüfatı məhsullarının istehsalı və emalı təşkil edir. Bununla yanaşı, Şamaxı digər sahələrdə də öz iqtisadi dinamikliyini aktiv saxlayır. Rayonun üzümçülük və şərabçılıq sahəsində əlverişli mühiti ölkənin turizm potensialına da xüsusi dəstək verir. Hazırda da bununla bağlı sahibkarlıq fəaliyyətinin stimullaşdırılmasına dair proqramlar hazırlanır. Şamaxıya yeni investorların, həmçinin bu gün gözəl dostluq və strateji tərəfdaşlıq münasibətlərində olduğumuz Ukrayna investorlarının cəlbi məqsədilə qarşıdakı dövrdə də perspektivli layihələr planlaşdırılır.

Qədim Şamaxıda görüşmək diləyi ilə #DearAzerbaijan", - deyə məlumatda bildirilir.

16
Teqlər:
Şamaxı, Azərbaycan, Ukrayna, çağırış, investorlar, iqtisadiyyat
Neft buruğu, arxiv şəkli

Azərbaycan nefti bahalaşır

6
(Yenilənib 11:15 16.04.2021)
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub

BAKI, 16 aprel — Sputnik. Azərbaycan neftinin qiyməti bahalaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,12 dollar artaraq 66,04 dollar təşkil edib.

“Brent” markalı neftin qiyməti 0,38 dollar artaraq 67,32 dollar, “Light” markalı neftin qiyməti isə 0,36 dollar bahalaşaraq 63,84 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

6
Teqlər:
"AzeriLight" markalı neft, Azərbaycan, neft
Mövzu:
Neft qiymətləri ətrafındakı ajiotaj
Bakıda sərtləşdirilmiş xüsusi karantin rejimi

TƏBİB-dən açıq havada maska açıqlaması

0
(Yenilənib 14:26 16.04.2021)
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında Tibbi-elmi komitənin sədri, professor Akif Qurbanov açıq havada maska taxmaqla bağlı açıqlama verib.

BAKI, 16 aprel — Sputnik. "Artıq bir müddətdir ki, açıq havada, xüsusilə ictimai yerlərdə maska taxmaq qərarı var. İctimai yer iki və daha çox şəxsin olduğu yerlərdir".

Sputnik Azərbaycan-ın məlumatına görə, bu sözləri Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında Tibbi-elmi komitənin sədri, professor Akif Qurbanov Real TV-yə bildirib.

"Biz küçəyə çıxarkən maska taxmasaq, kimləsə görüşürük, marketə daxil oluruq, maska taxmaq yaddan çıxacaq. Biz maska taxmasaq, nəqliyyat vasitələrində də maskasız olacağıq", - deyə TƏBİB rəsmisi əlavə edib.

0
Teqlər:
maska, açıq hava, TƏBİB