manat

Manat üçüncü dəfə devalvasiyaya uğraya bilər

505
Neftin qiymətinin get-gedə düşməsi milli valyutamız üçün arzuolunmaz perspektiv vəd edir

BAKI, 5 yan-Sputnik. "2016-cı ildə neftin qiymətində bahalaşma gözləmirəm, əksinə ucuzlaşma olacağını düşünürəm. Çünki, ABŞ da nəhayət ki, öz neftini dünya bazarına çıxardı. İran da neftini dünya bazarına çıxardır".

Bu fikirləri Sputnik-ə açıqlamasında millət vəkili Vahid Əhmədov səsləndirib. Deputatın fikrincə, son günlərdə Səudiyyə Ərəbistanı ilə İran arasında yaşanan siyasi böhran da neftin qiymətinə önəmli təsir göstərməyəcək.

Milli valyutamızın dəyəri ilə bağlı məsələyə gəldikdə, V.Əhmədov bildirdi ki, artıq 2015-ci ildə iki dəfə devalvasiya baş verib və üçüncü devalvasiya birbaşa neftdən asılıdır: "Yəni neftin qiymətində enmələr baş verərsə, devalvasiya mümkündür. Yox əgər neftin qiymətində azalmalar olmasa, artmalar olarsa, ola bilər devalvasiya olmasın".

Sputnik-ə açıqlamasında iqtisadçı ekspert Vüqar Bayramlı isə deyib ki, neftin bazar qiyməti birbaşa dünya bazarına çıxarılan neftin həcmindən asılıdır: "Nəzərə alsaq ki, gündəlik istehlak 94 milyon bareldir, amma dünya bazarına hər gün 97 milyon bareldən artıq neft çıxarılır. Neft 40 dollardan aşağı olduqda Maliyyə Nazirliyinin hazırladığı pessimist ssenari üzrə hökumət öz fəaliyyətini qurmalıdır".

Ekspertin sözlərinə görə, 2016-cı ildə dünya bazarında neftin qiyməti 40 dollar və daha az olarsa, bu, tədiyyə balansına təsir göstərəcək: "Bu, Mərkəzi Bankın yenidən 2016-cı ildə devalvasiyaya gedəcəyindən xəbər verir. Çünki, Mərkəzi Bankın rezervləri də artıq 1 milyard dollara qədər azalıb. Amma hansı hallarda Mərkəzi Bank, bütövlükdə hökumət devalvasiyadan yayına bilər? Nəzərə alsaq ki, ölkənin xarici borcu hazırda 7,6 milyard dollardır, bu, ümumi daxili məhsulun 20 faizi deməkdir. Bu baxımdan hazırda mövcud borc sistemini nəzərə alsaq, Azərbaycan hökumətinin əlavə 10 milyard dollar borc alma imkanları var".

V.Bayramlı hesab edir ki, bu addım imkan verəcək ki, cari tələbi xarici borclar hesabına ödəmək mümkün olsun: "Hansı ki, bir sıra inkişaf etməkdə olan ölkələr bu praktikadan istifadə ediblər. Eyni zamanda, xarici borclar cari tələbi ödəyəcək. Bu da imkan verəcək ki, devalvasiyadan qaçmaq mümkün olsun və ölkədə olan valyutanın həcmini artırmaq mümkün olsun. Eyni zamanda, xüsusən xarici ticarət daxil olmaqla, iqtisadiyyatda monopoliyanın tamamilə aradan qaldırılması ilə nəticələnən geniş islahatların aparılmasına ehtiyac var. Çünki, islahatlar strateji baxımdan ölkəyə valyutanın daxil olmasına imkan yaradacaq. Xüsusən monopoliyanın aradan qaldırılması imkan verəcək ki, ölkəyə daxil olan idxal məhsullarının qiymətlərində azalmalar olsun. Qiymətlər aşağı düşsün. Bu həm də kiçik və orta sahibkarlığın inkişafını stimmullaşdıracaq".

Qeyd edək ki, 2015-ci il dekabrın 21-dən Mərkəzi Bank üzən məzənnə rejiminə keçidlə bağlı qərar qəbul edib. Bu qərardan sonra dolların manata qarşı rəsmi məzənnəsi 1,55 manat səviyyəsində qərarlaşıb.

