Bakı Caz festivalı - 2019, arxiv şəkli

Builki caz festivalı Azərbaycanın qəhrəman şəhidlərinin xatirəsinə həsr olunub

13
(Yenilənib 18:33 07.09.2021)
Bütün çətinliklərə baxmayaraq, Bakı Caz Festivalı beynəlxalq səviyyədə qalır və dünyanın hər yerindən ən yaxşı musiqiçiləri öz qanadı altında toplayacaq yüksək standartlara malikdir.

BAKI, 7 sentyabr — Sputnik. 16-cı Beynəlxalq Bakı Caz Festivalı Azərbaycanın qəhrəman şəhidlərinin xatirəsinə, eləcə də çətin zamanların ağırlığı altında əyilməyən caz musiqisinin ruhuna həsr olunub. Sputnik Azərbaycan xəbər verir ki, bu il Bakı Caz Festivalı ənənəvi festivaldan klub formatında keçirilməsi ilə fərqlənəcək. Mövcud məhdudiyyətlər Bakı caz həvəskarlarını az sayda oturacaqlı yeraltı klublarda toplayacaq.

Bütün çətinliklərə baxmayaraq, Bakı Caz Festivalı beynəlxalq səviyyədə qalır və dünyanın hər yerindən ən yaxşı musiqiçiləri öz qanadı altında toplayacaq yüksək standartlara malikdir. Festivala Hollandiya, Macarıstan, Türkiyə, Rusiya, İsrail, Almaniya, Lüksemburq və Gürcüstandan qruplar qatılacaq. Tədbirdə xarici həmkarları ilə birlikdə azərbaycanlı cazmenlər - Əməkdar artistlər Rain Sultanov, İsfar Sarabski, Şahin Növrəsli, musiqiçilər Elbəy Məmmədzadə, Elvin Bəşirov, Diana Hacıyeva, Əfqan Rəsul və Nicat Aslanov çıxış edəcəklər.

Bakı Caz Festivalı həm də ənənəvi olaraq keçirilən və artıq istedadlı musiqiçilər nəslini yetişdirən gənc caz ifaçılarının yarışmasıdır.

Sentyabrın 10-da “Jazz & Art” çərçivəsində azərbaycanlı rəssamlar Hüseyn Haqverdiyev, Bəhram Xəlilov, Rüstəm Hüseynov, Arif Quluzadə tərk edilmiş məkanı dəyişdirəcək və onu təzə caz improvizasiyası kimi yeni məna və ruhla dolduraraq, yeni şəkildə təqdim edəcəklər.

11-12 sentyabr tarixlərində Art Tower-də caz-kino proqramı çərçivəsində keçən əsrin film-əfsanələri nümayiş etdiriləcək. Filmlər orijinal dillərində nümayiş olunur. Film tənqidçisi Ülvi Mehdi caz və kino bilicilərini audiovizual harmoniyanın təntənəli atmosferinə dalmağa dəvət edir.

Sentyabrın 17-də “Jazz & Art” festivalı istiqaməti çərçivəsində dizayner Leyla Əhmədovanın moda nümayişi baş tutacaq. Caz mövzusunda qlobal moda sənayesində rezonans yaratmağı vəd edən tamamilə yeni bir kolleksiya təqdim ediləcək.

Bu il də Bakı Caz Festivalının ayrılmaz hissəsi olaraq ustad dərsləri keçiriləcək.

13
İbrahim Tatlısəs, arxiv şəkli

İbrahim Tatlısəsə həbs cəzası kəsildi, amma o, konsert verəcək

743
(Yenilənib 12:49 23.09.2021)
Məhkəmə hökmün elan edilməsini təxirə salıb. Müğənni İbrahim Tatlısəsin "Tatlıses TV"nin baş meneceri Fulya Akbay Toprakı hədələdiyi və təhqir etdiyi iddia olunur.

BAKI, 23 sentyabr — Sputnik. Müğənni İbrahim Tatlısəsin "Tatlıses TV"nin baş meneceri Fulya Akbay Toprakı hədələdiyi və təhqir etdiyi iddia olunub. Tatlısəsin 4 ilə qədər həbs cəzasına məhkum edilməsi gözlənilən şikayətlə bağlı yekun qərar verilib.

Sputnik Azərbaycan Türkiyə mətbuatına istinadən xəbər verir ki, məhkəmədə Fulyanın vəkili Şeyda Yıldırım ifaçının müvəkkilinə təhqiramiz mesajlar göndərdiyini də bildirib.

Tatlısəs isə öz növbəsində ona ünvanlanan ittihamları inkar edərək deyib: "Şirkət işlərini Fulya və digər işçilərə həvalə etmişdim. Daha sonra şirkətdə qanun pozuntuları olduğunu öyrəndim və işlərinə son verdim. Sözügedən mesajlar mənə aid deyil".

Üç həftə əvvəl yekunlaşan istintaqın nəticəsi açıqlanıb. Məhkəmə İbrahim Tatlısəsə işçisini təhqir etdiyi üçün 740 lirə cərimə və təhdid ittihamı ilə əlaqədar 2 ay 15 gün həbs cəzası verib.

Onu da qeyd edək ki, bu gün uzun illərdir səhnələrdən uzaq düşən müğənni İbrahim Tatlısəs 12 il fasilədən sonra ilk dəfə səhnədə sevənlərinin qarşısına çıxacaq. Baş tutacaq konsertinin səhnə dizaynına 1,5 milyon lirə (təxminən 294 min manat) xərclənib. Konsertə biletlər isə 2 saat müddətində satılıb.

Qeyd edək ki, İbrahim Tatlısəs İstanbul Kuruçeşmədə səhnəyə çıxacaq.

743
Azərbaycanlı müğənni Zamiq Hüseynov

Zamiq türkcə oxuduğu mahnıya klip çəkdi

13
(Yenilənib 21:31 22.09.2021)
Zamiqin türk dilində ifalarından ibarət olan albomu və yeni klipi "Youtube"da "Net Müzik" adlı populyar musiqi platformasına yerləşdirilib.

BAKI, 22 sentyabr — Sputnik. Müğənni Zamiq Hüseynov yeni albomunu təqdim edib. Sputnik Azərbaycan xəbər verir ki, bu barədə özünün "Instagram" hesabında məlumat verib. Sənətçi uzun müddətdir Türkiyədə hazırladığı "5 günlük dünya" adlı albomunu sevənlərinin ixtiyarına verib. İfaçı bununla yanaşı, alboma daxil olan "Hep biri var" mahnısına da ekran həyatı verib.

Zamiqin türk dilində ifalarından ibarət olan albomu və yeni klipi "Youtube"da "Net Müzik" adlı populyar musiqi platformasına yerləşdirilib.

Yeni layihəsi ilə bağlı danışan sənətçi "bu 5 günlük dünyada hər kəsə sağlam və xoşbəxt olmağı diləyirəm" deyərək tamaşaçılarına xoş dinləmələr arzulayıb.

Eləcə də oxuyun:

13
Teqlər:
müğənni, Zamiq Hüseynov, klip, albom, video, mahnı

Putinlə danışıqlarda önəmli qərarlar veriləcəyinə ümid edirəm - Türkiyə prezidenti