Yolka

Manatın devalvasiyası "yolkalar"ı da vurdu

162
(Yenilənib 16:27 29.12.2015)
Satıcılar deyir ki, insanlar bayram aksessuarları almağa maraq göstərmirlər

Manatın devalvasiyası "yolkalar"ı da vurdu
BAKI, 29 dek-Sputnik. 2016-cı ili qarşılamağımıza sayılı günlər qaldığından paytaxt Bakıda Yeni İl hazırlıqları sürətlənib. Şəhərin müxtəlif yerlərində, insanların kütləvi toplaşdıqları məkanlarda küknar ağacları quraşdırılıb, mərkəzi küçələr müxtəlif işıq effektləri ilə bəzədilib. Eyni zamanda, Yeni İlin simvolu sayılan Şaxta baba və Qar qız da öz yerlərini alıblar. Xırda ticarətçilər də iş başındadırlar. Küçələrdə bayram şamlarından tutmuş Şaxta baba papağınadək müxtəlif bayram aksessuarları satılan piştaxtalar saysız-hesabsızdır.

"Sputnik"in əməkdaşı paytaxtın müxtəlif yerlərində bayram yarmarkalarını xatırladan satış mərkəzlərinə baş çəkib.

Metronun "İnşaatçılar" stansiyası ətrafında yalnız yerli istehsal olan küknar ağacları satılır ki, onların da qiyməti 20 manatdan başlayır, xaricdən gətirilənlər isə 50 manatdan təklif olunur. Amma satıcılar deyir ki, qiyməti baha olan xarici küknar ağaclarını alan azdı, demək olar ki, yox dərəcəsindədir. Bayram ağacının bəzək əşyaları isə bu qiymətlərə təklif olunur: 6 ədəd xırda oyuncaq 5 manat 50 qəpik, nisbətən böyükləri 8 manat, asılmaq üçün lazım olan mini-şam ağacı fiqurları 7 manat, oyuncaq meymunlar ölçüsündən asılı olaraq 5-10 manat, zərlər isə 1 manat 50 qəpik və 3 manat arasında dəyişir.

Bayram aksessuarları
Sputnik
Bayram aksessuarları

Şəhərin Hüseyn Cavid prospektində yerləşən "Ağ çiçəyim" gül salonun satıcısının sözlərinə görə, Yeni İldə küknar ağacı bəzəmək ənənəsi Azərbaycanda da geniş yayılıb əvvəllər bayram aksessuarlarına maraq olsa da, devalvasiyadan sonra münasibət dəyişilib: "Qiymətlər də ucuzdur. Satılan şarlar 10-50 qəpik, süni küknar ağacları  ölçüsündən asılı olaraq 50-850 manat, ağacı bəzəmək üçün lazım olan aksessuar 6-50 manat, Şaxta baba 5-250 manat, Şaxta babanın paltarları 15-320 manat, müxtəlif növlü maskalar isə 5-10 manat arasında satışa çıxarılıb".

Söhbətləşdiyimiz satıcının sözlərinə görə, bu il satış çox zəifdir: "Çeşid bolluğudur. Ancaq "yolkalar" xaricdən gəldiyindən qiymətlərdə artım var".

Növbəti üz tutduğumuz məkan şəhərin mərkəzi olur. Hər il olduğu kimi Nizami küçəsində də piştaxtalar quraşdırılaraq bayrama aid müxtəlif aksessuarlar satırlar. Eyni zamanda buradakı bir neçə mağazaya baş çəkib qiymətlərlə də maraqlandıq. Satıcılar deyir ki, keçən illə müqayisədə bu il alver nisbətən sönükdür, baxmayaraq ki, qiymətlər dəyişməyib.

Satıcılar bildirdilər ki, gün ərzində cəmi 4-5 alıcımız olur ki, onların da çoxu qiymətlərlə maraqlanmaqla kifayətlənir.