505
Teqlər:
manat, Vüqar Bayramov, Vahid Əhmədov, Mərkəzi Bank, devalvasiya
Mövzu:
Azərbaycan valyutasının ucuzlaşması (22)
Əlaqədar
2015: itkilər, həbslər və devalvasiya ili
Devalvasiya Formula 1 və İslam Oyunlarının büdcəsinə təsir etməyəcək
Azərbaycanı böyük risklər gözləyir: devalvasiyadan qaçmaq mümkün deyil
Ekspert: Növbəti devalvasiya Mərkəzi Bankın siyasətindən asılıdır
Kartof məhsulu, arxiv şəkli

Azərbaycana təzə tərəvəz idxalı kəskin artıb

8
Bu ilin 2 ayında ötən ilin müvafiq dövrü ilə müqayisədə ölkəyə xam şəkər və şəkər idxalı 2,5 dəfə, siqaretlər 45,6 faiz, dərman vasitələri 1,8 dəfə, məişət soyuducuları 20,7 faiz artıb

BAKI, 15 aprel — Sputnik. Bu ilin 2 ayında Azərbaycana təzə tərəvəz idxalı kəskin artıb.

Sputnik Azərbaycan Dövlət Statistika Komitəsinə istinadla xəbər verir ki, 2020-ci ilin yanvar-fevral ayları ilə müqayisədə 2021-ci ilin yanvar-fevral aylarında ölkəyə təzə tərəvəz idxalı 3,2 dəfə artıb.

Bundan başqa, bu ilin 2 ayında ötən ilin müvafiq dövrü ilə müqayisədə ölkəyə xam şəkər və şəkər idxalı 2,5 dəfə, siqaretlər 45,6 faiz, dərman vasitələri 1,8 dəfə, rezin şinlər 12,1 faiz, mineral gübrələr 2,0 dəfə, yük avtomobilləri 12,8 faiz, məişət kondisionerləri 8,0 faiz, məişət soyuducuları 20,7 faiz artıb.

8
Bakıda neft buruqları, arxiv şəkli

Azərbaycan nefti kəskin bahalaşıb

10
"Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

BAKI, 15 aprel — Sputnik. Azərbaycan neftinin qiyməti kəskin bahalaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 2,39 dollar artaraq 65,92 dollar təşkil edib.

"Brent" markalı neftin qiyməti 0,07 dollar artaraq 66,63 dollar, "Light" markalı neftin qiyməti isə 0,06 dollar bahalaşaraq 63,15 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

10
AstraZeneca peyvəndi, arxiv şəkli

Angela Merkel "AstraZeneca" ilə vaksinasiya olunacaq

0
Kansler prosedurun vacibliyini vurğulayaq bildirib ki, bəşəriyyət yalnız bu yolla pandemiyanın qarşısını ala bilər.

BAKI, 16 aprel — Sputnik. Almaniya Kansleri Angela Merkel cümə günü, aprel ayının 16-da "AstraZeneca" peyvəndi ilə vaksinasiya olunacaq. Bu barədə "Welt" nəşri məlumat yayıb.

Qeyd edək ki, Merkel bir qədər bundan əvvəl koronavirus infeksiyasına qarşı "AstraZeneca" preparatı ilə vaksinasiyaya hazır olduğunu, ancaq növbəsini gözlədiyini bildirmişdi.

Kansler bu prosedurun vacibliyini də vurğulayaq bildirib ki, bəşəriyyət yalnız bu yolla pandemiyanın qarşısını ala bilər.

Xatırladaq ki, Avropa Dərman Agentliyi "AstraZeneca"-nın qanda laxtalanmaya səbəb olduğunu rəsmi şəkildə təsdiqləyib. Agentliyin səlahiyyətli nümayəndəsi Marko Kavaleri İtaliya mətbuatına bu barədə açıqlama verib. "Məncə, artıq bunu söyləyə bilərik: açıq-aşkar qan laxtalanması ilə peyvənd arasında əlaqə var", – deyə o bildirib.

Maraqlıdır ki, Avropa Dərman Agentliyinin direktoru Emer Kuk isə bu barədə açıqlama verərək bildirmişdi ki, "AstraZeneca" peyvəndi tamamilə təhlükəsizdir: "Bu, çox effektli və təhlükəsiz peyvənddir. Peyvəndin insanları koronavirusdan qoruması ilə bağlı faydaları ehtimal olunan risklərindən daha çoxdur".

Bir müddət bundan əvvəl bir sıra ölkələr, o cümlədən, Danimarka, İsveç, Almaniya, Fransa və İtaliya sözügedən preparatla vaksinasiya prosesinə ara verib. Daha sonra Danimarka "AstraZeneca"-nın peyvəndinin tətbiqini tamamilə dayandırıb.

0