Центральный Банк Азербайджана

Manat "Allah ümidinə" buraxıldı

463
(Yenilənib 15:10 07.01.2016)
Azərbaycan Mərkəzi Bankının İdarə Heyəti yeni qaydalar müəyyənləşdirib. Yeni qaydalara əsasən, nağd xarici valyutanın alış və satış məzənnələri banklar tərəfindən müstəqil şəkildə təyin edilir.

BAKI, 7 yan — Sputnik. Bundan sonra Azərbaycan bankları nağd valyutanın alışı və satışı üzrə eyni vaxtda bir neçə məzənnə müəyyən edə biləcəklər. Sputnik Fins.az-a istinadən xəbər verir ki, bu, Azərbaycan Mərkəzi Bankının İdarə Heyətinin yenicə qəbul etdiyi "Mübadilə şöbələrinin təşkili və mübadilə əməliyyatlarının aparılması Qaydaları" əsasında mümkün olacaq. Qaydalara əsasən, məzənnələr bankın xüsusi əmri ilə təsdiqlənəcək və şöbələr üzrə fərqli ola bilər.

Bundan başqa, yeni qaydalara görə, xarici valyutanın məzənnəsi gün ərzində bir neçə dəfə dəyişə bilər. Belə ki, qaydalarda nəzərdə tutulub ki, əməliyyat günü ərzində məzənnələr bankın əmri ilə dəyişdirilə bilər. Əmr faks, elektron poçt və ya digər vasitələrlə şöbəyə çatdırılır.

Məzənnənin dəyişdirilməsi (dəyişmənin vaxtı və tarixi daxil olmaqla) şöbənin qeydiyyat jurnalında qeydə alınır və şöbədə quraşdırılmış lövhədə əks etdirilir. Məzənnənin müəyyən edilməsi barəsində sənəd mübadilə şöbəsində günün sənədlərinə tikilir.

Qaydalara əsasən, nağd xarici valyutanın alış və satış məzənnələri banklar tərəfindən müstəqil şəkildə təyin edilir. Amma Mərkəzi Bank xarici valyutanın satış məzənnəsinin alış məzənnəsindən kənarlaşma həddini müəyyən etdikdə banklar mübadilə məzənnələrinin təyin edilməsi zamanı həmin həddə riayət etməlidir. Qeyd edək ki, bu yanaşma əvvəlki qaydalarda da mövcud idi.

копейки на фоне доллара
© Sputnik / Natalya Seliverstova

Məsələni Sputnik-ə şərh edən iqtisadçı ekspert Natiq Cəfərli hesab edir ki, Mərkəzi Bank məsuliyyətin bir hissəsini öz üzərindən atmaq istəyir: "Üzən məzənnə prinsipinə keçidlə əlaqədar olaraq, yəni bunu əsas gətirərək banklara müstəqil şəkildə məzənnənin müəyyən edilməsi praktikasına keçməyi düşünür. Normal inkişaf etmiş ölkələrdə valyutalararası, banklararası birjalar məzənnəni təyin edir və həmin o birjadakı məzənnəyə uyğun olaraq da banklar öz məzənnə siyasətini həyata keçirirlər. Azərbaycanda belə institutlar da yoxdur. Hər bankın özünün məzənnə təyin etməsi imkanları da yoxdur. Sadəcə yenə Mərkəzi Bankın açıqladığı rəsmi məzənnə götürüləcək. Yəni, faktiki olaraq yenə inzibati yolla tənzimlənəcək".

Onun fikrincə, burada məqsəd Mərkəzi Bankın öz üzərindən məsuliyyəti götürmək cəhdidir: "Mərkəzi Bank banklara daha çox sərbəstlik verməklə gələcəkdə hər hansı bir baş verəcək qiymət artımının günahını bölüşmək istəyir. Bankların da bu işdə rolu olduğunu cəmiyyətə çatdırmaq istəyir".

 

Dolların qalxıb-qalxmayacağı məsələsinə toxunan ekspert bu prosesi qaçılmaz hesab edir: "Dünya bazarlarında neftin qiymətinin 32 dollara düşməsi ölkəmizin gəlirlərinin daha çox azalmasına və ölkəyə valyuta girişinin daha da azalmasına səbəb olacaq. Ölkəyə girən valyuta azaldıqca, Azərbaycanın büdcə qarşısında öhdəlikləri artıqca, təbii ki, dolların məzənnəsinin artması da qaçılmaz olacaq".

