Azərbaycan hərbçisi, arxiv şəkli

Əsir düşmüş qazimiz haqqında çəkilən film ingilislərin diqqətini cəlb edib

185
(Yenilənib 00:29 25.08.2021)
Filmdə İkinci Qarabağ müharibəsindən sonra baş vermiş hadisələr göstərilir. Asiya adlı personajın uşaqlıq həyatı Birinci Qarabağ müharibəsinə əsaslansa da filmdəki bəzi hadisələr real faktlara dayanır.

BAKI, 25 avqust — Sputnik. Gənc rejissor Ruslan İbrahimli "Əngəlsiz sevgi" filmini lentə alıb. Bu barədə Sputnik Azərbaycan-a danışan rejissorun sözlərinə görə, film hərbi vətənpərvərlik mövzusundadır. Haqqında danışılan film qazi Müşfiq Əliyevdən bəhs edir.

Filmin qəhrəmanı doğma torpağının düşmənlərdən azad olunması uğrunda mərdliklə vuruşan zaman partlayış nəticəsində yaralanaraq əsir düşür, amma düşmən qarşısında əyilməyən hərbçi, bir müddətdən sonra gözlərini öz ölkəsində açdıqda əlil arabasına məhkum olduğunu görür. Asiya isə sadə həyat sürən bir şəhid qızıdır. O, xəstəxanalarda könüllü olaraq tibb bacısı işləyir. Sonra isə yaralı Müşfiqin baxıcısı olaraq işləməyə qərar verir.

Filmdə İkinci Qarabağ müharibəsindən sonra baş vermiş hadisələr göstərilir. Asiyanın uşaqlıq həyatı Birinci Qarabağ müharibəsinə təsadüf etsə də, filmdəki bəzi hadisələr real faktlara əsaslanır:

"Filmin çəklişi 5 ay davam etdi. Daha sonra film İngiltərənin beynəlxalq The Lift-Off Global Network film festivalı tərəfindən seçildi. Filmin primyerası 1 həftə ərzində baş tutdu. Festivalda 23 ölkədən filmləri izlədilər. Bizim film proqrama daxil edilmiş 113 film arasında 69-cu sırada yer alıb. Müsabiqədə olan filmmeykerlərin bəziləri erməni əsilli rejissorlar idi. Filmdə Azərbaycan bayrağı dalğalanırdı. Film öz vəsaitim hesabına çəkilib. 157.69 dollarlıq az bir büdcəli filmin bu qədər uğurlu olacağını bilmirdim".

Rejissor özü də həmin filmdə əsas rollardan birini ifa edib: Ruslan İbrahimli (Müşfiq), Aytən Nəbiyeva (Asiya), Melisa Məmmədova (Balaca Asiya) və Ramal Əmirxanov (Balaca Müşfiq).

Üç nəfər ayrı-ayrı qazinin onlara xəstəxanada tibbi xidmət edən tibb bacısı ilə evləndiyi xəbəri Ruslanı da təsirləndirib. Əsrlikdə olan qazilərimizin müharibədən sonra yaranan psixoloji travmaları haqqında və fiziki məhdudiyyətli insanların cəmiyyətdə evlilik, sosial və psixoloji vəziyyəti ilə bağlı araşdırma aparan rejissor film sahəsinin ən kiçik qolu olan cinemobil kateqoriyasında filmi çəkməyə qərar verib.

"Daha öncə mənim komandamdan olan Aytən Nəbiyevaya Asiya obrazını canlandırmağı üçün təklif etdim. Ən çətini Qazi Müşfiq Əliyev, ad və soyad, təbii ki, uydurma idi, personajını tapmaq idi. Neçə dəfə Müşfiq obrazı üçün təkliflər etsəm də heç kim əlil arabasında oturmaq istəmirdi. Nəhayət Müşfiq obrazına özüm çəkiləsi oldum. İki ay ərzində həm ssenarisini yazırdım, həm də Müşfiq obrazını məşq edirdim".

Qeyd edək ki, rejissor öz şəxsi büdcəsi hesabına şəhidlər haqqında qısametrajlı sənədli filmlər də çəkib. Onun sözlərinə görə, həmin filmləri maraqla qarşılayan tamaşaçılar həmin şəhid ailələrinə yardım ediblər.

"Dörd nəfərlik komanda yaratmışdım. Komandada mən - rejissor və ssenari müəllifi olaraq, Yusif Qoca - aparıcı və mətn diktoru olaraq, Aytən Nəbiyeva - mətn diktoru və araşdırmaçı olaraq və Xədicə Amanova - mətn diktoru olaraq çalışırdıq. Mən sənədli filmləri fərqli bir konseptdə hazırlayırdım. Heç bir aktyordan istifadə etmədən tamamilə şəhid ailəsinin ağrı və acılarını olduğu kimi çəkmək istəyirdim. Çəkilişdən öncə onları dinləyirdim, danışdıqları hadisəyə bədiilik və ədəbilik qataraq ssenarini yazırdım. Yusif Qoca həm də aktyor olduğu üçün şəhid ailəsindən icazə alaraq şəhidin dilindən yazdığım sözləri səsləndirirdi".

Həmçinin oxuyun:

185
Təbriz şəhəri

Təbrizdə dahi şair Məhəmmədhüseyn Şəhriyarın xatirəsi anılıb

6
(Yenilənib 13:14 19.09.2021)
Mərasimdə İranın Şərqi Azərbaycan vilayətinin valisi Məhəmmədrza Purməhəmmədi, İranın Ali Rəhbərinin Şərqi Azərbaycandakı nümayəndəsi Məhəmməd Al-Haşim, şairlər, ictimaiyyətin nümayəndələri iştirak ediblər.