162
Teqlər:
Nizami, Ağ çiçəyim, Hüseyn Cavid, yolka, Yeni il, Qar qız, Şaxta Baba
Mövzu:
Azərbaycan valyutasının ucuzlaşması (22)
Əlaqədar
Manat yenə ucuzlaşdı
Bayram günlərində heç 2 manata da 1 dollar tapa bilməyəcəyik
Mərkəzi Bank 1 dolların 2 manat olması məsələsinə aydınlıq gətirdi
Dollar sabah iki manat ola bilər
Əlində polietilen torba olan qadın, arxvi şəkli

Polietilen torbalar plastik məmulatların satışı qadağan ediləcək

10
(Yenilənib 21:16 26.11.2020)
Qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qab-qacağın sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması, verilməsi qadağan edilir.

Xalid Məmmədov, Sputnik Azərbaycan

BAKI, 26 noyabr — Sputnik. Azərbaycanda gələn ildən polietilen torbalar və plastik məmulatların satışı qadağan ediləcək.

Sputnik Azərbaycan xəbər verir ki, bununla bağlı məsələ Milli Məclisin bu gün keçirilən iclasında müzakirə edilən "Ətraf mühitin mühafizəsi haqqında" qanun layihəsinə təklif edilən dəyişikliklərdə əksini tapıb.

Qeyd edilib ki, layihə ölkə Prezidentinin 2019-cu il 7 fevral tarixli "Azərbaycanda plastik qablaşdırma tullantılarının ətraf mühitə təsirinin azaldılmasına dair 2019-2020-ci illər üçün Tədbirlər Planı"na əsasən hazırlanıb. Qalınlığı az olan plastik torbalar çürüməyə qarşı davamlı olduğu üçün təbiətin çirklənməsində daha böyük rol oynayır.

Sənədə təklif olunan dəyişiklikdə qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi qadağan edilir.

Bu Qanunun müddəaları polietilen torbalara münasibətdə 2021-ci il yanvarın 1-dən, birdəfəlik istifadə üçün nəzərdə tutulan plastik qarışdırıcı çubuq, çəngəl, qaşıq, bıçaq, boşqab və stəkanlara münasibətdə isə 2021-ci il iyulun 1-dən qüvvəyə minir.

İclasda həmçinin İnzibati Xətalar Məcəlləsinə dəyişiklik edilməsi barədə qanun layihəsi də müzakirə edilib. Təklif olunan dəyişikliklər "Ətraf mühitin mühafizəsi haqqında" qanun layihəsinə edilən dəyişikliklərə əsasən, qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsi ilə bağlı müddəaların pozulmasına görə inzibati məsuliyyət hallarını özündə ehtiva edir.

Hər iki dəyişiklik müzakirələrdən sonra səsə qoyularaq sonuncu oxunuşda qəbul edilib.

10
Teqlər:
plastik, plastik qablar, polietilen torbalar, Ətraf Mühitin Mühafizəsi Departamenti
Qaz plitəsi, arxiv şəkli

Camaat bu il qaza xeyli qənaət edib, limiti çox az abonent keçib

11
“Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

BAKI, 26 noyabr — Sputnik. 2020-ci ilin 10 ayının iqtisadi göstəricilərinə görə, noyabr ayının birinə olan məlumata əsasən, “Azəriqaz” İstehsalat Birliyində qeydiyyatda olan 2 milyon 310 min 414 əhali abonentinin cəmi 9,68%-i illik hər kubu 10 qəpikdən satılan 2200 kubmetrlik güzəştli limit həddini keçib.

Qurumdan Sputnik Azərbayca-a verilən məlumata görə, bu rəqəm say etibarı ilə 223599 abonent deməkdir. Yerdə qalan 2 milyon 086 min 815 abonent (ümumi əhali abonentlərinin 90,32%) qazdan güzəştli limit daxilində istifadə edib.

Bundan əlavə, 2019-cu ilin müvafiq dövrü ilə müqayisədə qaz itkilərinin azalma fərqi 0,7% olub. Buna hər il icra edilən tədbirlər proqramı əsasında şəbəkədə aparılan yenilənmə işləri və digər islahatlarla nail olunub. Qeyd edək ki, “Yol xəritəsi”ndə “Azəriqaz” İB üçün itkilərlə bağlı hədəf 8% müəyyənləşdirilib ki, cari ildə bu hədəfə çatılması təmin ediləcək.

11

Çavuşoğlu Qarabağ məsələsini NATO-nun gündəminə gətirdi

0
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

0
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO