Funt dollar avro

Ekspert: Pullarınızı dollar funt-sterlinqdə saxlayın

177
(Yenilənib 21:53 09.07.2015)
Azərbaycanın milli valyutası olan manat devalvasiyaya uğradıqdan sonra vətəndaşlar öz pullarını daha etibarlı valyutalarda saxlamaq barədə çox düşünürlər.

BAKI, 9 iyul — Sputnik. Azərbaycanın milli valyutası olan manat devalvasiyaya uğradıqdan sonra vətəndaşlar öz pullarını daha etibarlı valyutalarda saxlamaq çox düşündürür. Azərbaycan manatının gələcəyinə ümid etməyən insanlar öz pullarını daha çox dollar, avro, funt-sterlinqdə saxlamağa üstünlük verirlər.

Məsələnin aktuallığını nəzərə alaraq iqtisadçı alimlərin mövqeyini öyrənməyə çalışdıq. İqtisadçı Qubad İbadoğlu vətəndaşlara pullarını daha çox ABŞ dolları və ingilis funt-sterlinqində saxlamağı təklif edir: “Əgər vətəndaş əlində olan pulun  dəyərdən düşməsini istəmirsə və onu daha etibarlı valyutada saxlamaq istəyirsə, o zaman pulunu dollara və yaxud  funt-sterlinqə çevirsin. Bir il bundan əvvələ qədər mənə belə suallarla müraciət edənlərə çox asanlıqla qısamüddətli dövrdə (1 ilə qədər) manatla, uzunmüddətli dövrdə (1 ildən çox) isə dollarla cavabını verirdim. Əslində o zaman bu sualı cavablandırmaq qədər də çətin deyildi. Əsas çətinlik indi yaranıb. Ona görə də indi yığımları valyutaya çevirərkən daha çox ethiyatlı olmaq lazımdır”.

Onun fikrincə, banklar etibarlılığını itirdiklərinə görə bəzi vətəndaşların sərəncamında xeyli miqdarda sərbəst vəsait var: “Belə ki, yalnız may ayında banklardan 116,1 mln. manatlıq əmanət geri çəkilib və beləliklə də Azərbaycanda əhalinin bank əmanətlərinin ümumi həcmi 2015-ci il iyunun 1-nə 7 milyard 601 milyon 100 min manat təşkil edib. Digər tərəfdən də dünya valyuta bazarı hazırda siyasi qərarlara xeyli həssas olub. Belə ki, avronun taleyi Yunanıstandakı borc böhranından, Azərbaycan manatının məzənnəsi də avro və dolların məzənnələrindəki dəyişikliklərdən və neft qiymətlərindən asılı vəziyyətə düşüb. Əgər 1 il bundan əvvəl 73 avrosentə 1 dollar alırdıqsa, indi 1 dollar almaq üçün 91 avrosent ödəməliyik. Eyni ilə də 1 il öncə 1 dolları almaq üçün 78 qəpik ödəyirdiksə, hazırda 1 manat 5 qəpik ödəmək məcburiyyətindəyik. 1 il bundan əvvələ qədər Azərbaycan vətəndaşları öz vəsaitlərini dollar, avro və manatla saxlayırdılarsa, indi əksəriyyət ABŞ dollarına üstünlük verir.”

Qubad İbadoğlu
amerikaninsesi.org
Qubad İbadoğlu

İqtisadçı alim hesab edir ki, əslində valyuta bazarında baş verən dəyişikliklərdən əmanətlərin dəyərsizləşməsini sığorta eləmək üçün şaxələnmiş valyuta səbətinin formalaşması yaxşı yanaşmadır: “Amma gərək bu səbətdə saxlanılan valyutaları və onların xüsusi çəkisini düzgün müəyyənləşdirəsiniz. Səbətə daxil olacaq valyutalardan birinin ABŞ dolları olması artıq heç kəsdə şübhə doğurmur. Başqa hansı valyutalar ötən 1 ildə sabitliyini saxlayıb sualına cavab verməklə digər valyutalar barədə də qərar vermək olar. Ötən 1 ildə ABŞ dollarına nəzərən möhkəmlənən valyutalardan biri də Venesuelanın bolivarıdır. Neftin qiymətinin ucuzlaşmasına baxmayaraq, Venesuala höküməti hələ də milli valyutasının sabitliyini qoruyur. Lakin, bu o demək deyil ki, yığımlarınızı bolivarda saxlayın. Ötən 1 il ərzində Çin yuanının (Yunanıstanda referenduma qədər), Honq Konq dollarının, Səudiyyə rialının ABŞ dollarına nəzərən məzənnəsi də dəyişməyib. Bu dövr ərzində nisbətən sabit valyuta İsveçrə frankı, İngilis funtu, Kanada dolları, Hind rupisi, Argentina pesosu sayıla bilər. Onlar ABŞ dollarına nəzərən ötən 1 ildə dəyərini cüzi olaraq itiriblər. Riskli valyutalar siyahısına isə rus rublu başçılıq edir. Son 1 ildə 34.4 rubldan 57,3 rubla qədər zəifləyən rus valyutasının gələcək taleyi də tutqun görünür. Türkiyə lirəsinə gəlincə, dövr ərzində onun ABŞ dollarına nəzərən məzənnəsi 2,13-dən 2,69 qədər dəyişib. Beləliklə də yığımları az olanlar üçün güvəncli valyuta ABŞ dolları, çox olanlar üçün isə əsasən ABŞ dolları qismən isə İsveçrə frankı, İngilis funtu, Kanada dolları, Hind rupisi, Argentina pesosu tövsiyyə oluna bilər.”

177
Teqlər:
əmanətlərin geri çəkilməsi, sərbəst vəsait, avrosent, iqtisadçı alim, manatın devalvasiyası, avro, funt sterlinq, dollar, Pul yığımı, Mərkəzi Bank, İqtisadçı Qubad İbadoğlu, Azərbaycan
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

4
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

4
Teqlər:
nazirlər, OPEC, Müzakirələr
ARDNF

ARDNF bu il valyuta satışını 16,6% artırıb

8
(Yenilənib 14:46 01.12.2020)
Dövlət Neft Fondu tərəfindən valyuta hərraclarında 2020-ci ilin noyabr ayı ərzində 495,5 mln. ABŞ dolları məbləğində vəsait satılıb

BAKI, 1 dekabr — Sputnik. Azərbaycan Respublikası Dövlət Neft Fondu (ARDNF) tərəfindən noyabr ayı ərzində valyuta hərraclarında 495,5 milyon ABŞ dolları məbləğində vəsait satılıb.

Bu barədə Sputnik Azərbaycan-a ARDNF-in İctimaiyyətlə əlaqələr departamentindən bildirilib.

Noyabrda valyuta satışında oktyabr ayı ilə müqayisədə 11,6% azalma qeydə alınıb. Belə ki, 2020-ci ilin okyabrında ARDNF tərəfindən 560,3 mln. dollar məbləğində vəsait satılıb. Bu, ötən ilin noyabr ayına nisbətən 8,2% azdır.

Bundan başqa, bu ilin yanvar-noyabr aylarında ARDNF tərəfindən 6665,9 mln. dollar məbləğində vəsait satılıb ki, bu da ötən ilin 11 ayı ilə müqayisədə 16,6% çoxdur.

8
Teqlər:
vəsait, ABŞ dolları, Azərbaycan Respublikası Dövlət Neft Fondu, valyuta
Министерство труда и социальной защиты населения

Şəhid ailələri qazilərə ödəniləcək müavinətlərlə bağlı açıqlama verildi

8
Talıbov deyib ki, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri məlumatsızlıqdan irəli gəlir.

BAKI, 1 dekabr - Sputnik. Azərbaycanın ərazi bütövlüyü uğrunda döyüşlərdə şəhid olmuş qəhrəmanlarımızın ailələri və bu döyüşlərdə sağlamlığını itirmiş insanlarımız cənab Prezidentin tapşırığına uyğun olaraq hərtərəfli sosial təminat sistemi ilə əhatə olunublar.

Sputnik Azərbaycan xəbər verir ki, bu barədə Əmək və Əhalinin Sosial Müdafiəsi Nazirliyinin İctimaiyyətlə əlaqələr şöbəsinin müdiri Fazil Talıbov məlumat verib.

Onun sözlərinə görə, bəzi sosial şəbəkə istifadəçilərinin şəhid ailələri və müharibə əlillərinin yalnız təqaüdlə təmin edildiyi barədə fikirləri isə məlumatsızlıqdan irəli gəlir. Onlar digər sosial ödənişlərlə (pensiya, müavinət) və sosial proqramlarla da əhatə olunurlar:

- Şəhidin vərəsələrinə sığorta ödənişi (11 min manat) verilir.
- Müharibə əlillərinə sığorta ödənişi (I dərəcə əlilliyi olan şəxslərə 8800 manat, II dərəcə əlilliyi olan şəxslərə 6600 manat, III dərəcə əlilliyi olan şəxslərə 4400 manat) ödənilir.

Əlavə olaraq, şəhid ailəsi üzvlərinə və müharibə əlillərinə:
- Əmək stajından asılı olaraq pensiya və ya müavinət ödənilir (orta məbləğ 400 manat);
- Onların əmək pensiyasının sığorta hissəsinə əlavə (55-110 manat) ödənilir;
- Prezidentin aylıq təqaüdü (210-300) ödənilir;
- Şəhid ailələrinin üzvlərinin və müharibə əlillərinin övladları və özləri təhsil haqqı ödəməkdən azad olunur;
- Protez və reabilitasiya vasitələri ilə pulsuz təmin olunurlar;
- Sanator-kurort müalicəsi üçün ildə 1 dəfə pulsuz göndərişlərlə təmin olunurlar;
- Aktiv məşğulluq proqramlarında (özünüməşğulluq, ödənişli ictimai işlər və s.) onlara üstünlük verilir;
- Onların məşğulluğunun təmin edilməsi üçün bütün işəgötürənlər üçün (dövlət və özəl) məcburi kvota müəyyən edilib;
- Şəhid ailəsi üzvləri və müharibə əlilləri üçün vergi, əmək qanunvericiliyində və s. üçün bir sıra güzəştlər də nəzərdə tutulub.

Ən önəmlisi isə mənzil şəraitinin yaxşılaşdırılmasına ehtiyacı olan şəhid ailələri və Qarabağ müharibəsi əlillərinə mənzillər və fərdi evlər, habelə müharibə əlillərinə avtomobillər dövlət tərəfindən təqdim edilir. İndiyədək bu kateqoriyadan olan şəxslərə 9000-ə yaxın mənzil və fərdi ev, habelə 7000-ədək avtomobil verilmişdir. Bu proqram hazırda uğurla davam etdirilir.

Beləliklə, şəhid ailələri və müharibə əlilləri mənzil və avtomobil təminatı, habelə birdəfəlik sığorta ödənişi ilə yanaşı, orta hesabla aylıq əsasda 700 manat sosial ödəniş alırlar. Bu ödənişlərin daha da təkmilləşdirilməsi, onların sosial müdafiəsinin daha da yaxşılaşdırılması istiqamətində mütəmadi iş aparılır.

8