BAKI, 19 sentyabr — Sputnik. Ötən gün böyük Azərbaycan şairi Məhəmmədhüseyn Şəhriyarın vəfatının 33-cü ildönümü tamam olub. Sputnik Azərbaycan Azərtac-a istinadən xəbər verir ki, bu münasibətlə Təbrizdə dahi şairin məqbərəsi önündə mərasim keçirilib. Mərasimdə İranın Şərqi Azərbaycan vilayətinin valisi Məhəmmədrza Purməhəmmədi, İranın Ali Rəhbərinin Şərqi Azərbaycandakı nümayəndəsi Məhəmməd Al-Haşim, şairlər, ictimaiyyətin nümayəndələri iştirak ediblər. Mərasim iştirakçıları Şəhriyarın yaradıcılığı, həyat və fəaliyyətindən geniş söz açıblar.

Məhəmmədhüseyn Şəhriyar fars və Azərbaycan dillərində yazdığı şeirləri ilə insanlara vətənpərvərlik duyğuları aşılamış, milli həmrəylik ideyası təbliğ etmiş, milli ruhun oyanışında böyük xidmətlər göstərmişdir. O, klassik şeirin bütün şəkillərinə müraciət edib, ölməz sənət inciləri yaradıb.

Məhəmmədhüseyn Şəhriyar 1906-cı ildə Təbriz şəhərinin Bağmeşə bölgəsində, o zamanın tanınmış hüquqşünaslarından Hacı Mirağa Xoşginabinin ailəsində dünyaya gəlib. O, Təbrizdə orta təhsil alaraq Tehran Universitetinin tibb fakültəsinə daxil olub. Şəhriyarın ilk şeir kitabı 1931-ci ildə Tehranda nəşr olunub. O, ötən əsrin 20-ci illərindən etibarən artıq istedadlı bir şair kimi tanınmağa başlayıb. Məhəbbət lirikasının böyük korifeyləri Hafiz və Füzulinin qəzəlləri ilə müqayisəyə qadir olan sevgi şeirləri, dünya həyatının mahiyyəti barədə fəlsəfi düşüncələri əks etdirən hikmətli qəsidələri, real həyat müşahidələrinin məhsulu kimi yaranan lirik poemalar müəllifə böyük şöhrət gətirib.

M.Şəhriyar XX əsr Azərbaycan poeziyasının nəhəngləri sırasına ucaldan, ilk növbədə, onun ölməz "Heydərbabaya salam" poeması olub. Şəhriyar "Heydərbabaya salam" əsəri ilə Azərbaycan türkünün milli həyatını bütün cəhətləri ilə göstərməyə müvəffəq оla bilib. Sadə bir fоrmada yazılan poema hələ əlyazma şəklində yayılaraq şöhrət tapıb və dövrün ziyalılarının diqqətini özünə cəlb edib. Nə qədər ki, Azərbaycan xalqının həssas qəlbi döyünür, Şəhriyarın bu poeması nəsildən-nəslə ötürüləcək və yaddaşda qalacaqdır.

Məhəmmədhüseyn Şəhriyarın xatirəsi xalqın ürəyində əbədi yaşayır və sevilir. O, 1988-ci il sentyabrın 18-də 82 yaşında Təbrizdə vəfat edib. Onun vəfat etdiyi gün İranda "fars dili və şeir günü" kimi qeyd olunur.

6
Teqlər:
Məhəmmədhüseyn Şəhriyar

Saz ustası Özbəkistanda keçirilən Beynəlxalq Festivalda Azərbaycanı təmsil edəcək

9
(Yenilənib 12:41 19.09.2021)
UNESCO, TÜRKSOY və digər beynəlxalq təşkilatların nümayəndələrinin qatıldığı festivalda dünyanın müxtəlif ölkələrindən gələn baxşı, ozan, aşıq və akınlar, həmçinin folklorşünas alimlər, müxtəlif xalqların folklor qrupları iştirak edirlər.

BAKI, 19 sentyabr — Sputnik. Özbəkistanın Qaraqalpaq Respublikasının mərkəzi olan Nukus şəhərində II Beynəlxalq Baxşı Festivalının açılış mərasimi keçirilib. Sputnik Azərbaycan xəbər verir ki, UNESCO, TÜRKSOY və digər beynəlxalq təşkilatların nümayəndələrinin qatıldığı festivalda dünyanın müxtəlif ölkələrindən gələn baxşı, ozan, aşıq və akınlar, həmçinin folklorşünas alimlər, müxtəlif xalqların folklor qrupları iştirak edirlər. Ümumiyyətlə, festivala 260-dan çox sənət adamı qatılıb.

Festivalda ölkəmizi Azərbaycan Milli Konservatoriyasının müəllimi saz ustası Mübariz Əliyev təmsil edir.

Tədbirin açılış mərasimində Özbəkistan Baş nazirinin müavini, turizm və idman naziri Aziz Abduhakimov Prezident Şavkat Mirziyoyevin festival iştirakçılarına təbrikini oxuyub.

Xatırladaq ki, birinci festival 2019-cu ildə Qaşqadərya vilayətinin Termez şəhərində keçirilib.

Qeyd edək ki, saz ustası Mübariz Əliyev festivalda aşıq mahnıları və "Aşıq Qərib" dastanından hissələr ifa edəcək.

Həmçinin oxuyun:

Özbəkistanda işğaldan azad olunmuş ərazilərimizdə abidələrin bərpası müzakirə edilib

9
Teqlər:
saz, Özbəkistan
exit-poll

Rusiyada keçirilən seçkilərdə kim irəlidədir - Exit-poll nəticələri

6
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

6
Teqlər:
'exit-poll', Rusiya