OPEC

OPEK neftin qiymətinin sabitləşdirilməsi üçün sammit keçirə bilər

374
Venesuela prezidenti Nikolas Maduro neftin qiymətinin sabitləşdirilməsi mexanizmlərinin razılaşdırılması üçün OPEK sammiti keçirməyi təklif edib.

BAKI, 6 sent-Sputnik. Venesuela prezidenti Nikolas Maduro neftin qiymətinin sabitləşdirilməsi mexanizmlərinin razılaşdırılması üçün OPEK (OPEC) sammiti keçirməyi təklif edib. 
Sputnik xəbər verir ki, bunu Qətərdə səfərdə olan Nikolas Maduro yerli Telesur telekanalına telefon vasitəsilə verdiyi müsahibədə bildirib.
Venesuela prezidentinin sözlərinə görə, o bu təkliflə Qətərin əmiri şeyx Tamim bin Həməd əl Taniyə də müraciət edib. Maduro qeyd edib ki, dünyada enerji daşıyıcılarına artan tələbat neftin qiymətinin sabitləşməsinin labüdlüyünü şərtləndirir: "Enerji sahəsinə yatırılan sərmayələrin əsası və yuxarı həddi olmalıdır, tələbat durmadan artır" — deyə Maduro qeyd edib.

374
Teqlər:
Tamim bin Həməd əl Taniyə, Qətər, Venesuela, Nikolas Maduro, Neft, OPEC, OPEC, Venesuela prezidenti Nikolas Maduro, Venesuela
Manat, arxiv şəkli

Əmanətçilərə kompensasiya ödənişində vəziyyət yerdədir?

14
(Yenilənib 13:16 23.11.2020)
Azərbaycan Mərkəzi Bankı və Əmanətlərin Sığortalanması Fondunun birgə fəaliyyəti əsasında fondun hazırlanan yeni strateji modelinin bu ilin sonunadək formalaşdırılması nəzərdə tutulub

BAKI, 23 noyabr — Sputnik. Noyabrın 20-nə Əmanətlərin Sığortalanması Fondu (ADIF) tərəfindən bağlanmış "AG Bank", "Amrah Bank", "NBC Bank" və "Ata Bank" üzrə 23 min 837 əmanətçiyə 586,5 milyon manatdan çox kompensasiya ödənişi həyata keçirilib.

Sputnik Azərbaycan Əmanətlərin Sığortalanması Fonduna istinadla xəbər verir ki, bu il iyunun 16-dan noyabrın 20-dək ləğv prosesində olan "AG Bank" və "NBC Bank"ın əmanətçilərinə "Azərbaycan Beynəlxalq Bankı" tərəfindən 214,86 milyon manat kompensasiya ödənilib. "AG Bank" üzrə 4462 əmanətçiyə 95,52 milyon manat, "NBC Bank" üzrə isə 4089 əmanətçiyə 119,34 milyon manatdan çox kompensasiya ödənilib. İyunun 1-dən noyabrın 20-dək "Kapital Bank" tərəfindən "Amrah Bank" və "Ata Bank"ın əmanətçilərinə 371,64 milyon manatdan çox kompensasiya ödənişi həyata keçirilib. Hesabat dövründə "Amrah Bank" üzrə 5685 əmanətçiyə ödənilən kompensasiyanın məbləği 137,99 milyon manat, "Ata Bank" üzrə 9601 əmanətçiyə isə 233,64 milyon manat təşkil edib.

Fond tərəfindən son bağlanmış banklar üzrə əmanətçilərin kompensasiyalarının təmin edilməsi artıq yekunlaşmaq üzrədir. Tam ödənilmə prosesi qısa zaman içərisində qanunla müəyyən olunmuş qaydada yekunlaşdırılacaq.

Azərbaycan Mərkəzi Bankı və Əmanətlərin Sığortalanması Fondunun birgə fəaliyyəti əsasında fondun hazırlanan yeni strateji modelinin bu ilin sonunadək formalaşdırılması nəzərdə tutulub. Qeyd edək ki, yeni strateji modelin hazırlanması ölkə iqtisadiyyatına, bank sektoruna və əmanətçilərə öz yüksək töhfəsini verməsi gözlənilir. Bağlanmış banklarda problemlərlə üzləşmiş əmanətçilərin nəzərinə çatdırılır ki, sözügedən məsələ ilə əlaqədar vəsaitlərin qanunvericiliyə müvafiq qaydada və qısa müddətdə qaytarılmasının təmin edilməsi ilə bağlı Əmanətlərin Sığortalanması Fondu tərəfindən bütün lazımi tədbirlər görülür.

14
Teqlər:
kompensasiya, əmanət, banklar
Neft buruğu, arxiv şəkli

Neft bahalaşır

12
(Yenilənib 12:34 23.11.2020)
Dünya birjalarında neft qiymətləri bahalaşıb. "Brent" markalı neftin bir barelinin qiyməti 45,34 dollara satılıb.

BAKI, 23 noyabr — Sputnik. Dünya birjalarında neft qiymətləri bahalaşıb.

Sputnik Azərbaycan xəbər verir ki, "Brent" markalı neftin bir barelinin qiyməti 0,38 dollar artaraq 45,34 dollar, "Light" markalı neftin bir barelinin qiyməti isə 0,29 dollar bahalaşaraq 42,71 dollar olub.

Keçən həftə ərzində "Azeri Light" markalı neftin orta qiyməti isə 44,38 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

12
Teqlər:
bahalaşma, neft
Mövzu:
Neft qiymətləri ətrafındakı ajiotaj
Rusiyalı minaaxtaran, arxiv şəkli

Rusiya SQ-nın istehkamçıları Qarabağda minatəmizləmə əməliyyatına başlayıblar

0
(Yenilənib 21:33 23.11.2020)
Pavel Pautov deyib ki, bu gündən istehkamçılar yerlərdə humanitar minatəmizləmə əməliyyatına başlayıblar. Birinci mərhələdə onlar Rusiya hərbi kontingentinin stasionar postlarının tikiləcəyi yerlərdə partlamaq təhlükəsi olan predmetlərin mövcudluğunu yoxlayacaqlar.

BAKI, 23 noyabr — Sputnik. Rusiya Silahlı Qüvvələrinin (SQ) istehkamçıları Dağlıq Qarabağda sülhməramlıların cavabdeh olduğu ərazilərdə minatəmizləmə əməliyyatına başlayıblar.

Sputnik Azərbaycan Rusiya mediasına istinadla xəbər verir ki, bunu Rusiya hərbi kontingentinin mühəndis xidmətinin rəisi polkovnik-leytenant Pavel Pautov bildirib.

"Bu gündən istehkamçılarımız yerlərdə humanitar minatəmizləmə əməliyyatına başlayıblar. Birinci mərhələdə onlar yerlərdə partlayıcı təhlükəli predmetlərin mövcudluğunu yoxlayacaqlar, harada ki, Rusiya hərbi kontingentinin stasionar postları tikiləcək" - deyə rusiyalı hərbçi vurğulayıb.

0
Teqlər:
sülhməramlılar, Rusiya, Mina