Planşetlə oynayan uşaq

Uşaqları pornoqrafiya zorakılıq dolu materiallardan necə qoruya bilərik?

34
(Yenilənib 10:01 24.08.2021)
Ekspert: 9-10 yaşlı uşaqlar "TikTok" sosial şəbəkəsinə daxil olaraq hətta böyüklərin baxması eyib hesab edilən görüntüləri izləyir, sonra bununla bağlı valideynlərinə suallar da verirlər.

BAKI, 23 avqust — Sputnik. Böyüklər üçün nəzərdə tutulan saytlara giriş zamanı Avstraliyada rəqəmsal pasport tələb olunacaq. Burada məqsəd azyaşlıları müxtəlif zərərli informasiyalardan - zorakılıq və pornoqrafik məlumatlardan mühafizə etməkdir.

Avstraliya ilə yanaşı digər ölkələr də bu gün uşaqların pornoqrafik və zorakılığı təbliğ edən materiallara, informasiyalara əlçatanlığının qarşısını almaq üçün müxtəlif qanun layihələri hazırlayırlar.

Azərbaycanda da bu sahədə vəziyyət heç də ürəkaçan deyil. Əksər hallarda uşaqların telefonda yaşlarına uyğun olmayan, şiddət və zorakılığı təbliğ edən oyunlar oynadığının şahidiyik. Bu və bu kimi problemlər getdikcə daha da artır. Hüquq müdafiəçisi, Demokratiya və insan hüquqları komitəsinin sədri Çingiz Qənizadə Sputnik Azərbaycan-a açıqlamasında bu haqda danışaraq problemin ölkəmiz üçün aktuallığından söz açıb:

"Azyaşlı nəvəm var. O da zorakılığı təbliğ edən, güc nümayiş etdirən videolara baxdığına görə vurmaq, yıxmaq, kiməsə bıçaq vurmaq, boynunu qırmaqdan danışır. Bunu da eləməyə cəhd edir. Təbii ki, yaranmış vəziyyəti pis dəyərləndirirəm. Əlçatanlıq o həddədir ki, hətta analar uşağı yedirtmək üçün müxtəlif video və filmlər qoyurlar ki, o, telefona baxsın, təki yeməyini yesin. Digər tərəfdən yanaşsaq, görərik ki, böyüməkdə olan uşağın psixologiyası da dəyişir".

Ç.Qənizadə bildirir ki, zorakılıq təbliğ edildikcə uşaq da o cür formalaşır:

"Deyirik ki, ailədə şiddət görən uşaqlar sonradan cinayətə meyilli olurlar. Bu istər real, istərsə də, virtual həyatda olsun, hər ikisində belədir. Belə olan halda həmin uşaqların tərbiyəsində, ictimaiyyətdə özlərinə müəyyən yer tutmalarında, əxlaqında, emosiyalarında müəyyən problemlər olacaq. Bu səbəbdən də yaranmış bu vəziyyəti çox pis qiymətləndirirəm".

Ç.Qənizadə həmçinin qeyd edib ki, virtual məkanla bağlı qəbul olunan qərarlar işləmir:

“Kim nəyi təbliğ etmək istəyirsə, virtual məkana daxil olur və bunu təbliğ edir. Uşaqlarla bağlı çox narahatam. Böyüməkdə olan gənclərimiz təsadüfən əxlaqsız filmlərə də baxırlar. Məndə olan məlumata görə, 9-10 yaşlı uşaqlar "TikTok" sosial şəbəkəsinə daxil olaraq hətta böyüklərin baxması eyib hesab edilən görüntüləri izləyir, sonra bununla bağlı valideynlərinə suallar da verirlər".

Ekspert birmənalı şəkildə Avstraliyada qəbul olunan qanunu dəstəklədiyini və onun Azərbaycanda da tətbiqinin vacibliyini vurğulayıb:

"Dövlət və hakimiyyət bu problemlə əlaqədar müəyyən qrup və peşə sahiblərinə tapşırıqlar verməlidir ki, belə arzuolunmaz halların qarşısının alınması, heç olmasa azaldılması üçün işlərə başlanılsın".