463
Teqlər:
devalvasiya, məzənnə, Mərkəzi Bank, kredit, inflyasiya, manat, dollar
Mövzu:
Azərbaycan valyutasının ucuzlaşması (22)
Əlaqədar
Mərkəzi Bank 1 dolların 2 manat olması məsələsinə aydınlıq gətirdi
Mərkəzi Bank dollar krediti olanlara kömək edə bilər
Bakıda lombardlar da krediti dollarla tələb etməyə başladı
Dollar "qara bazar"ının "qəhrəmanlar"ı tutuldu
Elektrik xətləri, arxiv şəkli

Suqovuşanda "ağıllı şəbəkə" tətbiq olunur

6
(Yenilənib 12:53 22.04.2021)
Ağıllı Şəbəkə Konsepsiyası işğaldan azad olunan digər ərazilərdə olduğu kimi Suqovuşan ərazisində də tətbiq edilir. 35 kV-luq iki dövrəli xətt izoliyasiyalı kabellə çəkilir.

BAKI, 22 aprel — Sputnik. İşğaldan azad olunan Suqovuşan qəsəbəsinə 110/35/6 kv-luq Tərtər yarımstansiyasından 35 kV-luq elektrik veriliş xəttinin çəkilməsi işləri davam etdirilir. “Azərişıq” Açıq Səhmdar Cəmiyyətindən Sputnik Azərbaycan-a verilən məlumata görə, işğaldan azad olunan əraziləri elektrik enerjisi ilə təchiz etmək üçün kompleks tədbirlər davam etdirilir, “Azərişıq Qarabağda” layihəsi çərçivəsində Suqovuşan ərazisində işləri sürətləndirilib.

Suqovuşanda son vəziyyət
© Sputnik / Aleksey Kudenko

Ağıllı Şəbəkə Konsepsiyası işğaldan azad olunan digər ərazilərdə olduğu kimi Suqovuşan ərazisində də tətbiq edilir. 35 kV-luq iki dövrəli xətt izoliyasiyalı kabellə çəkilir. Belə xətlərdə itkilər minimuma enir, əlverişsiz hava şəraitinə daha dözümlüdür, buzlaşmaya qarşı daha dayanıqlıdır, həmçinin belə xətlərin keçdiyi ərazilərdə mühafizə zolağı daha az olur, xətlərə texniki xidmət xərci minimuma enir.

Suqovuşan qəsəbəsinin daxili şəbəkəsində isə 0.4 kv hava xətləri bərpa edilib, yeni SİP kabellər çəkilib. Qısa müddət ərzində qəsəbəyə elektrik enerjisinin verilişi bərpa ediləcək. Bunun üçün lazım olan bütün mal-material əraziyə göndərilib.

6
Teqlər:
elektrik, işıq, Suqovuşan
Suraxanı neft yatağı, arxiv şəkli

Azərbaycan nefti bahalaşıb

3
(Yenilənib 12:47 22.04.2021)
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 22 aprel — Sputnik. Azərbaycan neftinin qiyməti bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,16 dollar artaraq 65,37 dollar təşkil edib.

"Brent" markalı neftin qiyməti 0,26 dollar ucuzlaşaraq 65,06 dollar, "Light" markalı neftin qiyməti isə 0,27 dollar geriləyərək 61,08 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

3
Teqlər:
Azərbaycan, qiymət, neft
Mövzu:
Neft qiymətləri ətrafındakı ajiotaj
Bıçaq əlində qadın, arxiv şəkil

Qadın ərini ürəyindən bıçaqlayıb

0
(Yenilənib 14:17 22.04.2021)
Faktla bağlı Qaradağ rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

BAKI, 22 aprel — Sputnik. Aprelin 21-də saat 20 radələrində Qaradağ rayonu, Lökbatan qəsəbəsi ərazisində Əskərzadə Elvin Pənah oğlunun yaşadığı evdə bıçaqlanaraq öldürülməsi barədə rayon prokurorluğuna məlumat daxil olub.

Bu barədə Qaradağ rayon Prokurorluğundan Sputnik Azərbaycan-a verilən məlumatda bildirilib. Cinayət prosessual qanunvericiliyinin tələblərinə əsasən, prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Aparılmış ilkin araşdırmalarla zərərçəkmişin həyat yoldaşı Babayeva Sevda Rasim qızının şəxsi münasibətlər zəminində aralarında yaranmış mübahisə zamanı bıçaqla Elvin Əskərzadənin sol sinə nahiyəsinə xəsarət yetirərək sonuncunu qəsdən öldürməsinə əsaslı şübhələr müəyyən edilib.

Faktla bağlı Qaradağ rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Sevda Babayeva şübhəli şəxs qismində tutularaq istintaqa cəlb edilib.

Hazırda cinayət işi üzrə istintaq hərəkətləri davam etdirilir.

0