Həmçinin oxuyun:

Uşaqlar arasında enerji içkiləri ilə bağlı vəziyyət nəzarətdən çıxıb

34
İnsanlar kinoteatrda, arxiv şəkli

Anar Kərimov: kinoteatrlar müəyyən şərtlərlə açılacaq

6
(Yenilənib 16:14 25.09.2021)
Pandemiya qaydalarına riayət edilməli, zalların 50 faizdən çox doldurulmaması, COVİD pasportu ilə giriş və zalların dezinfeksiyası tələbi yerinə yetirilməlidir.

 

BAKI, 25 sentyabr — Sputnik. Operativ qərargahla apardığımız konstruktiv danışıqlar nəticəsində oktyabrın 1-dən teatr, kinoteatr və konsert zalları açıq elan ediləcək. Amma burada müəyyən şərtlər var. Sputnik Azərbaycan-ın məlumatına görə, bunu mədəniyyət naziri Anar Kərimov deyib.

Nazir bildirib ki, pandemiya qaydalarına riayət edilməli, zalların 50 faizdən çox doldurulmaması, COVİD pasportu ilə giriş və zalların dezinfeksiyası tələbi yerinə yetirilməlidir.

“Mədəniyyət Nazirliyi fəaliyyət başladıqdan sonra ciddi nəzarət edəcək ki, bu qaydalara riayət olunsun, nəticə etibarilə insanların virusa yoluxmasına səbəb yaranmasın”, - deyə nazir vurğulayıb.

Qeyd edək ki, Nazirlər Kabinetinin dünən açıqladığı qərarına əsasən bir sıra xidmət sahələrinin fəaliyyətinə icazə verilib. Onların arasında teatr, kinoteatr və konsert zalları da var.

Həmçinin oxuyun:

Teatr və kinoteatrların fəaliyyəti bərpa edilir - Operativ Qərargah qərar verdi

Azərbaycanda COVID-19 pasportu olmadan bu sahələrdə hərəkət edə bilməyəcəksiz

6
Teqlər:
kinoteatr
Mədəniyyət naziri Anar Kərimov

Nazir: biz istərdik ki, Qarabağdakı abidələrimizin dağıdılması faktları araşdırılsın

508
(Yenilənib 16:14 25.09.2021)
UNESCO missiyasının Azərbaycanın işğaldan azad edilmiş ərazilərinə səfəri ilə bağlı danışıqlar davam etdirilir.

BAKI, 25 sentyabr — Sputnik. UNESCO missiyasının Azərbaycanın işğaldan azad edilmiş ərazilərinə səfəri ilə bağlı danışıqlar davam etdirilir. Sputnik Azərbaycan-ın məlumatına görə bu barədə Mədəniyyət naziri Anar Kərimov jurnalistlərə açıqlamasında bildirib.

Nazirin sözlərinə görə, Azərbaycanın şərtləri və bu missiyanın təşkili ilə bağlı texniki detallar UNESCO-ya onlara çatdırılıb:

“Məsələ hazırda UNESCO tərəfindədir. Biz onlardan bu məsələyə ədalətli və qərəzsiz mövqe gözləyirik. Gözləyirik ki, təşkilat məsələni siyasiləşdirməyəcək, missiyanı sırf öz mandatına uyğun olaraq həyata keçirəcək. Bu missiyanın həyata keçirilməsində çox maraqlıyıq. Çünki biz istərdik ki, Qarabağda olan tarix-mədəniyyət abidələrimizin dağıdılması faktları araşdırılsın və bütün dünya buna qiymət versin. Ona görə də belə bir missiyanın keçirilməsinin Azərbaycan hər zaman tərəfdarı olub. Biz gözləyirik ki, UNESCO da bu məsələyə eyni həssaslıqla yanaşsın".

508
Teqlər:
Anar Kərimov
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var